ସ୍ବପ୍ନ ଭାଙ୍ଗିଦେବ ଫଟା ଡଷ୍ଟ୍‌ବିନ୍‌

ଭୁବନେଶ୍ୱର,୨୦।୧(ବ୍ୟୁରୋ): ଭୁବନେଶ୍ୱର ମହାନଗର ନିଗମ (ବିଏମ୍‌ସି) ଚଳିତ ବର୍ଷ ସ୍ବଚ୍ଛ ସର୍ବେକ୍ଷଣରେ ଭଲ ପ୍ରଦର୍ଶନ କରିବାକୁ ଆଶା ରଖିଛି। ନଂ.୧ ସ୍ମାର୍ଟସିଟି ଭଳି ସ୍ବଚ୍ଛ ସର୍ବେକ୍ଷଣକୁ ନେଇ ସ୍ବପ୍ନ ଦେଖୁଛି। ଏଥିପାଇଁ ଏକାଧିକ ଯୋଜନା ହାତକୁ ନେଇଥିବାବେଳେ ବହୁ ପ୍ରକଳ୍ପ କାର୍ଯ୍ୟ ମଧ୍ୟ ଆରମ୍ଭ ହୋଇଛି। ଗତ କିଛିଦିନ ତଳେ ଭୁବନେଶ୍ୱରକୁ ଖୋଲା ମଳମୁକ୍ତ (ଓଡିଏଫ++) ସହର ଭାବେ ବିଏମ୍‌ସି ଘୋଷଣା କରିଛି। ହେଲେ ସହରର ସ୍ବଚ୍ଛତା ଓ ପରିମଳ ବ୍ୟବସ୍ଥାରେ କେଉଁଠି ନା କେଉଁଠି ଅନେକ ବ୍ୟତିକ୍ରମ ଏବେ ନଜରକୁ ଆସିଛି। ସହରର କିଛି ମୁଖ୍ୟ ରାସ୍ତାର ରୂପ ବଦଳିଛି। ଗଛ, ଫୁଲ ଓ ଆଲୋକରେ ଚିକ୍‌ମିକ୍‌ ଦିଶୁଛି, ହେଲେ ଅଧିକାଂଶ କଲୋନୀ ଓ ସାହି ରାସ୍ତାର ବିକୃତ ସ୍ଥିତି ସହରବାସୀଙ୍କ ମନରେ ଏବେବି ଅସନ୍ତୋଷ ଭରିଦେଇଛି। ଏପରି କି କେତେକ ମୁଖ୍ୟ ରାସ୍ତା ଓ ଗଳି ରାସ୍ତାରେ ଅଳିଆ ଆବର୍ଜନା ପଡ଼ି ରହୁଥିବା ଦେଖିବାକୁ ମିଳିଛି। କେଉଁଠି ଡଷ୍ଟ୍‌ବିନ୍‌ରୁ ଅଳିଆ ଉଚ୍ଛୁଳି ରାସ୍ତାରେ ଉଡୁଛି ତ ଆଉ କେଉଁଠି ଫଟା ଡଷ୍ଟ୍‌ବିନ୍‌ ଓ ଡ୍ରେନ୍‌ରୁ ବାହାରିଥିବା ଆବର୍ଜନା ସହରର ଚିତ୍ରକୁ ବିକୃତ କରୁଛି। ଇତିମଧ୍ୟରେ ସ୍ବଚ୍ଛ ସର୍ବେକ୍ଷଣର ତୃତୀୟ କ୍ୱାର୍ଟର ଆରମ୍ଭ ହୋଇଥିବାବେଳେ କୌଣସି ମୁହୂର୍ତ୍ତରେ ବି କେନ୍ଦ୍ରୀୟ ଟିମ୍‌ ଭୁବନେଶ୍ୱର ଆସିବାର ସୂଚନା ମିଳିଛି। ଏପରି ସ୍ଥଳେ ଫଟା ଡଷ୍ଟ୍‌ବିନ୍‌ ବିଏମ୍‌ସିର ଭଲ ପ୍ରଦର୍ଶନ ସ୍ବପ୍ନକୁ ଭାଙ୍ଗିଦେବ ବୋଲି ଆଲୋଚନା ଚାଲିଛି।
ସହର ପରିମଳ ବ୍ୟବସ୍ଥାରେ ସୁଧାର ଆଣିବା ପାଇଁ ବିଏମ୍‌ସି ଠିକା ସଂସ୍ଥା ରାମ୍‌କି, ପିଏମ୍‌ଆର ଓ ଜାଗୃତିକୁ ନିୟମିତ ଭାବେ ଡଷ୍ଟବିନ୍‌ର ମରାମତି କରିବା, ଅଳିଆ ଉଠାଇବା, ଘରଠୁ ଘର ବୁଲି ଅଳିଆ ସଂଗ୍ରହ କରିବା ପାଇଁ ନିର୍ଦ୍ଦେଶ ଦେଇଛି। କିନ୍ତୁ ଏ କ୍ଷେତ୍ରରେ ଠିକା ସଂସ୍ଥାଗୁଡ଼ିକ ମନମୁଖୀ କାର୍ଯ୍ୟ କରୁଛନ୍ତି। ଏନେଇ ପରିମଳ ଦାୟିତ୍ୱରେ ଥିବା ଡେପୁଟି କମିଶନର ଶୁଭେନ୍ଦୁ ସାହୁ କହିଛନ୍ତି, ସହରକୁ ସବୁଦିନ ପାଇଁ ସ୍ବଚ୍ଛ ରଖିବା ଲାଗି ଚେଷ୍ଟା ଚାଲିଛି। ଠିକା ସଂସ୍ଥାମାନଙ୍କ ସହ ନିୟମିତ ଆଲୋଚନା କରାଯିବା ସହ ବିଭିନ୍ନ ଦିଗରେ ସୁଧାର ଆଣିବା ପାଇଁ ବିଏମ୍‌ସି ପ୍ରୟାସ ଜାରି ରଖିଛି। ଏପରି କି ଗତ ମାସରେ ସେମାନଙ୍କ ଦେୟରୁ ୨୦% ଅର୍ଥ କାଟ କରାଯାଇଛି। ପୂର୍ବାପେକ୍ଷା ସହରରେ ପରିମଳ ବ୍ୟବସ୍ଥାରେ ସୁଧାର ଆସିଛି ବୋଲି ସେ କହିଛନ୍ତି।
ଦୁଇ କ୍ୱାର୍ଟରରେ ନୈରାଶ୍ୟଜନକ ପ୍ରଦର୍ଶନ
ସ୍ବଚ୍ଛ ସର୍ଭେକ୍ଷଣର ଦୁଇଟି କ୍ବାର୍ଟର ସର୍ଭେ ସରିଯାଇଥିବାବେଳେ ଏହାର ଫଳ ପ୍ରକାଶ ପାଇଛି। ଏଥିରେ ଭୁବନେଶ୍ୱରର ପ୍ରଦର୍ଶନ ପୂର୍ବପରି ନୈରାଶଜନକ ରହିଛି। ଭୁବନେଶ୍ୱର ସହର ପ୍ରଥମ କ୍ୱାର୍ଟରରେ ୩୧୧ ଓ ଦ୍ୱିତୀୟ କ୍ୱାର୍ଟରରେ ୧୬୬ ର଼୍ୟାଙ୍କରେ ରହିଛି। ଏବେ ଗତ ୪ରୁ ୩୧ ତାରିଖ ଯାଏ ତୃତୀୟ କ୍ୱାର୍ଟର ସର୍ଭେ ଆରମ୍ଭ ହୋଇଛି। ଯଦି ସହରର ପରିମଳ ବ୍ୟବସ୍ଥା ଏପରି ରହିବ ତେବେ ପୁଣିଥରେ ଭୁବନେଶ୍ୱର ସ୍ବଚ୍ଛ ସର୍ବେକ୍ଷଣରେ ଖରାପ ପ୍ରଦର୍ଶନ କରିବ।
ଏହି ସପ୍ତାହରେ ଆସିପାରନ୍ତି ସର୍ବେକ୍ଷଣ ଟିମ୍‌
ସ୍ବଚ୍ଛ ସର୍ବେକ୍ଷଣର ତୃତୀୟ କ୍ୱାର୍ଟର ସର୍ଭେ ଆରମ୍ଭ ହୋଇଥିବାବେଳେ ସପ୍ତାହକ ମଧ୍ୟରେ ସର୍ବେକ୍ଷଣ ଟିମ୍‌ ଓଡ଼ିଶା ଆସିବାର ସୂଚନା ମିଳିଛି। ଏଥିପାଇଁ ବିଏମ୍‌ସିର ତତ୍ପରତା ବଢ଼ିଯାଇଛି। ଜଣେ ଅଧିକାରୀ କହିଛନ୍ତି, ସହରାଞ୍ଚଳ ବିକାଶ ନିମନ୍ତେ ଗଠିତ ସଂସଦୀୟ ଷ୍ଟାଣ୍ଡିଂ କମିଟି ଗତ ୧୭ରୁ ୧୯ତାରିଖ ଯାଏ ଭୁବନେଶ୍ୱର, ପୁରୀ ଓ କୋଣାର୍କ ଗସ୍ତ କରିଛନ୍ତି। ସେମାନେ ଭୁବନେଶ୍ୱର ସମେତ ରାଜ୍ୟର ଅନ୍ୟ କେତେକ ପୌରାଞ୍ଚଳ ବୁଲି ସ୍ବଚ୍ଛତା ଓ ପରିମଳ ସ୍ଥିତିର ସମୀକ୍ଷା କରୁଛନ୍ତି। ଯେକୌଣସି ସମୟରେ କେନ୍ଦ୍ରୀୟ ସର୍ବେକ୍ଷଣ ଟିମ୍‌ ପହଞ୍ଚତ୍ପାରନ୍ତି। ତାରିଖ ସମ୍ପର୍କରେ ଆମେ କହିପାରୁନାହୁଁ। କିନ୍ତୁ ଶେଷ ମୁହୂର୍ତ୍ତରେ ନୁହେଁ, ୨୦ରୁ ୨୬ ତାରିଖ ମଧ୍ୟରେ ସେମାନେ ଆସିବେ ବୋଲି ସୂଚନା ମିଳିଛି।


