ରୋଗ ନିରୂପଣରେ ସାଧାରଣ ପରୀକ୍ଷା

ସାଧାରଣ ପରୀକ୍ଷାଗୁଡ଼ିକ ବହୁତ ଗୁରୁତ୍ୱ ବହନ କରିଥାଏ। ରୋଗ ହେଲେ ରୋଗୀଙ୍କ ଦେହରେ ଅନେକ ଲକ୍ଷଣ ପ୍ରକାଶ ପାଇଥାଏ। ବିଭିନ୍ନ ରୋଗର ଲକ୍ଷଣ ଭିନ୍ନ ଭିନ୍ନ ହେଲେ ମଧ୍ୟ କେତେକ ଲକ୍ଷଣ ଅନେକ ରୋଗରେ ପ୍ରକାଶ ପାଇଥାଏ। ବାନ୍ତି, ଜ୍ୱର, ମୁଣ୍ଡବିନ୍ଧା, ପତଳାଝାଡ଼ା, ପେଟବ୍ୟଥା, କଫରେ ରକ୍ତ ପଡ଼ିବା, ରକ୍ତବାନ୍ତି ହେବା, ମୁଣ୍ଡ ବୁଲାଇବା ଇତ୍ୟାଦିର କାରଣ ଭିନ୍ନ ଭିନ୍ନ ହୋଇଥାଏ…

ଆଗରୁ କ୍ଲିନିକ ଓ ପାଥୋଲୋଜି ପରୀକ୍ଷା କେନ୍ଦ୍ରରେ ‘ଏଠାରେ ରକ୍ତ, ମଳ, ମୂତ୍ର ପରୀକ୍ଷା କରାଯାଏ’ ବୋଲି ଲେଖା ହେଉଥିତ୍ତ୍ତ୍ତ୍ଲା ଓ ରୋଗର ନିର୍ଣ୍ଣୟ ପାଇଁ ଖୁବ୍‌ କମ ପରୀକ୍ଷ କରାଯାଉଥିତ୍ିଲା। ଜ୍ୱର ପାଇଁ ମ୍ୟାଲେରିଆ ଓ ଟାଇଫଏଡ୍‌, ରକ୍ତହୀନତା ପାଇଁ ହିମୋଗ୍ଲୋବିନ୍‌, କୃମି ପାଇଁ ମଳ, ଆଘାତ ଓ ହାଡ଼ଭଙ୍ଗା ପାଇଁ X Ray, TB ପାଇଁ କଫ ନମୁନା ଇତ୍ୟାଦି ଏହାର ଉଦାହରଣ।
ବର୍ତ୍ତମାନ କିନ୍ତୁ ସମୟ ବଦଳିଯାଇଛି ଏବଂ ପରୀକ୍ଷାର ସଂଖ୍ୟା ଓ ମାତ୍ରା ବହୁ ଗୁଣରେ ବଢ଼ିଯାଇଛି। ସରକାରଙ୍କର ମାଗଣା ‘ନିଦାନ’ ପ୍ରବର୍ତ୍ତନ ପରେ ଡାକ୍ତରଖାନାରେ ପରୀକ୍ଷା ପାଇଁ ଲମ୍ବା ଲାଇନ ଲାଗିଛି। ଲୋକମାନେ ବ୍ୟୟବହୁଳ ଅତ୍ୟନ୍ତ ଉଚ୍ଚମାନର ପରୀକ୍ଷା କରିବା ପାଇଁ ଅତ୍ୟନ୍ତ ଆଗ୍ରହ ପ୍ରକାଶ କରୁଛନ୍ତି। ଯେପରି କି, ସାମାନ୍ୟ ମୁଣ୍ଡବିନ୍ଧା କିମ୍ବା ଆଘାତ ପାଇଁ CT Scan, MRI, ସାମାନ୍ୟ ପେଟବ୍ୟଥା ପାଇଁ ଅଲଟ୍ରାସାଉଣ୍ଡ ଓ ଏଣ୍ଡୋସ୍କୋପି, ସାଧାରଣ ଦୁର୍ବଳତା ଓ ହାଲିଆ ପାଇଁ ବ୍ଲଡ ପାରାମିଟର ଓ ହାର୍ଟ ପାରାମିଟର, ଲିଭର ପାରାମିଟର ଇତ୍ୟାଦି।
ଏବେ ମଧ୍ୟ ସବୁ ପାଥୋଲାବ୍‌ ଓ କମ୍ପାନୀ ତଥା କର୍ପୋରେଟ ହସ୍ପିଟାଲ ଆଉ ପାଦେ ଆଗକୁ ଯାଇ ବିଭିନ୍ନ ପରୀକ୍ଷାର ‘ପ୍ୟାକେଜ୍‌’ ଅତ୍ୟନ୍ତ ଆକର୍ଷଣୀୟ ଓ ମନଲୋଭା ଭାବେ ଅଫର୍‌ ପ୍ରଦାନ କରି ବିଜ୍ଞାପନ ଦେଉଛନ୍ତି। ଲୋକମାନେ ମଧ୍ୟ ‘ହୋଲ୍‌ ବଡ଼ିସ୍କାନ୍‌’, ଶରୀରର ସମସ୍ତ ପରୀକ୍ଷା ଓ ଚେକ୍‌ ଅପ୍‌ ପାଇଁ ଆଗ୍ରହୀ ହୋଇ ତାହା କରାଉଛନ୍ତି। ଏହା କେତେ ସୁଫଳ ପ୍ରଦାନ କରୁଛି ତାହା ଅଲଗା କଥା କିନ୍ତୁ କେତେଗୁଡ଼ିଏ ପରୀକ୍ଷା ଯାହା ଆମର ପ୍ରାୟ ଦରକାର ନାହିଁ କେବଳ ଦରକାର ହେଲେ କରିବା କଥା ହେଲେ ତାହାକୁ କରାଇଲେ ଫଳ ଓଲଟା ହୋଇଥାଏ। CT Scan, MRI ପରୀକ୍ଷା ଦରକାର ହେଉଥିତ୍ବା କ୍ଷେତ୍ରରେ ଓ ବିଶେଷଜ୍ଞ ତଥା ଅତି ବିଶେଷଜ୍ଞମାନେ ଏହା ପରାମର୍ଶ ଦେବା ଉଚିତ। ସ୍ଥଳବିଶେଷରେ ଅତି ଆକସ୍ମିକ କ୍ଷେତ୍ରରେ ମଧ୍ୟ ଏହା କରାଯାଇପାରେ। ସାଧାରଣ ପରୀକ୍ଷାଗୁଡ଼ିକ ବହୁତ ଗୁରୁତ୍ୱ ବହନ କରିଥାଏ। ରୋଗ ହେଲେ ରୋଗୀଙ୍କ ଦେହରେ ଅନେକ ଲକ୍ଷଣ ପ୍ରକାଶ ପାଇଥାଏ- ବିଭିନ୍ନ ରୋଗର ଲକ୍ଷଣ ଭିନ୍ନ ଭିନ୍ନ ହେଲେ ମଧ୍ୟ, କେତେକ ଲକ୍ଷଣ ଅନେକ ରୋଗରେ ପ୍ରକାଶ ପାଇଥାଏ। ବାନ୍ତି, ଜ୍ୱର, ମୁଣ୍ଡବିନ୍ଧା, ପତଳାଝାଡ଼ା, ପେଟବ୍ୟଥା, କଫରେ ରକ୍ତ ପଡ଼ିବା, ରକ୍ତବାନ୍ତି ହେବା, ମୁଣ୍ଡ ବୁଲାଇବା ଇତ୍ୟାଦିର କାରଣ ଭିନ୍ନ ଭିନ୍ନ ହୋଇଥାଏ। ଏହା ସହିତ ଅନ୍ୟାନ୍ୟ ଲକ୍ଷଣ ଓ ରୋଗୀ ଦେହରେ ପ୍ରକାଶ ପାଉଥିିବା ଚିହ୍ନଟସମୂହକୁ ଭିତ୍ତିକରି ରୋଗ ନିର୍ଣ୍ଣୟ କରାଯାଇଥାଏ। ଲାକ୍ଷଣିକ, ଆନୁମାନିକ, ପରୀକ୍ଷା ଦ୍ୱାରା ସ୍ଥିରୀକୃତ ପ୍ରୋଭିଜନାଲ ଓ ସର୍ବଶେଷରେ କନ୍‌ଫାର୍ମେଟୋରି ଡାଇଗ୍ନୋସିସ୍‌ କରାଯାଇଥାଏ। କେତେକ କ୍ଷେତ୍ରରେ ନିର୍ଣ୍ଣୟ ସମ୍ପୂର୍ଣ୍ଣ ହୋଇ ନ ଥିତ୍ଲେ ମଧ୍ୟ ରୋଗୀର ଜୀବନରକ୍ଷା ପାଇଁ ଓ ରୋଗକୁ ଆଗକୁ ନ ବଢ଼ିବାକୁ ଦେବା ପାଇଁ ଚିକିତ୍ସା ଆରମ୍ଭ କରାଯାଇଥାଏ। କେଉଁ କାରଣରୁ ଝାଡ଼ା ହେଉଛି ଜଣାପଡ଼ି ନ ଥିତ୍ଲେ ମଧ୍ୟ ଦେହରୁ ଜଳୀୟ ମାତ୍ରା ହ୍ରାସଜନିତ ଗୁରୁତର ଅବସ୍ଥାକୁ ସୁଧାରିବା ପାଇଁ ସାଲାଇନ୍‌ ଓ ଔଷଧ ତୁରନ୍ତ ଦିଆଯାଇଥାଏ।
ଶରୀରରେ ରକ୍ତର ମାତ୍ରା ଗୁରୁତ୍ୱପୂର୍ଣ୍ଣ ଅର୍ଥାତ୍‌ ପ୍ରତି ୧୦୦ ମିଲି ରକ୍ତରେ ହିମୋଗ୍ଲୋବିନ୍‌ର ପରିମାଣ- ଏହାର ମାତ୍ରା କମ୍‌ ରହିଲେ ରକ୍ତହୀନତା ହୋଇଥାଏ ଓ ଆମ ଦେଶରେ ଏହା ବିଶେଷତଃ ମହିଳା ଓ ଶିଶୁମାନଙ୍କ ମଧ୍ୟରେ ଏକ ବିଶେଷ ରୋଗ। ଏହି ସାଧାରଣ ପରୀକ୍ଷାରୁ ହିମୋଗ୍ଲୋବିନ୍‌ର ମାତ୍ରା ଜାଣିବା ପରେ ତା’ର କାରଣ ପାଇଁ ପରୀକ୍ଷା କରାଯାଏ ଓ ସେହି ଅନୁସାରେ ଚିକିତ୍ସା କରାଯାଇଥାଏ।
ପ୍ରାୟତଃ ସବୁ ଶିଶୁଙ୍କ କ୍ଷେତ୍ରରେ ଓ ଅଧିତ୍କାଂଶ ବୟସ୍କ ଓ ବୃଦ୍ଧ ବୃଦ୍ଧାଙ୍କ କ୍ଷେତ୍ରରେ କୃମିଜନିତ ରୋଗ ହୋଇଥାଏ, ଯାହାକି ରକ୍ତହୀନତା (ହୁକ୍‌ ଓ୍ବର୍ମ), ଝାଡ଼ା ଓ ପେଟରୋଗ (ରାଉଣ୍ଡ ଓ୍ବର୍ମ, ଫିତା କୃମି, ପିନ୍‌ ଓ୍ବର୍ମ), ଆମିବା (ତରଳ ଝାଡ଼ା, ଆମିବାୟୋସିସ୍‌) ଇତ୍ୟାଦିର କାରଣ।
ଭଲ ଭାବରେ ହାତ ଧୋଇବା, ତଟକା ଓ ଉଷୁମ ଖାଦ୍ୟ ଖାଇବା, ପରିଷ୍କାର ପାଣି ପିଇବା ଓ ଖୋଲାରେ ମଳତ୍ୟାଗ ନ କରିବା ଦ୍ୱାରା ଏହାର ପ୍ରତିକାର ହୁଏ। ମଳ ପରୀକ୍ଷା କରିବା ଦ୍ୱାରା କୃମି, ଆମିବା ସହିତ ଅନ୍ୟାନ୍ୟ ପେଟରୋଗର ଅନେକ କାରଣ ଜଣାପଡିଥାଏ। ସାଧାରଣ ଓ ସାମାନ୍ୟ ରକ୍ତକ୍ଷରଣ ଯାହାକି ଖାଦ୍ୟନଳୀ ଉଭୟ ଉପର ଓ ନିମ୍ନ ଭାଗରେ ହୁଏ ତାହା ମଧ୍ୟ ଧରାପଡେ।
