ତାଳଚେର,୨୩ା୧୦(ନି.ପ୍ର.) – ଅନୁଗୋଳ ଜିଲା କଣିହାଁସ୍ଥିତ ଏନ୍ଟିପିସି ପ୍ରକଳ୍ପର ନୂତନ ଚିଫ୍ ଜେନେରାଲ ମ୍ୟାନେଜର (ସିଜିଏମ୍) ଭାବେ ସୁଦୀପ ନାଗ ମଙ୍ଗଳବାରଠାରୁ ଦାୟିତ୍ୱ ଗ୍ରହଣ କରିଛନ୍ତି। ଏକଜିକ୍ୟୁଟିଭ ଡାଇରେକ୍ଟର ରମେଶ ବାବୁ ଭି. ସିଏମ୍ଡି ଏବଂ ଡେଜିକନେଟେଡ ଡାଇରେକ୍ଟର(ଅପରେଶନ୍ସ) ପଦବୀକୁ ଉନ୍ନୀତ ହେବାପରେ ଏହି ପଦବୀ ଖାଲି ପଡିଥିଲା। ନୂଆ ସିଜିଏମ୍ ସୁଦୀପ ଏନ୍ଟିପିସିର ଅପରେଶନ, ମେକାନିକାଲ ମେଣ୍ଟେନାନ୍ସ, ଇଇଏମଜି, ଅପରେଶନ ସର୍ଭିସ ଏବଂ ବିଜିନେସ ଡେଭେଲପମେଣ୍ଟ ଆଦି ବିଭାଗରେ ଦୀର୍ଘ ୩୨ ବର୍ଷ ଧରି କାର୍ଯ୍ୟ ସମ୍ପାଦନା କରିଛନ୍ତି। ସେ ଏନ୍ଆଇଟି ଦୁର୍ଗାପୁରରୁ ମେକାନିକାଲ ଇଞ୍ଜିନିୟରିଂରେ ଗ୍ରାଜୁଏଟ୍ ଭାବେ ଉତ୍ତୀର୍ଣ୍ଣ ହେବାପରେ ୧୯୮୭ରେ ଏନ୍ଟିପିସିରେ ଯୋଗ ଦେଇଥିଲେ। ଏମ୍ଡିଆଇ ଗୁରଗାଓଁରୁ ବିଜିନେସ ମ୍ୟାନେଜମେଣ୍ଟରେ ସେ ପିଜି ମଧ୍ୟ କରିଛନ୍ତି।
