ରାଜକୋଷକୁ କରୋନା ମାଡ଼

ଭୁବନେଶ୍ୱର,୯।୬(ବ୍ୟୁରୋ): ମହାମାରୀ କରୋନା ସଂକ୍ରମଣ ସମଗ୍ର ବିଶ୍ୱ ପାଇଁ ବିପଦ ସାଜିଛି। ଏହା କେବଳ ଯେ ସ୍ବାସ୍ଥ୍ୟ ନୁହେଁ, ଆର୍ଥିକ ବ୍ୟବସ୍ଥାକୁ ମଧ୍ୟ ବିଗାଡ଼ି ଦେଇଛି। ଯାହାଫଳରେ ଗତ କିଛି ମାସ ହେବ ରାଜକୋଷ ଉପରେ ମଧ୍ୟ ଶକ୍ତ ଚାପ ପଡ଼ିଛି। ସମସ୍ତ ବିକାଶମୂଳକ କାର୍ଯ୍ୟ ଅଧାପନ୍ତରିଆ ହୋଇ ପଡ଼ି ରହିଛି। ୨୦୨୦-୨୧ ଆର୍ଥିକ ବର୍ଷ ପାଇଁ ରାଜ୍ୟ ସରକାର ଯେଉଁ ନୂତନ ଯୋଜନାର ମୂଳଦୁଆ ପକାଇଥିଲେ ସେସବୁ ଫାଇଲ ଭିତରେ ରହିଯାଇଛି। ଏଥିଯୋଗୁ କେନ୍ଦ୍ର ସରକାର ଚଳିତ ବର୍ଷ କାୈଣସି ନୂତନ ଯୋଜନା ଆରମ୍ଭ ନ କରିବାକୁ ନିଷ୍ପତ୍ତି ନେଇଥିବା ବେଳେ ରାଜ୍ୟ ସରକାର ଏ ନେଇ କାୈଣସି ନିଷ୍ପତ୍ତି ଏଯାବତ୍‌ ନେଇନାହାନ୍ତି। ଏଭଳିସ୍ଥିତିରେ ରାଜ୍ୟ ରାଜକୋଷର ଅବସ୍ଥା ଯାହା କହୁଛି ଚଳିତ ଆର୍ଥିକ ବର୍ଷରେ ଚାଲୁ ରହିଥିବା ଯୋଜନାକୁ ଆଗକୁ ନେବା ପାଇଁ ସରକାରଙ୍କ ପାଖରେ ବଳ ନାହିଁ। ଏପରି କି ଆର୍ଥିକ ପରିସ୍ଥିତିରେ ସୁଧାର ନ ଆସିଲେ ଆସନ୍ତା ଅକ୍ଟୋବର ବେଳକୁ ସରକାର କର୍ମଚାରୀମାନଙ୍କୁ ଦରମା ଦେବା ମଧ୍ୟ ମୁସ୍କିଲ ହୋଇପଡ଼ିବ ବୋଲି ଅର୍ଥ ବିଭାଗର ଜଣେ ଅଧିକାରୀ କହିଛନ୍ତି।
ଆର୍ଥିକ ମାନ୍ଦାବସ୍ଥା ଯୋଗୁ ରାଜ୍ୟର ଆର୍ଥିକ ଅବସ୍ଥା ସେତେଟା ଭଲ ନ ଥିବା ବେଳେ କୋଭିଡ୍‌-୧୯ ପରିସ୍ଥିତିକୁ ଆହୁରି ବିଗାଡ଼ିଦେଇଛି। ଗତ ଦୁଇ ମାସ ହେବ ରାଜ୍ୟ ସରକାରଙ୍କ ରାଜସ୍ବ ଆଦାୟ ବିଶେଷଭାବେ ହ୍ରାସ ପାଇଛି। ରାଜକୋଷର ସିଂହଭାଗ ଆସୁଥିବା ଦ୍ରବ୍ୟ ଓ ସେବା ଟିକସ(ଜିଏସ୍‌ଟି) ଆଦାୟ ଅତ୍ୟନ୍ତ ନୈରାଶ୍ୟଜନକ ସ୍ଥିତିରେ ରହିଛି। ଅର୍ଥ ବିଭାଗରୁ ମିଳିଥିବା ସୂଚନା ମୁତାବକ ୨୦୧୫-୧୬ରେ ମୂଲ୍ୟଯୁକ୍ତ କର(ଭାଟ୍‌), କେନ୍ଦ୍ରୀୟ ବିକ୍ରି କର(ସିଏସ୍‌ଟି), ଆମୋଦପ୍ରମୋଦ କର(ଇଟି), ରାଜ୍ୟ ବିକ୍ରି କର(ଓଏସ୍‌ଟି) ଓ ପ୍ରବେଶ କର ବାବଦରେ ୧୧୦୨୨.