ଆମର ବୃକ୍‌କରେ ରକ୍ତ ଛଣାଯାଇ ସେଥିରୁ କ୍ଷତିକାରକ ପଦାର୍ଥମାନ ନିର୍ଗମନ ହୋଇଥାଏ। ଏହା ମଧ୍ୟରେ ୟୁରିଆ ପ୍ରଧାନ । ତେଣୁ ପରୀକ୍ଷାଗୁଡ଼ିକ ମଧ୍ୟରେ ପରିସ୍ରା ପରୀକ୍ଷା ସବୁଠାରୁ ଅଧିତ୍କ ଗୁରୁତ୍ୱ ବହନ କରେ। ସାଧାରଣତଃ ପରିସ୍ରା ସମୟର ମଧ୍ୟଭାଗର ପରିସ୍ରା ପରିଷ୍କାର କାଚପାତ୍ରରେ ସଂଗ୍ରହ କରାଯାଏ। ଏଥିିରୁ ଶର୍କରା, ପ୍ରୋଟିନ୍‌ ବା ଆଲବୁମିନ୍‌, ପସ୍‌ ସେଲ୍‌, ଲୋହିତରକ୍ତକଣିକା, ଶ୍ୱେତରକ୍ତକଣିକା, କ୍ରିଷ୍ଟାଲସ୍‌, ସେଡିମେଣ୍ଟ, କାଷ୍ଟ, ବ୍ୟାକ୍ଟେରିଆ, କାଇଲ୍‌, ଜଣ୍ଡିସ୍‌ କ୍ଷେତ୍ରରେ ବିଲିରୁବିନ୍‌ ବାଇଲ୍‌ ସଲ୍ଟ, ବାଇଲ୍‌ପିଗ୍‌ମେଣ୍ଟ, କିଟୋନ ଓ ଆହୁରି ଅନେକ କଥା ଜଣାପଡିଥାଏ।
ପରିସ୍ରା ପରୀକ୍ଷା ହେଉଛି କେବଳ ୟୁରୋଲଜିଷ୍ଟ ଓ ନେପ୍ରୋଲୋଜିଷ୍ଟମାନଙ୍କ ପାଇଁ ନୁହେଁ ସବୁ ବିଭାଗ ପାଇଁ ଏକ ଗୁରୁତ୍ୱପୂର୍ଣ୍ଣ ପରୀକ୍ଷା। ମାତ୍ର ଏବେ ଆଧୁନିକ ଯୁଗରେ ଏହାର ଗୁରୁତ୍ୱ ଉପଲବ୍ଧ ହେଉନାହିଁ ଓ ଏହା ବଦଳରେ ଅନ୍ୟାନ୍ୟ ଆଧୁନିକ ପରୀକ୍ଷା କରାଯାଉଛି। ଜଣେ ମହାନ୍‌ ଚିକିତ୍ସକ କହିଥିଲେ, ପରିସ୍ରାର ଗୋଟିଏ ମାତ୍ର ବିନ୍ଦୁ ପରୀକ୍ଷାରୁ ୧୦୦ ପ୍ରକାର ରୋଗ ନିର୍ଣ୍ଣୟ କରାଯାଇପାରିବ।
ସେହିପରି ପାପ୍‌ସ୍ମିୟର ନାମକ ଏକ ଛୋଟ ପରୀକ୍ଷା ପ୍ରଥମରୁ କରାଇଲେ ଭୟାବହ ‘ଜରାୟୁ ଗ୍ରୀବା’ କର୍କଟରୁ ରକ୍ଷା ମିଳିଥାଏ। ୪୦-୪୫ ବର୍ଷରୁ ଊର୍ଦ୍ଧ୍ୱ ମହିଳାମାନଙ୍କ କ୍ଷେତ୍ରରେ ଏହା ଏକ ଉତ୍ତମ ପଦ୍ଧତି। ଏହାଦ୍ୱାରା ଆରମ୍ଭସ୍ତରରୁ ରୋଗ ନିର୍ଣ୍ଣୟ ହୋଇଥାଏ।
ପରୀକ୍ଷା ରୋଗୀ ନିଜେ କରିପାରିବେ ବା ”ନିଜ ପାପୁଲି ଦ୍ୱାରା ସ୍ତନ ପରୀକ୍ଷା“ ଦ୍ୱାରା ସେଥିିରେ ହୋଇଥିବା ଟ୍ୟୁମର ଓ କ୍ୟାନ୍‌ସରକୁ ପ୍ରଥମରୁ ଜାଣିହୁଏ। ଏଠାରେ ଜାଣି ରଖିବା ଉଚିତ୍‌ ଯେ ସ୍ତନର ଅଧିକାଂଶ ଟ୍ୟୁମର ହେଉଛି ଫାଇବ୍ରୋଆଡିନୋମା ବା ସାଧାରଣ ଟ୍ୟୁମର, ଏହା କୌଣସି କ୍ୟାନ୍‌ସର ନୁହେଁ।
ଦେଇ ରକ୍ତ ପଡ଼ିବା, ମଳ ସହିତ ଲାଗିକି ଆସିବା ଓ ଝାଡ଼ା କଠିନ ହେବା, ଝାଡା କରିବାରେ କଷ୍ଟ ହେବା ପରିଲକ୍ଷଣ ଦେଖାଗଲେ ପି.ଆର୍‌ ଓ ପ୍ରୋଟୋସ୍କପି ପରୀକ୍ଷା କରାଇନେବା ଉଚିତ। ଏହା ଡାକ୍ତରଙ୍କ ଦ୍ୱାରା ହୁଏ ଓ ଅତି ସାଧାରଣ ଅଟେ।

