ସାତକୋଶିଆ: ସାଇକେଲରେ ବୁଲି ଦେଖିହେବ ବନ୍ୟଜନ୍ତୁ

ବନ୍ତଳା,୩ା୧ – ଅନୁଗୋଳ ଜିଲା ସାତକୋଶିଆ ଅଭୟାରଣ୍ୟର ଶୋଭା ବୃଦ୍ଧି କରାଯିବ। ପ୍ରତିବର୍ଷ ଅଧିକରୁ ଅଧିକ ପର୍ଯ୍ୟଟକଙ୍କୁ ଆକୃଷ୍ଟ କରିବା ପାଇଁ ବନ ବିଭାଗ ପକ୍ଷରୁ ୫ କୋଟିରୁ ଅଧିକ ଟଙ୍କା ବ୍ୟୟରେ ଏ ନେଇ ସ୍ବତନ୍ତ୍ର ଯୋଜନା ପ୍ରସ୍ତୁତ କରାଯାଇଛି। ଅଭୟାରଣ୍ୟର କେତେକ ସ୍ଥାନରେ ଏଥିପାଇଁ କାର୍ଯ୍ୟ ମଧ୍ୟ ଆରମ୍ଭ ହୋଇଯାଇଛି। ଏହା ସମ୍ପୂର୍ଣ୍ଣ ହେଲେ ଏଠାକୁ ଆସୁଥିବା ଦେଶ ବିଦେଶର ପର୍ଯ୍ୟଟକଙ୍କୁ ବହୁ ଅଧିକ ସୁବିଧା ମିଳିପାରିବ। ଏପରି କି ସାତକୋଶିଆର ଶୋଭା ଯେପରି ସେମାନଙ୍କ ମନକୁ ମୁଗ୍ଧ କରିଦେବ ସେଥିପାଇଁ କିଛି ନିର୍ଦ୍ଦିଷ୍ଟ ଯୋଜନା ଉପରେ ଗୁରୁତ୍ୱ ଦେଇଛି ବନ ବିଭାଗ। ବିଶେଷକରି ପର୍ଯ୍ୟଟକମାନେ ଯେପରି ମହାନଦୀ ଗଣ୍ଡରେ ବୁଲି ମଗର, ଘଡ଼ିଆଳ ଓ ନାନା ପ୍ରଜାତିର ପଶୁପକ୍ଷୀ ଦେଖି ଖୁସି ହେବେ ସେଥିପାଇଁ ୬ଟି ନୂଆ ବୋଟ୍‌ ସହ ଗୋଟିଏ ଫ୍ଲୋଟିଂ ଜେଟି ଅଣାଯିବ। ଏଥିସହ ନେଚର କ୍ୟାମ୍ପରେ ରହୁଥିବା ପର୍ଯ୍ୟଟକଙ୍କୁ ଜଙ୍ଗଲରେ ବୁଲି ବନ୍ୟଜନ୍ତୁ ଦେଖିବାକୁ ସାଇକେଲ ଯୋଗାଇ ଦିଆଯିବ। ପିଲାଙ୍କ ପାଇଁ ପାର୍କ ଓ ନାନା ପ୍ରକାରର ଦୋଳି ବ୍ୟବସ୍ଥା କରାଯାଉଥିବା ବେଳେ ସମସ୍ତେ ଯେପରି ୩-ଡିର ମଜା ନେଇପାରିବେ ସେଥିପାଇଁ ଏକ ହଲ୍‌ ନିର୍ମାଣ କରାଯିବାର ଯୋଜନା ଥିବା ଡିଏଫ୍‌ଓ ରାମସ୍ବାମୀ ପି. ସୂଚନା ଦେଇଛନ୍ତି।
ଡିଏଫ୍‌ଓ ରାମସ୍ବାମୀ ପି. କହିଛନ୍ତି, କେନ୍ଦ୍ରୀୟ ଅନୁଦାନ, କାମ୍ପା ଅନୁଦାନ ଓ ଇକୋଟ୍ୟୁରିଜମ ଡେଭଲପମେଣ୍ଟ ପାଣ୍ଠିରୁ ୫ କୋଟିରୁ ଅଧିକ ଟଙ୍କା ଖର୍ଚ୍ଚ କରାଯାଇ ସାତକୋଶିଆ ଅଭୟାରଣ୍ୟରେ ପର୍ଯ୍ୟଟନର ବିକାଶ କରାଯିବ। ମହାନଦୀ ଗଣ୍ଡରେ ଥିବା ଘଡ଼ିଆଳ ଓ ମଗର