କେନ୍ଦୁଝର, ୧ା୪ (ସ୍ବ.ପ୍ର./ଡି.ଏନ୍.ଏ.)- କେନ୍ଦୁଝର ବନ ବିଭାଗ ଭୂୟାଁ ଜୁଆଙ୍ଗ ପୀଢ ରେଞ୍ଜ ଅନ୍ତର୍ଗତ ୨ଟି ସ୍ଥାନରେ ଚଢାଉ କରି ୨ଟି ଟ୍ରାକ୍ଟର ଜବତ ସହ ଲକ୍ଷାଧିକ ଟଙ୍କାର କାଠ ଜବତ କରିଛି। ସୂଚନା ଅନୁଯାୟୀ, ୨୭ ତାରିଖ ରାତିରେ କତିଲା ଡିପିଏଫ୍୍ ଅନ୍ତର୍ଗତ ବରଗୋଡା ନିକଟରୁ ଏକ ଟ୍ରାକ୍ଟର ସହ ୮୦ଟି ଶାଳ ବହ୍ଲା ଓ ୨୮ ତାରିଖରେ ତରମାକାନ୍ତ ନିକଟରୁ ଏକ ଟ୍ରାକ୍ଟର ସହ ୧୮୦ଟି ବହ୍ଲା ଜବତ ହୋଇଛି। ବନବିଭାଗର ପାଟ୍ରୋଲିଂ ସମୟରେ ଉଭୟ ଗାଡିର ଡ୍ରାଇଭର ଗାଡି ଛାଡି ଫେରାର୍ ହୋଇ ଯାଇଥିବା ଜଣାପଡିଛି। ଏହି ଚଢାଉରେ ଭୂୟଁା ଜୁଆଙ୍ଗ ପୀଢ ରେଞ୍ଜର ମାନସ କୁମାର ମୁର୍ମୁ, ଫରେଷ୍ଟର ଟିକେଶ୍ୱର ମହାନ୍ତ,ଫରେଷ୍ଟ ଗାର୍ଡ ନିରଞ୍ଜନ ସେଠୀ ଓ ଅନ୍ୟ ବନ କର୍ମଚାରୀମାନେ ସାମିଲ ଥିଲେ। କରୋନା ସମୟରେ ସାରା ଭାରତ ଲକ୍ ଡାଉନ୍ ହୋଇଥିବାବେଳେ ମାଫିଆମାନେ ସକ୍ରିୟ ହୋଇ କାଠ ଚୋରି କରୁଥିବା ଏହି ଦୁଇ ଘଟଣାରୁ ସ୍ପଷ୍ଟ ହୋଇଛି।
