ସମ୍ପାଦକୀୟ/ ଝାଳ ବୁହାଇବା

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୨୪ ନଭେମ୍ବର ୨୦୧୯ରେ ତାଙ୍କ ରେଡିଓ ବାର୍ତ୍ତା ‘ମନ କୀ ବାତ୍‌’ରେ ଶାରୀରିକ ସୁସ୍ଥତା ଉପରେ ଗୁରୁତ୍ୱ ଦେଇଥିବାରୁ ତାଙ୍କୁ ଦେଶବାସୀଙ୍କ ତରଫରୁ ଶୁଭେଚ୍ଛା ଜଣାଇବା ଦରକାର। ଭାରତବର୍ଷର ଅଧିକାଂଶ ସ୍କୁଲ ଓ କଲେଜରେ ଛାତ୍ରୀଛାତ୍ରଙ୍କୁ ଶାରୀରିକ ବ୍ୟାୟାମ ଶିଖାଇବାର କୌଣସି ବ୍ୟବସ୍ଥା କରାଯାଉନାହିଁ। ପୂର୍ବରୁ ବିଭିନ୍ନ ସ୍କୁଲରେ ଶାରୀରିକ ଶିକ୍ଷା ଶିକ୍ଷକ ବା ପିଇଟି ପଦବୀ ଥିଲା ଓ ସେମାନେ ଅଳ୍ପେ ବହୁତେ କାର୍ଯ୍ୟ କରୁଥିଲେ । ପରବର୍ତ୍ତୀ ସମୟରେ ସମ୍ଭବତଃ ସେହି ପଦବୀ ରହିଯାଇଛି, କିନ୍ତୁ ପ୍ରଶିକ୍ଷକମାନେ କୌଣସି ସକ୍ରିୟ ଆଗ୍ରହ ଦେଖାଉଥିବାର ପରିଲକ୍ଷିତ ହେଉନାହିଁ। ପଦବୀ ଅଛି, ଚାକିରି କରୁଛନ୍ତି ଓ ଦରମା ମଧ୍ୟ ପାଉଛନ୍ତି। ତେବେ ଛାତ୍ରୀଛାତ୍ରଙ୍କ ଜୀବନରେ ସମ୍ପୃକ୍ତ ଶିକ୍ଷକଙ୍କର କୌଣସି ପ୍ରଭାବ ରହୁନାହିଁ। ଏହି ପରିପ୍ରେକ୍ଷୀରେ ଦେଶର ମୁଖ୍ୟ କାର୍ଯ୍ୟନିର୍ବାହୀ ଭାବେ ପ୍ରଧାନମନ୍ତ୍ରୀ ମୋଦି ଏକ ସ୍ପଷ୍ଟ ସନ୍ଦେଶ ଦେବା ସମୟୋପଯୋଗୀ।
ଏବେକାର ପରିସ୍ଥିତି ଦେଖିଲେ ପିଲାବେଳୁ ଅଧିକାଂଶ ମୋବାଇଲ ଫୋନ, କମ୍ପ୍ୟୁଟର ମାଧ୍ୟମରେ କ୍ରୀଡ଼ାମଗ୍ନ ରହୁଛନ୍ତି। କିନ୍ତୁ ସେଭଳି ଖେଳରେ ଝାଳ ବୁହେନାହିଁ। ଏଠାରେ ଉଲ୍ଲେଖଯୋଗ୍ୟ, ଭାରତର ଅନେକ ମାତାପିତାଙ୍କର