ମାନ୍ଦାବସ୍ଥା ବିରୋଧରେ ଅସ୍ତ୍ର ହେବ ଆର୍‌ବିଆଇ ପୁଞ୍ଜି

ମୁମ୍ବାଇ,୨୮-୮: ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ସରକାରଙ୍କୁ ଲାଭାଂଶ ବାବଦରେ ୧.୭୬ ଲକ୍ଷ କୋଟି ଟଙ୍କା ଦେବାକୁ ନିଷ୍ପତ୍ତି ନେଇଛି। ଏହି ପୁଞ୍ଜି ମୋଦି ସରକାରଙ୍କ ଲାଗି ମାନ୍ଦାବସ୍ଥା ସହ ଲଢ଼ିବାରେ ଉପଯୁକ୍ତ ଅସ୍ତ୍ର ହେବାକୁ ଯାଉଛି। ଏହା ନିବେଶ ବଢ଼ାଇବା ସହ ବିଭିନ୍ନ ସେକ୍ଟରକୁ ପ୍ୟାକେଜ ଦେବାରେ ସହାୟକ ହେବ। ଏଥିପୂର୍ବରୁ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରାମନ୍‌ ରାଷ୍ଟ୍ରାୟତ୍ତ ବ୍ୟାଙ୍କଗୁଡ଼ିକୁ ୭୦ ହଜାର କୋଟି ଟଙ୍କାର ସହାୟତା ଦେବେ ବୋଲି ଘୋଷଣା କରିସାରିଥିଲେ। ଏହାଦ୍ୱାରା ଦେଶର ଅର୍ଥନୀତି ୫ ଲକ୍ଷ କୋଟି ଡଲାର ଆଡକୁ ଯିବ ବୋଲି ଆଶାକରାଯାଉଛି।
ସଙ୍କଟରେ ଫଶିଥିବା ସେକ୍ଟରକୁ ମିଳିପାରେ ପୁଞ୍ଜି
ବିଶେଷଜ୍ଞଙ୍କ କହିବାନୁଯାୟୀ, ଆର୍‌ବିଆଇ ଠାରୁ ମିଳୁଥିବା ପୁଞ୍ଜିର ବ୍ୟବହାର ବକେୟା ଋଣ ହ୍ରାସ କରିବା, ୩.୩ ଲକ୍ଷ କୋଟି ଟଙ୍କାର ପୁଞ୍ଜିଗତ ବ୍ୟୟ ଯୋଜନାକୁ ସହାୟତା ପ୍ରଦାନ, ବ୍ୟାଙ୍କଗୁଡ଼ିକର ପୁନଃପୁଞ୍ଜିକରଣ ଏବଂ ସଙ୍କଟରେ ଫଶିଥିବା କ୍ଷେତ୍ରକୁ ପ୍ରୋତ୍ସାହନ ପ୍ୟାକେଜ ଦେବାରେ ବ୍ୟୟ କରାଯିବ। ତେବେ ଏହା ଆକଳନ ବୋଲି କୁହାଯାଉଛି, କାରଣ ଅର୍ଥମନ୍ତ୍ରୀ ନିର୍ମଳା ସୀତାରାମନ୍‌ ଏହି ଅର୍ଥକୁ କିପରି ଖର୍ଚ୍ଚ କରାଯିବ ସେ ସଂକ୍ରାନ୍ତରେ କହିବାକୁ ମନା କରିଦେଇଛନ୍ତି।
ଢ଼ାଞ୍ଚାଗତ ନିର୍ମାଣକୁ ଦିଆଯାଇପାରେ ଗୁରୁତ୍ୱ
