ମିଳୁନି ଆଶାନୁରୂପ କର୍ମନିଯୁକ୍ତି

କେନ୍ଦ୍ରାପଡ଼ା ଅଫିସ୍‌, ୧୧।୨:କେନ୍ଦ୍ରାପଡ଼ା ଜିଲାରେ କର୍ମ ନିଯୁକ୍ତି ଏକ ପ୍ରମୁଖ ସମସ୍ୟା। ଜିଲାରେ ଶିଳ୍ପ ପ୍ରତିଷ୍ଠାନ ନଥିବା ବେଳେ ଅର୍ଥକରୀ ଫସଲ ପାଇଁ ପ୍ରୋତ୍ସାହନ ନ ଥିବାରୁ ଜିଲାର ଅନେକ ବ୍ୟକ୍ତି ଜିଲା ବା ରାଜ୍ୟ ବାହାରକୁ ଦାଦନ ଖଟିବାକୁ ଯାଉଛନ୍ତି। ଅପରପକ୍ଷରେ କେନ୍ଦ୍ର ସରକାରଙ୍କ ମହାତ୍ମା ଗାନ୍ଧି ଜାତୀୟ ଗ୍ରାମୀଣ ନିଶ୍ଚିତ କର୍ମନିଯୁକ୍ତି ଯୋଜନା ଏହି ଜିଲାରେ ଏକ ପ୍ରକାର ସ୍ଥାଣୁ ପାଲଟିଥିବା ଦେଖାଯାଉଛି। ୨୦୧୬-୧୭ ଆର୍ଥିକ ବର୍ଷରେ ଜିଲାରେ ୧୭,୯୩୭ ପ୍ରକଳ୍ପ ଆରମ୍ଭ ହୋଇ ୧୬,୭୧୫ ପ୍ରକଳ୍ପ ଶେଷ ହୋଇଥିଲା। ଫଳରେ ଏହି ଯୋଜନାକୁ ୯୩.୧୯ ପ୍ରତିଶତ ସଫଳତା ମିଳିଥିଲା। ହେଲେ ଏହି ସଫଳତା ହାର ପ୍ରତି ଆର୍ଥିକ ବର୍ଷରେ କମିବାରେ ଲାଗିଛି। ୨୦୧୭-୧୮ ଆର୍ଥିକ ବର୍ଷରେ ଏହି ଯୋଜନାକୁ ୮୯.୪୭ ପ୍ରତିଶତ ସଫଳତା ମିଳିଥିବା ବେଳେ ୨୦୧୮-୧୯ ଆର୍ଥିକ ବର୍ଷରେ ଏହି ଅନୁପାତ ହାର କମି ୭୮.୨୭ ପ୍ରତିଶତରେ ପହଞ୍ଚିଥିଲା। ଚଳିତ ଆର୍ଥିକବର୍ଷ ପୂରିବାକୁ ମାତ୍ର ଦେଢ଼ ମାସ ବାକି ଥିବା ବେଳେ ପ୍ରକଳ୍ପ ସମାପ୍ତ ପାଇଁ ଆଶାନୁରୂପ କର୍ମନିଯୁକ୍ତି ଦିଆଯାଇପାରିନାହିଁ।
ଚଳିତ ଆର୍ଥିକବର୍ଷରେ ମୋଟ ୨୪,୨୦୬ଟି ପ୍ରକଳ୍ପର କାର୍ଯ୍ୟାରମ୍ଭ ହୋଇଥିଲା। ଅଦ୍ୟାବଧି ମାତ୍ର ୫୯୩୧ ପ୍ରକଳ୍ପ ସମାପ୍ତ ହୋଇଛି। ଫଳରେ ଏହି ଯୋଜନାକୁ ମାତ୍ର ୨୪.୫ ପ୍ରତିଶତ ସଫଳତା ମିଳିଛି। ସେହିପରି ଏମ୍‌ଜିଏନ୍‌ଆର୍‌ଇଜିଏସ୍‌ରେ ଶ୍ରମିକଙ୍କୁ ଅନୂ୍ୟନ ୧୦୦ ଦିନ କାମ ଯୋଗାଇ ଦେବା ପାଇଁ ଲକ୍ଷ୍ୟ ରହିଛି। ହେଲେ ଏହି ଲକ୍ଷ୍ୟ ପୂରଣରେ ରାଜ୍ୟର ଅନ୍ୟ ଜିଲା ତୁଳନାରେ କେନ୍ଦ୍ରାପଡ଼ା ଢ଼େର ପଛରେ ପଡିଛି। ଚଳିତ ଆର୍ଥିକବର୍ଷରେ ଜିଲାର ୨,୧୯,୨୨୫ ଜବ୍‌କାର୍ଡଧାରୀ ପରିବାର ମଧ୍ୟରୁ ମାତ୍ର ୫୩୯ ପରିବାରକୁ ୧୦୦ ଦିନର କାମ ମିଳିଛି। ଏ ସମ୍ପର୍କରେ କେନ୍ଦ୍ରାପଡା ବ୍ଲକ ଭରତପୁର ଗ୍ରାମର ଶଶିଭୂଷଣ ଦାସ କୁହନ୍ତି, ଏମ୍‌ଜିଏନ୍‌ଆର୍‌ଇଜିଏସ୍‌ରେ ମଜୁରି ବହୁତ କମ୍‌ ମିଳୁଛି। ଯୋଜନାର ସଫଳତା ପାଇଁ ଶ୍ରମିକ ମଜୁରି ବଢ଼ାଇବା ଆବଶ୍ୟକ। ସେହିପରି ଏହି ଯୋଜନାରେ ଶ୍ରମ ନିଯୁକ୍ତିକୁ ଗୁରୁତ୍ୱ ଦିଆଯାଉଥିବା ବେଳେ ମେଶିନର ଉପଯୋଗ ଫଳରେ ଶ୍ରମିକଙ୍କ ଆବଶ୍ୟକତା କମିଯାଉଛି। ଏଥିସହ ଯୋଜନାର ଅର୍ଥ ପାଇଁ କିଛି ଦିନ ଅପେକ୍ଷା କରିବାକୁ ପଡୁଛି। ଶ୍ରମିକଙ୍କ ଆର୍ଥିକ ଦୁରବସ୍ଥା ସମସ୍ୟା ସମାଧାନ ବଦଳରେ ଅର୍ଥ ଅପେକ୍ଷା ଯୋଜନାର ସଫଳତାକୁ ସୀମିତ କରୁଛି। ଏ ନେଇ ବୁଦ୍ଧିଜୀବୀ ଗଣେଶ ଚନ୍ଦ୍ର ସାମଲ କୁହନ୍ତି, ଏହି ଯୋଜନାରେ ପୂର୍ବରୁ ରାସ୍ତା ନିର୍ମାଣ, ପୋଖରୀ ଖନନ ଆଦି ମାଟି କାମକୁ ଗୁରୁତ୍ୱ ଦିଆଯାଉଥିଲା। ଏବେ ମାଟି ରାସ୍ତା ନିର୍ମାଣ ପାଇଁ ସରକାରଙ୍କ ଆଗ୍ରହ ନାହିଁ। ସେହିପରି ପୋଖରୀ ଖନନ କାର୍ଯ୍ୟ ଜେସିବି ମାଧ୍ୟମରେ ସୁବିଧା ହେଉଛି। ଏଥିସହ ଗତ ଦୁଇ ବର୍ଷ ଧରି ଗୋପବନ୍ଧୁ ଗ୍ରାମୀଣ ଯୋଜନାରେ ଅର୍ଥ ଆସୁ ନ ଥିବାରୁ ଏମ୍‌ଜିଏନ୍‌ଆର୍‌ଇଜିଏସ୍‌ କାମ ବନ୍ଦ ରହିଛି। ଅନ୍ୟପଟେ ଏହି ଯୋଜନାରେ ଏବେ ଆବାସ ଯୋଜନା, ଅଙ୍ଗନୱାଡି ଗୃହ ନିର୍ମାଣ, ସେବାକେନ୍ଦ୍ର, ଗୋଷ୍ଠୀ କେନ୍ଦ୍ର ଆଦି ନିର୍ମାଣ ହେଉଛି। ଏଥିରେ ଶ୍ରମିକଙ୍କ ଅର୍ଥ ମିଳିବା ପାଇଁ ଅଧିକ ସମୟ ଯାଉଛି। ସୂଚନା ଅଧିକାର କର୍ମୀ ପ୍ରତାପ ଚନ୍ଦ୍ର ମହାନ୍ତି କୁହନ୍ତି, ଯୋଜନା କାର୍ଯ୍ୟକାରୀରେ ପ୍ରଶାସନିକ ଅବହେଳା ରହିଛି। କେନ୍ଦ୍ରାପଡା ଜିଲାରେ ଏହି ଯୋଜନାରେ ଅଙ୍ଗନୱାଡି କେନ୍ଦ୍ର ନିର୍ମାଣ ପାଇଁ ୪୬୦ ପ୍ରକଳ୍ପକୁ ମଞ୍ଜୁରୀ ମିଳିଥିଲେ ମଧ୍ୟ ଅଦ୍ୟାବଧି କାମ ଆରମ୍ଭ ହୋଇନାହିଁ। ସେହିପରି କ୍ଷେତକୁ ମରୁଡିରୁ ବଞ୍ଚାଇବା ପାଇଁ ୩୨୨ ପ୍ରକଳ୍ପ ଆବଶ୍ୟକତା ଥିବା ବେଳେ ପଞ୍ଚାୟତସ୍ତରରେ ଏଥିପାଇଁ ଉଦ୍ୟମ ହେଉନାହିଁ। ପ୍ରଶାସନ ପକ୍ଷରୁ ତତ୍ପରତା ପ୍ରକାଶ ପାଇଲେ ଯୋଜନା କାର୍ଯ୍ୟକାରୀ ସହ ଜିଲାର କର୍ମ ନିଯୁକ୍ତି ସମସ୍ୟା ସମାଧାନ ହୋଇପାରନ୍ତା। ଏମ୍‌ଜିଏନ୍‌ଆର୍‌ଇଜିଏସ୍‌ରେ ଶିଥିଳତା ସମ୍ପର୍କରେ ପିଡି ଦିଲୀପ କୁମାର ପରିଡ଼ା କୁହନ୍ତି, ଚଳିତ ଆର୍ଥିକ ବର୍ଷରେ ସାଧାରଣ ନିର୍ବାଚନ ହୋଇଥିବାରୁ ପ୍ରକଳ୍ପ ନିର୍ମାଣ ବନ୍ଦ ରହିଥିଲା। ଏଥିସହ କେତେକ ପ୍ରକଳ୍ପ ନିର୍ମାଣ ସମୟରେ କନ୍ଦଳ ସୃଷ୍ଟି ହେବାରୁ ବନ୍ଦ ରହିଛି। ତେବେ ଜିଲାରେ ଆବେଦନକାରୀ ଜବ୍‌କାର୍ଡଧାରୀଙ୍କୁ କର୍ମନିଯୁକ୍ତି ଦିଆଯାଉଛି।


Enter your email to get our daily news in your inbox.

All Right Reserved By Dharitri.Com

ଆଧାର ନ ଥିବାରୁ ଚାଉଳ ବନ୍ଦ

କେନ୍ଦୁଝର, ୪।୫ (ସ୍ବ.ପ୍ର.)-ଆଦିବାସୀ ବହୁଳ ବାଂଶପାଳ ବ୍ଲକର ଗୋନାସିକା ଗ୍ରାମରେ ଜଣେ ଦିବ୍ୟାଙ୍ଗ ମହିଳାଙ୍କ ଆଧାର କାର୍ଡ ନ ଥିବାରୁ ୩ ବର୍ଷ ହେଲା ସରକାରଙ୍କ...

ସୁବର୍ଣ୍ଣ ଲୋକ ମହୋତ୍ସବ: ଲୋକନୃତ୍ୟର ତାଳରେ ଝୁମିଲେ ଦର୍ଶକ

ସୋନପୁର, ୯।୧(ନି.ପ୍ର.) ସୁବର୍ଣ୍ଣପୁର ଜିଲା ସଂସ୍କୃତି ପରିଷଦ ଆନୁକୂଲ୍ୟରେ ଚାଲିଥିବା ସୁବର୍ଣ୍ଣ ଲୋକ ମହୋତ୍ସବର ବୁଧବାର ଥିଲା ଦ୍ୱିତୀୟ ସନ୍ଧ୍ୟା। ଗାନ୍ଧୀ ପଡିଆସ୍ଥିତ ଫକୀର ପଟ୍ଟନାୟକ...

