ଆବଶ୍ୟକ ସାମଗ୍ରୀ: ପନିର (୨୦୦ଗ୍ରାମ୍), ଅଳ୍ପ ପରିମାଣର ଅଦା(ଘସା ହୋଇଥିବା), ହଳଦୀଗୁଣ୍ଡ (ଅଧା ଚାମଚ), ଗରମ ମସଲା (ଅଧା ଚାମଚ), ଟମାଟୋ (ଗୋଟିଏ), ଗୋଲମରିଚ ଗୁଣ୍ଡ (ଅଳ୍ପ ପରିମାଣର), ୩ଟି ଛୋଟ ଆକାରରେ କଟା ହୋଇଥିବା ପିଆଜ, ଦହି (ଅଧାକପ୍), ଛୋଟ ଆକାରରେ କଟା ହୋଇଥିବା ଧନିଆ ପତ୍ର, ଅଧାକପ ପାଣି, ଆବଶ୍ୟକତା ଅନୁସାରେ ତେଲ ଏବଂ ସ୍ବାଦ ଅନୁସାରେ ଲୁଣ ।
ପ୍ରସ୍ତୁତି ପ୍ରଣାଳୀ: ପ୍ରଥମେ ଗ୍ୟାସ୍ ଲଗାଇ ହାଣ୍ଡିରେ ତେଲ ଗରମ କରନ୍ତୁ। ତେଲ ତାତିଲା ପରେ ଏଥିରେ କଟା ହୋଇଥିବା ପିଆଜ ପକାଇ ଦିଅନ୍ତୁ। ଏହାପରେ ଏହାକୁ ନାଲି ହେବାକୁ ଛାଡ଼ି ଦିଅନ୍ତୁ। ପରେ ଏଥିରେ ଅଦା,ହଳଦୀଗୁଣ୍ଡ, ଲାଲ୍ ଲଙ୍କାଗୁଣ୍ଡ,ଗରମ ମସଲା ପକାନ୍ତୁ। କିଛି ସମୟ କଷିଲା ପରେ ଏଥିରେ ଟମାଟୋ,କଞ୍ଚାଲଙ୍କା ପକାନ୍ତୁ। ପୁଣି ଏଥିରେ ଦହି ପକାନ୍ତୁ ଓ ଏଥିରୁ ପାଣି ଶୁଖିଲା ପର୍ଯ୍ୟନ୍ତ ଚଲାନ୍ତୁ। ଏହାପରେ ଏଥିରେ ଲୁଣ ଓ ପାଣି ପକାଇ ଫୁଟିବାକୁ ଛାଡି ଦିଅନ୍ତୁ। ଏବେ ପନିର ପକାଇ ତାକୁ ମିଶାଇ ଦିଅନ୍ତୁ। ଏହାପରେ ଧନିଆଁ ପତ୍ର ପକାନ୍ତୁ। ସର୍ବଶେଷରେ ଗୋଲମରିଚ ଗୁଣ୍ଡ ପକାନ୍ତୁ। ଏବେ ପ୍ରସ୍ତୁତ ହୋଇଗଲା ଆପଣଙ୍କ ହାଣ୍ଡି ପନୀର।