କୁମ୍ଭୀର ଦେଖିବାକୁ ପ୍ରତିବର୍ଷ ହଜାର ହଜାର ପର୍ଯ୍ୟଟକ ଆସୁଛନ୍ତି। ଆଗାମୀ ଦିନରେ ଏଠାକୁ ଆସୁଥିବା ପର୍ଯ୍ୟଟକମାନେ କିପରି ମହାନଦୀରେ ବୁଲି ସାତକୋଶିଆର ଶୋଭାକୁ ଅଧିକ ଉପଭୋଗ କରିପାରିବେ ସେଥିପାଇଁ ବନ ବିଭାଗ ପୂର୍ବରୁ ୫ଟି ବୋଟ୍‌ ଆଣିଥିବା ବେଳେ ଏବେ ୯୫.୫୦ ଲକ୍ଷ ଟଙ୍କା ବ୍ୟୟରେ ଆଉ ୬ଟି ବୋଟ୍‌ ଓ ଗୋଟିଏ ଫ୍ଲୋଟିଂ ଜେଟି ଆଣିବାକୁ ଲକ୍ଷ୍ୟ ରଖିଛି। ଏଥିପାଇଁ ଟେଣ୍ଡର ସରିଛି। ଏହା ମାର୍ଚ୍ଚ ମଧ୍ୟରେ ମହାନଦୀକୁ ଆସିବ। ଏହାକୁ ଜିଲିଣ୍ଡା ରେଞ୍ଜ ବାଲିକିଆରିରେ ଓ ଟିକରପଡାରେ ରଖାଯିବ। ସେହିପରି ସାତକୋଶିଆ ପରିଦର୍ଶନରେ ଆସୁଥିବା ସ୍କୁଲ ପିଲାମାନେ ଯେପରି ବୁଲିବା ସହ ଖେଳିବାର ମଜା ନେଇପାରିବେ ତାହାକୁ ଲକ୍ଷ୍ୟ ରଖି ଟିକରପଡାର ଘଡ଼ିଆଳ ପ୍ରଜନନ ଓ ସଂରକ୍ଷଣ କେନ୍ଦ୍ର ସମ୍ମୁଖରେ ପାର୍କ କାର୍ଯ୍ୟ ଚାଲିଛି। ଏଥିରେ ଦୋଳି, ଚକ୍ରିଦୋଳି, ଖସଡ଼ା, ବାଲାନ୍ସ ଚେୟାର ଆଦି ଲଗା ଯାଇଛି। ଏଥିସହିତ ମହାନଦୀ ଗଣ୍ଡ, ପାହାଡ଼ ଓ ଜଳ ରାଶିର ସୌନ୍ଦର୍ଯ୍ୟକୁ ଉପଭୋଗ କରିବା ପାଇଁ ବିଭିନ୍ନ ସ୍ଥାନରେ ଚେୟାରମାନ ପକାଯାଇଛି। ନନ୍ଦନକାନନରୁ ୫ଟି ଘଡ଼ିଆଳ ଅଣାଯାଇ ଏଠାରେ ପ୍ରଜନନ କରାଯିବାର ଯୋଜନା ରହିଛି। ସେହିସବୁ ଘଡ଼ିଆଳକୁ ପର୍ଯ୍ୟଟକମାନେ ଅତି ନିକଟରୁ ଦେଖିପାରିବା ଭଳି ବ୍ୟବସ୍ଥା କରାଯାଉଛି। ବଣଭୋଜି ପାଇଁ ଆସୁଥିବା ପର୍ଯ୍ୟଟକମାନଙ୍କ ପାଇଁ ଗୋଟିଏ ସ୍ଥାନ ବଦଳରେ ଏଥର ଏକାଧିକ ଆକର୍ଷଣୀୟ ସ୍ଥାନ ଚିହ୍ନଟ କରାଯାଉଛି। ସେମାନେ ମଝିପଡା, ବେହେରାସାହି କିମ୍ବା ହାତିବାରିରେ ବଣଭୋଜି କରିପାରିବେ। ସ୍ଥାନୀୟ ଗ୍ରାମବାସୀ ସହଯୋଗ କଲେ ଏହା ସଫଳ ହେବା ସହ ଗଁା ଲୋକଙ୍କ ରୋଜଗାର ମଧ୍ୟ ବଢିବ। ଏ ସମ୍ପର୍କରେ ଗ୍ରାମବାସୀମାନଙ୍କ ସହିତ ଆଲୋଚନା କରି ଆଗାମୀ ଋତୁ ପୂର୍ବରୁ ସେସବୁ ପ୍ରସ୍ତୁତ କରାଯିବ। ପର୍ଯ୍ୟଟକଙ୍କୁ ସାତକୋଶିଆର ମନୋରମ ଦୃଶ୍ୟ, ବାଘ, ହାତୀ, ହରିଣ ଓ ଅନ୍ୟାନ୍ୟ ଜୀବଜନ୍ତୁ ସହିତ ସାତକୋଶିଆ ଗଣ୍ଡ, ଘଡ଼ିଆଳ ବିଚରଣ, ଅଧିବାସୀଙ୍କ ଜୀବନ ଜୀବିକା, ବନକର୍ମଚାରୀଙ୍କ କାର୍ଯ୍ୟ, ଅଧିବାସୀଙ୍କ ବିକାଶ, ସାଂସ୍କୃତିକ କାର୍ଯ୍ୟକ୍ରମ ଆଦି ସମ୍ପର୍କରେ ପରିଚିତ କରାଇବାକୁ ଏକ ୩ଡି ଫିଲ୍ମ ହଲ ନିର୍ମାଣ କରାଯିବାର ଯୋଜନା ରଖାଯାଇଛି। ଟିକରପଡା ବନବିଭାଗ ବଙ୍ଗଳା ନିକଟରେ ଏହା କରାଯିବ। ଯେଉଁ ପର୍ଯ୍ୟଟକମାନେ ନେଚର କ୍ୟାମ୍ପରେ ରହୁଛନ୍ତି ସେମାନଙ୍କ ପାଇଁ ସାଇକେଲରେ ବୁଲିବା ବ୍ୟବସ୍ଥା କରାଯିବ। ବଫର ଜଙ୍ଗଲରେ ସେମାନେ ସାଇକେଲ ଚାଳନା ବେଳେ ତାଲିମପ୍ରାପ୍ତ ଗାଇଡ ସୁରକ୍ଷା ଦେବେ। ଏହି ବଫର ଅଞ୍ଚଳରେ ସମ୍ପୃକ୍ତ ପର୍ଯ୍ୟଟକମାନେ କିପରି ବନ୍ୟଜନ୍ତୁଙ୍କୁ ସିଧାସଳଖ ଦେଖି ପାରିବେ ସେଥିପାଇଁ ଉଚ୍ଚପଦସ୍ତ ଅଧିକାରୀଙ୍କ ସହିତ ଆଲୋଚନା କରାଯାଇ ବ୍ୟବସ୍ଥା କରାଯିବ। ନନ୍ଦନକାନନରୁ ବଡ଼ କଇଁଛ ଅଣାଯାଇ ପର୍ଯ୍ୟଟକଙ୍କୁ ଦେଖାଯିବ। ଘଡ଼ିଆଳ ପ୍ରଜନନ କେନ୍ଦ୍ରରେ ଏହି କଇଁଛଙ୍କ ପାଇଁ ନୂଆ ଏନକ୍ଲୋଜର ନିର୍ମାଣ ହୋଇଛି। ସେହିପରି ପର୍ଯ୍ୟଟକଙ୍କ ମନରେ ସାତକୋଶିଆର ସ୍ମୃତି ଉଜ୍ଜୀବିତ ରଖିବା ପାଇଁ ବ୍ୟାଘ୍ର ପ୍ରକଳ୍ପ ଲୋଗୋ ଥିବା ସ୍ବତନ୍ତ୍ର ଭାବେ ଟି-ଶାର୍ଟ ଓ ଟୋପି ବିକ୍ରି କରାଯିବ। ପୁରୁଣା ହୋଇଯାଇଥିବା ଇକୋ କଟେଜ ଗୁଡ଼ିକର ମରାମତି ସହିତ ଏହାକୁ ବୃଦ୍ଧି କରାଯିବ। ଏଥିପାଇଁ ୩୦ ଲକ୍ଷ ଟଙ୍କାର ପ୍ରସ୍ତାବ ଦିଆଯାଇଥିବା ଡିଏଫ୍‌ଓ ରାମାସ୍ବାମୀ ପି. ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ଭିନ୍ନ ରହିବେନି ଭିନ୍ନକ୍ଷମ

