ଶୁଖିନି ଫନୀର କ୍ଷତ: ଅସଜଡ଼ା ଶିକ୍ଷାନୁଷ୍ଠାନ, ସଂଘର୍ଷ କରୁଛି ହୋଟେଲ ଶିଳ୍ପ; ପୁରୁଣା ରୂପକୁ ଫେରୁଛି ବାଲୁଖଣ୍ଡ

ପୁରୀ ଅଫିସ,୩।୫: ବାତ୍ୟା ଫନୀକୁ ବିତିଗଲା ବର୍ଷେ। ରାଜ୍ୟର ଉପକୂଳବର୍ତ୍ତୀ ଅଞ୍ଚଳ ସମେତ ୧୪ ଜିଲା ଫନୀଦ୍ୱାରା କ୍ଷତିଗ୍ରସ୍ତ ହୋଇଥିବା ବେଳେ ପୁରୀ, ଖୋର୍ଦ୍ଧା ଓ କଟକ ଜିଲାରେ ଅଧିକ କ୍ଷୟକ୍ଷତି ହୋଇଥିଲା। ତେବେ ସର୍ବାଧିକ କ୍ଷତିଗ୍ରସ୍ତ ହୋଇଥିବା ପୁରୀ ଜିଲାର ବିଭିନ୍ନ ଅଞ୍ଚଳରେ ଏବେ ବି ଦୃଶ୍ୟମାନ ହେଉଛି ପ୍ରକୃତିର କରାଳ ରୂପର ପଦଚିହ୍ନ। ସଜଡ଼ା ଯାଇପାରିନି ଅନେକ ଶିକ୍ଷାନୁଷ୍ଠାନ। ବହୁ ବିପନ୍ନ ଏପର୍ଯ୍ୟନ୍ତ ପଲିଥିନ ତଳେ ଦିନ କାଟୁଛନ୍ତି। ଉଜୁଡ଼ି ଯାଇଥିବା ବାଲୁଖଣ୍ଡ ଅଭୟାରଣ୍ୟ ଧୀରେ ଧୀରେ ସବୁଜିମାମୟ ହେବାରେ ଲାଗିଛି। ବିଦ୍ୟୁତ୍‌, ପାଣି ସ୍ବାଭାବିକ ହୋଇଥିବାବେଳେ ହୋଟେଲ ଶିଳ୍ପ ଅଣ୍ଟା ସଳଖି ଆସୁଥିଲା, ହେଲେ କରୋନା ମାଡ଼ରେ ଏବେ ପୁଣି ଦିଗହରା ହୋଇଯାଇଛି। ଫନୀର ବର୍ଷକ ପରେ ପୁରୀର ସ୍ଥିତିକୁ ନେଇ ସ୍ବତନ୍ତ୍ର ଉପସ୍ଥାପନା…

୨୦୧୯ ମେ ୩ତାରିଖ ଥିଲା ଉପକୂଳବର୍ତ୍ତୀ ପୁରୀ ଜିଲା ପାଇଁ ଏକ ଅଭିଶପ୍ତ ଦିନ। ସେହିଦିନ ପୂର୍ବାହ୍ନରେ ତାଣ୍ଡବ ରଚିଥିଲା ଫନୀ। ପବନର ସୁ ସୁ ଗର୍ଜନ ଆଉ ଅବିଶ୍ରାନ୍ତ ବର୍ଷା ମାଡ଼ରେ ଭାଙ୍ଗିଯାଇଥିଲା ଘର, ଗଛ, ବିଦ୍ୟୁତ୍‌ ଖୁଣ୍ଟ ଆଉ ବଡ଼ ବଡ଼ ଟାୱାର। ମାଟି କାମୁଡ଼ିଥିଲା କଚ୍ଚା ଘର। ବେସାହାରା ହୋଇପଡ଼ିଥିଲେ ଲକ୍ଷ ଲକ୍ଷ ଲୋକ। ବାତ୍ୟା ପୂର୍ବରୁ ସରକାରଙ୍କ ସତର୍କତା ସତ୍ତ୍ବେ ଚାଲିଯାଇଥିଲା ୩୦ରୁ ଊର୍ଦ୍ଧ୍ୱ ଜୀବନ। ବାତ୍ୟା ପରେ ସବୁଆଡେ ଦେଖିବାକୁ ମିଳିଥିଲା ବିଭୀଷିକାର ଚିତ୍ର। ଉଜୁଡ଼ି ଯାଇଥିଲା ଅନେକଙ୍କ ଜୀବିକା। ପେଟକୁ ମୁଠେ ଦାନା ଏବଂ ମୁଣ୍ଡ ଗୁଞ୍ଜିବା ପାଇଁ ଆରମ୍ଭ ହୋଇଯାଇଥିଲା ସଂଘର୍ଷ। ରିଲିଫ୍‌ ପାଇଁ ଲାଗିଥିଲା ଲମ୍ବା ଧାଡ଼ି। ଧୀରେ ଧୀରେ ସ୍ଥିତି ସ୍ବାଭାବିକ ହୋଇଛି। ବଦଳିଛି ପୁରୀର ଚିତ୍ର। ଥୁଣ୍ଟା ଗଛ ସବୁଜିମାମୟ ହୋଇପଡିଛି। ହେଲେ ବିଭିନ୍ନ କ୍ଷେତ୍ରରେ ଏବେ ବି ବାତ୍ୟାର ଚିହ୍ନ ବାରି ହୋଇପଡୁଛି। ସରକାରୀ ବାବୁ ଏବଂ ରାଜନେତାଙ୍କ ମଧ୍ୟରେ ମଧୁଚନ୍ଦ୍ରିକା ଯୋଗୁ ଅନେକ ବିପନ୍ନଙ୍କ ଅବସ୍ଥା ସୁଧୁରି ପାରି ନାହିଁ।

