ଶ୍ରେଷ୍ଠ ପାଞ୍ଚ ଭୁବନେଶ୍ୱର ରସଗୋଲା

ଛପନ ଭୋଗ

ବିଭିନ୍ନ ପ୍ରକାର ମିଠା ବିଶେଷକରି ବଙ୍ଗଳା ମିଠା ପାଇଁ ପ୍ରସିଦ୍ଧି ଲାଭ କରିଥିବା ଜୟଦେବ ବିହାର ଛକସ୍ଥିତ ଛପନ ଭୋଗ ସୁଇଟ୍ସ ବିଭିନ୍ନ ଫ୍ଲେଭରର ରସଗୋଲା ପାଇଁ ପ୍ରସିଦ୍ଧ। ଏଠାକାର ରସଗୋଲା ହାତକୁ ଯେତେ ନରମ ପାଟିକୁ ସେତିକି ସ୍ବାଦିଷ୍ଟ ମଧ୍ୟ। ମ୍ୟାଙ୍ଗୋ, ପାଇନ୍‌ଆପଲ ଓ ଗୁଡ ରସଗୋଲା ମୁଖ୍ୟତଃ ଏଠାରେ ଏହା ଲୋକପ୍ରିୟ ହୋଇଥିବା ବେଳେ ବେକ୍‌ଡ ରସଗୋଲା ମଧ୍ୟ ଏହାର ଆଉ ଏକ ସ୍ବତନ୍ତ୍ର ପ୍ରସ୍ତୁତି। ୧୦ଟଙ୍କାରୁ ଆରମ୍ଭ ହୋଇ ୧୨ଟଙ୍କା ଏବଂ ୨୦ଟଙ୍କା ଦାମ୍‌ ରହିଥାଏ। ସେହିଭଳି ମଧୁମେହ ରୋଗୀଙ୍କ ପାଇଁ ସ୍ବତନ୍ତ୍ର ସୁଗାର ଫ୍ରି ରସଗୋଲା ମଧ୍ୟ ମିଳେ।

 

ନିମାପଡା ସୁଇଟ୍ସ

ରସଗୋଲା ପାଇଁ ଭୁବନେଶ୍ୱରରେ ପ୍ରସିଦ୍ଧି ଲାଭ କରିଥିବା ଦୋକାନ ମଧ୍ୟରୁ ବାପୁଜୀ ନଗରର ନିମାପଡା ସୁଇଟ୍ସ ଅନ୍ୟତମ। ଗତ ୧୫ବର୍ଷ ଧରି ଭୁବନେଶ୍ୱରରେ ମିଠା ବ୍ୟବସାୟ କରିଆସୁଥିବା ଏହି ଦୋକାନରେ ମୁଖ୍ୟତଃ ଛୋଟ ବଡ ୫ ପ୍ରକାରର ରସଗୋଲା ମିଳେ। ଉଭୟ ନାଲି ଓ ଧଳା ରସଗୋଲା ପାଇଁ ଏହା ପ୍ରସିଦ୍ଧ। ଲୋକଙ୍କ ଚାହିଦା ଅନୁଯାୟୀ ଏଠାରେ ସୁଗାର ଫ୍ରି ରସଗୋଲା ମଧ୍ୟ ପ୍ରସ୍ତୁତ ହୋଇଥାଏ।

 

ବିଶୋଇ ରସଗୋଲା ଦୋକାନ

ପୁରୁଣା ଭୁବନେଶ୍ୱରରେ ଦୀର୍ଘ ୮୦ବର୍ଷ ହେଲା ମିଠା ବ୍ୟବସାୟ କରିଆସୁଥିବା ବିଶୋଇ ମିଠା ଦୋକାନ କଥା କହିଲେ ସମସ୍ତେ ଜାଣନ୍ତି। ଦୋକାନ ମାଲିକ ରବୀନ୍ଦ୍ର ବିଶୋଇଙ୍କ ଜେଜେବାପାଙ୍କ ଅମଳରୁ ଏହି ଦୋକାନ ଚାଲିଆସିଛି। ମୁଖ୍ୟତଃ ୪ ପ୍ରକାରର ରସଗୋଲା ଏଠାରେ ମିଳୁଥିବା ବେଳେ କମଳା ଫ୍ଲେଭର ରସଗୋଲାର ଚାହିଦା ଅଧିକ। ସେହିଭଳି କାଜୁ, କିସ୍‌ମିସ୍‌ ରସଗୋଲା ଏବଂ ଖୁଆଦିଆ ରସଗୋଲା ସହ ଏଠାକାର ସାଦା ରସଗୋଲା ମଧ୍ୟ ବେଶ୍‌ ସୁସ୍ବାଦୁ, ଯାହାର ଦାମ୍‌ ୫ ଟଙ୍କା, ୧୦ ଟଙ୍କା ଓ ୨୦ ଟଙ୍କା ରହିଥାଏ।