ଅନୁଗୋଳ ଅଫିସ, ୨୭।୨ ଜନ୍ମରୁ ହେଉ ଅବା ରୋଗ କି ଦୁର୍ଘଟଣା, ବିଭିନ୍ନ କାରଣରୁ ଭିନ୍ନକ୍ଷମ ହୋଇଯାଇଥିବା ବ୍ୟକ୍ତିଙ୍କୁ ଶାରୀରିକ ଭାବେ ସକ୍ଷମ କରାଯିବ। କୃତ୍ରିମ...

କୋଇଲା ଖଣି ବନ୍ଦ ଘଟଣାରେ ସରପଞ୍ଚଙ୍କ ଅଭିଯୋଗ

କଣିହଁ।, ୧୧ା୬ (ଡି.ଏନ.ଏ.)କଣିହାଁ ବ୍ଲକସ୍ଥିତ ଏମ୍‌ସିଏଲ୍‌ର କୋଇଲା ଖଣି କାର୍ଯ୍ୟ ରବିବାର ବନ୍ଦକୁ ନେଇ ମାମଲା ରୁଜୁ ପରେ ସୋମବାର ଖବରଦାତା ସମ୍ମିଳନୀ କରିଛନ୍ତି ଜରଡା...

ଜରପଡ଼ାକୁ ବ୍ଲକ ମାନ୍ୟତା ଦାବି; ଆଞ୍ଚଳିକ ବିକାଶ ପରିଷଦର ଆନ୍ଦୋଳନ ଚେତାବନୀ

ଛେଣ୍ଡିପଦା,୨୨।୭(ଡି.ଏନ.ଏ.) ଛେଣ୍ଡିପଦା ନିର୍ବାଚନ ମଣ୍ଡଳୀ ଅନ୍ତର୍ଗତ ଜରପଡାକୁ ବ୍ଲକ ମାନ୍ୟତା ପ୍ରଦାନ ପାଇଁ ଦାବି କରିଛି ଜରପଡା ଆଞ୍ଚଳିକ ବିକାଶ ପରିଷଦ। ଏ ନେଇ ଆଞ୍ଚଳିକ ବିକାଶ...

ପ୍ରାଣୀ ଚିକିତ୍ସାକୁ ଉପେକ୍ଷା

ବଅଁରପାଳ,୨୪।୧୨(ଡି.ଏନ.ଏ.): ଗ୍ରାମାଞ୍ଚଳ ଅର୍ଥନୀତିକୁ ମଜଭୁତ କରେ ପ୍ରାଣୀ ସମ୍ପଦ। ଗୋପାଳନ ସହ ଛେଳି, ମେଣ୍ଢା, କୁକୁଡ଼ା ଆଦିରୁ ଅତିରିକ୍ତ ଆୟ କରନ୍ତି ଲୋକେ। ସେଥିପାଇଁ ସରକାର ଏସବୁ...

କଷ୍ଟ ଦୂର କରିବ ନଷ୍ଟ ହେଉଥିବା ପାଣି

ପାଲଲହଡା,୧୪ା୮(ଡି.ଏନ.ଏ.) ନଷ୍ଟ ହେଉଥିବା ଝରଣା ପାଣିରେ ଚାଷୀଙ୍କ ଜଳ କଷ୍ଟ ଦୂର କରାଯିବ। ପାହାଡ଼ ଉପରେ ଚେକ୍‌ଡ୍ୟାମ ନିର୍ମାଣ କରାଯାଇ ୬୦୦ ଏକର ଜମିକୁ ଜଳସେଚନର...

ଆଷାଢ଼େ ଖୋଲିବ ଜଳଛତ୍ର

ଅନୁଗୋଳ ଅଫିସ୍‌, ୬।୬ – ବୈଶାଖ ଯାଇ ଜ୍ୟେଷ୍ଠ ସରିବାକୁ ବସିଲାଣି। ଆଉ କିଛି ଦିନ ପରେ ଆଷାଢ଼ ପଶିବ। କିନ୍ତୁ ଏଯାଏ ଅନୁଗୋଳରେ ଜଳଛତ୍ର...

ସ୍ବତନ୍ତ୍ର ନିୟମାବଳୀ ଉପରେ ନିର୍ଭର

ଅନୁଗୋଳ ଅଫିସ, ୧୩।୬ – ଚଳିତ ବର୍ଷ ଅନୁଗୋଳ ଶୈଳଶ୍ରୀକ୍ଷେତ୍ର ରଥଯାତ୍ରା କିପରି ହେବ ତାହା ନିର୍ଭର କରୁଛି ସରକାରଙ୍କ ସ୍ବତନ୍ତ୍ର ନିୟମାବଳୀ ଉପରେ। ଏହା...

କରୋନା ଯୋଦ୍ଧାଙ୍କୁ ସମ୍ବର୍ଦ୍ଧନା

ପାଲଲହଡା,୧୦।୫(ଡି.ଏନ.ଏ.) – ପାଲଲହଡା ଉପଖଣ୍ଡର ଯୁବ ସଙ୍ଗଠନ ୟୁଥ୍‌ ଫର୍‌ ପାଲଲହଡା ପକ୍ଷରୁ କରୋନା ଯୋଦ୍ଧା ତଥା ଉପଖଣ୍ଡ ଚିକିତ୍ସାଳୟର ଡାକ୍ତର ଏବଂ ସ୍ବାସ୍ଥ୍ୟକର୍ମୀମାନଙ୍କୁ ସମ୍ବର୍ଦ୍ଧନା...

Advertisement


Archives

Model This Week

Why Dharitri