ଅସଜଡ଼ା ଶିକ୍ଷାନୁଷ୍ଠାନ
ଫନୀରେ ପୁରୀ ଜିଲାର ସ୍କୁଲ ଘରଗୁଡ଼ିକ ବିଶେଷ କ୍ଷତିଗ୍ରସ୍ତ ହୋଇଥିଲା। ଇତିମଧ୍ୟରେ ବାତ୍ୟାକୁ ବର୍ଷେ ପୂରିଯାଇଥିଲେ ବି ଅନେକ ଶିକ୍ଷାନୁଷ୍ଠାନ ମରାମତି କିମ୍ବା ପୁନଃ ନିର୍ମାଣ ହୋଇପାରିନି। ଅଳ୍ପ କେତେକ ସ୍କୁଲ ମରାମତି ହୋଇଥିବା ବେଳେ ସଂଖ୍ୟାଧିକ ସ୍କୁଲ ଅସଜଡ଼ା ଅବସ୍ଥାରେ ରହିଛି। ପୁରୀ ସହରର ସରକାରୀ ବାଳିକା ଉଚ୍ଚ ବିଦ୍ୟାଳୟକୁ ଦେଖିଲେ ବାତ୍ୟାର କରାଳ ରୂପ କେତେ ଭୟାନକ ଥିଲା ତାହା ସ୍ପଷ୍ଟ ବାରି ହୋଇପଡୁଛି। ସରକାରଙ୍କ ପକ୍ଷରୁ ମରାମତି କାର୍ଯ୍ୟ ଚାଲିଥିବା ବେଳେ କରୋନା ଏଥିରେ ବାଧକ ସାଜିଛି ବୋଲି ସମଗ୍ର ଶିକ୍ଷା ଅଭିଯାନର ପ୍ରକଳ୍ପ ସଂଯୋଜିକା ସୌନ୍ଦର୍ଯ୍ୟ ମଞ୍ଜରୀ ଦାସ କହିଛନ୍ତି। ସୂଚନାଥାଉ କି, ଜିଲାରେ ପ୍ରାୟ ୧ ହଜାରରୁ ଊର୍ଦ୍ଧ୍ୱ ସ୍କୁଲ ଅଧିକ କ୍ଷତିଗ୍ରସ୍ତ ହୋଇଥିଲା। ପୁରୀ ସଦର, ବ୍ରହ୍ମଗିରି, କଣାସ, ଡେଲାଙ୍ଗ, ସତ୍ୟବାଦୀ ଓ କୃଷ୍ଣପ୍ରସାଦ ବ୍ଲକରେ ସର୍ବାଧିକ ସ୍କୁଲ ଘର ଭାଙ୍ଗିଥିଲା।