ଡା. ରାମଚନ୍ଦ୍ର ରାଉତ

-ଅତିରିକ୍ତ ନିର୍ଦ୍ଦେଶକ, ସେବିକା ନିର୍ଦ୍ଦେଶାଳୟ, ଭୁବନେଶ୍ୱର
ମୋ : ୯୪୩୭୭୪୨୪୯୯


Enter your email to get our daily news in your inbox.

All Right Reserved By Dharitri.Com

ବୈବାହିକ ସମ୍ପର୍କ ସୁଦୃଢ଼ କରିବାକୁ ଚାହୁଁଥିଲେ…

ସ୍ତ୍ରୀ-ସ୍ବାମୀ ସମ୍ପର୍କକୁ ସୁଦୃଢ଼ କରିବାକୁ ହେଲେ ଛୋଟଛୋଟ କଥାଗୁଡ଼ିକ ପ୍ରତି ଧ୍ୟାନ ଦେବା ଅତ୍ୟନ୍ତ ଜରୁରୀ। ଏପରି ନ କରିବା ଦ୍ୱାରା ସମ୍ପର୍କ ମଧ୍ୟରେ ଦୂରତା...

ସ୍ବାମୀଙ୍କ ଉପରେ ହୁକୁମ ଚଳାଇବାରେ ମାହିର ଏହି ୪ ରାଶିର ଯୁବତୀ, ଶାଶୁଘରେ ବି ଥାଏ କଣ୍ଟ୍ରୋଲ…

ସବୁ ଝିଅ ଚାହାନ୍ତି ବିବାହ ପରେ ସବୁ ଇଚ୍ଛା ପୂରଣ କରିବା ଭଳି ସ୍ବାମୀ ଏବଂ ଶାଶୁଘର ମିଳୁ। ହେଲେ ଜ୍ୟୋତିଷଶାସ୍ତ୍ରରେ କୁହାଯାଇଛି କିଛି ଝିଅ...

