ରାସ୍ତା ଉପରେ ଝୁଲିରହିଛି ବିଦ୍ୟୁତ୍‌ ତାର:ବିପଦ ଆଶଙ୍କାରେ ସାହିବାସୀ

ଖଣ୍ଡପଡା,୧୧ା୯(ସ୍ବ.ପ୍ର.): କଣ୍ଟିଲୋ ଅଞ୍ଚଳ ଦେଇ ଯାଇଛି ଦଶପଲ୍ଲା-ଖୋର୍ଦ୍ଧା ରାଜ୍ୟ ରାଜପଥ। ଏହି ରାସ୍ତାର କଣ୍ଟିଲୋ ଅଞ୍ଚଳରେ ବିଦ୍ୟୁତ୍‌ ତାର ଝୁଲିରହିଥିବାରୁ ବିଭିନ୍ନ ସାହି, ବସ୍ତିର ଲୋକେ ବିପଦ ଆଶଙ୍କା କରିଛନ୍ତି।
ଖଣ୍ଡପଡା ସେସୁ ବିଭାଗର କଣ୍ଟିଲୋ ବିଦ୍ୟୁତ୍‌ ସେକ୍ସନ ଅଧୀନରେ ପ୍ରାୟ ୧୩୦ କିଲୋ ମିଟର ୧୧ କେଭି ଓ ଏଲ୍‌ଟି ଲାଇନ ରହିଛି ା ଉକ୍ତ ଲାଇନ ଦୀର୍ଘ ୫୦ ବର୍ଷରୁ ଊର୍ଦ୍ଧ୍ୱ ହେବ ଟଣାଯାଇଥିବା ବେଳେ ପୁରୁଣା ତାର ବଦଳାଯାଇ ନାହିଁ। ଏହାଛଡା ୧୧ କେଭି ବିଦ୍ୟତ୍‌ ତାର ସହିତ ଗୃହମାନଙ୍କୁ ଯାଇଥିବା ସର୍ଭିସ ଲାଇନଗୁଡିକ ଅଧିକାଂଶ ସ୍ଥାନରେ ଝୁଲି ରହିଛି ା ବିଶେଷ କରି ଦଶପଲ୍ଲ-ଖୋର୍ଦ୍ଧା ମୁଖ୍ୟ ପୂର୍ତ୍ତ ବିଭାଗ ରାସ୍ତାକୁ ୪୮ ନମ୍ବର ରାଜ୍ୟ ରାଜପଥ ଭାବେ ଘୋଷଣା କରାଯାଇ ନବୀକରଣ କରାଯିବାରୁ ଏହି ରାସ୍ତା ପ୍ରାୟ ଏକଫୁଟ ଉଚ୍ଚା ହୋଇଯାଇଛି ା କଣ୍ଟିଲୋ ମୁଖ୍ୟ ବଜାରରେ ସିମେଣ୍ଟ ରାସ୍ତା ଉପରୁ ଏହି ଏଲଟି ଲାଇନ ଓ ୧୧ କେଭି ଲାଇନର ଉଚ୍ଚତା ପ୍ରାୟ ୧୦/୧୫ଫୁଟ ରହିଛି ା ପ୍ରତ୍ୟହ ଉକ୍ତ ବଜାର ରାସ୍ତା ଦେଇ ଶତାଧିକ ଭରିଯାନ ସହିତ ଯାତ୍ରୀବାହୀ ବସ୍‌, ଟ୍ରକ, ଜେସିବି ଆଦି ଚଳାଚଳ କରୁଛି ା ଅନେକ ସୟରେ ବିଭିନ୍ନ ଭାରିଯାନ ଓ ଯାତ୍ରୀବାହୀ ବସ୍‌ରେ ଲଦା ହୋଇଥିବା ସାମଗ୍ରୀ ରାସ୍ତା ଉପରେ ଝୁଲି ରହିଥିବା ଲାଇନରେ ମାଡ ହୋଇ ବିଦ୍ୟୁତ୍‌ ତାର ଛିଣ୍ଡିଯିବାର ନଜିର ରହିଛି ା ବିଗତ ଦିନରେ ଏକ ଯାତ୍ରୀବାହୀ ବସ୍‌ ଛାତ ଉପରେ ବସିଥିବା ଜଣେ ବ୍ୟକ୍ତି ତାର ସଂସ୍ପର୍ଶରେ ଆସି ନିଶ୍ଚିତ ମୃତ୍ୟୁମୁଖରୁ ବର୍ତ୍ତିଯାଇଥିଲେ। ଗତ ଅଗଷ୍ଟ ୮ ତାରିଖରେ କୌଣସି ଏକ ଗାଡିରେ ଲୋଡ୍‌ହୋଇଥିବା ସାମଗ୍ରୀ ଝୁଲି ରହିଥିବା ବିଦ୍ୟୁତ ଲାଇନରେ ଲାଗିଯିବାରୁ ତାରଗୁଡିକ ୧୦/୧୫ ଫୁଟ ଯାଏ ଟାଣି ହୋଇ ଯାଇଥିଲା ା ଏହାକୁ ନେଇ ସେଠାରେ ଉତ୍ତେଜନା ପ୍ରକାଶ ପାଇଥିଲା। ଗାଡି ଉପରେ ବସି ଯାଉଥିବା କୌଣସି ଯାତ୍ରୀ ଯଦି ଅନ୍ୟମନସ୍କ ହୋଇ ହାତ ଉପରକୁ ଟେକି ଦିଅନ୍ତି ତେବେ ବିଦ୍ୟୁତ୍‌ ସଂସ୍ପର୍ଶରେ ଆସିବା ନିଶ୍ଚିତ। ଏହି ଲାଇନକୁ ଉପରକୁ ଉଠାଇବା ପାଇଁ ବାରମ୍ବାର ଦାବି କରାଯାଉଥିଲେ ମଧ୍ୟ ଏହାର ପ୍ରତିକାର ହେଉନାହିଁ ା ଏ ସମ୍ପର୍କରେ ନୟାଗଡ ସେସୁ ଡିଭିଜନର ମ୍ୟାନେଜର ତଥା ନିର୍ବାହୀଯନ୍ତ୍ରୀ ସୁଜିତ କୁମାର ସାହୁ କହନ୍ତି, ପୂର୍ତ୍ତ ବିଭାଗ ରାସ୍ତା ନବୀକରଣ କରୁଥିବାରୁ ଏହା ସ୍ବାଭାବିକ ଭାବେ ଉଚ୍ଚା ହେଉଛି ା ସେହି ଅନୁପାତରେ ବିଦ୍ୟୁତ୍‌ ଲାଇନ କିପରି ଉଚ୍ଚ ହେବ ସେ ଦିଗରେ ପୂର୍ତ୍ତ ବିଭାଗ ଯନତ୍ଶୀଳ ହେବା କଥା। ବିଦ୍ୟୁତ୍‌ ବିଭାଗର ସୀମିତ ଅର୍ଥରେ ରାସ୍ତା ଉପରୁ ଏତେଗୁଡିଏ ଖୁଣ୍ଟ ଓ ବିଦ୍ୟୁତ୍‌ ଲାଇନକୁ ଅଧିକ ଉଚ୍ଚରେ ରଖିବା ସମ୍ଭବ ନୁହେଁ ା ଏ ସମ୍ପର୍କରେ ଜିଲାପାଳ ଓ ପୂର୍ତ୍ତ ବିଭାଗ ଉଚ୍ଚ କର୍ତ୍ତୃପକ୍ଷଙ୍କୁ ଅବଗତ କରାଯାଇଥିଲେ ମଧ୍ୟ ପୂର୍ତ୍ତ ବିଭାଗ କୌଣସି ପଦକ୍ଷେପ ନେଉ ନାହିଁ ା ତଥାପି ଭବିଷ୍ୟତରେ ଯଦି ମେଣ୍ଟେନାନ୍ସ ପାଇଁ ଅଧିକ ଅର୍ଥ ଆସେ ତେବେ ଏ ଦିଗରେ ବ୍ୟବସ୍ଥା କରିବା ପାଇଁ ଚେଷ୍ଟା କରିବେ ବୋଲି ସେ ସୂଚନା ଦେଇଥିଲେ। ପୂର୍ତ୍ତ ବିଭାଗ ସହକାରୀ ଯନ୍ତ୍ରୀ ପ୍ରଦୀପ କୁମାର ପରିଡା କହନ୍ତି, ବିଦ୍ୟୁତ୍‌ ତାର ବା ଖୁଣ୍ଟ ଉଠାଇବା ନେଇ ଆମ ସେଭଳି କିଛି ବ୍ୟବସ୍ଥା ନାହିଁ। ଟେଣ୍ଡର ଡକାଯାଇ ଠିକାଦାର ମାଧ୍ୟମରେ ଏସବୁ କାର୍ଯ୍ୟ କରାଯାଉଛି।


