Posted inଖେଳ

ରୋନାଲ୍ଡୋ ସମାଲୋଚିତ

ରୋମ, ୨୦।୬ – ତାରକା ଖଚିତ ଜୁଭେଣ୍ଟସକୁ ହରାଇ ନାପୋଲି କୋପା ଇଟାଲିଆ ଫୁଟବଲ ଟାଇଟଲ ଜିତିଛି। ତୀବ୍ର ସଂଘର୍ଷପୂର୍ଣ୍ଣ ଫାଇନାଲରେ ଏହି ଦଳ ପେନାଲ୍ଟି ଶୁଟ୍‌ଆଉଟ୍‌ ୪-୨ ଗୋଲରେ କ୍ରିଷ୍ଟିଆନୋ ରୋନାଲ୍ଡୋଙ୍କ ଦଳକୁ ହରାଇ ଚାମ୍ପିୟନ ହୋଇଛି। ନିର୍ଦ୍ଧାରିତ ସମୟ ଖେଳ ଗୋଲଶୂନ୍ୟ ରହିଥିଲା। ମାତ୍ର ଶୁଟ୍‌ଆଉଟରେ ବାଜି ମାରିଥିଲା ନାପୋଲି। ଅଲିମ୍ପିକୋ ଷ୍ଟାଡିୟମରେ ବିନା ଦର୍ଶକରେ ଏହି ମ୍ୟାଚ ଅନୁଷ୍ଠିତ ହୋଇଥିଲା। ଗତ ୬ ସିଜନରେ ନାପୋଲିର ଏହା ସର୍ବଶ୍ରେଷ୍ଠ ସଫଳତା। ଦଳର ମ୍ୟାନେଜରଭାବେ ଗେନାରୋ ଗଟୁସୋପାଇଁ ମଧ୍ୟ ଏହା ବଡ଼ ସଫଳତା। ଜୁଭେଣ୍ଟସ ଏହି ମ୍ୟାଚ ହାରିବାପରେ ରୋନାଲ୍ଡୋଙ୍କୁ ପ୍ରଶଂସକମାନେ କଡ଼ା ସମାଲୋଚନା କରିଛନ୍ତି। କାରଣ ସେ ପେନାଲ୍ଟି ଶୁଟ୍‌ଆଉଟରେ ଭାଗ ନେଇ ନ ଥିଲେ। ଜୁଭେଣ୍ଟସର ପାଉଲୋ ଡିବାଲା ଓ ଡାନିଲୋ ପ୍ରତିପକ୍ଷ ଗୋଲକିପରଙ୍କୁ ଚକ୍‌ମା ଦେବାରେ ବିଫଳ ହୋଇଥିଲେ। ରୋନାଲ୍ଡୋ କାହିଁକି ପେନାଲ୍ଟି ଶଟ୍‌ ମାରିଲେ ନାହିଁ ବୋଲି ଏବେ ବିଭିନ୍ନ ମହଲରୁ ପ୍ରଶ୍ନ ହେଉଛି। ଆଲୋଚନା ହେଉଛି ଯେ, ରୋନାଲ୍ଡୋ ଦଳ ପକ୍ଷରୁ ୫ମ ଶଟ୍‌ ମାରିବାର ଥିଲା, ମାତ୍ର ସେ ପର୍ଯ୍ୟନ୍ତ ଶୁଟ୍‌ଆଉଟ ତିଷ୍ଠି ନ ଥିଲା। ଶୁଟ୍‌ଆଉଟରୁ ଦୂରେଇ ରହିବା ରୋନାଲ୍ଡୋଙ୍କ ପାଇଁ ଏହା ପ୍ରଥମ ନୁହେଁ। ୟୁରୋ ୨୦୧୨ରେ ପର୍ତ୍ତୁଗାଲ ପକ୍ଷରୁ ଖେଳୁଥିବାବେଳେ ସେ ସ୍ପେନ୍‌ ବିପକ୍ଷରେ ତାହା କରିଥିଲେ। ସେହିପରି ୨୦୧୭ କନ୍‌ଫେଡେରେଶନ କପ୍‌ରେ ତୁର୍କୀ ବିପକ୍ଷରେ ମଧ୍ୟ ସେ ଦୂରେଇ ରହିଥିଲେ। ରୋନାଲ୍ଡୋଙ୍କ ଏପରି କାର୍ଯ୍ୟକୁ ସହଜରେ ପ୍ରଶଂସକ ଗ୍ରହଣ କରିପାରୁ ନାହାନ୍ତି। ଜଣେ ଲିଡର ଭାବରେ ସେ ପ୍ରଥମ ଶଟ୍‌କୁ ଗୋଲରେ ପରିଣତ କରି ଖେଳାଳିଙ୍କ ଆତ୍ମବିଶ୍ୱାସକୁ ଦୃଢ଼ କରିବା କଥା ବୋଲି ସେମାନେ ଭାବୁଛନ୍ତି। ରୋନାଲ୍ଡୋ ଖେଳିଥିବା ମ୍ୟାଚ ଗୁଡ଼ିକ ମଧ୍ୟରୁ ୧୧ଟି ପେନାଲ୍ଟି ଶୁଟ୍‌ଆଉଟକୁ ଯାଇଛି। ଏଥିରୁ ସେ ୬ଟି ମ୍ୟାଚରେ ଶଟ୍‌ ମାରିବାକୁ ଯାଇଛନ୍ତି। ସେଥିରୁ ୪ଟିରେ ଗୋଲ ଦେଇଥିବାବେଳେ ୨ଟି ମିସ୍‌ କରିଛନ୍ତି। ୩ଟି ମ୍ୟାଚରେ ସେ ଶୁଟ୍‌ଆଉଟକୁ ଏଡ଼ାଇ ଯାଇଛନ୍ତି। ଏହି ପର୍ଯ୍ୟାୟରେ ତାଙ୍କ ସଫଳତା ହାର ୫୪%। ତାଙ୍କ ତୁଳନାରେ ଅନ୍ୟତମ ତାରକା ଫୁଟବଲର ଲିଓନେଲ ମେସିଙ୍କ ସଫଳତା ହାର ଅଧିକ ରହିଛି। ମେସି ଖେଳିଥିବା ମ୍ୟାଚଗୁଡ଼ିକ ମଧ୍ୟରେ ୫ଟି ମ୍ୟାଚ ଶୁଟ୍‌ଆଉଟକୁ ଯାଇଛି। ସବୁଥିରେ ସେ ଶଟ୍‌ ମାରିବାକୁ ଯାଇଛନ୍ତି। ଏଥିରୁ ୪ଟିରେ ଗୋଲ ଦେଇଥିବାବେଳେ ଗୋଟିଏରେ ଫେଲ୍‌ ମାରିଛନ୍ତି। ତାଙ୍କ ସଫଳତା ହାର ହେଉଛି ୮୦%। ନାପୋଲି ଚାମ୍ପିୟନ ହେବାପରେ ହଜାର ହଜାର ପ୍ରଶଂସକ ରାସ୍ତାକୁ ଆସି ଖୁସି ମନାଇଛନ୍ତି। ତେବେ ଅନେକ ପ୍ରଶଂସକଙ୍କ ମୁହଁରେ ମାସ୍କ ନ ଥିବାବେଳେ ସେମାନେ ସାମାଜିକ ଦୂରତ୍ୱ ରଖିବାକୁ ଭୁଲି ଯାଇଥିଲେ। ବିଶ୍ୱ ସ୍ବାସ୍ଥ୍ୟ ସଙ୍ଗଠନ ପକ୍ଷରୁ ଏହାକୁ ନେଇ ଚିନ୍ତା ପ୍ରକଟ କରାଯାଇଛି। କରୋନା ଭାଇରସ ସଂକ୍ରମଣ ସମୟରେ ପ୍ରଶଂସକମାନେ ଗୋଟିଏ ସ୍ଥାନରେ ଏତେ ସଂଖ୍ୟାରେ ଏକତ୍ରିତ ହୋଇ ବିପଦକୁ ଡାକି ଆଣିଛନ୍ତି ବୋଲି ବିଶ୍ୱ ସ୍ବାସ୍ଥ୍ୟ ସଙ୍ଗଠନର ସହକାରୀ ନିର୍ଦ୍ଦେଶକ ରାନିଏରି ଗୁଇରା ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

