ସରପଞ୍ଚରୁ ମନ୍ତ୍ରୀ ହେଲେ ଜଗନ୍ନାଥ

ଗୁଣପୁର/ମୁନିଗୁଡ଼ା,୩୦।୫(ଡି.ଏନ.ଏ)- ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ୫ମ ଥର ପାଇଁ ଗଠିତ ହୋଇଥିବା ସରକାରରେ ବିଷମକଟକ ନିର୍ବାଚନମଣ୍ଡଳୀର ବିଧାୟକ ଜଗନ୍ନାଥ ସାରକାଙ୍କୁ ରାଷ୍ଟ୍ରପାହ୍ୟା ମନ୍ତ୍ରୀ ପଦ ମିଳିଛି। ବୁଧବାର ସେ ୨୦ ଜଣିଆ ମନ୍ତ୍ରିମଣ୍ଡଳରେ ସାମିଲ ହୋଇ ଶପଥ ଗ୍ରହଣ କରିଛନ୍ତି। ତାଙ୍କୁ ଅନୁସୂଚିତ ଜାତି ଏବଂ ଜନଜାତି କଲ୍ୟାଣ ବିଭାଗ ମନ୍ତ୍ରୀ ଭାବେ ଦାୟିତ୍ୱ ଦିଆଯାଇଛି। ଏ ନେଇ ବିଷମକଟକ ଅଞ୍ଚଳ ସହ ସମଗ୍ର ଜିଲାରେ ଖୁସିର ଲହରି ଖେଳିଯାଇଛି।ଜିଲାର ଦଳୀୟ ନେତା ଏବଂ କର୍ମୀମାନେ ମନ୍ତ୍ରୀ ଜଗନ୍ନାଥଙ୍କ ନିକଟକୁ ଅଭିନନ୍ଦନ ଏବଂ ଶୁଭେଚ୍ଛାର ସୁଅ ଛୁଟିଛି।
ମନ୍ତ୍ରୀ ଜଗନ୍ନାଥଙ୍କ ଘର ବିଷମକଟକ ବ୍ଲକ ଝିଗିଡି ପଞ୍ଚାୟତ ମୁଣ୍ଡା ଗ୍ରାମରେ। ୧୯୯୫ରେ ରାୟଗଡା କଲେଜରେ ଡିଗ୍ରୀ ସରିବା ପରେ ୧୯୯୭ରୁ ୨୦୦୦ ପର୍ଯ୍ୟନ୍ତ ଜୟପୁରରେ ଓକିଲାତି ପାଠ ପଢିଥିଲେ ମନ୍ତ୍ରୀ ଜଗନ୍ନାଥ। ୨୦୦୨ରେ ବିଷମକଟକରେ ଓକିଲାତି ଆରମ୍ଭ କରିଥିଲେ। ଏଥିସହ ଜୟପୁର ରେଡିଓ ଷ୍ଟେଶନରେ ଆଦିବାସୀ ଭାଷାଭିତ୍ତିକ କାର୍ଯ୍ୟକ୍ରମରେ ସଂଯୋଜକ ଭାବେ କାର୍ଯ୍ୟ କରିଛନ୍ତି ସେ। ୧୯୯୭ରେ ପ୍ରଥମ ଥର ପାଇଁ ସମିତି ସଭ୍ୟ ଭାବେ ନିର୍ବାଚନ ମଇଦାନକୁ ଆସିଥିଲେ। ୨୦୦୨ରେ ସରପଞ୍ଚ ଭାବେ ନିର୍ବାଚିତ ହୋଇଥିଲେ। ୨୦୦୭ରେ ଜିଲା ପରିଷଦ ସଭ୍ୟ ଏବଂ ରାୟଗଡା ଜିଲା ପରିଷଦ ଅଧ୍ୟକ୍ଷ ଭାବେ ନିର୍ବାଚିତ ହୋଇଥିଲେ। ୨୦୦୯ରେ ପ୍ରଥମେ ବିଧାୟକ ପ୍ରାର୍ଥୀ ଭାବେ ବିଜେଡିରୁ ବିଷମକଟକ ଅଞ୍ଚଳରୁ ପ୍ରତିଦ୍ବନ୍ଦ୍ୱିତା କରି ୩୪୯ ଭୋଟରେ ହାରି ଯାଇଥିଲେ। ସେ ନୀରବ ନ ରହି ଲୋକଙ୍କ ଗହଣରେ ରହିବା ସହ ସମସ୍ତଙ୍କ ଆସ୍ଥାଭାଜନ ହେବାକୁ ଚେଷ୍ଟା କରିଥିଲେ। ୨୦୧୪ ନିର୍ବାଚନରେ ପୁଣି ଥରେ ସେ ବିଜେଡ଼ିରୁ ପ୍ରାର୍ଥୀ ହୋଇ ଡମ୍ବରୁଧର ଉଲ୍ଲାକାଙ୍କୁ ହରାଇଥିଲେ। ୨୦୧୯ରେ ମଧ୍ୟ ଜଗନ୍ନାଥ ପ୍ରତିଦ୍ବନ୍ଦ୍ୱିତା କରି ବିଜୟ ଲାଭ କରିଛନ୍ତି। କ୍ରମାଗତ ଭାବେ ଦୁଇଥର ବିଜୟ ଦଳ ନେତୃବୃନ୍ଦଙ୍କ ନିକଟରେ ଜଗନ୍ନାଥ ପ୍ରିୟପାତ୍ର ହୋଇପାରିଛନ୍ତି। ଚାଷୀ ପରିବାରରେ ଜନ୍ମ ଗ୍ରହଣ କରିଥିବା ମନ୍ତ୍ରୀ ଜଗନ୍ନାଥ ପିଲା ଦିନେ ବହୁତ କଷ୍ଟରେ ପାଠ ପଢା ସାରିବା ସହ ବାପାଙ୍କ ସହିତ ମିଶି ଚାଷ କାର୍ଯ୍ୟରେ ସହଯୋଗ କରୁଥିଲେ ା ବିଧାୟକ ଥିବା ସମୟରେ ମଧ୍ୟ ସେ ବିଲକୁ ଯାଇ ହଳଲଙ୍ଗଳ ଧରୁଥିଲେ। ଯାହା ପାଇଁ ସେ ଖୁବ୍‌ ଚର୍ଚ୍ଚାର ବିଷୟ ଥିଲେ ା ଏପରି ଆଦର୍ଶ ଏବଂ ଶୃଙ୍ଖଳିତ ଜୀବନ ପାଇଁ ଜଗନ୍ନାଥଙ୍କୁ ମନ୍ତ୍ରୀ ପଦ ମିଳିବାରେ ସହାୟକ ହୋଇଛି ବୋଲି ରାଜନୈତିକ ପର୍ଯ୍ୟବେକ୍ଷକମାନେ ମତ ଦେଇଛନ୍ତି।
ସେ ମନ୍ତ୍ରୀପଦ ପାଇବା ଯେତିକି ଆନନ୍ଦ ଦାୟକ ସମସ୍ୟା ମଧ୍ୟ ସେମିତି ଚାଲେଞ୍ଜ ହୋଇଛି। କାରଣ ଅବିଭକ୍ତ କୋରାପୁଟ ଜିଲା ଆଦିବାସୀ ଅଧ୍ୟୁଷିତ ଅଞ୍ଚଳ। ଏଠାରେ ରହିଛି ଆଦିବାସୀଙ୍କ ନାନା ସମସ୍ୟା। ବିଭିନ୍ନ ଉପଖଣ୍ଡ ସଦର ମହକୁମାରେ ଆଇଟିଡିଏ ପ୍ରକଳ୍ପ କାଯର୍ର୍‌ୟକାରୀ ହେଉଛି। ଏହି ଅନୁଷ୍ଠାନକୁ କିପରି ଅଧିକମାତ୍ରାରେ ଅନୁଦାନ ଆସି ଆଦିବାସୀଙ୍କ ବିକାଶ କରାଯିବ, ତାହା ବଡ ସମସ୍ୟା ହୋଇରହିଛି ା ସେହିପରି କଲ୍ୟାଣବିଭାଗ ଦ୍ବାରା ପରିଚାଳିତ ସ୍କୁଲଗୁଡିକରେ ଶିକ୍ଷକ ଅଭାବ ା କୋଟି କୋଟି ଟଙ୍କା ଖର୍ଚ୍ଚ ହେଉଥିଲେ ମଧ୍ୟ ପିଲାଙ୍କ ଶିକ୍ଷାରମାନ ବୃଦ୍ଧି ପାଉନାହିଁ। ଶିକ୍ଷକ ଅଭାବ ଯୋଗୁଁ ଶିକ୍ଷାଦାନ ବାଧାପ୍ରାପ୍ତ ହେବାସହ ମାଟ୍ରିକ ପରୀକ୍ଷା ଫଳାଫଳ ମଧ୍ୟ ନୈରାଶ୍ୟଜନକ ରହୁଛି। କଲ୍ୟାଣବିଭାଗ ଦ୍ବାରା ପରିଚାଳିତ ସ୍କୁଲଗୁଡିକରେ ଦିନକୁ ଦିନ ଯୌନ ନିର୍ଯାତନା ବୃଦ୍ଧି ପାଉଥିବାବଳେ ଏହାକୁ ରୋକାଯିବା ଦିଗରେ ମନ୍ତ୍ରୀଙ୍କ କଣ ପଦକ୍ଷେପ ରହୁଛି ତାହା ଉପରେ ସମସ୍ତଙ୍କ ନଜର। ସେହିପରି ଗୁଣପୁର ବ୍ଲକର ଅନେକ ଅଞ୍ଚଳରେ ଲାଞ୍ଜିଆ ସୌରା ଜନଜାତିର ଲୋକ ବସବାସ କରୁଛନ୍ତି। ସେମାନଙ୍କ ବିକାଶ ପାଇଁ ପୁଟାସିଂଠାରେ ଲାଞ୍ଜିଆ ସୌରା ଉନ୍ନୟନ ସଂସ୍ଥା ରହିଛି। ଅଫିସ ପୁଟାସିଂରେ ହେଲେ ଏହାର କାର୍ଯ୍ୟକ୍ଷେତ୍ର ହେଉଛି ଶଗଡା ପଞ୍ଚାୟତରେ। ଏହାକୁ ନେଇ ଲାଞ୍ଜିଆ ସୌରା ଲୋକଙ୍କ ମଧ୍ୟର ତୀବ୍ର ଅସନ୍ତୋଷ ଲାଗି ରହୁଛି। ଏହାକୁ ନେଇ ସେମାନେ ଅନେକ ଥର ରାଜାରାସ୍ତାକୁ ଓହ୍ଲାଇଛନ୍ତି। ଗୁଣପୁର ବ୍ଲକର ଚିନାସାରି, କୁଲୁସିଂ, ପୁଟାସିଂ, ଶଗଡା, ଜଲତାର ଏବଂ ଟଲଣା ଅଞ୍ଚଳରେ ବିଶେଷକରି ଏହି ଜନଜାତି ଲୋକେ ବହୁଳ ଭାବେ ରହୁଛନ୍ତି। ଦୀର୍ଘବର୍ଷ ଧରି ସେମାନଙ୍କୁ ମଧ୍ୟ ଏହି ଯୋଜନାରେ ସାମିଲ କରିବାକୁ ଦାବି କରି ଆସୁଛନ୍ତି। କାଶୀପୁର ଅଞ୍ଚଳରେ ରହୁଥିବା ଝୋଡିଆଙ୍କୁ ଆଦିବାସୀ ମାନ୍ୟତା ଦାବି ମଧ୍ୟ ମୁଖ୍ୟ ସମସ୍ୟା। ଏହି ଦାବି ପଲ୍ଲୀଠାରୁ ଦିଲ୍ଲୀ ପର୍ଯ୍ୟନ୍ତ ପହଁଞ୍ଚିଛି। ଏହି ଦାବିକୁ ନେଇ ଝୋଡିଆ ସମ୍ପ୍ରଦାୟର ଲୋକମାନେ ବଳିଦାନ ମଧ୍ୟ ଦେଇଛନ୍ତି। ବିଷମକଟକ ନିର୍ବାଚନମଣ୍ଡଳୀରେ ବସବାସ କରୁଥିବା ଡଙ୍ଗରିଆ କନ୍ଧଙ୍କ ବିକାଶ ଦିଗରେ ମନ୍ତ୍ରୀ କି ପଦକ୍ଷେପ ନେଉଛନ୍ତି ତାହା ଉପରେ ଏବେ ସମସ୍ତଙ୍କ ନଜର। ଏପରି ଅନେକ ସମସ୍ୟା ଏବେ ମନ୍ତ୍ରୀଙ୍କ ପାଇଁ କଡା ଚାଲେଞ୍ଜ ହୋଇ ରହିଛି।