ଆଗ୍ରହ ରହୁଛି ଯେ, ସେମାନଙ୍କ ପିଲା ଉଚ୍ଚ ଚାକିରି କରି କାହା ପାଖରେ ଚାକର ହେବ। ସେଥିପାଇଁ ଆରମ୍ଭରୁ ପାଠପଢ଼ା ଉପରେ ଅଧିକ ଚାପ ଦେଇ ଭଲ ମାର୍କ୍ସ ଆଣିବା ହୋଇଛି ପିଲାଙ୍କ ପାଇଁ ଜୀବନର ମୂଳଲକ୍ଷ୍ୟ। ଏହି ଦୌଡ଼ରେ ନକାରାତ୍ମକ ଫଳ ହେଲେ ଆତ୍ମହତ୍ୟା ହୋଇପଡୁଛି ଅନ୍ତିମ ପନ୍ଥା। ସତେଯେମିତି ଭଲ ମାର୍କ୍ସ ନ ରହିଲେ ଜୀବନ ବ୍ୟର୍ଥ ହୋଇଯିବ। ଏହିଭଳି ମନୋଭାବ ସୃଷ୍ଟି କରିବା ପାଇଁ ଅଭିଭାବକମାନେ ଦାୟୀ। ସେମାନଙ୍କ ଏଭଳି ବିକୃତ ମାନସିକତାକୁ ଖୋରାକ ଯୋଗାଉଛି ଶିକ୍ଷା ବ୍ୟବସ୍ଥା ଓ କାମ ଛାଡ଼ି ପ୍ରତିବାଦ କରୁଥିବା ଶିକ୍ଷକ। ପାଠ୍ୟକ୍ରମରେ ଯଦି ବ୍ୟବସ୍ଥା କରାଯାଇପାରନ୍ତା ପିଲାଙ୍କ ଖେଳ ଓ ବ୍ୟାୟାମରେ ଦକ୍ଷତା ମପାଯାଇ ମାର୍କ୍ସ ମିଳିବ, ତେବେ ମାତାପିତା ମଧ୍ୟ କ୍ରୀଡ଼ା ପାଇଁ ପିଲାଙ୍କୁ ପ୍ରୋତ୍ସାହିତ କରନ୍ତେ। ଏହି ଦିଗକୁ ଧ୍ୟାନ ଦିଆଯାଉ ନ ଥିବା ହେତୁ ଭାରତର ସାମାଜିକ ଅଭିବୃଦ୍ଧିରେ ନକାରାତ୍ମକ ପ୍ରଭାବ ପଡୁଥିବା ବିଷୟରେ ଅଧିକାଂଶ ସଚେତନ ନ ଥିବେ। ଯେଉଁ ଦେଶର ନାଗରିକ ସୁସ୍ଥ ସବଳ ହୋଇଥିବ, ସେହି ଦେଶରେ ଡାକ୍ତରଙ୍କ ଚାହିଦାଠାରୁ ଆରମ୍ଭ କରି ଚିକିତ୍ସାଳୟ ଅର୍ଥ ବିନିଯୋଗ ହ୍ରାସ ପାଇଥାଏ।