କ୍ରିକେଟ ପରେ ଏବେ ଟେନିସରେ ଜଲଓ୍ବା ଦେଖାଇଲେ ଏହି ଖେଳାଳି

ରାଞ୍ଚି,୧୦।୧୧: କ୍ରିକେଟ ମୈଦାନରେ ଅନେକ ଦିନ ଧରି ରାଜ୍‌ କରିବା ପରେ ମହେନ୍ଦ୍ର ସିଂ ଧୋନୀ ଏବେ ଟେନିସ ଜଗତରେ ପାଦ ରଖିଛନ୍ତି। ରାଞ୍ଚିର ଜେଏସସିଏରେ...

୧୦ ବର୍ଷ ପରେ ଟେଷ୍ଟ ଦଳକୁ ଫେରିଲେ ଫଓ୍ବାଦ ଆଲମ

କରାଚୀ, ୭।୧୨- ଦୀର୍ଘ ୧୦ ବର୍ଷ ପରେ ପାକିସ୍ତାନରେ କୌଣସି ଅନ୍ତର୍ଜାତୀୟ ଟେଷ୍ଟ ସିରିଜ୍‌ ଖେଳାଯିବାକୁ ଯାଉଛି। ଆସନ୍ତା ୧୧ ତାରିଖରେ ରାଓ୍ବଲପିଣ୍ଡଠାରେ ପାକିସ୍ତାନ ଓ...