ସ୍ତ୍ରୀ ହତ୍ୟାକାରୀଙ୍କୁ ୭ବର୍ଷ ସଶ୍ରମ କାରାଦଣ୍ଡ

ବାରିପଦା ଅଫିସ,୨୮ା୧: ମୟୂରଭଞ୍ଜ ଜିଲା ଅତିରିକ୍ତ ଜିଲା ଓ ଦୌରା ଜଜଙ୍କ କୋର୍ଟରେ ବୁଧବାର ଏକ ଯୌତୁକ ଜନିତ ସ୍ତ୍ରୀ ହତ୍ୟା ମାମଲାର ରାୟ ପ୍ରକାଶ...

ମହାପ୍ରଭୁଙ୍କର ହେଲା ବନକଲାଗି

ପୁରୀ ଅଫିସ,୨୯।୧୦: ପ୍ରାୟ ୨ ମାସ ପରେ ବୁଧବାର ଶ୍ରୀମନ୍ଦିରରେ ମହାପ୍ରଭୁଙ୍କର ବନକଲାଗି ହୋଇଛି। ଏହା ଏକ ଗୁପ୍ତ ନୀତି ହୋଇଥିବାରୁ ଶ୍ରୀମନ୍ଦିରର ଜୟବିଜୟ ଦ୍ୱାର...

କଂଗ୍ରେସ ଆନ୍ଦୋଳନର ପ୍ରଭାବ: ବଦଳିଲେ ନିର୍ବାହୀଯନ୍ତ୍ରୀ

ଦାରିଙ୍ଗବାଡ଼ି,୧୧ା୧୦(ଡି.ଏନ୍‌.ଏ.): ବିଭିନ୍ନ ଦାବି ନେଇ ସୋମବାର କଂଗ୍ରେସ ପକ୍ଷରୁ ଦାରିଙ୍ଗବାଡ଼ି ବନ୍ଦ ଡାକରା ଦିଆଯାଇଥିବା ବେଳେ ସେହି ଦାବି ମଧ୍ୟରେ ପଞ୍ଚାୟତ ସମିତିର ସହକାରୀ ନିର୍ବାହୀଯନ୍ତ୍ରୀ...

ବଜ୍ରପାତରେ ଚିଙ୍ଗୁଡି ଚାଷୀଙ୍କ ପ୍ରାଣଗଲା

ରୂପ୍‌ସା, ୧୭ା୮(ଡ଼ି.ଏନ.ଏ.): ବାଲେଶ୍ୱର ସଦର ବ୍ଲକ ପରିଖି ପଞ୍ଚାୟତ ଅନ୍ତର୍ଗତ ଜଗନ୍ନାଥପୁର ଗ୍ରାମରେ ଚିଙ୍ଗୁଡି ଚାଷ କରୁଥିବା ପଞ୍ଚାନନ ରଣା (୬୨) ନାମକ ଚାଷୀଙ୍କ ଶୁକ୍ରବାର...

୮ରେ ରଥଯାତ୍ରା ପ୍ରସ୍ତୁତିର ସମୀକ୍ଷା କରିବେ ମୁଖ୍ୟମନ୍ତ୍ରୀ

ପୁରୀ ଅଫିସ,୩ା୭: ଆସନ୍ତା ୧୨ ତାରିଖରେ ବିଶ୍ୱ ପ୍ରସିଦ୍ଧ ରଥଯାତ୍ରା। ଏନେଇ ୮ ତାରିଖରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏକ ସମୀକ୍ଷା କରିବେ। ଏଥିରେ ଶ୍ରୀମନ୍ଦିର...

ବାଲିଯାତ୍ରା ମହୋତ୍ସବ ଉଦ୍‌ଘାଟିତ : ଗଣପର୍ବରେ ପରଣିତ ହୋଇଛି କଳିଙ୍ଗ ବାଲିଯାତ୍ରା

ପାରାଦୀପ,୧୨ା୧୧(ସ୍ବ.ପ୍ର.): ପାରାଦୀପ ସମୁଦ୍ର ବେଳାଭୂମି ବିଜୁ ମଇଦାନଠାରେ ସୋମବାର ସନ୍ଧ୍ୟାରେ କଳିଙ୍ଗ ବାଲିଯାତ୍ରା ମହୋତ୍ସବ ଉଦ୍‌ଘାଟିତ ହୋଇଯାଇଛି। ମୁଖ୍ୟ ଅତିଥିଭାବେ ପଞ୍ଚାୟତିରାଜ ମନ୍ତ୍ରୀ ପ୍ରତାପ ଜେନା...

Advertisement
Archives

Model This Week