 

ଶ୍ରୀୟା ଟକିଜ୍‌ ଛକ ଠେଲାଗାଡି ଦୋକାନ

ଦୀର୍ଘ ୩୭ବର୍ଷ ହେଲା ଶ୍ରୀୟା ଟକିଜ୍‌ ଛକ ନିକଟରେ ଏକ ଛୋଟ ଠେଲାଗାଡିରେ ଚାଲିଛି ରସଗୋଲା ବ୍ୟବସାୟ। ପ୍ରଥମେ ବାପା ଛବି ବେହେରା ରସଗୋଲା ବିକ୍ରିରୁ ବେପାର ଆରମ୍ଭ କରିଥିବା ବେଳେ ଏବେ ତାଙ୍କ ପୁଅ ହାପି ବ୍ୟବସାୟକୁ ଆଗକୁ ନେଇଛନ୍ତି। ତେବେ ଅନ୍ୟ ଦୋକାନ ଅପେକ୍ଷା ଏଠାକାର ରସଗୋଲା ଦେଖିବାକୁ ଯେପରି ଆକର୍ଷଣୀୟ ଓ ଭିନ୍ନ, ଦାମ୍‌ ମଧ୍ୟ ସେମିତି ପକେଟ୍‌କୁ ସୁହାଇଲା ଭଳି। ମାତ୍ର ୨.୫ ଟଙ୍କା ଓ ୫ ଟଙ୍କାରେ ଏଠାରେ ଜଣେ ସୁସ୍ବାଦୁ ରସଗୋଲା ପାଇପାରିବ।

 

ବିକଳାନନ୍ଦ କର ରସଗୋଲା

ବିକଳାନନ୍ଦ କର ରସଗୋଲା କଥା ବା କିଏ ନ ଜାଣେ। ଓଡ଼ିଶା ଓ ଓଡ଼ିଶା ବାହାରେ ରହିଛି ଏହି ରସଗୋଲାର ପ୍ରସିଦ୍ଧି। ବନ୍ଧୁ, ପରିଜନଙ୍କ ପାଖକୁ ସୁଦୂର ଆମେରିକା ହେଉକି ଲଣ୍ଡନ ଯଦି ରସଗୋଲା ପଠେଇବାର ଥାଏ ତାହେଲେ ଖୋଜାହୁଏ ବିକଳାନନ୍ଦ କର ଦୋକାନ। ଶହୀଦନଗର, ସିଆର୍‌ପି, ରବି ଟକିଜ୍‌ରେ ଏହାର ଆଉଟ୍‌ଲେଟ୍‌ ରହିଥିବା ବେଳେ ଏହାର ବ୍ରାଉନ୍‌ ତଥା ନାଲି ରସଗୋଲା ବେଶି ପ୍ରସିଦ୍ଧ। ବିନା କୌଣସି ରସାୟନର ମିଶ୍ରଣରେ ପ୍ରସ୍ତୁତ ଏଠାକାର ରସଗୋଲାର ଦାମ୍‌ ୧୨ଟଙ୍କାରୁ ଆରମ୍ଭ କରି ୬୦ଟଙ୍କା ପର୍ଯ୍ୟନ୍ତ ରହିଛି।


Enter your email to get our daily news in your inbox.

All Right Reserved By Dharitri.Com

ଓଡ଼ିଶାର ଶ୍ରେଷ୍ଠ ପାଞ୍ଚ ସମୁଦ୍ର କୁଳ

ପୁରୀ ଓଡ଼ିଶାର ପୂର୍ବ ଉପକୂଳରେ ଅବସ୍ଥିତ ପୁରୀ ବେଳାଭୂମି। ଜଗନ୍ନାଥ ଧାମ ନିକଟରେ ଥିବା ଏହି ବେଳାଭୂମିର ସୌନ୍ଦର୍ଯ୍ୟ ଅବଲୋକନ କରିବାକୁ ଦୈନିକ ଲକ୍ଷଲକ୍ଷ ପର୍ଯ୍ୟଟକଙ୍କ...

