‘ସ୍ବପ୍ନମହଲର ସ୍ବପ୍ନା’ରେ ଡବଲ ଚରିତ୍ରରେ ରିଙ୍କି

ଦୁଇ ଯାଆଁଳା ଭଉଣୀ। ସ୍ବପ୍ନା ଆଉ ସୁଇଟି। ଦେଖିବାକୁ ଏକାପରି। ଠିକ୍‌ ଯେମିତି ଗୋଟିଏ ଚାଉଳରେ ଗଢ଼ା। ସ୍ବପ୍ନା କାନ୍ଦୁରୀ ହୋଇଥିବା ବେଳେ ସୁଇଟି ରୋକ୍‌ଠୋକ୍‌। କାହାରିକୁ ଛାଡ଼େନା। ପିଲାଟି ବେଳୁ ଅଲଗା ହୋଇଯାଇଛନ୍ତି ଏଇ ଦୁଇ ଭଉଣୀ। ବଡ଼ ହେଉଛି ସ୍ବପ୍ନା। ଭଲ ପାଉଛି ରାଜାକୁ। ମାତ୍ର ରାଜା ପାଇଁ ସ୍ବପ୍ନା କେବଳ ଜଣେ ବାନ୍ଧବୀ। ସ୍ବପ୍ନା ଯେ ତାକୁ ପ୍ରେମକରେ ସେକଥା ସେ ଭାବିପାରେନା। ପରିସ୍ଥିତିରେ ପଡ଼ି ଯେଉଁଦିନ ସ୍ବପ୍ନା ଅଜୟକୁ ବାହାହୋଇଯାଏ ସେହିଦିନ ରାଜା ଜାଣେ ଯେ, ସ୍ବପ୍ନା ତାକୁ ଭଲପାଉଥିଲା। ଅଥୟ ରାଜା ସ୍ବପ୍ନାକୁ ଖୋଜିବୁଲେ। ସ୍ବପ୍ନାର ସ୍ବାମୀ ଅଜୟର ଏକ ଗାଡ଼ି ଆକ୍ସିଡେଣ୍ଟ ହୁଏ। ତାକୁ ଉଦ୍ଧାର କରେ ରାଜା। ଆଉ ରାଜା ଅଜୟର ଜୀବନ ବଞ୍ଚେଇବା ପାଇଁ ତାକୁ ଯେଉଁଠିକି ନେଇଯାଏ ସେଠାରେ ଥାଏ ସୁଇଟି। ସୁଇଟି ଓ ସ୍ବପ୍ନା ତ ଏକାଭଳି ଦେଖିବାକୁ। ତେଣୁ ସୁଇଟିକୁ ଦେଖି ଉଭୟ ରାଜା ଓ ଅଜୟ ଭାବିନିଅନ୍ତି ସେ ହେଉଛି ସ୍ବପ୍ନା। ରାଜା କହେ ଏ ହେଉଛି ମୋ ପ୍ରେମିକା ସ୍ବପ୍ନା। ଅଜୟ କହେ, ଏ ହେଉଛି ମୋ ସ୍ତ୍ରୀ ସ୍ବପ୍ନା। ବାସ୍ତବରେ ସେ ସ୍ବପ୍ନା ହିଁ ନ ଥାଏ। ସେ ହେଉଛି ସୁଇଟି।
ଏହା ହେଉଛି ଯାତ୍ରା ‘ସ୍ବପ୍ନମହଲ’ ପ୍ରାୟୋଜିତ ଚଳିତବର୍ଷର ସୁପରହିଟ୍‌ ନାଟକ ‘ସ୍ବପ୍ନମହଲର ସ୍ବପ୍ନା’ର ସଂକ୍ଷିପ୍ତ କାହାଣୀ। ଏହାପରେ କାହାଣୀ କ’ଣ ହୁଏ କେଉଁ ଆଡ଼କୁ ଗତିକରେ ତାହା ଭିନ୍ନକଥା। ତେବେ ଯାହା ଗୁରୁତ୍ୱପୂର୍ଣ୍ଣ ତାହା ହେଉଛି ଏହି ଦ୍ୱୈତ(ଡବଲ) ଚରିତ୍ରରେ ଅଭିନୟକରି ଚରିତ୍ର ଦୁଇଟିକୁ ଶହେରୁ ଶହେ ପ୍ରତିଶତ ନ୍ୟାୟ ଦେବାରେ ସଫଳ ହୋଇଛନ୍ତି ରିଙ୍କି