Enter your email to get our daily news in your inbox.

All Right Reserved By Dharitri.Com

ଚିନିକଳ ସମ୍ପତ୍ତିର ପୁନଃ ଆକଳନ ହେଲା

ନୟାଗଡ ଅଫିସ,୨୯।୧: ହାଇକୋର୍ଟଙ୍କ ନିର୍ଦ୍ଦେଶ ଅନୁସାରେ ଗୁରୁବାର ଚିନିକଳ ସମ୍ପତ୍ତିର ପୁନଃ ଆକଳନ କରାଯାଇଛି । ମାଜିଷ୍ଟ୍ରେଟ ନୟାଗଡ ଉପଜିଲାପାଳ ଲଗ୍ନଜିତ୍‌ ରାଉତ ଓ ନୟାଗଡ଼...

ନୟାଗଡ଼ ସହରରେ ବିଶୋଧନ

ନୟାଗଡ ଅଫିସ,୪|୪:କରୋନା ସଂକ୍ରମଣକୁ ପ୍ରତିରୋଧ କରିବା ପାଇଁ ନୟାଗଡ ସହରରେ ଅଗ୍ନିଶମ ବିଭାଗ ପକ୍ଷରୁ ଶନିବାର ବିଶୋଧନ କରାଯାଇଛି। ସହରର ଟ୍ରାଫିକ ଛକଠାରୁ ଜିଲା ମୁଖ୍ୟ...

ଶିକ୍ଷାବିତ୍‌ ତଥା ସାମ୍ବାଦିକଙ୍କ ପରଲୋକ:ବିଭିନ୍ନ ମହଲରେ ଶୋକର ଛାୟା

ଖଣ୍ଡପଡ଼ା,୨୦ା୯(ସ୍ବ.ପ୍ର.): ବିଶିଷ୍ଟ ଶିକ୍ଷାବିତ୍‌ ତଥା ବରିଷ୍ଠ ଖବରଦାତା ପ୍ରଫୁଲ୍ଲ ଚନ୍ଦ୍ର ଦାଶ(୭୧)ଙ୍କ ନୟାଗଡ଼ ଜିଲା ଖଣ୍ଡପଡ଼ା ବ୍ରାହ୍ମଣ ସାହିସ୍ଥ ତାଙ୍କ ବାସଭବନରେ ଗୁରୁବାର ସକାଳେ ପରଲୋକ...

