ନୟାଗଡ ଅଫିସ/ରଣପୁର, ୮।୩(ସ୍ବ.ପ୍ର.)- ନୟାଗଡ ଜିଲା ରଣପୁର ବ୍ଲକ ଗଉଡିଆପଡା ରଣପୁର ରାସ୍ତାର ଗଉଡିଆପଡାଠାରେ ଶୁକ୍ରବାର ସନ୍ଧ୍ୟା ୬ଟାରେ କେତେକ ଯୁବକ ୨ଟି ଟାଟା ଏସିଇ ଗାଡିରେ ବୋଝେଇ ୧୧ ଗୋରୁ ଉଦ୍ଧାର କରିଥିଲେ । ସେଥିରେ ଥିବା ୭ ଷଣ୍ଢ ଓ ୪ଗାଈଙ୍କୁ ଚାଲାଣ କରାଯାଉଥିଲା । କିଛି ସଂଖ୍ୟାଲଘୁ ସମ୍ପ୍ରଦାୟର ବ୍ୟକ୍ତି ଏହି ଗୋଚାଲାଣ କରୁଥିଲେ । ରଣପୁର ଥାନା ପୋଲିସକୁ ଏ ସମ୍ପର୍କରେ ଖବର ଦିଆଯାଇଥିଲା। ଗୋରୁ ବୋଝେଇ ଗାଡି ସହ ଗୋଚାଲାଣକାରୀଙ୍କୁ ପ୍ରାୟ ୩ ଘଣ୍ଟା ଧରି ଅଟକାଇ ରଖାଯାଇଥିଲା। ହେଲେ ପୋଲିସ ଆସୁଛି କହି ଆସି ନ ଥିଲା । ଫଳରେ ଯୁବକମାନେ ଉତ୍ତେଜିତ ହୋଇ ଗୋରୁଙ୍କୁ ଫିଟେଇ ଦେଇଥିଲେ । ଆଗକୁ ଆଉ ଗୋଚାଲାଣ ନ କରିବାକୁ ପରାମର୍ଶ ଦେଇ ଗୋଚାଲାଣକାରୀ ଓ ଗାଡିକୁ ଛାଡି ଦେଇଥିଲେ।