Enter your email to get our daily news in your inbox.

All Right Reserved By Dharitri.Com

ପ୍ରଫେସର ଗୌରକିଶୋର ଦାସଙ୍କ ପରଲୋକ

ଭୁବନେଶ୍ୱର, ୩ା୭(ବ୍ୟୁରୋ): ବିଶିଷ୍ଟ ଶିକ୍ଷାବିତ୍‌ ତଥା ଉତ୍କଳ ବିଶ୍ୱବିଦ୍ୟାଳୟର ପୂର୍ବତନ କୁଳପତି ପ୍ରଫେସର ଗୌରକିଶୋର ଦାସଙ୍କର ବୁଧବାର ଦେହାନ୍ତ ହୋଇଛି। ବାର୍ଦ୍ଧକ୍ୟ ଜନିତ ରୋଗରେ ପୀଡ଼ିତ...

୨୩ରୁ ପିପିଲିକୁ ଗଡ଼ିବ ମୋ ବସ୍‌

ଭୁବନେଶ୍ୱର,୨୧।୬(ବ୍ୟୁରୋ)- ଆସନ୍ତା ୨୩ ତାରିଖରୁ କ୍ୟାପିଟାଲ ରିଜିଅନ୍‌ ଅର୍ବାନ ଟ୍ରାନ୍ସପୋର୍ଟ (କ୍ରୁଟ୍‌) ଏକ ନୁଆ ରୁଟ୍‌ (ରୁଟ୍‌ ନଂ-୩୩) ଆରମ୍ଭ କରିବାକୁ ଯାଉଛି। ଏହା ଭୁବନେଶ୍ୱର...

କେନ୍ଦ୍ରାପଡ଼ା ବଳଦେବଜୀଉ ମନ୍ଦିର, ବଡ଼ଦାଣ୍ଡର ଉନ୍ନତୀକରଣ: ୮.୫ କୋଟି ଅନୁମୋଦନ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର, ୫।୧୧(ବ୍ୟୁରୋ)- ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କେନ୍ଦ୍ରାପଡ଼ାର ପ୍ରସିଦ୍ଧ ବଳଦେବଜୀଉ ମନ୍ଦିର ଏବଂ ଗ୍ରାଣ୍ଡରୋଡ୍‌(ବଡ଼ଦାଣ୍ଡ)ର ଉନ୍ନୟନ ପାଇଁ ୮ କୋଟି ୫୦ ଲକ୍ଷ ଟଙ୍କା ଅନୁମୋଦନ...