ରାଜ୍ୟ ୯ବର୍ଷରୁ କମ୍‌ ଚେସ ଆରମ୍ଭ: ଆୟୁଷ୍ମାନ, ପ୍ରତ୍ୟୁଷା ଟପସିଡ

କଟକ ଅଫିସ,୧୩ା୭- ପୂର୍ବତଟ ରେଲଓ୍ବେ ପ୍ରତିଷ୍ଠାନ ପରିସରରେ ରାଜ୍ୟ ୯ବର୍ଷରୁ କମ୍‌ ଚେସ ଚାମ୍ପିୟନଶିପ ଶୁକ୍ରବାର ଆରମ୍ଭ ହୋଇଛି । ୭ ରାଉଣ୍ଡ ବିଶିଷ୍ଟ ଏହି...

ହରମନପ୍ରୀତଙ୍କ ଡବଲ୍‌ ଗୋଲ: ଭାରତୀୟ ହକି ଦଳର ବୃହତ ବିଜୟ

ଆଣ୍ଟରେପ୍‌(ବେଲଜିୟମ), ୨୯।୯(ପି.ଟି.)- ବେଲଜିୟମ ଗସ୍ତରେ ଯାଇଥିବାର ଭାରତୀୟ ହକି ଦଳ ଦ୍ୱିତୀୟ ମ୍ୟାଚ୍‌ରେ ମଧ୍ୟ ବିଜୟ ହାସଲ କରିଛି। ଶନିବାର ଅନୁଷ୍ଠିତ ଭ୍ୟାଚ୍‌ରେ ଭାରତ ଡ୍ରାଗ୍‌...

ଆହତ ଗିଲଙ୍କ ସ୍ଥାନରେ ଏହି ଖେଳାଳିଙ୍କୁ ଖେଳାଇବା ଚର୍ଚ୍ଚାକୁ ନେଇ ବର୍ଷିଲେ କପିଲ ଦେବ: ଚୟନକର୍ତ୍ତାଙ୍କୁ ନେଇ କହିଲେ…

ନୂଆଦିଲ୍ଲୀ,୪।୭: ଇଂଲଣ୍ଡ ବିପକ୍ଷ ପାଞ୍ଚ ମ୍ୟାଚ୍‌ ବିଶିଷ୍ଟ ଟେଷ୍ଟ ସିରିଜ ଆରମ୍ଭ ହେବା ପୂର୍ବରୁ ଓପନର୍‌ ଶୁଭମନ ଗିଲ ଆହତ ହୋଇଛନ୍ତି। ଏଥିପାଇଁ ସେ ଅତିକମ୍‌ରେ...

ଅକ୍‌ଶନରେ ସ୍ଥାନ ପାଇବାରୁ ଏମିତି କହିଲେ ଶ୍ରୀସାନ୍ଥ

ନୂଆଦିଲ୍ଲୀ,୨।୨: ଚଳିତ ବର୍ଷର ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌) ଲାଗି ଆସନ୍ତା ୧୨ ଓ ୧୩ ତାରିଖରେ ବେଙ୍ଗାଲୁରୁଠାରେ ହେବାକୁ ଯାଉଥିବା ମେଗା ଅକ୍‌ଶନ ପାଇଁ...

ଲଦାଖରେ କ୍ରୀଡ଼ା ସୁବିଧାର ଶିଳାନ୍ୟାସ କଲେ ରିଜିଜୁ

ଲେହ (ଲଦାଖ),୧୫ା୯ (ପି.ଟି.)-ନବଗଠିତ କେନ୍ଦ୍ର ଶାସିତ ଅଞ୍ଚଳ ଲଦାଖରେ ବିଭିନ୍ନ କ୍ରୀଡ଼ା ସୁବିଧା ଲାଗି ସୋମବାର ଶିଳାନ୍ୟାସ କରିଛନ୍ତି କେନ୍ଦ୍ର କ୍ରୀଡ଼ାମନ୍ତ୍ରୀ କିରେନ ରିଜିଜୁ। ତନ୍ମଧ୍ୟରେ...

ମହିଳା ତୀରନ୍ଦାଜଙ୍କ ଆତ୍ମହତ୍ୟା: ସୋନୁ ସୁଦ୍‌ଙ୍କଠାରୁ ପାଇଥିଲେ ଉପହାର

କୋଲକତା,୧୬।୧୨: ଭାରତର ଯୁବ ମହିଳା ତୀରନ୍ଦାଜ କୋନିକା ଲାୟାକ ଆତ୍ମହତ୍ୟା କରିଛନ୍ତି। ଝାଡ଼ଖଣ୍ଡର ଧାନବାଦ ନିବାସୀ ୨୬ ବର୍ଷୀୟ କୋନିକା ଚଳିତ ବର୍ଷ ଝାଡ଼ଖଣ୍ଡ ସରକାର...

Advertisement
Archives

Model This Week