୬୯ କୋଟି ଟଙ୍କା ଆଦାୟ ହୋଇଥିଲା। ୨୦୧୬-୧୭ରେ ଏହା ୧୧୮୩୪.୪୯ କୋଟି ଟଙ୍କାକୁ ବୃଦ୍ଧି ପାଇଥିଲା। ୨୦୧୭ ଜୁଲାଇ ପହିଲାରୁ ରାଜ୍ୟରେ ଜିଏସ୍‌ଟି ଲାଗୁ ହୋଇଥିଲା। ୨୦୧୭-୧୮ରେ ଜିଏସ୍‌ଟି ବାବଦରେ ୬୧୨୭.୨୭ କୋଟି ଏବଂ ଅନ୍ୟାନ୍ୟ ଟିକସ ବାବଦରେ ୪୫୨୫.୫୪ କୋଟିକୁ ମିଶାଇ ମୋଟ ୧୦୬୫୨.୮୧ ଟଙ୍କା ରାଜକୋଷକୁ ମିଳିଥିଲା। ୨୦୧୮-୧୯ରେ ଜିଏସ୍‌ଟି ବାବଦରେ ୧୦୧୪୮.୧୪ କୋଟି ଏବଂ ଅନ୍ୟାନ୍ୟ ଟିକସ ବାବଦରେ ୧୮୪.୨୯ କୋଟିକୁ ମିଶାଇ ୧୦୩୩୨.୪୩ କୋଟି ଟଙ୍କା ମିଳିଥିଲା। ପୂର୍ବ ବର୍ଷ ତୁଳନାରେ ଜିଏସ୍‌ଟି ଆଦାୟ ହାର ୧୦.୪୧ ପ୍ରତିଶତ ଅଧିକ ହେଇଥିଲା। ସେହିପରି ୨୦୧୯-୨୦ରେ ଜିଏସ୍‌ଟି ବାବଦରେ ୧୨୭୪୭.୯୯ କୋଟି ଏବଂ ଅନ୍ୟାନ୍ୟ ଟିକସ ବାବଦରେ ୧୦୧.୭୯ କୋଟି ଆଦାୟ ହୋଇଥିଲା; ଯାହାକି ଗତ ବର୍ଷ ତୁଳନାରେ ଜିଏସ୍‌ଟି ଆଦାୟ ଶତକଡ଼ା ୨୫.୬୨ ପ୍ରତିଶତକୁ ବୃଦ୍ଧି ପାଇଥିଲା। ଚଳିତ ଆର୍ଥିକ ବର୍ଷ ପାଇଁ ଜିଏସ୍‌ଟି ଆଦାୟ ଅତ୍ୟନ୍ତ ନୈରାଶ୍ୟଜନକ ରହିଛି। ଆର୍ଥିକ ମାନ୍ଦାବସ୍ଥା ଯୋଗୁ ଜିଏସ୍‌ଟି ଆଦାୟ ୨୦୨୦ ମେ ମଧ୍ୟରେ ୧୦୯୨.୦୫ କୋଟି ଟଙ୍କାକୁ ଖସି ଯାଇଥିବା ବେଳେ ଅନ୍ୟାନ୍ୟ ଟିକସ ଆଦାୟ ମାତ୍ର ୯.୯୦ କୋଟି ଟଙ୍କା ରହିଛି। ଏହା ଗତ ବର୍ଷ ତୁଳନାରେ ମେ ମାସ ଶେଷ ମଧ୍ୟରେ ଜିଏସ୍‌ଟି ଆଦାୟର -୪୮.୬୦ ପ୍ରତିଶତ ଅଟେ। ୨୦୨୦ ଏପ୍ରିଲ ଓ ମେ ମାସରେ ସରକାର ସବୁଠାରୁ ଅଧିକ କ୍ଷତି ସହିଛନ୍ତି। ଏହି ଦୁଇମାସରେ ଜିଏସ୍‌ଟି ଆଦାୟ -୫୧.