ଓରଫ ପ୍ରତିଭା ମହାରଣା। ଦୁଇଟି ଯାକ ଚରିତ୍ର ପରସ୍ପରର ବିପରୀତମୁଖୀ। ଜଣେ ଶାନ୍ତ ହେଲେ ଆଉ ଜଣେ ଅଶାନ୍ତ। ”ସାଧାରଣତଃ ଡବଲ ରୋଲ କରିବା କଷ୍ଟକର କଥା। ପୁଣି ଯାତ୍ରାରେ ଡବଲ ରୋଲ ଆହୁରି କଷ୍ଟକର। ଦୁଇଟା ଚରିତ୍ରକୁ ସମାନ ଭାବରେ ନ୍ୟାୟ ନ ଦେଲେ ନାଟକଟିକୁ ଦର୍ଶକ ଗ୍ରହଣ କରିବେ ନାହିଁ। ତେଣୁ ଚଳିତ ବର୍ଷ ଏହା ମୋ ପାଇଁ ଚ୍ୟାଲେଞ୍ଜ। ପାର୍ଟିର ପ୍ରଯୋଜକ, ପରିଚାଳକ, ନାଟ୍ୟକାର ତଥା ନିର୍ଦ୍ଦେଶକ ମୋତେ ଏଥିପାଇଁ ଯୋଗ୍ୟ ବୋଲି ଭାବିଛନ୍ତି। ଆଉ ମୁଁ ସେମାନଙ୍କର ଆଶା ଭରସାକୁ କେବେ ବି ତଳେ ପଡ଼ିବାକୁ ଦେବିନି“ ବୋଲି କହନ୍ତି ଜଲିଉଡ୍‌ର ଏହି ପ୍ରତିଭାଧାରୀ ନାୟିକା। ସେତିକି ନୁହେଁ, ସେ ଏକଥା ବି କହନ୍ତି ଯେ, ”ମୁଁ ଅଭିନୟ କରିବାକୁ ଆସିଛି। ମୋତେ ଯେତେ କଷ୍ଟକର ଅଭିନୟ କରିବାକୁ ଦେଲେ ବି ମୁଁ ପଛକୁ ଫେରିବିନି। ଈଶ୍ୱରଙ୍କ ଆଶୀର୍ବାଦ ଥିଲେ ଅଭିନୟକୁ ଚ୍ୟାଲେଞ୍ଜ ଭାବରେ ନେଇ ତାହାକୁ ସଫଳ କରିବି।“
ଆଲବମ୍‌ରୁ କ୍ୟାରିୟର ଆରମ୍ଭ କରିଥିବା ରିଙ୍କିଙ୍କ ଯାତ୍ରା ଇଂନିସ ଆରମ୍ଭ ହୋଇଥିଲା ‘ରଙ୍ଗମହଲ’ରୁ। ଇତିମଧ୍ୟରେ ସେ ଅନେକ ଯାତ୍ରାନୁଷ୍ଠାନରେ ନିଜର ଅଭିନୟ ଦକ୍ଷତା ଦେଖେଇ ସାରି ଚଳିତ ବର୍ଷ ଆସି ପହଞ୍ଚତ୍ଛନ୍ତି ଯାତ୍ରା ସ୍ବପ୍ନମହଲରେ। ଚଳିତବର୍ଷ ‘ସ୍ବପ୍ନମହଲର ସ୍ବପ୍ନା’ନାଟକକୁ ଛାଡ଼ିଦେଲେ ରିଙ୍କିଙ୍କ ହାତରେ ଅଛି ଆଉ ଦୁଇଖଣ୍ଡ ନାଟକ। ‘ଆପଣମାନେ ଖୁସି ତ’ ନାଟକରେ ସେ ଖୁସି ଚରିତ୍ରରେ ଅଭିନୟ କରିଥିବା ବେଳେ ‘ବାଦ୍‌ଶା’ ନାଟକରେ ସେ ନିଲମ୍‌ ଭୂମିକାରେ ଅଭିନୟ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ପ୍ରଥମଥର ରାଜନୀତିରେ ପାଦ ଦେଇ ବାଜି ମାରିଲେ ଏହି ଦୁଇ ଅଭିନେତ୍ରୀ

