ଲୋକ ସଭାର ଅଧିଷ୍ଠାତା

ବ୍ୟକ୍ତିତ୍ୱ/ ଜିତେନ୍ଦ୍ର କୁମାର ନାୟକ
ଲୋକ ସଭାର ମୁଖ୍ୟ ହେଉଛନ୍ତି ବାଚସ୍ପତି। ସେ ଗୃହ ସଦସ୍ୟଙ୍କ କ୍ଷମତା ଓ ସ୍ବାଧିକାର ରକ୍ଷକ ଭାବେ ଜଣାଶୁଣା। ସଂସଦୀୟ ଶିଷ୍ଟାଚାର ବଜାୟ ରଖିବାରେ ତାଙ୍କ ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ନିମ୍ନ ସଦନର ଅଧିଷ୍ଠାତା ହୋଇଥିବାରୁ ଭାରତୀୟ ସମ୍ବିଧାନ ଓ ସଂସଦୀୟ ଲୋକାଚାରକୁ ଗଭୀର ଅନୁଶୀଳନ କରି ବାଚସ୍ପତି ଗୃହକାର୍ଯ୍ୟ ଚଳାଇଥାଆନ୍ତି। ୨୦୧୯ ସାଧାରଣ ନିର୍ବାଚନ ପରେ କେନ୍ଦ୍ରରେ ଭାଜପା ନେତୃତ୍ୱାଧୀନ ଜାତୀୟ ଗଣତାନ୍ତ୍ରିକ ମେଣ୍ଟ (ଏନ୍‌ଡିଏ) କ୍ଷମତାସୀନ ହେବା ପରେ ରାଜସ୍ଥାନର କୋଟା ଏମ୍‌ପି ଓମ୍‌ ବିର୍ଲା ଲୋକ ସଭାର ବାଚସ୍ପତି ହୋଇଛନ୍ତି। ରାଜସ୍ଥାନ ଭାଜପାର ବୈଶ୍ୟମାନଙ୍କ ଚେହେରା କୁହାଯାଉଥିବା ଏହି ବ୍ୟକ୍ତିଙ୍କ ମୁଣ୍ଡରେ ବାଚସ୍ପତି ଭଳି ମୁକୁଟ ମିଳିବା ପରେ ତାଙ୍କ ବ୍ୟକ୍ତିତ୍ୱ ଚର୍ଚ୍ଚାକୁ ଆସିଛି। କେବଳ ଦୁଇ ଥର ଲୋକ ସଭାକୁ ନିର୍ବାଚିତ ହୋଇଥିବା ଓମ୍‌ଙ୍କ ନାମ ବାଚସ୍ପତି ଲାଗି ଯେବେ ଘୋଷଣା ହେଲା ସେତେବେଳେ ରାଜନୈତିକ ମହଲରେ ଚହଳ ପଡ଼ିଯାଇଥିଲା। ବରିଷ୍ଠମାନଙ୍କୁ ପଛରେ ପକାଇ ଏହି ୫୬ ବର୍ଷୀୟ ନେତାଙ୍କ ଉପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଭାଜପା ରାଷ୍ଟ୍ରୀୟ ଅଧ୍ୟକ୍ଷ ତଥା ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହଙ୍କ ସମର୍ଥନ ରହିଥିବା ପରେ ଜଣାପଡ଼ିଥିଲା।
ଓମ୍‌ ରାଜସ୍ଥାନର କୋଟାରେ ୨୩ ନଭେମ୍ବର ୧୯୬୨ରେ ଜନ୍ମଗ୍ରହଣ କରିଥିଲେ। ଶ୍ରୀକୃଷ୍ଣ ବିର୍ଲା ଓ ଶକୁନ୍ତଳା ଦେବୀଙ୍କ ଏହି ସନ୍ତାନ ପିଲାଟି ବେଳୁ ନିଜକୁ ସାମାଜିକ କାର୍ଯ୍ୟରେ ନିୟୋଜିତ କରିଥିଲେ। କୋଟାସ୍ଥିତ ଗଭର୍ନମେଣ୍ଟ କମର୍ସ କଲେଜରୁ ବାଣିଜ୍ୟରେ ସେ ସ୍ନାତକୋତ୍ତର ଡିଗ୍ରୀ ଅର୍ଜନ କରିଥିଲେ। ଛାତ୍ର ରାଜନୀତିରେ ସକ୍ରିୟ ରହି ସେ ୧୯୭୯ରେ କଲେଜ ଛାତ୍ର ସଂସଦର ସଭାପତି ହୋଇଥିଲେ। ପରେ ୨୦୦୩ରେ ସେ ଦକ୍ଷିଣ କୋଟାରୁ ରାଜସ୍ଥାନ ବିଧାନସଭାକୁ ନିର୍ବାଚିତ ହୋଇଥିଲେ। ପରବର୍ତ୍ତୀ ସମୟରେ ୨୦୦୮ ଓ ୨୦୧୩ରେ ସେ ତୃତୀୟ ଥର ପାଇଁ ବିଧାୟକ ହୋଇଥିଲେ। ୨୦୦୩ରୁ ୨୦୦୮ ମଧ୍ୟରେ ସେ ବସୁନ୍ଧରା ରାଜେ ସରକାରରେ ପାର୍ଲାମେଣ୍ଟାରୀ ସେକ୍ରେଟାରି (ରାଷ୍ଟ୍ରପାହ୍ୟ ର଼୍ୟାଙ୍କ) ହୋଇଥିଲେ। ସାଙ୍ଗଠନିକ ଦକ୍ଷତା ସହ ବିଭିନ୍ନ ଜନମଙ୍ଗଳ କାର୍ଯ୍ୟରେ ସମ୍ପୃକ୍ତି ତାଙ୍କୁ ଜାତୀୟ ନେତାଙ୍କ ଦୃଷ୍ଟି ଆକର୍ଷଣ କରିଥିଲା। ଫଳରେ ୨୦୧୪ରେ ତାଙ୍କୁ କୋଟା ଲୋକ ସଭା ଆସନରୁ ପ୍ରାର୍ଥୀ କରାଯାଇଥିଲା। ସେଠାରୁ ସେ ସଫଳ ହେବା ପରେ ଦ୍ୱିତୀୟ ଥର ଲାଗି ୨୦୧୯ରେ ପୁନଶ୍ଚ ତାଙ୍କ ଉପରେ ପାର୍ଟି ଭରସା କରିଥିଲା। ରାଷ୍ଟ୍ରୀୟ ସ୍ବୟଂ ସେବକ ସଂଘ (ଆର୍‌ଏସ୍‌ଏସ୍‌) ଆଦର୍ଶରେ ଅନୁପ୍ରାଣିତ ଓମ୍‌ ସାଧାରଣ ନିର୍ବାଚନ ବେଳେ ତାଙ୍କ ବିଜୟ ମୋଦିଙ୍କୁ ଦ୍ୱିତୀୟ ଥର ପ୍ରଧାନମନ୍ତ୍ରୀ ହେବା ଲାଗି ସୁଯୋଗ ଦେବ ବୋଲି ସ୍ଲୋଗାନ ଦେଇ ଚର୍ଚ୍ଚାକୁ ଆସିଥିଲେ। ତାଙ୍କ ବାଚସ୍ପତି ହେବା ପଛରେ ଦକ୍ଷତାର ସହ ରାଜସ୍ଥାନ ଓ ଗୁଜରାଟରେ ସମବାୟ ସମିତି ପରିଚାଳନାକୁ ଶ୍ରେୟ ଦିଆଯାଉଛି। କୁହାଯାଉଛି ଗୁଜରାଟ ମୁଖ୍ୟମନ୍ତ୍ରୀ ହେବା ପୂର୍ବରୁ ମୋଦିଙ୍କ ସହ ତାଙ୍କ ସମ୍ପର୍କ ନିବିଡ଼ ଥିଲା। ୨୦୧୯ ସାଧାରଣ ନିର୍ବାଚନରେ ବୁଥ୍‌ ପରିଚାଳନା କ୍ଷେତ୍ରରେ ଓମ୍‌ଙ୍କ ରଣକୌଶଳ ଓ ଦକ୍ଷତାକୁ ଶାହ ମଧ୍ୟ ପ୍ରଶଂସା କରିଛନ୍ତି।
ବାଚସ୍ପତି ଭାବେ ଲୋକ ସଭା ପରିଚାଳନା କରିବା ନିଶ୍ଚିତ କାଠିକର ବ୍ୟାପାର। ନିମ୍ନ ସଦନର ପ୍ରଥମ ବାଚସ୍ପତି ଗଣେଶ ବାସୁଦେବ ମାଭାଲାଙ୍କଠାରୁ ଅଦ୍ୟାବଧି ୧୬ ଜଣ ବ୍ୟକ୍ତି ଏହି ମର୍ଯ୍ୟାଦାଜନକ ପଦବୀରେ ରହିଆସିଛନ୍ତି। ଶାସକ ଓ ବିରୋଧୀ ବିଭିନ୍ନ ପ୍ରସଙ୍ଗରେ ଗୃହରେ ହଟ୍ଟଗୋଳ, ଯୁକ୍ତିତର୍କ ଓ ବିଶୃଙ୍ଖଳା ସୃଷ୍ଟି କରିବାର ନଜୀର ରହିଛି। ୧୭ତମ ବାଚସ୍ପତି ହୋଇଥିବା ଓମ୍‌ ଧୈର୍ଯ୍ୟର ସହ ବିଚକ୍ଷଣତା ପ୍ରଦର୍ଶନ କରି ଉତ୍ତମ ଭାବେ ଗୃହ ଚଳାଇବେ ବୋଲି ଆଶା ରହିବା ସ୍ବାଭାବିକ।


Enter your email to get our daily news in your inbox.

All Right Reserved By Dharitri.Com

ଏଇ ଭାରତରେ

ମହାରାଷ୍ଟ୍ରର ହରିଶ୍ଚନ୍ଦ୍ର ସୁଦେ ଦିବ୍ୟାଙ୍ଗମାନଙ୍କୁ ଆତ୍ମନିର୍ଭରଶୀଳ କରାଇ ସେମାନଙ୍କ ପାଇଁ ଦେବଦୂତ ସାଜିଛନ୍ତି। ହରିଶ୍ଚନ୍ଦ୍ର ପିଲାଦିନେ ଗୋଟିଏ ଆଖି ହରାଇବା ପରେ ବହୁ ପ୍ରତିକୂଳ ପରିସ୍ଥିତିକୁ...

ସ୍ତମ୍ଭର ମହତ୍ତ୍ୱ

ଉପେନ୍ଦ୍ର ବିଶ୍ୱାଳ   ଶ୍ରୀଅରବିନ୍ଦଙ୍କ ଭାଷାରେ-‘ସାହିତ୍ୟ ହେଉଛି ଜୀବନ୍ତ ମନେହେଉଥିବା ଶବ୍ଦଚିତ୍ର।’ ପ୍ରଖ୍ୟାତ ବ୍ରିଟିଶ୍‌ ଲେଖିକା ଶେଲି କୁହନ୍ତି, ‘ସାହିତ୍ୟ ହେଉଛି ସତ୍ୟର ପ୍ରତିଫଳନ ।’...

ବୁଝ ନ ବୁଝ…

ରାକେଶ ପଣ୍ଡା   ସାଧାରଣତଃ ଯଦି ଜଣେ ବ୍ୟକ୍ତି ନୀତି ଓ ନିୟମ ବାହାରେ କାର୍ଯ୍ୟ କରନ୍ତି, ତେବେ ସମାଜରେ ବିଶୃଙ୍ଖଳା ଏବଂ ଅରାଜକତା ସୃଷ୍ଟି...

ଆଧୁନିକ ଯୁଗର ଧାର୍ମିକ ନେତା

ପାଶ୍ଚାତ୍ୟ ନେତୃତ୍ୱର ଢାଞ୍ଚାଗୁଡ଼ିକ ହେଉଛି ସାମରିକ ଶକ୍ତି କୈନ୍ଦ୍ରିକ। ଏଗୁଡ଼ିକ ମୁଖ୍ୟତଃ ନିର୍ଦ୍ଦେଶ ଏବଂ ନିୟନ୍ତ୍ରଣଭିତ୍ତିକ। ପାଶ୍ଚାତ୍ୟ ନେତୃତ୍ୱ କାର୍ଯ୍ୟ ଉପରେ ଗୁରୁତ୍ୱ ଦିଏ ଓ...

ଏଇ ଭାରତରେ

ସମୟ କ୍ରମେ ମଣିଷର ଖାଦ୍ୟ ରୁଚି ବଦଳୁଛି। ସେଫ୍‌ମାନେ ନୂଆ ପ୍ରକାରର ତଥା ସ୍ବାଦର ଖାଦ୍ୟ ସାମ୍ନାକୁ ଆଣୁଛନ୍ତି। ସେଥି ମଧ୍ୟରୁ ଏବେ ମୋମୋ ବେଶ୍‌...

ଦିବ୍ୟାଙ୍ଗ ଓ ନିଯୁକ୍ତି

ମିନତି ପ୍ରଧାନ ଗତ କେଇ ଦଶନ୍ଧି ତଳେ ଦିବ୍ୟାଙ୍ଗଙ୍କୁ କେବଳ ଛୋଟମୋଟ ବ୍ୟବସାୟ କରିବାକୁ ସୁଯୋଗ ମିଳୁଥିଲା। ମାତ୍ର ଅନ୍ତଃରାଷ୍ଟ୍ରୀୟ ଓ ରାଷ୍ଟ୍ରୀୟ ସଂସ୍ଥା, ଏନ୍‌ଜିଓ...

ଉତ୍ତର ପିଢ଼ିର ବ୍ୟାଘ୍ରାରୋହଣ

ଛାୟାକାନ୍ତ ଷଡ଼ଙ୍ଗୀ ଗୋଦାବରୀଶ ମହାପାତ୍ରଙ୍କ କ୍ଷୁଦ୍ରଗଳ୍ପ ‘ଏବେ ବି ବଞ୍ଚତ୍ଛି’ର ଦୁର୍ଭିକ୍ଷ ପ୍ରପୀଡ଼ିତ ନାୟକ ବେଣୁଧର ସରକାରୀ ସାହାଯ୍ୟ କେନ୍ଦ୍ରକୁ ଚାଉଳ ଆଣିବା ପାଇଁ ଯାଇଛି...

ସଙ୍କଟରେ ନ୍ୟାୟାଳୟ

ନ୍ୟାୟପାଳିକା ଗଣତାନ୍ତ୍ରିକ ବ୍ୟବସ୍ଥାର ଏକ ଗୁରୁତ୍ୱପୂର୍ଣ୍ଣ ଅଙ୍ଗ। ଏହା ନାଗରିକଙ୍କ ସ୍ବାର୍ଥରକ୍ଷା ନିଶ୍ଚିତ କରେ। ଭାରତର ନ୍ୟାୟିକ ବ୍ୟବସ୍ଥା ସୁବ୍ୟସ୍ଥିତ ଓ ଏହାର ଶୀର୍ଷରେ ରହିଛି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri