ଲକ୍‌ଡାଉନରେ ବାବୁ ଅନୁପସ୍ଥିତ

ମେଡିକାଲ କିମ୍ବା ଅନ୍ୟ କାରଣରୁ ଯେଉଁ ଅଧିକାରୀମାନେ କାର୍ଯ୍ୟରେ ଯୋଗ ଦେଇ ପାରି ନ ଥିଲେ ସେମାନଙ୍କ ଜାଗାରେ ନୂଆ ଅଧିକାରୀଙ୍କୁ ରିପ୍ଲେସ୍‌ କରିବା ପାଇଁ ଉପଭୋକ୍ତା ବ୍ୟାପାର ବିଭାଗ ନିଷ୍ପତ୍ତି ନେଇଛି। ସରକାରୀ ନିର୍ଦ୍ଦେଶନାମା ସତ୍ତ୍ୱେ କେତେ ଜଣ ବାବୁ କାର୍ଯ୍ୟରେ ଯୋଗ ନ ଦେବାରୁ ବିଭାଗୀୟ ସଚିବ ପବନ କୁମାର ଅଗ୍ରଓ୍ବାଲା ଏହି ନିଷ୍ପତ୍ତି ଘୋଷଣା କରିଥିଲେ। ଲକ୍‌ଡାଉନ ସମୟରେ ଏହି ବିଭାଗ ଅତ୍ୟାବଶ୍ୟକ ସାମଗ୍ରୀର ଯୋଗାଣ ଓ ଦର ନିୟନ୍ତ୍ରଣ ଉପରେ ସମୀକ୍ଷା କରିବାରେ ଏହି ବିଭାଗର ଗୁରୁତ୍ୱପୂର୍ଣ୍ଣ ଭୂମିକା ରହିଛି। ଲକ୍‌ଡାଉନରୁ ଅତ୍ୟାବଶ୍ୟକ ସାମଗ୍ରୀ ପରିବହନ ଓ ଯୋଗାଣକୁ କଟକଣା ମୁକ୍ତ ରଖାଯାଇ ଏହାକୁ ମେ’ ୩ ଯାଏ ବଢ଼ାଇ ଦିଆଯାଇଛି। ଏଣୁ ଲକ୍‌ଡାଉନ ସମୟରେ ଯେଉଁ ଅଧିକାରୀମାନେ କାର୍ଯ୍ୟକୁ ଆସି ନ ଥିଲେ ସେମାନଙ୍କର ଏକ ତାଲିକା ପ୍ରସ୍ତୁତ କରାଯାଇଛି । ଏକ ମେମୋ ବା ପ୍ରତିପତ୍ର ଜାରି କରାଯାଇଛି। ବିଭାଗରେ ଅଧିକ ଷ୍ଟାଫ୍‌ଙ୍କ ଆବଶ୍ୟକତା ଥିବାରୁ କାର୍ମିକ ଓ ପ୍ରଶିକ୍ଷଣ ବିଭାଗରୁ ସେମାନଙ୍କ ରିପ୍ଲେସ୍‌ମେଣ୍ଟ ପାଇଁ ଏଥିରେ ଅନୁମତି ଲୋଡ଼ାଯାଇଛି। କିନ୍ତୁ ଏହି ମେମୋରେ ଦ୍ୱନ୍ଦ୍ୱ ରହିଥିବା ସ୍ପଷ୍ଟ ଭାବେ ଜଣାପଡିଛିା। ଲକ୍‌ଡାଉନ ସମୟରେ କେଉଁ କର୍ମଚାରୀ ଓ ଅଧିକାରୀ ଆସିବାକୁ ଅକ୍ଷମ ସେମାନଙ୍କର ତାଲିକା ମେମୋରେ ସାମିଲ କରିବାର ଆବଶ୍ୟକତା ଥିଲା, ଯାହା ଏଥିରେ ନ ଥିଲା। ଏଣୁ ଏବେ ଏକ ନୂଆ ତାଲିକା ପ୍ରସ୍ତୁତ କରାଯାଇଛି।
କାନ୍ତଙ୍କ ମନ୍ତବ୍ୟ
କୋଭିଡ୍‌-୧୯ ମହାମାରୀ ସମୟରେ ଭାରତୀୟ ବ୍ୟବସାୟିକ କ୍ଷେତ୍ରରେ ଚାଇନାର ପୁନଃ ପ୍ରବେଶ ଉଦ୍ୟମକ୍‌ୁ ବନ୍ଦ କରିବା ପାଇଁ ମୋଦି ସରକାର ବିଦେଶୀ ପୁଞ୍ଜି ନିବେଶ (ଏଫ୍‌ଡିଆଇ) ନିୟମକୁ କଡ଼ାକଡ଼ି କରିବାକୁ ନେଇଥିବା ନିଷ୍ପତ୍ତିକୁ ଚାଇନା ସମାଲୋଚନା କରିଛି। କିନ୍ତୁ ଏହି ସମାଲୋଚନାର ଗୁରୁତ୍ୱକୁ ନୀତି ଆୟୋଗ ମୁଖ୍ୟ କାର୍ଯ୍ୟନିର୍ବାହୀ (ସିଇଓ) ଅମିତାଭ କାନ୍ତ କମାଇ ଦେଇଛନ୍ତି। ସେ କହିଛନ୍ତି ଯେ,ଚାଇନାର ପୁଞ୍ଜି ନିବେଶକୁ ଭାରତ ସ୍ବାଗତ କରେ । ଅପରପକ୍ଷରେ ସରକାରଙ୍କ ନିଷ୍ପତ୍ତିକୁ ବହୁ ରାଷ୍ଟ୍ରବାଦୀ ସମର୍ଥକ ସ୍ବାଗତ କରିଛନ୍ତି। ସମାଲୋଚନା କରି ଆକ୍ରମଣାମତ୍କ ଆଭିମୁଖ୍ୟ ପୋଷଣ କରିଥିବା ତଥା ଭାରତ ଓ ବିଶ୍ୱରେ କରୋନା ମହାମାରୀର ବିଭୀଷିକା ଖେଳାଇ ଦେଇଥିବା ଚାଇନା ବିରୋଧରେ ଏହି ନିଷ୍ପତ୍ତିକୁ ସରକାରଙ୍କର ଏକ ଦୃଢ ପଦକ୍ଷେପ ବୋଲି ସେମାନେ ବିବେଚନା କରିଛନ୍ତି। ଚଳିତବର୍ଷ ପ୍ରାରମ୍ଭରେ ଚାଇନାର ପିପୁଲ୍ସ ବ୍ୟାଙ୍କ ଏଚ୍‌ଡିଏଫ୍‌ସି ବ୍ୟାଙ୍କରେ ତା’ର ଅଂଶଧନ ୦.୮ ପ୍ରତିଶତରୁ ୧.୦୧ ପ୍ରତିଶତକୁ ବୃଦ୍ଧି କରିବା ପରେ ଏହି ନିଷ୍ପତ୍ତି ନିଆଯାଇଥିବା ଅନୁମାନ କରାଯାଉଛି। ବହୁ ଭାରତୀୟ କମ୍ପାନୀ କରୋନା ମହାମାରୀ ସଂକ୍ରମଣ ବ୍ୟାପିବା ପୂର୍ବରୁ ବି ଚାପରେ ରହିଥିଲେ ଓ ଏଗୁଡିକ ଏବେ ଦେବାଳିଆ ସ୍ଥିତିକୁ ଚାଲିଯିବାର ସମ୍ଭାବନା ଦେଖାଦେଇଛି। ବ୍ୟବସାୟିକ ମୂଲ୍ୟାଙ୍କନରେ ତୀବ୍ର ହ୍ରାସ ଘଟିଥିବା ଓ ଚାପଗ୍ରସ୍ତ ଭାରତୀୟ କମ୍ପାନୀଗୁଡିକ ଏବେ ଗୁରୁତର ଭାବେ କ୍ଷତିଗ୍ରସ୍ତ ହେଉଛନ୍ତି। ଏହି ସ୍ଥିତିର ସୁଯୋଗ ନେଇ ଆର୍ଥିକ କ୍ଷେତ୍ରରେ ବଳଶାଳୀ ଚାଇନା ନିବେଶକାରୀ ଭାରତରେ ସେମାନଙ୍କ ନିବେଶକୁ ବୃଦ୍ଧି କରିପାରନ୍ତି। କିନ୍ତୁ କାନ୍ତଙ୍କ ମନ୍ତବ୍ୟ ରାଷ୍ଟ୍ରବାଦୀ ସମର୍ଥକଙ୍କ ମୁହଁ ବନ୍ଦ କରିଦେଇଛି। ଏପରି କି ସରକାର ତାଙ୍କ ନିଷ୍ପତ୍ତିରୁ ଓହରି ଯାଇପାରନ୍ତି ବୋଲି ସେମାନଙ୍କ ମଧ୍ୟରୁ କେତେଜଣ ଅନୁମାନ କରି ଦ୍ୱନ୍ଦ୍ୱରେ ପଡିଯାଇଛନ୍ତି। କିନ୍ତୁ ସେମାନେ ଭଲ ଭାବେ ଜାଣନ୍ତି ଯେ, ଏବକାର ଶାସନ ବ୍ୟବସ୍ଥାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅତି ନିକଟ ଓ ବିଶ୍ୱାସଭାଜନ ହୋଇଥିବା କେତେ ଜଣ ବାବୁଙ୍କ ମଧ୍ୟରେ କାନ୍ତ ଅନ୍ୟତମ। ସେ କେବଳ ସରକାରଙ୍କ ପ୍ରମୁଖ ନୀତି ବିଚାର ମଞ୍ଚ କୁହାଯାଉଥିବା ନୀତି ଆୟୋଗର ସିଇଓ ନୁହନ୍ତି, ବରଂ ମୋଦି ସରକାରରେ ନୀତି ନିର୍ଦ୍ଧାରଣ କ୍ଷେତ୍ରରେ ତାଙ୍କ ପ୍ରତ୍ୟକ୍ଷ ଯୋଗଦାନ ରହିଆସୁଛି। କୋଭିଡ-୧୯ ସଂକ୍ରମଣକୁ ରୋକିବା ଲାଗି ପ୍ରଭାବୀ ଢଙ୍ଗରେ କାର୍ଯ୍ୟ କରିବା ପାଇଁ ରଣନୀତି ପ୍ରସ୍ତୁତ କରିବାକୁ ସରକାର ଗଠନ କରିଥିବା ସଶକ୍ତ ସମିତିର ମୁଖ୍ୟ ଭାବେ କାନ୍ତଙ୍କୁ ମଧ୍ୟ ଚୟନ କରାଯାଇଥିଲା। କରୋନା ଭାଇରସ ବ୍ୟାପିବା ପରେ ଏଥିରୁ ମୁକୁଳିବା ଲାଗି ବିଶ୍ୱ କିଭଳି କଠିନ ପରିଶ୍ରମ କରୁଛି ସେଥିରେ ଭାରତର ଲଢ଼େଇ ଏକ ନିର୍ଣ୍ଣାୟକ ପ୍ରସଙ୍ଗ ହେବ ତାହା ସେ ଦୃଢ ଭାବେ ଜାଣିଛନ୍ତି। ଏଥିପାଇଁ ଯଥାର୍ଥବାଦୀ ରାଜନେତା, ତଥା କଥିତ ଅମଲାତନ୍ତ୍ରୀଙ୍କ ମଧ୍ୟରେ ସମନ୍ବୟ ଓ ଜନସାଧାରଣଙ୍କ ସହଯୋଗ ଅନିବାର୍ଯ୍ୟ। ଅର୍ଥବ୍ୟବସ୍ଥାକୁ କ୍ଷତି ପହଞ୍ଚାଇ କରୋନା ଭୂତାଣୁ ବିରୋଧରେ ଲଢେଇ କରିବା ଏକ ମାତ୍ର ବିକଳ୍ପ ନୁହେଁ ବୋଲି ସେ ଜାଣନ୍ତି। ଏଣୁ ସେ ଶୀଘ୍ର ବାଟ ସଫା କରି ଚାଇନାକୁ ସନ୍ତୁଷ୍ଟ କଲା ଭଳି ଏକ ସଂକେତ ପ୍ରଦାନ କଲେ। ସରକାରଙ୍କ ନିଷ୍ପତ୍ତିରେ ସେ ଏକମତ ନ ହୋଇ ଏଭଳି କରିବାରେ କିଛି ଆଶ୍ଚର୍ଯ୍ୟ ହେବାର ନାହିଁ। କାନ୍ତ ଜଣେ ଦକ୍ଷ ଅଧିକାରୀ। କଥା କହି ଚାଇନା ସହ କିଭଳି ସମ୍ପର୍କ ରଖାଯାଇପାରିବ ତାହା ମଧ୍ୟ ସେ ଭଲ ଭାବେ ଜାଣନ୍ତି। ୧୦ ଟ୍ରିଲିୟନ ଡଲାର ଅର୍ଥ ବ୍ୟବସ୍ଥାରେ ପହଞ୍ଚିବାକୁ ଲକ୍ଷ୍ୟ ରଖିଥିବା ଭାରତ ପାଇଁ ଚାଇନା ପୁଞ୍ଜିନିବେଶର ଗୁରୁତ୍ୱ ସମ୍ପର୍କରେ ସେ ଅବଗତ ଅଛନ୍ତି। ସେ ମଧ୍ୟ ଭଲ ଭାବେ ଜାଣନ୍ତି ଯେ, ଭାରତରେ ଚାଇନା ସବୁଠୁ ଅଧିକ ନିବେଶ କରିଛି। ଗତ କିଛି ବର୍ଷ ମଧ୍ୟରେ ଏହା ବିଭିନ୍ନ କ୍ଷେତ୍ରରେ ୮ ବିଲିୟନ ଡଲାରରୁ ଅଧିକ ନିବେଶ କରିଛି। ଭାରତୀୟ ଷ୍ଟାର୍ଟଅପ୍‌ରେ ଚାଇନା ପ୍ରମୁଖ ଭୂମିକା ତୁଲାଇ ଆସୁଛି। ସମ୍ଭବତଃ ଚାଇନା ଏକ ମାତ୍ର ଦେଶ ଯିଏ କି କରୋନା ଭାଇରସ ସଂକ୍ରମଣ ସମୟରେ ଅନ୍ୟ ଦେଶରେ ନିବେଶ କରୁଛି। କାନ୍ତ ଏବେ ଯେଉଁ ପଦବୀରେ ରହିଛନ୍ତି ସେଠି ଚାଇନା ସହ ସମ୍ପର୍କ ବଢାଇବା ଦରକାର କିନ୍ତୁ ଅନ୍ୟପକ୍ଷରେ ଏହାଦ୍ୱାରା କିଭଳି ଅର୍ଥ ଆସିପାରିବ ତାହା ଲାଗି ବାଟ ଖୋଲା ରଖିବା ମଧ୍ୟ ଆବଶ୍ୟକ।
Email: [email protected]


Enter your email to get our daily news in your inbox.

All Right Reserved By Dharitri.Com

ବଦଳିରୁ ବିବାଦ

ଦିଲ୍ଲୀକା ବାବୁ ଦିଲୀପ ଚେରିଏନ୍‌ ୧୯୯୫ କ୍ୟାଡର ଆଇଏଏସ୍‌ ଅଫିସର ପ୍ରତୀକ ହାଜେଲାଙ୍କୁ ୭ ଦିନ ମଧ୍ୟରେ ମଧ୍ୟପ୍ରଦେଶକୁ ବଦଳି କରିବା ପାଇଁ ସର୍ବୋଚ୍ଚ ନ୍ୟାୟାଳୟ...

ଜନସେବାର ପରିଭାଷା

ଡ. ଛାୟାକାନ୍ତ ଷଡ଼ଙ୍ଗୀ ସମ୍ପ୍ରତି ବିଧାୟକ ବା ସାଂସଦ ହେବାକୁ ଚାହୁଁଥିବା ପ୍ରାର୍ଥୀମାନେ କହୁଛନ୍ତି, ସେମାନେ ନିର୍ବାଚନରେ ଜିତିଲେ ଜନସେବା କରିବେ। ମାତ୍ର ସେମାନେ ଭୁଲିଯିବା...

ଜୀବନର ମନ୍ତ୍ର

ବିପିନ ବିହାରୀ ରାଉତ ଆଜିର ମଣିଷ ଏଭଳି ପରିସ୍ଥିତିରେ ପହଞ୍ଚିଲାଣି ଯେ ନିଜର ସମ୍ପତ୍ତି ବ୍ୟତୀତ ଅନ୍ୟର ସମ୍ପତ୍ତିକୁ ବି ନିଜର ମନେକରୁଛି। ଆଉ ତାକୁ...

ଅଗ୍ରଦୂତ ନବ ପ୍ରଭାତର

ଡ. ହୃଷୀକେଶ ମଲ୍ଲିକ ଭଗବତୀ ଚରଣ ପାଣିଗ୍ରାହୀ ଥିଲେ ଓଡ଼ିଶାର ରାଜନୀତି ଓ ସାହିତ୍ୟକୁ ସମୟର ଅକୃପଣ ବରଦାନ। ଏପରି ଏକ ସମୟରେ ସେ ଓଡ଼ିଶାର...

ରହସ୍ୟମୟ କରୋନା

ବୈକୁଣ୍ଠନାଥ ମିଶ୍ର ପୃଥିବୀରେ ମାନବ ସଭ୍ୟତା ଗଢ଼ି ଉଠିବା ଦିନଠାରୁଆଜି ପର୍ଯ୍ୟନ୍ତ ବିଶ୍ୱବାସୀଙ୍କୁ ନାନା ବିପତ୍ତିର ସମ୍ମୁଖୀନ ହେବାକୁ ପଡିଛି। ବିପତ୍ତିମାନଙ୍କର ସୃଷ୍ଟି ଓ ସ୍ଥିତିକୁ...

କେତେ ସୁରକ୍ଷିତ ଜୈବିକ ଖାଦ୍ୟ

ଡା. ଉମେଶ ଚନ୍ଦ୍ର ପାତ୍ର ପନିପରିବାକୁ ରୋଗ ପୋକ ଦାଉରୁ ରକ୍ଷା କରିବା ପାଇଁ କୃଷି କ୍ଷେତ୍ରରେ କୀଟନାଶକ ଔଷଧର ବ୍ୟବହାର କରାଯାଉଛି। ହେଲେ ଏହି...

ଏଇ ଭାରତରେ

ସମାଜରେ ଏମିତି ଶିକ୍ଷକ ଅଛନ୍ତି ଯେଉଁମାନେ ନିଜସ୍ବ ଉଦ୍ୟମରେ ସାମ୍ପ୍ରତିକ ଶିକ୍ଷା ବ୍ୟବସ୍ଥାର ବିକାଶ କରିବା ପାଇଁ ପ୍ରୟାସ କରିଥାନ୍ତିି। ତେବେ ଏମାନଙ୍କ ମଧ୍ୟରୁ ଉତ୍ତରପ୍ରଦେଶର...

ଚମଡ଼ା ବନାମ କପଡ଼ା ସିଟ୍‌

ମାନେକା ଗାନ୍ଧୀ ଅନେକ ବର୍ଷ ପୂର୍ବେ ମୁଁ ଭାରତରେ ମର୍ସିଡିଜ୍‌ କାର୍‌ କମ୍ପାନୀ ଲୋକଙ୍କ ସହ କଥା ହୋଇ ସେମାନଙ୍କ କାର୍‌ ସିଟ୍‌ ପାଇଁ ଚମଡ଼ା...

Advertisement
Archives

Model This Week