ବିପର୍ଯ୍ୟସ୍ତ ଅବସ୍ଥାରେ ବଡ଼ମୂଳ ଗେଜ୍‌ ସାଇଟ୍‌ ଭିଏଚ୍‌ଏଫ୍‌ ଟାୱାର ଅଚଳ

ଗଣିଆ,୨୬ା୭(ଡି.ଏନ.ଏ.): ମହାନଦୀର ହୀରାକୁଦ ମୁଖ୍ୟ ନଦୀବନ୍ଧ ବୁର୍ଲା ଡିଭିଜନ ଅନ୍ତର୍ଗତ ବଡମୂଳ ଗେଜ ସାଇଟ୍‌ ବିପର୍ଯ୍ୟସ୍ତ ଅବସ୍ଥାରେ ପଡିରହିଛି। ପ୍ରତିଦିନ ମହାନଦୀରେ ପ୍ରବାହିତ ଜଳ ପରିମାଣ...

ଛାତ୍ର ନିଖୋଜ, ଘରୁ ଟ୍ୟୁସନକୁ ବାହାରି ଫେରି ନାହାନ୍ତି

ଓଡଗାଁ, ୫।୯(ସ୍ବ.ପ୍ର.)-ନୟାଗଡ଼ ଜିଲା ଓଡ଼ଗାଁରୁ ବୁଧବାର ସନ୍ଧ୍ୟାରେ ରାଜେନ୍ଦ୍ର କୁମାର ସାହୁ ନାମକ ଜଣେ ଷଷ୍ଠ ଶ୍ରେଣୀର ଛାତ୍ର ନିଖୋଜ ଅଛନ୍ତି। ସେ ନିକଟସ୍ଥ ଗୋଡ଼ିପାଟଣା...

ଚିଲିକା ସେଲ୍‌ଡକ୍‌ ଫକ୍‌ କାର୍ନିଭାଲ ସମ୍ବଲପୁରୀ ନୃତ୍ୟରେ ଝୁମିଲେ ଦର୍ଶକ

ବାଲୁଗାଁ,୯ା୧୨ (ଡି.ଏନ.ଏ.): ଓଡ଼ିଶାର ସଂସ୍କୃତି ଓ ଲୋକକଳାକୁ ବଜାୟ ରଖିବା ଉଦ୍ଦେଶ୍ୟରେ ସ୍ଥାନୀୟ ବଡ଼କୁଳସ୍ଥିତ ଚିଲିକା ତଟଦେଶରେ ଅବସ୍ଥାପିତ ଓଡ଼ି ଆର୍ଟ ମ୍ୟୁଜିୟମ୍‌ ପରିସରରେ ଶନିବାରଠାରୁ...

ଟିକା ଦେବାକୁ କହି ନବଜାତକକୁ ନେଇଗଲେ ନର୍ସ, ଖୋଜିଖୋଜି ପରିବାର ଲୋକେ ନୟାନ୍ତ

ନୟାଗଡ଼ ଅଫିସ,୨ା୨: ନୟାଗଡ଼ ଜିଲା ମୁଖ୍ୟ ଚିକିତ୍ସାଳୟ(ଡିଏଚ୍‌ଏଚ୍‌)ରୁ ପିଲା ଚୋରି ଅଭିଯୋଗ ହୋଇଛି। ଗତ ୨୮ ତାରିଖରେ ନୋତର ଗାଁର ରବୀନ୍ଦ୍ର ସ୍ବାଇଁଙ୍କ ସ୍ତ୍ରୀ ପ୍ରସବ...

୨ ପୋଲିସ କର୍ମଚାରୀ ନିଲମ୍ବିତ

ନୟାଗଡ଼ ଅଫିସ,୧୯ା୧୦: ଦୁର୍ଘଟଣା ଘଟାଇଥିବା ଗାଡ଼ି ପରିବର୍ତ୍ତେ ଅନ୍ୟ ଏକ ଗାଡ଼ି ନାମରେ ମାମଲା ରୁଜୁ କରିବା ଏବଂ ଜଣେ ବ୍ୟକ୍ତିଙ୍କଠାରୁ ଟଙ୍କା ମାଗିବା ନୟାଗଡ଼...

Advertisement
Archives

Model This Week