ଶ୍ରେଷ୍ଠ ପାଞ୍ଚ କଟକ ପାଠାଗାର

ରବୀନ୍ଦ୍ର ପାଠାଗାର ତିନିକୋଣିଆ ବଗିଚା ଅଞ୍ଚଳରେ ରହିଛି ରବୀନ୍ଦ୍ର ପାଠାଗାର। ୧୯୪୯ ଏପ୍ରିଲ ୧୭ରେ ବ୍ୟବସାୟୀ ନରେନ୍ଦ୍ର କୁମାର ମିତ୍ର ତାଙ୍କ ବଡ଼ପୁଅ ରବୀନ୍ଦ୍ରଙ୍କ ସ୍ମୃତିରେ...

ଶ୍ରେଷ୍ଠ ପାଞ୍ଚ ପୁଷ୍କରିଣୀ

ଚନ୍ଦନେଶ୍ୱର ଜୀଉଙ୍କ ନୀଳ, ମଣ୍ଡନ ଓ ହାକାଣ୍ଡ ପୋଖରୀ ବାଲେଶ୍ୱର ଜିଲା ଭୋଗରାଇରେ ଅବସ୍ଥିତ ଚନ୍ଦନେଶ୍ୱର ଜୀଉଙ୍କ ପ୍ରସିଦ୍ଧ ଶୈବପୀଠ। ମନ୍ଦିର ଇଶାନ କୋଣରେ ଅଛି...

ଶ୍ରେଷ୍ଠ ପାଞ୍ଚ ଷ୍ଟାଡିୟମ

ଡ୍ରିମ୍ସ ଗ୍ରାଉଣ୍ଡ କଟକର ଟାଙ୍ଗୀଠାରେ ରହିଛି ଡ୍ରିମ୍‌ସ ଷ୍ଟାଡିୟମ। ଏଠାରେ ବିସିସିଆଇର ଅନେକ ଘରୋଇ କ୍ରିକେଟ ଟୁର୍ନାମେଣ୍ଟ ଖେଳାଯାଇଛି। ଗତ ୨୦୧୩ ମସିହାରେ ଭାରତରେ ହୋଇଥିବା...

ଶ୍ରେଷ୍ଠ ପାଞ୍ଚ ଭୁବନେଶ୍ୱରର ପାର୍କ

ମହାତ୍ମା ଗାନ୍ଧୀ ପାର୍କ ପାର୍କଟି ଜୟଦେବ ବିହାରସ୍ଥିତ ନନ୍ଦନକାନନ ରୋଡ୍‌ର ଜନତା ମଇଦାନ ନିକଟରେ ଅବସ୍ଥିତ। ପାର୍କ ଭିତରେ ମହାତ୍ମା ଗାନ୍ଧୀଙ୍କ ପ୍ରାର୍ଥନା କରୁଥିବା ମୁଦ୍ରାରେ...

ଶ୍ରେଷ୍ଠ ପାଞ୍ଚ ଜଳବିଦ୍ୟୁତ ପ୍ରକଳ୍ପ

ବାଲିମେଳା ମାଲକାନଗିରି ଜିଲା କୋରକୁଣ୍ଡା ବ୍ଲକ୍‌ ଅନ୍ତର୍ଗତ ବାଲିମେଳାଠାରେ ୧୯୭୩ ମସିହାରେ ବାଲିମେଳା ଜଳବିଦ୍ୟୁତ୍‌ ପ୍ରକଳ୍ପ ସ୍ଥାପିତ ହୋଇଛି । ଏହାର ଆରମ୍ଭରୁ ୬ଟି ଟର୍ବାଇନ୍‌...

ଭୁବନେଶ୍ୱର ଫୁଲ ଦୋକାନ

ଫର୍ନସ ଏନ୍‌ ପେଟାଲ୍‌ସ   ଏହା ରାଜଧାନୀର ଏକ ବଡ଼ ଫୁଲ ଦୋକାନ ଭାବେ ପରିଗଣିତ। ୧୧ବର୍ଷ ତଳେ ପ୍ରଥମ କରି ଶହୀଦନଗରରେ ଆରମ୍ଭ ହୋଇଥିଲା।...

ଶ୍ରେଷ୍ଠ ପାଞ୍ଚ ଭୁବନେଶ୍ୱର ଜିମ

କଳିଙ୍ଗ ଫିଟନେସ୍‌ ଜୟଦେବ ବିହାର ରୋଡ ବିଜୁ ପଟ୍ଟନାୟକ କଲେଜ ନିକଟରେ ରହିଛି କଳିଙ୍ଗ ଫିଟନେସ ଜିମ୍‌। ୪ବର୍ଷ ତଳେ ଖୋଲାଯାଇଥିବା ଏହି ଜିମ୍‌ରେ ସବୁ...

Coronavirus Update

UTI
Archives

Model This Week

Why Dharitri

Leave a comment

Your email address will not be published. Required fields are marked *