ଦୃଷ୍ଟି ଶକ୍ତି ବଢ଼ାଇବ ଡିଭାଇସ

ଆମେ ଯଦି କୌଣସି ଦୃଷ୍ଟିଶକ୍ତିଜନିତ ସମସ୍ୟାର ସମ୍ମୁଖୀନ ହେଉ, ତେବେ ବିଳମ୍ବ ନ କରି ଡାକ୍ତରଙ୍କ ସହ ପରାମର୍ଶ କରିଥାଉ। ହେଲେ ଏପରି ସମସ୍ୟାର ସମାଧାନ...

ଏପିଲେପ୍‌ସୀ ବୃତ୍ତାନ୍ତ

ଅପସ୍ମାର ବା ଏପିଲେପ୍‌ସୀ ଏକ ପ୍ରକାର ମସ୍ତିଷ୍କ ରୋଗ। ଏହାକୁ ‘ମୃଗୀରୋଗ’ ବୋଲି ମଧ୍ୟ କହନ୍ତି। ଏହି ରୋଗରେ ଆକ୍ରାନ୍ତ ବ୍ୟକ୍ତିକୁ ସାଧାରଣତଃ ବାରମ୍ବାର ହଠାତ...

୧୫ ଦିନରେ ଓଜନ କମାଇବାକୁ ଚାହୁଁଥିଲେ ପ୍ରତିଦିନ ଏଥିରୁ ୪ କପ୍‌ ପିଇବା ଉଚିତ୍‌

ୟୁନିଭର୍‌ସିଟି ଇଲିନୋଇସ୍‌ର ବୈଜ୍ଞାନିକମାନେ ଏକ ଗବେଷଣା କରି କହିଛନ୍ତି, କଫିର ଯେତିକି ଓଜନ କମାଇବା କ୍ଷମତା ରହିଛି ଅନ୍ୟ କୌଣସି ପାନୀୟରେ ନାହିଁ। କଫି ଶରୀରରେ...

ସପୁରୀ ରସରେ ରହିଛି ଏପରି ଉପକାରୀ ଗୁଣ

ଋତୁ ଅନୁଯାୟୀ ମିଳୁଥିବା ଫଳ ଖାଇଲେ ଅନେକ ଶାରୀରିକ ସମସ୍ୟାକୁ ଦୂରେଇ ଦେଇହୁଏ। ବିଶେଷ କରି ଖରାଦିନେ ଓ ବର୍ଷାଦିନେ ଟିକେ ଅଧିକ ପରିମାଣରେ ସପୁରୀ...

ବେଦାଗ ଗୋରା ତ୍ୱଚା ପାଇଁ

ଧୂଳି, ଧୂଆଁ, ପ୍ରଦୂଷଣ, ସୂର୍ଯ୍ୟକିରଣ ସାଙ୍ଗକୁ ପରିବର୍ତ୍ତିତ ଜୀବନଶୈଳୀ ଯୋଗୁ ବର୍ତ୍ତମାନ ଅନେକଙ୍କଠାରେ ତ୍ୱଚାର ରଙ୍ଗ କଳା ପଡିବା, ଦାଗ ବା ଡାର୍କ ପ୍ୟାଚେସ୍‌ ହେବା...

ପୂର୍ବଜନ୍ମର କର୍ମଯୋଗୁ ବ୍ୟକ୍ତିକୁ ମିଳିଥାଏ ଏହି ୬ ଜିନିଷ: ଆପଣଙ୍କ ପାଖରେ ଅଛି ତ…

ଭାରତର ମହାନ ରାଜନୀତିଜ୍ଞ ତଥା ଅର୍ଥଶାସ୍ତ୍ର ବିଶାରଦ ଆଚାର୍ଯ୍ୟ ଚାଣକ୍ୟ ନିଜର ନୀତିଶାସ୍ତ୍ରରେ ଅନେକ ବିଷୟରେ ଉଲ୍ଲେଖ କରିଛନ୍ତି। ତନ୍ମଧ୍ୟରୁ ଗୋଟିଏ ହେଲା ପୂର୍ବଜନ୍ମର କର୍ମ...

Advertisement
Archives

Model This Week