ଏଭଳି ସ୍ଥଳେ ଜାତୀୟ ପରିସଂଖ୍ୟାନ ଅଫିସ୍‌ (ଏନ୍‌ଏସ୍‌ଓ) ପକ୍ଷରୁ ଏବେ ପ୍ରକାଶିତ ଏକ ରିପୋର୍ଟରୁ ଜଣାପଡ଼ିଛି ଯେ, ଘରୋଇ ହସ୍‌ପିଟାଲରେ ପରିବାର ପିଛା ହାରାହାରି ଚିକିତ୍ସା ଖର୍ଚ୍ଚ ସରକାରୀ ଡାକ୍ତରଖାନାଠାରୁ ୭ ଗୁଣା ଅଧିକ। ସରକାରୀ ଡାକ୍ତରଖାନାରେ ଚିକିତ୍ସା ସକାଶେ ହାରାହାରି ୪,୪୫୨ ଟଙ୍କା ରହିଥିବା ବେଳେ ଏହା ଘରୋଇ ହସ୍‌ପିଟାଲ କ୍ଷେତ୍ରରେ ୩୧,୮୪୫ ଟଙ୍କା ରହିଛି। ଏହି ରିପୋର୍ଟରେ ପ୍ରସବଜନିତ ଖର୍ଚ୍ଚକୁ ସାମିଲ କରାଯାଇ ନାହିଁ। ଜୁଲାଇ ୨୦୧୭ରୁ ଜୁନ୍‌ ୨୦୧୮ ମଧ୍ୟରେ ହୋଇଥିବା ସର୍ଭେ ଆଧାରରେ ଏନ୍‌ଏସ୍‌ଓ ଏଭଳି ତଥ୍ୟ ପ୍ରକାଶ କରିଛି।
ଉପରୋକ୍ତ କ୍ଷୁଦ୍ର ତଥ୍ୟରୁ ସ୍ପଷ୍ଟ ଜଣାପଡୁଛି ଯେ, ଭାରତୀୟମାନେ ଘରୋଇ ହସ୍ପିଟାଲକୁ ସ୍ବଇଚ୍ଛା ବା ଡାକ୍ତରଙ୍କ ଚାପରେ ହେଉ ଯିବାକୁ ବାଧ୍ୟ ହେଉଥିବାରୁ ଚିକିତ୍ସାଜନିତ ଖର୍ଚ୍ଚ ଅତ୍ୟଧିକ ମାତ୍ରାରେ ବଢ଼ିଚାଲିଛି। ଗୋଟିଏ ପଟେ ସରକାରୀ ସ୍ବାସ୍ଥ୍ୟ ବ୍ୟବସ୍ଥା ଭୁଶୁଡ଼ିି ପଡୁଥିବା ବେଳେ ଅନ୍ୟପଟେ ଘରୋଇ ଚିକିତ୍ସା ବ୍ୟୟବହୁଳ ହୋଇପଡୁଛି। ଏହା କେବଳ ସହରବାସୀଙ୍କ ପାଇଁ ନୁହେଁ, ମଫସଲବାସୀ ମଧ୍ୟ ଏହି ବଳୟରୁ ରକ୍ଷା ପାରୁନାହାନ୍ତି।
ଏଭଳି ଏକ ସମୟରେ ‘ଫିଟ୍‌ ଇଣ୍ଡିଆ’ ବା ସୁସ୍ଥ ଭାରତ କାର୍ଯ୍ୟକ୍ରମ ସମ୍ପର୍କରେ ପ୍ରଧାନମନ୍ତ୍ରୀ ମୋଦି ଉଲ୍ଲେଖ କରିଥିବା ହେତୁ ଏହି ବିଷୟ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି। ଏଥିପ୍ରତି ପିଲାଙ୍କ ସମେତ ଜନସାଧାରଣ ଗୁରୁତ୍ୱ ଦେଲେ ଆସନ୍ତାକାଲିର ପିଢ଼ି ପାଇଁ ସୁଦିନ ଅଣାଯାଇପାରିବ।