ସଂଘର୍ଷ କରୁଛି ହୋଟେଲ ଶିଳ୍ପ
ଫନୀ ମାଡ଼ରେ ଦୋହଲିଯାଇଥିଲା ପୁରୀ ହୋଟେଲ ଶିଳ୍ପର ଭିତ୍ତିଭୂମି। ବାତ୍ୟାରେ ହୋଟେଲ ଶିଳ୍ପର ୫୦୦ରୁ ଊର୍ଦ୍ଧ୍ୱ କୋଟି ଟଙ୍କା କ୍ଷତି ହୋଇଥିଲା। କୌଣସି ସରକାରୀ ସହାୟତା ବିନା ହୋଟେଲ ମାଲିକମାନେ ଅଣ୍ଟା ସଳଖିବାକୁ ଚେଷ୍ଟା କରିଥିଲେ। ବାତ୍ୟାର କିଛିଦିନ ପରେ କେତେକ ହୋଟେଲ ମାଲିକ ଜେନେରେଟର ଲଗାଇ ପର୍ଯ୍ୟଟକଙ୍କୁ ଆତିଥେୟତା ଦେବାକୁ ଚେଷ୍ଟା କରିଥିଲେ। ଏସବୁ ଭିତରେ ପ୍ରାୟ ୩/୪ ମାସ ମଧ୍ୟରେ ହୋଟେଲଗୁଡ଼ିକ ପ୍ରସ୍ତୁତ ହୋଇଯାଇଥିଲା। ଧୀରେ ଧୀରେ ପର୍ଯ୍ୟଟକଙ୍କ ଆଗମନ ବଢିବାକୁ ଲାଗିଥିଲା। ହେଟେଲ ମାଲିକମାନେ ଫନୀର କ୍ଷତିକୁ ଭୁଲିବାକୁ ଚେଷ୍ଟା କରୁଥିଲେ। ହେଲେ ବର୍ତ୍ତମାନ କରୋନା ପାଇଁ ପୁରୀ ହୋଟେଲ ଶିଳ୍ପରେ ତାଲା ଝୁଲୁଛି। ପ୍ରାୟ ଦେଢମାସ ହେବ ପ୍ରଶାସନର ନିର୍ଦ୍ଦେଶ ଅନୁଯାୟୀ ସବୁ ହୋଟେଲ ବନ୍ଦ ହୋଇଯାଇଛି। କରୋନା ପାଇଁ ପର୍ଯ୍ୟଟକ ଶୂନ୍ୟ ହୋଇପଡିଛି ପୁରୀ। ପୁରୀ ହୋଟେଲ ସଂଘ ସମ୍ପାଦକ ରାଜକିଶୋର ପାତ୍ର କହିଛନ୍ତି, ଫନୀରେ ପୁରୀ ହୋଟେଲ ଶିଳ୍ପର ପ୍ରାୟ ୫୦୦ କୋଟିରୁ ଊର୍ଦ୍ଧ୍ୱ କ୍ଷତି ହୋଇଥିଲା। ଯାହା ବି ହେଉ କିଛିମାସ ପରେ ପ୍ରାୟ ଅଧିକାଂଶ ହୋଟେଲ ପ୍ରସ୍ତୁତ ହୋଇଯାଇଥିଲେ। ଧୀରେ ଧୀରେ ବେପାର ଜମି ଆସୁଥିଲା। ହେଲେ କରୋନା ହୋଟେଲ ବ୍ୟବସାୟକୁ ସମ୍ପୂର୍ଣ୍ଣ ବୁଡାଇ ଦେଲାଣି। ଦୈନିକ ପ୍ରାୟ ୫ କୋଟି ଟଙ୍କା କ୍ଷତି ହେଉଛି ବୋଲି ପାତ୍ର କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ବରିଷ୍ଠ କଂଗ୍ରେସ ନେତା ନରସିଂହ ମିଶ୍ର କରୋନା ପଜିଟିଭ

ବଲାଙ୍ଗୀର ଅଫିସ,୨୧।୪: ବରିଷ୍ଠ କଂଗ୍ରେସ ନେତା ତଥା ବଲାଙ୍ଗୀର ବିଧାୟକ ନରସିଂହ ମିଶ୍ର ବୁଧବାର କରୋନା ଆକ୍ରାନ୍ତ ହୋଇଛନ୍ତି। ବଲାଙ୍ଗୀର ସ୍ଥିତ ବାସଭବନରେ ବିଧାୟକ ମିଶ୍ର...

ଶ୍ରୀ ରାଧାକୃଷ୍ଣ, ମହାପ୍ରଭୁଙ୍କୁ ବ୍ରହ୍ମକମଳ ଅର୍ପଣ

ବୋଲଗଡ଼,୧୫ା୭(ଡି.ଏନ୍‌.ଏ.)-ବୋଲଗଡ଼ ବ୍ଲକ ବାଙ୍କୋଇସ୍ଥିତ ନୂତନ ସତ୍‌ସଂଘ ମନ୍ଦିର ପରିସରରେ ଶନିବାର ରାତିରେ ୫ଟି ବ୍ରହ୍ମକମଳ ଫୁଲ ଫୁଟିଥିଲା। ଏହା ଦେଖି ସତ୍‌ସଂଘ କେନ୍ଦ୍ରର ଶ୍ରଦ୍ଧାଳୁମାନେ ଆନନ୍ଦରେ...

