ଖଇରା, ୨୧।୮(ଡି.ଏନ.ଏ.)-ଖଇରା ବ୍ଲକ ସାରୁଗାଁ ନୋଡାଲ ସ୍କୁଲରେ ବିକଳ୍ପ ବ୍ୟବସ୍ଥା କରା ନ ଯାଇ ରାତି ଅଧିଆ ବିଜ୍ଞାନ ଶିକ୍ଷକ ସୌଭାଗ୍ୟ ବିଶ୍ୱାଳଙ୍କୁ ବଦଳି କରାଯିବା ନେଇ ଗ୍ରାମବାସୀ ତୀବ୍ର ଅସନ୍ତୋଷ ପ୍ରକାଶ କରିଛନ୍ତି ା ପ୍ରତିବାଦରେ ବିଦ୍ୟାଳୟରେ ପଢୁଥିବା ୧୩୪ ପିଲାଙ୍କର ଅଭିଭାବକମାନେ ମଙ୍ଗଳବାର ତାଙ୍କର ପିଲାମାନଙ୍କୁ ବିଦ୍ୟାଳୟକୁ ଛାଡି ନାହାନ୍ତି ା ବିଜ୍ଞାନ ଶିକ୍ଷକ ନିଯୁକ୍ତି କରା ନ ଯିବା ଯାଏ ଏଭଳି ବିରୋଧାଭାସ ଜାରି ରହିବ ା ବୁଧବାରଠାରୁ ସମସ୍ତ ଛାତ୍ରୀଛାତ୍ର, ଅଭିଭାବକ ବିଦ୍ୟାଳୟ ସମ୍ମୁଖରେ ଧାରଣାରେ ବସିବେ ବୋଲି ପରିଚାଳନା କମିଟି ସଭାପତି ଦାମୋଦର ମହାପାତ୍ର, ନାରାୟଣ ଲେଙ୍କା, ସୁରେନ୍ଦ୍ର ସାହୁ, ହରେକଋଷ୍ଣ ଜେନା, ଅନ୍ତର୍ଯ୍ୟାମୀ ଦାଶ, ଅଭିମନ୍ୟୁ ସାମଲ, ଲକ୍ଷ୍ମୀପ୍ରିୟା ଦାସ ପ୍ରମୁଖ ଚେତାବନୀ ଦେଇଛନ୍ତି ା ଏ ସମ୍ପର୍କରେ ବ୍ଲକ ଶିକ୍ଷାଧିକାରୀ ଧରଣୀଧର ପାତ୍ରଙ୍କ ମତାମତ ନେବାରେ କାହାକୁ ବଦଳି କରାଯିବ ତାହା ତାଙ୍କ ବିଭାଗ ଦାୟିତ୍ୱ ା ପରବର୍ତ୍ତୀ ସମୟରେ ଗ୍ରାମବାସୀଙ୍କ ଦାବିକୁ ବିଚାର କରାଯିବ ବୋଲି କହିଛନ୍ତି ା