Enter your email to get our daily news in your inbox.

All Right Reserved By Dharitri.Com

ମୁଇ ପାଠ ପଢ଼ିବି

ଦ୍ୱିତୀ ଚନ୍ଦ୍ର ସାହୁ ନିକଟରେ ସରକାରୀ ବିଦ୍ୟାଳୟରେ ପଢୁଥିବା ପିଲାଙ୍କୁ ମଧ୍ୟାହ୍ନଭୋଜନ ଚାଉଳ, ରୋଷେଇ ବାବଦକୁ ଖର୍ଚ୍ଚ ଏବଂ ପୋଷାକ ବଣ୍ଟନ କରାଗଲା। ସବୁ ବିଦ୍ୟାଳୟର...

ରାଜ୍ୟର ରାଜସ୍ବ ଚିନ୍ତା

ଅମରେନ୍ଦ୍ର ଦାସ କରୋନା ମହାମାରୀ ସମଗ୍ର ମାନବଜାତି ସମ୍ମୁଖରେ କେବଳ ଏକ ଅଦୃଶ୍ୟ ସ୍ବାସ୍ଥ୍ୟ ସଙ୍କଟ ସୃଷ୍ଟିକରିଛି ତାହା ନୁହେଁ, ସମଗ୍ର ବିଶ୍ୱରେ ଏକ ଉତ୍କଟ...

ସମ୍ପାrଦକୀୟ/ପିଆଜ ଲୁହ

ପାକିସ୍ତାନରେ ଗତ ମାସ ପିଆଜ ଦର ୩୦୦ ଟଙ୍କା ଉପରକୁ ଚାଲିଯାଇଥିଲା। ସେତେବେଳେ ଭାରତରେ ଆଲୋଚନା ହେଲା ଯେ, ସେଠାକାର ଖାଉଟି ହନ୍ତସନ୍ତ ହୋଇଯାଉଥିବେ। କେତେକେ...

ଲକ୍‌ଡାଉନ୍‌ ଯଥେଷ୍ଟ ନୁହେଁ

କରୋନା ଭାଇରସ୍‌ ଭାରତରେ ୧୧୦୦ରୁ ଊର୍ଦ୍ଧ୍ୱ ଲୋକଙ୍କୁ ସଂକ୍ରମିତ କରିଥିବା ବେଳେ ୨୭ ଜଣଙ୍କ ଜୀବନ ନେଇଗଲାଣି। ଗତ କିଛି ଦିନ ମଧ୍ୟରେ ଏହା ଯେଭଳି...

ଟ୍ରାଇ ମୁଖିଆ

ଭାରତ ବିଶ୍ୱର ସର୍ବବୃହତ୍‌ ଟେଲିକମ୍ୟୁନିକେଶନ ବଜାର। ଏହାର ପଞ୍ଜୀକୃତ ସବ୍‌ସ୍କ୍ରାଇବର ବା ଉପଭୋକ୍ତାଙ୍କ ସଂଖ୍ୟା ୧୨୦ କୋଟି। ଭାରତ ସରକାର ଆୟକର ପରେ ଟେଲିକମ୍ୟୁନିକେଶନରୁ ଦ୍ୱିତୀୟ...

ଏଇ ଭାରତରେ

ପ୍ଲାଷ୍ଟିକ ସାମଗ୍ରୀ ପରିବେଶ ପ୍ରଦୂଷଣ କରୁଥିବା ବେଳେ ଏହାର ବିକଳ୍ପ ଜିନିଷ ଆଖୁ ବର୍ଜ୍ୟରୁ ପ୍ରସ୍ତୁତ କରି ଏକ ଉଦାହରଣ ସୃଷ୍ଟି କରିଛନ୍ତି ଉତ୍ତରପ୍ରଦେଶର ବେଦ...

ଏଇ ଭାରତରେ

ଶ୍ରାବଣ ମାସରେ ମହାଦେବଙ୍କୁ ଜଳ ଲାଗି ପାଇଁ କାଉଡ଼ିଆମାନେ ପବିତ୍ର ନଦୀଜଳ ବୋହି ନେଇଥାନ୍ତି। ଏମାନେ ମୁଖ୍ୟତଃ ହିନ୍ଦୁ। ତେବେ ଉତ୍ତରପ୍ରଦେଶର ଜଣେ ମୁସଲମାନ ଯୁବକ...

ଚିନ୍ତା ବଢ଼ାଉଛି ‘ଡି’

ଈପ୍ସିତା ମହାନ୍ତି ସୁସ୍ଥ ରହିବାକୁ କିଏ ବା ନ ଚାହେଁ। ସୁସ୍ଥ ଶରୀର ପାଇଁ ଭିଟାମିନ ବା ଜୀବସାରର ଆବଶ୍ୟକତାକୁ ମଧ୍ୟ ସଭିଏ ଜାଣନ୍ତି। ଏହା...

Advertisement
Archives

Model This Week