ଟ୍ରାକ୍ଟର ଧକ୍କାରେ ସ୍କୁଟି ଚାଳକଙ୍କ ଜୀବନ ଗଲା, ଉତ୍ତେଜନା

ଧର୍ମଗଡ଼,୧୫।୧: କଳାହାଣ୍ଡି ଜିଲା ଧର୍ମଗଡ ସହର ମେରଘରା ଛକ ନିକଟରେ ଶୁକ୍ରବାର ସନ୍ଧ୍ୟାରେ ଏକ ଟ୍ରାକ୍ଟର ଧକ୍କାରେ ଜଣେ ସ୍କୁଟି ଚାଳକଙ୍କ ମୃତ୍ୟୁ ଘଟିଛି। ସେ...

ଉଦଳା-କରଞ୍ଜିଆରେ ମାତିଲେ ଲୁଟେରା: ୫ଲକ୍ଷରୁ ଊର୍ଦ୍ଧ୍ୱ ଭତ୍ତା ଟଙ୍କା, ଅଧ୍ୟାପିକାଙ୍କ ସୁନାଚେନ୍‌ ଲୁଟ

ଉଦଳା/ଠାକୁରମଣ୍ଡା,୧୬ା୧୦(ଡି.ଏନ୍‌.ଏ.)- ମୟୂରଭଞ୍ଜ ଜିଲା ଉଦଳା ଓ କରଞ୍ଜିଆ ଥାନା ପୋଲିସ୍‌କୁ ମଙ୍ଗଳବାର ଲୁଟେରାମାନେ ଖୋଲା ଚ୍ୟାଲେଞ୍ଜ ଦେଇଛନ୍ତି। ୫ ଲକ୍ଷରୁ ଊର୍ଦ୍ଧ୍ୱ ଭତ୍ତା ଟଙ୍କା ସହ...

ପୂର୍ବ ଭାରତକୁ ଅଭିବୃଦ୍ଧିର ସ୍ଥାୟୀ ଇଞ୍ଜିନ କରିବାକୁ ଉଦ୍ୟମ: ଧର୍ମେନ୍ଦ୍ର

ଭୁବନେଶ୍ୱର, ୨୩।୨(ବ୍ୟୁରୋ): ଆତ୍ମନିର୍ଭର ଭାରତ ପାଇଁ ଲଗାତର ନିଜର ସାମର୍ଥ୍ୟ ଏବଂ କ୍ଷମତାକୁ ବୃଦ୍ଧି କରିବା ଅତ୍ୟନ୍ତ ଜରୁରୀ। ବିଗତ ବର୍ଷଗୁଡିକରେ ଆମେ ରିଫାଇନିଂ ଏବଂ...

ବାର୍‌ରେ ବାଉନ୍ସର ମନା

ଭୁବନେଶ୍ୱର,୧୫ା୩(ବ୍ୟୁରୋ): ଦ୍ୱୈତନଗରୀ ଭୁବନେଶ୍ୱର-କଟକ କମିଶନରେଟ୍‌ ପୋଲିସ ଅଞ୍ଚଳରେ ଥିବା ମଦ ବାର୍‌ଗୁଡ଼ିକ ସୁରକ୍ଷା କାର୍ଯ୍ୟ ପାଇଁ ଘରୋଇ ସୁରକ୍ଷା କର୍ମୀ/ବାଉନ୍ସରମାନଙ୍କୁ ନିୟୋଜିତ କରିପାରିବେ ନାହିଁ। ଗତ...

କୋମାରେ ପ୍ରି-ପେଡ୍‌, ପିଙ୍କ୍‌ ଅଟୋ ସେବା

ଭୁବନେଶ୍ୱର, ୧୨।୯(ବ୍ୟୁରୋ): ନୂଆ ମୋଟର ଯାନ ଆଇନ ଆସିବା ପରେ ଏବେ ଲୋକଙ୍କ ପ୍ରଥମ ପସନ୍ଦ ପାଲିଟିଛି ପବ୍ଲିକ୍‌ ଟ୍ରାନ୍ସପୋର୍ଟ ବା ସାଧାରଣ ପରିବହନ ବ୍ୟବସ୍ଥା।...

ମାନବ ଚାଲାଣ ର଼୍ୟାକେଟ୍‌ର ପର୍ଦ୍ଦାଫାଶ: ୫ ଗିରଫ

ଝାରସୁଗୁଡ଼ା ଅଫିସ,୧୬ା୪: ଝାରସୁଗୁଡ଼ା ପୋଲିସ ଏକ ଆନ୍ତଃରାଜ୍ୟ ମାନବ ଚାଲାଣ ର଼୍ୟାକେଟ୍‌ର ପର୍ଦ୍ଦାଫାଶ କରିଛି। ଏହି ମାମଲାରେ ପୋଲିସ ଦୁଇ ମହିଳାଙ୍କ ସମେତ ୫ଜଣଙ୍କୁ ଗିରଫ...

Advertisement
Archives

Model This Week