CORONAVIRUS UPDATE: ରାଜ୍ୟରେ ୪୭,୦୦୦ ଟପିଲା ଆକ୍ରାନ୍ତଙ୍କ ସଂଖ୍ୟା, ଆଜି ୧୫୨୮ ପଜିଟିଭ୍‌ ଚିହ୍ନଟ

ଭୁବନେଶ୍ୱର,୧୦ା୮(ବ୍ୟୁରୋ) : ସୋମବାର ୨୯ ଜିଲାରୁ ୧୫୨୮ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ୍‌ ଆକ୍ରାନ୍ତଙ୍କ ସଂଖ୍ୟା ୪୭,୪୫୫ରେ ପହଞ୍ଚିଥିବା ରାଜ୍ୟ...

୨୦୨୧ରେ ମହାକାଶକୁ ମଣିଷ ପଠାଇବ ଭାରତ: ଶିବନ

ଭୁବନେଶ୍ୱର,୨୧।୯(ବ୍ୟୁରୋ): ଜୀବନରେ ରିସ୍କ ନିଅ। ରିକ୍ସ ନ ନେଲେ ଜୀବନରେ କିଛି କରିପାରିବନି। ଭୁବନେଶ୍ୱର ଆଇଆଇଟି ସମାବର୍ତ୍ତନ ଉତ୍ସବରେ ଶନିବାର ଯୋଗଦେଇ ଇସ୍ରୋ ଅଧ୍ୟକ୍ଷ କେ....

ବିଷାକ୍ତ ହେଉଛି ଚାଷଜମି

ଭୁବନେଶ୍ୱର,୯ା୯(ବ୍ୟୁରୋ): ମାଟି ପ୍ରକୃତିର ଏକ ଅମୂଲ୍ୟ ସମ୍ପଦ। ମାତ୍ର ଚାଷ ପାଇଁ ଖେତରେ ବ୍ୟବହାର ହେଉଥିବା ଅତ୍ୟଧିକ ରାସାୟନିକ ସାର ଏବଂ ମାରାତ୍ମକ କୀଟନାଶକ ଭୟାନକ...

ସବ୍ୟସାଚୀଙ୍କ ଆଉ ଏକ ବଦାନ୍ୟତା: ୧୬ଦିନ ପରେ ମରଶରୀର ପାଇଲେ ପରିବାର

ଭୁବନେଶ୍ୱର, ୧୭।୭(ବ୍ୟୁରୋ): ବିଦେଶରେ ବନ୍ଧା ପଡ଼ିଥିଲା ମରଶରୀର। ଶେଷଥର ପାଇଁ ମରଶରୀରକୁ ଦେଖିବା ପାଇଁ ପରିବାର ବ୍ୟାକୁଳ ଥିଲେ। ୧୬ଦିନ ପରେ ମା’ ଫେରିପାଇଲେ ପୁଅକୁ,...

ଦିଲ୍ଲୀ ଏମ୍‌ସରୁ ସ୍ଥାନାନ୍ତର ହେବେ ଜଗା-କାଳିଆ:୭ରୁ ଏସ୍‌ସିବିରେ ଚିକିତ୍ସା

ଭୁବନେଶ୍ୱର,୩୦-୮(ବ୍ୟୁରୋ):ଅପରେଶନ ମାଧ୍ୟମରେ ଅଲଗା ହୋଇଥିବା କନ୍ଧମାଳର ଯୋଡ଼ାମୁଣ୍ଡ ଶିଶୁ ଜଗା-କାଳିଆ ଦିଲ୍ଲୀ ଏମ୍ସରୁ ସ୍ଥାନାନ୍ତର ହେବେ। ଆସନ୍ତା ୭ ତାରିଖରେ ଓଡ଼ିଶାରେ ପହଞ୍ଚତ୍ବା ପରେ ସେମାନଙ୍କୁ...

Coronavirus Update

UTI
Archives

Model This Week

Why Dharitri

Leave a comment

Your email address will not be published. Required fields are marked *