Enter your email to get our daily news in your inbox.

All Right Reserved By Dharitri.Com

ଶ୍ରମିକଙ୍କ ସ୍ବାର୍ଥ ଦୃଷ୍ଟିରୁ ନୂତନ ଆଇନ୍‌ ଅଣାଯାଉ

ଜୟପୁର ୧।୫(ନି.ପ୍ର.): ବୁଧବାର ଜୟପୁରରେ ବିଶ୍ୱ ଶ୍ରମିକ ଦିବସ ପାଳିତ ହୋଇଛି।  ନିର୍ମାଣ ଶ୍ରମିକ ମିଳିତ ସଂଘର ପକ୍ଷରୁ ଏହି ଅବସରରେ ଏକ  ଶୋଭାଯାତ୍ରା ବାହାରି...

ମୁନିଗୁଡାରେ ଲାଗିଲା ମାଓବାଦୀ ପୋଷ୍ଟର, ବ୍ୟାନର୍‌

ମୁନିଗୁଡା,୧୬।୧୦(ଡି.ଏନ.ଏ.):ରାୟଗଡା ଜିଲା ମୁନିଗୁଡା ଥାନା ଅନ୍ତର୍ଗତ ରାମନାକୁପୁଲି ଛକ ନିକଟରେ ବୁଧବାର କିଛି ମାଓବାଦୀ ବ୍ୟାନର ଓ ପୋଷ୍ଟର ଲାଗିଥିବା ଦେଖାଯାଇଛି। ଉକ୍ତ ମାଓବାଦୀ ବ୍ୟାନର...

ଭାଇରାଲ ହେଉଛନ୍ତି ଜୟପୁରର କିଶୋର କୁମାର

ଜୟପୁର,୪ା୯ (ଡି.ଏନ୍‌.ଏ.):‘ଚଲ୍‌ତେ ଚଲ୍‌ତେ ମେରେ ୟେ ଗୀତ୍‌ ୟାଦ୍‌ ରଖନା, କଭି ଅଲ୍‌ବିଦା ନା କେହ୍‌ନା।’ ଜୟପୁର ସହରର ଏକ ନିର୍ଦ୍ଦିଷ୍ଟ ଅଟୋରେ ଆପଣ ଯାତ୍ରା...

ପେପର ମିଲ୍‌ ଉପରେ ୧୫୦୦ କୋଟିର ବକେୟା

ଜୟପୁର,୨୮।୬ : କୋରାପୁଟ ଜିଲା ଜୟପୁର ସ୍ଥିତ ବିଲ୍ଟ ପେପର ମିଲ୍‌ରେ ଲାଗିରହିଥିବା ଅଚଳାବସ୍ଥା ଦ୍ୱାରା ପ୍ରତ୍ୟକ୍ଷ ଓ ପରୋକ୍ଷ ଭାବେ ୫ ହଜାର ଲୋକଙ୍କ...

ବଣ୍ଡାଘାଟିରେ ଜଳକଷ୍ଟ: ବର୍ଷାଦିନେ ବି ଚୁଆପାଣି ଭରସା

ଗୋବିନ୍ଦପାଲି,୨୨ା୭(ଡି.ଏନ.ଏ.)- ମାଲକାନଗିରି ଜିଲା ଖଇରପୁଟ ବ୍ଲକ ବଣ୍ଡାଘାଟି ଅଞ୍ଚଳରେ ପାନୀୟ ଜଳ ସମସ୍ୟା ଦେଖିବାକୁ ମିଳିଛି। ବର୍ଷାଦିନେ ମଧ୍ୟ ଲୋକେ ଚୁଆପାଣି ଉପରେ ନିର୍ଭର କରୁଛନ୍ତି।...

ଟ୍ରାନ୍ସଫର୍ମରରେ ପିଟି ହୋଇ ଓଲଟି ପଡ଼ିଲା ବସ୍‌: ଦୁଇ ଗୁରୁତର

ରାୟଗଡ଼ା ଅଫିସ,୫।୩: କାଶୀପୁର ସଦର ମହକୁମାରେ ବୁଧବାର ବିଳମ୍ବିତ ରାତିରେ ହନୁମାନ ନାମକ ଏକ ବସ୍‌ ସୁଙ୍ଗେରଠାରୁ କାଶୀପୁର ଆଡ଼କୁ ଫେରୁଥିଲା। ମେଡିକାଲ ଛକ ଗଡ଼ାଣିଆରେ...

ରାସ୍ତା ଖୋଳି ସୀମା ଅବରୋଧ

ଗୁଣପୁର,୨୭ା୪(ଡି.ଏନ୍‌.ଏ.): ଗଜପତି ଜିଲା ସୀମାନ୍ତ ଆନ୍ଧ୍ରରେ କରୋନା ରୋଗୀ ଚିହ୍ନଟ ହେବା ପରେ ରାୟଗଡ଼ା ଜିଲା ପୋଲିସ ଓ ପ୍ରଶାସନ ପାଇଁ ଏହା ଏବେ ମୁଣ୍ଡ...

କୋରାପୁଟ,୨୭।୪(ସ୍ବ.ପ୍ର.): ସ୍ବାଧୀନତାର ୭ ଦଶନ୍ଧି ପରେ ମଧ୍ୟ କୋରାପୁଟ ଜିଲାର ବହୁ ଗ୍ରାମବାସୀ ଏବେ ବି ମୌଳିକ ସମସ୍ୟା ଭିତରୁ ମୁକୁଳି ପାରୁନାହାନ୍ତି। ସେମାନେ ଅବହେଳିତ...

Advertisement
Archives

Model This Week