ମାଲକାନଗିରି,୬|୩ (ଡି.ଏନ୍.ଏ.) – ମାଲକାନଗିରି ଜିଲା ସ୍ବାଭିମାନ ଅଞ୍ଚଳରେ କାର୍ଯ୍ୟ କରୁଥିବା ଜଣେ କନିଷ୍ଠ ଯନ୍ତ୍ରୀ ପ୍ରଶାନ୍ତ କୁମାର ବେହେରାଙ୍କୁ ଭିଡିଓ କନ୍ଫରେନ୍ସ ମାଧ୍ୟମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗୁରୁବାର ପ୍ରଶଂସା କରିଛନ୍ତି। ୫ଟି ବିଭାଗର ବିଭିନ୍ନ ଉନ୍ନୟନମୂଳକ କାର୍ଯ୍ୟ ଭିଡିଓ କନଫରେନ୍ସ ମାଧ୍ୟମରେ ମୁଖ୍ୟମନ୍ତ୍ରୀ ସମୀକ୍ଷା କରିବା ସମୟରେ ମାଲକାନଗିରି ଜିଲାର କନିଷ୍ଠଯନ୍ତ୍ରୀ ବେହେରାଙ୍କ କାର୍ଯ୍ୟ ସମ୍ପର୍କରେ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ। ମାଓବାଦୀଙ୍କ ଗଡ କୁହାଯାଉଥିବା ସ୍ବାଭିମାନ ଅଞ୍ଚଳର ବିକାଶ ପାଇଁ ଯନ୍ତ୍ରୀ ବେହେରା କେତେବେଳେ ପାଦରେ ଚାଲିଚାଲି ତ କେତେବେଳେ ବାଇକ୍୍ରେ ବିଭିନ୍ନ ଗ୍ରାମକୁ ଯାଇ ସେହି ଗ୍ରାମଗୁଡିକର ରାସ୍ତାଘାଟ କିପରି ତିଆରି କରାଯିବ ସେନେଇ ଲୋକଙ୍କୁ ସଚେତନ କରିବା ସହ କାର୍ଯ୍ୟକୁ ତ୍ୱରାନ୍ବିତ କରୁଛନ୍ତି।
ଯେ, ଚିତ୍ରକୋଣ୍ଡା ବ୍ଲକର ପଣସପୁଟ, ଜୋଡାମ୍ବ, ଅଣ୍ଡ୍ରାପାଲ୍ଲି, ଯନ୍ତ୍ରୀ, ପାପରମେଟଲା, ବଡପଡା, ବଡପଦର, ଗାଜୁଲମାମୁଡି, ଧୁଳିପୁଟ ଓ ଖଇରପୁଟ ବ୍ଲକର ମୁଦୁଲିପଡା, ଅଣ୍ଡ୍ରାହାଲ, ବଡଡୁରାଲ ପଞ୍ଚାୟତ ଦାୟିତ୍ୱରେ ଯନ୍ତ୍ରୀ ବେହେରା ରହିଛନ୍ତି। ଏଠାରେ ସବୁବେଳେ ଅପ୍ରୀତିକର ପରିସ୍ଥିତି ଲାଗି ରହିଥିଲା। ରାସ୍ତା ଓ ଗୃହ ନିର୍ମାଣ ପାଇଁ ମେଟାଲ, ବାଲି ଭଳି ଅନ୍ୟାନ୍ୟ ସାମଗ୍ରୀ ମିଳୁ ନ ଥିଲା। ଲାଲବାହିନୀର ନାଲିଆଖି ଯୋଗୁ ଠିକାଦାରମାନେ ମଧ୍ୟ ଏହି ଅଞ୍ଚଳରେ କାର୍ଯ୍ୟ କରିବାକୁ ସାହସ କରୁ ନ ଥିଲେ ା ତେବେ ଗୁରୁପ୍ରିୟା ସେତୁ ନିର୍ମାଣ ପରେ ସ୍ବାଭିମାନ ଅଞ୍ଚଳର ସମସ୍ତ ପଞ୍ଚାୟତ ଯେପରି ବ୍ଲକ ମହକୁମା ସହିତ ଯୋଡି ହେବ ସେଥିପାଇଁ ଜିଲା ପ୍ରଶାସନ ଯନ୍ତ୍ରୀ ବେହେରାଙ୍କୁ ଉକ୍ତ ଅଞ୍ଚଳର ଦାୟିତ୍ୱ ଦେଇଥିଲା। ଦାୟିତ୍ୱ ନେବା ପରେ ବେହେରା ବର୍ତ୍ତମାନ ସୁଦ୍ଧା ୯୦ କିଲୋମିଟର ମାଟି ରାସ୍ତା ଓ ୨୦ କିଲୋମିଟରରୁ ଊର୍ଦ୍ଧ୍ୱ ପିଚୁ ରାସ୍ତା ନିର୍ମାଣ କରିଛନ୍ତି ା ଜିଲାପାଳ ମନୀଷ ଅଗ୍ରଓ୍ବାଲଙ୍କ ପ୍ରୋତ୍ସାହନ ଏବଂ ଗ୍ରାମ୍ୟ ଉନ୍ନୟନ ବିଭାଗର ସହଯୋଗ ଯୋଗୁ ସ୍ବାଭିମାନ ଅଞ୍ଚଳର ବିକାଶ ଆଗେଇ ଚାଲିଛି ା ମୁଁ କେବଳ ଜଣେ ସରକାରୀ କର୍ମଚାରୀର ଦାୟିତ୍ୱ ତୁଲାଇଛି ବୋଲି ବେହେରା କହିଛନ୍ତି।