କେନ୍ଦ୍ରରେ ଭାଜପା ନେତୃତ୍ୱାଧୀନ ଏନ୍‌ଡିଏ ପୂର୍ଣ୍ଣ ସଂଖ୍ୟା ଗରିଷ୍ଠତା ହାସଲ କରି ସରକାର ଗଢ଼ିବାକୁ ଯାଉଛି। ଏଥର ଫିଲ୍ମ ଇଣ୍ଡଷ୍ଟ୍ରିର କିଛି ଅଭିନେତ୍ରୀ ଅଭିନେତା ପ୍ରଥମଥର...

୨୨ ବର୍ଷ ତଳେ ଐଶ୍ୱର୍ଯ୍ୟା ଗାଇଥିବା ଏକ ଗୀତର ଭିଡିଓ ଭାଇରାଲ

ଆଜି ବି ନୀଳନୟନା ଐଶ୍ୱର୍ଯ୍ୟା ରାୟ ବଚ୍ଚନଙ୍କ ପ୍ରଶଂସକଙ୍କ ସଂଖ୍ୟା କମ୍‌ ନାହିଁ। ତାଙ୍କ ସମ୍ପର୍କରେ କିଛି ଗୋଟିଏ ଖବର ପ୍ରକାଶ ପାଇଲେ ଏହା ତୀବ୍ର...

କରୋନା ଭୟ: ଗୃହପାଳିତ ପ୍ରାଣୀଙ୍କୁ ଘରୁ ବାହାର ନ କରିଦେବାକୁ ଅନୁରୋଧ କଲେ ଅନୁଷ୍କା

ମୁମ୍ବାଇ: କରୋନା ଭାଇରସର ସଂକ୍ରମଣ ଧୀରେ ଧୀରେ ବ୍ୟାପିବାରେ ଲାଗିଥିବା ବେଳେ ଏବେ ଦେଶରେ ଏହା ୫ଶହ ଅତିକ୍ରମ କରିଛି। ସେହିପରି କରୋନାରେ ମୃତକଙ୍କ ସଂଖ୍ୟା...

ପ୍ରେମରେ ପଡ଼ିଛନ୍ତି ରୁଦ୍ର

ଅଭିନେତା ରୁଦ୍ର ପାଣିଗ୍ରାହୀ ଏବେ ପ୍ରେମରେ ପଡ଼ିଯାଇଛନ୍ତି। ପୁଣି କାହା ସହ ରୋମାନ୍ସ ଚାଲିଛି ଜାଣନ୍ତି ? ବଙ୍ଗୀୟ ଅଭିନେତ୍ରୀ ସୋଲାଙ୍କି ଭୌମିକଙ୍କ ସହ। ହେଲେ...

ମାଆ ହେବାକୁ ଡରୁଛନ୍ତି ଏହି ଅଭିନେତ୍ରୀ

ମୁମ୍ବାଇ: ବଲିଉଡ୍‌ ବୋଲ୍ଡ କୁଇନ୍‌ ମଲ୍ଲିକା ସେରାଓ୍ବତ ଏବେ ବଡ ପରଦାଠାରୁ ଦୂରେଇ ରହିଛନ୍ତି ସତ। ହେଲେ ସୋସିଆଲ ମିଡିଆରେ ଖୁବ୍‌ ଆକ୍ଟିଭ ଥିବା ଏହି...

ଏହି କ୍ରିକେଟରଙ୍କ ପ୍ରେମରେ ପଡିଥିଲେ ବାହୁବଳୀ ଫେମ୍‌ ଅନୁଷ୍କା ସେଟ୍ଟୀ

ବଲିଉଡ ଏବଂ କ୍ରିକେଟ ମଧ୍ୟରେ ସମ୍ପର୍କ ବହୁ ପୁରୁଣା। ଅନେକ ସମୟରେ ବଲିଉଡ ଅଭିନେତ୍ରୀଙ୍କ ସହ କ୍ରିକେଟରଙ୍କ ପ୍ରେମ ସମ୍ପର୍କ ଗଣମାଧ୍ୟମରେ ବେଶ ଚର୍ଚ୍ଚା ହୋଇଥାଏ।...

କ୍ୱାରାଣ୍ଟାଇନ ପାଇଁ ନିଜ ଅଫିସ ଯୋଗାଇଦେଲେ ଗୌରୀ- ଶାହାରୁଖ

ମୁମ୍ବାଇ: କରୋନା ଭାଇରସର ସଂକ୍ରମଣକୁ ରୋକିବାକୁ ରାଜନେତା ଠାରୁ ନେଇ ସେଲିବ୍ରିଟି ପର୍ଯ୍ୟନ୍ତ ଟେଲି କଳାକାରଠାରୁ ସାଧାରଣ ଜନତାଙ୍କ ପର୍ଯ୍ୟନ୍ତ ସମସ୍ତେ ଆଗେଇ ଆସିଛନ୍ତି। ଏବେ...

ଚେସ୍‌ ପ୍ରିୟ କ୍ୟାଟ୍ରିନା

ଅଭିନେତ୍ରୀ ହେବା ପୂର୍ବରୁ କ୍ୟାଟ୍ରିନା ଚେସ୍‌ ଖେଳିବାକୁ ପସନ୍ଦ କରୁଥିଲେ। ଏପରି କି ଜଣେ ଭଲ ଚେସ୍‌ ଖେଳାଳି ଭାବରେ ସେ ଅନେକ ଥର ପୁରସ୍କୃତ...

Coronavirus Update


Archives

Model This Week

Why Dharitri