୫୩ ପ୍ରତିଶତକୁ ଖସି ଆସି ମାତ୍ର ୧୪୫୩.୮୨କୋଟି ରହିଛି। ସେହିପରି ଯାନବହାନ ଟିକସ ଆଦାୟ ମଧ୍ୟ ବହୁ ତଳକୁ ଖସିଯାଇଛି। ୨୦୧୯ ଏପ୍ରଲ ଓ ମେ ମାସ ମାସରେ ଯାନବାହନରୁ ୨୭୧.୨୮ କୋଟି ଟଙ୍କାର ଟିକସ ଆଦାୟ ହୋଇଥିବା ବେଳେ ୨୦୨୦ ମେ ଶେଷ ସୁଦ୍ଧା ମାତ୍ର ୬୯ କୋଟି ଟଙ୍କା ଆଦାୟ ହୋଇଛି। ପ୍ରାୟ ୭୫ ପ୍ରତିଶତ ଟିକସ କମି ଯାଇଛି। ନୂତନ ଗାଡ଼ି ବିକ୍ରି ନ ହେବା ସାଙ୍ଗକୁ ବସ୍‌ ଓ ଅନ୍ୟାନ୍ୟ ବାଣିଜି୍ୟକ ଯାନବାହନରୁ ୩ ମାସ ପାଇଁ ଟିକସ ଛାଡ଼ କରିବା ଯୋଗୁ ସରକାରଙ୍କୁ ଆହୁରି କ୍ଷତି ସହିବାକୁ ପଡ଼ିଛି। ରାଜ୍ୟଗୁଡ଼ିକର ଜଏସ୍‌ଟି ଜନିତ କ୍ଷତିଭରଣା କରିବା ପାଇଁ କେନ୍ଦ୍ର ସରକାର ଅର୍ଥ ପ୍ରଦାନ କରିଥାନ୍ତି। ଏହି କ୍ରମରେ ଗତ ୫ତାରିଖରେ ସମସ୍ତ ରାଜ୍ୟକୁ ୨୦୧୯ ଡିସେମ୍ବର ଓ ୨୦୨୦ ଜାନୁୟାରୀ ଓ ଫେବୃୟାରୀ ମାସ ପାଇଁ ୩୬,୪୦୦କୋଟି ଟଙ୍କା ପ୍ରଦାନ କରାଯାଇଥିବାବେଳେ ଓଡ଼ିଶାକୁ ମାତ୍ର ୧୧୧୬.୨୪କୋଟି ମିଳିଛି।
ଗୋଟିଏ ପଟେ ରାଜସ୍ବ ତଳମୁହାଁ ହୋଇଥିବା ବେଳେ ଅନ୍ୟ ପଟେ କେନ୍ଦ୍ର ସରକାର କେନ୍ଦ୍ରୀୟ ଟିକସ ବାବଦରେ ରାଜ୍ୟର ଅଂଶଧନକୁ ନ ଦେବା ଦ୍ୱାରା ଆର୍ଥିକ ଚାପ ବହୁତ ବଢ଼ିଯାଇଛି। ୨୦୧୫ରୁ ୨୦୨୦ ମାର୍ଚ୍ଚ ମଧ୍ୟରେ ଚତୁର୍ଦ୍ଦଶ ଅର୍ଥ କମିଶନ ସୁପାରିସ ଅନୁଯାୟୀ କେନ୍ଦ୍ର ସରକାର ରାଜ୍ୟର କେନ୍ଦ୍ରୀୟ ଟିକସ ବାବଦ ଅଂଶଧନ ୮୨୫୬ କୋଟି ଟଙ୍କା ଦେଇନାହାନ୍ତି। ସେହିପରି କେନ୍ଦ୍ର ସରକାର ରାଜ୍ୟ ବିପର୍ଯ୍ୟୟ ପରିଚାଳନା ପାଣ୍ଠି(ଏସ୍‌ଡିଆର୍‌ଏଫ୍‌) ବାବଦରେ ଗତ ୫ ବର୍ଷ ମଧ୍ୟରେ ପାଇବାକୁ ଥିବା ୩୭୧୮ କୋଟି ଟଙ୍କାରୁ ୩୦୯୭ କୋଟି ଟଙ୍କା ଦେଇଥିବା ବେଳେ ଅବଶିଷ୍ଟ ଅର୍ଥରାଶି ଏବେ ବି ପଡ଼ି ରହିଛି।


Enter your email to get our daily news in your inbox.

All Right Reserved By Dharitri.Com

ପପୁଙ୍କ ଫିଲ୍ମ ପୋଷ୍ଟରକୁ ନେଇ ବିବାଦ: ୭ ଯୁବତୀଙ୍କୁ ନେଇ ଆପତ୍ତିଜନକ ପୋଜ୍‌; ପ୍ରଯୋଜକ ସଂସ୍ଥା ନାଁରେ ମାମଲା

ଭୁବନେଶ୍ୱର,୧୮।୮(ବ୍ୟୁରୋ): ପୁଣି ଅଡୁଆରେ ରଙ୍ଗିଲା ଟୋକା ପପୁ ପମ୍‌ପମ୍‌। କେତେବେଳେ କାଷ୍ଟିଂ କାଉଚ ତ ଆଉ କେତେବେଳେ ମହିଳାଙ୍କୁ ଅଶାଳୀନ ବ୍ୟବହାର ପାଇଁ ବିବାଦରେ ରହିଥିଲେ...

ଆମ୍ରିରେ ସିୟର ଓ୍ବେଭ ଇଲାଷ୍ଟୋଗ୍ରାଫି ଚିକିତ୍ସା ସୁବିଧା

ଭୁବନେଶ୍ୱର,୩୦।୭(ବ୍ୟୁରୋ): ଆମ୍ରି ହସ୍ପିଟାଲ୍ସ ଭୁବନେଶ୍ୱର ପକ୍ଷରୁ ସିୟର ଓ୍ବେଭ ଇଲାଷ୍ଟୋଗ୍ରାଫି ଚିକିତ୍ସା ସୁବିଧା ଶୁଭାରମ୍ଭ ହୋଇଛି। ଏହି ନୂଆ ଫାସିଲିଟି ଦ୍ୱାରା ହସ୍ପିଟାଲ ପରିସରରେ ଏକ...

ବିଧାନସଭା ସ୍ଥାୟୀ କମିଟି ଅଧ୍ୟକ୍ଷ, ସଦସ୍ୟଙ୍କ ନାଁ ଘୋଷିତ

ଭୁବନେଶ୍ୱର,୨।୭(ବ୍ୟୁରୋ): ବିଧାନସଭାର ୧୦ ସ୍ଥାୟୀ କମିଟି ଅଧ୍ୟକ୍ଷ ଏବଂ ସଦସ୍ୟଙ୍କ ନାମ ବାଚସ୍ପତି ସୂର୍ଯ୍ୟନାରାୟଣ ପାତ୍ର ସୋମବାର ଗୃହରେ ଘୋଷଣା କରିଛନ୍ତି। ଏହି ଅଧ୍ୟକ୍ଷମାନେ ହେଉଛନ୍ତି-...

ଦ୍ରୁତ ଗତିରେ ବଢୁଛି ବୈତରଣୀ,ବନ୍ୟା ଆଶଙ୍କା

ଭଣ୍ଡାରିପୋଖରୀ,୨୬।୮(ଡି.ଏନ୍‌.ଏ): ବୈତରଣୀ ନଦୀରେ ବନ୍ୟା ଜଳ ଦ୍ରୁତ ଗତିରେ ବୃଦ୍ଧି ପାଇବାରେ ଲାଗିଛି। ଲଘୁଚାପଜନିତ ଲଗାଣ ବର୍ଷାରେ ବୈତରଣୀ ନଦୀ ମଙ୍ଗଳବାର ରାତି ୩ ଟାରୁ...

ସିଙ୍ଗପୁରରେ କାଳବୈଶାଖୀର ତାଣ୍ଡବ: ସରକାରୀ ସହାୟତା ଦାବି

ନୂଆଗାଁ,୩୦।୫ (ଡି.ଏନ୍‌.ଏ.): ନୟାଗଡ଼ ଜିଲା ନୂଆଗାଁ ବ୍ଲକ ଉଦୟପୁର ପଞ୍ଚାୟତସ୍ଥ ସିଙ୍ଗପୁର ଗ୍ରାମରେ ମଙ୍ଗଳବାର ଅପରାହ୍ନରେ କାଳବୈଶାଖୀ ତାଣ୍ଡବ ଲୀଳା ଘଟିଛି। ଏହା ଏକ ଆଦିବାସୀ...

୩ ବର୍ଷରେ ୧୦୬ ହରିଣ ଶିକାର

ଭୁବନେଶ୍ୱର, ୩୧।୭(ବ୍ୟୁରୋ): ରାଜ୍ୟରେ ହରିଣ ଶିକାର ଦ୍ରୁତ ଗତିରେ ବଢୁଛି। ଗତ ୩ ବର୍ଷ ମଧ୍ୟରେ ବିଭିନ୍ନ ପ୍ରଜାତିର ୧୦୬ ହରିଣଙ୍କୁ ଶିକାର କରାଯାଇଛି। ମଙ୍ଗଳବାର...

‘ରେନ୍‌ ଦ କ୍ଲବ୍‌’ ବାର୍‌ରେ ଚଢ଼ାଉ: ବିପୁଳ ପରିମାଣର ମଦ ଜବତ; ଚାଲିଥିଲା ବେଆଇନ୍‌ ବିକ୍ରି

କଟକ ରୋଡ,୨୩।୫(ଡି.ଏନ୍‌.ଏ.): କୋଭିଡ-୧୯ ପାଇଁ ରାଜ୍ୟରେ ମଦ ବିକ୍ରି ବନ୍ଦ ରହିଛି। ଏଭଳି ସ୍ଥିତିରେ ଗତ ପ୍ରାୟ ଦୁଇମାସ ଧରି ମଦ ଦୋକାନ ଓ ବାର୍‌ରେ...

CORONAVIRUS UPDATE: ରାଜ୍ୟରେ ଆଉ ୫ କରୋନା ଆକ୍ରାନ୍ତ ଚିନ୍ହଟ, ସଂଖ୍ୟା ଛୁଇଁଲା ୧୦୮

ଭୁବନେଶ୍ୱର,୨୭।୪: (ବ୍ୟୁରୋ)- ରାଜ୍ୟରେ ପୁଣି ୫ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏହାକୁ ମିଶାଇ ଆକ୍ରାନ୍ତଙ୍କ ସଂଖ୍ୟା ୧୦୮ରେ ପହଞ୍ଚିଛି। ଏହି ସମ୍ପର୍କରେ ରାଜ୍ୟ ସ୍ୱାସ୍ଥ୍ୟ...

Coronavirus Update


Archives

Model This Week

Why Dharitri