ବ୍ରୋକରେଜ ଫାର୍ମ ଏମ୍‌କେ ଗ୍ଲୋବାଲର ଏକ ରିପୋର୍ଟରେ କୁହାଯାଇଛି ଯେ, ଯଦି ସରକାର ହସ୍ତାନ୍ତରିତ ରାଶିକୁ ଉଚ୍ଚ ଋଣ ଭାବେ ବଦଳାଇବାକୁ ବିକଳ୍ପ ଭାବେ ଚୟନ କରନ୍ତି, ତେବେ ଏହାକୁ ଢ଼ାଞ୍ଚାଗତ ନିର୍ମାଣ ଲାଗି ବ୍ୟୟ କରାଯିବ। ଆର୍‌ବିଆଇ ପକ୍ଷରୁ ମିଳୁଥିବା ଅତିରିକ୍ତ ସହାୟତା ରାଶି ବଜାରକୁ ସମର୍ଥନ ଦେବ। ଅନ୍ୟପକ୍ଷରେ ବୋଫା ମେରିଲ ଲିଞ୍ଚ ରିସର୍ଚ୍ଚରେ କୁହାଯାଇଛି ଯେ, ଏହି ଅର୍ଥକୁ ସରକାର ରାଷ୍ଟ୍ରାୟତ୍ତ ବ୍ୟାଙ୍କର ପୁନଃପୁଞ୍ଜିକରଣ ଲାଗି ଖର୍ଚ୍ଚ କରିବେ ବୋଲି ମନେ କରାଯାଉଛି। ଅଶ୍ୱିନ ପାରେଖ ଆଡ଼ଭାଇଜରୀ ସର୍ଭିସେସ୍‌ର ମ୍ୟାନେଜିଂ ପାର୍ଟନର ଅଶ୍ୱିନ ପାରେଖ କହିଛନ୍ତି ଯେ, ବର୍ତ୍ତମାନର ଆର୍ଥିକ ଦୃଶ୍ୟପଟରେ ଆର୍‌ବିଆଇରୁ ମିଳିଥିବା ପୁଞ୍ଜି ଅର୍ଥନୀତିକୁ ଗତିଶୀଳ କରିବ। ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) କେନ୍ଦ୍ର ସରକାରଙ୍କୁ ୧.୭୬ ଲକ୍ଷ କୋଟି ଟଙ୍କା ବଳକା ପାଣ୍ଠିରୁ ଦେବ ବୋଲି ସୋମବାର ନିଷ୍ପତ୍ତି ନେଇଛି। ବର୍ତ୍ତମାନର ହିସାବକୁ ଦେଖିଲେ ଆର୍‌ବିଆଇ ନିକଟରେ ପ୍ରାୟ ୯.୨ ଲକ୍ଷ କୋଟିରୁ ଊର୍ଦ୍ଧ୍ୱ ଟଙ୍କା ବଳକା ପାଣ୍ଠି ରହିଛି। ତେବେ କେନ୍ଦ୍ରୀୟ ବ୍ୟାଙ୍କ କେନ୍ଦ୍ର ସରକାରଙ୍କୁ ବଳକା ଟଙ୍କା ଆଣୁଛି କେଉଁଠୁ ବୋଲି ସାଧାରଣରେ ପ୍ରଶ୍ନ ଆସିପାରେ।
ଆର୍‌ବିଆଇ କେଉଁଠୁ ଆଣିଲା ଅର୍ଥ
ସାଧାରଣତଃ ଆର୍‌ବିଆଇର ଆୟ ବ୍ୟବସ୍ଥା ଅନ୍ୟ କମ୍ପାନୀଠୁ ଭିନ୍ନ। ଏହାର ତିନୋଟି ଆକାଉଣ୍ଟ ରହିଛି। ଗୋଟିଏ ହେଲା କରେନ୍ସି ଆଣ୍ଡ ଗୋଲ୍ଡ ରିଭାଲ୍ୟୁଏଶନ ଆକାଉଣ୍ଟ(ସିଜିଆର୍‌ଏ),ଆସେଟ୍‌ ଡେଭଲପ୍‌ମେଣ୍ଟ ଫଣ୍ଡ(ଏଡିଏଫ୍‌) ଓ ଅନ୍ୟଟି କଣ୍ଟିଜେନ୍ସି ଫଣ୍ଡ। ମୁଦ୍ରା ବଜାରରେ ଅଚାନକ ଉଠାପକାକୁ ରୋକିବା ଲାଗି ଏହି ଫଣ୍ଡକୁ କାର୍ଯ୍ୟରେ ଲଗାଯାଏ। ସିଜିଆର୍‌ଏ ପାଣ୍ଠି ୨୦୧୦ରୁ ଅଚାନକ ବୃଦ୍ଧି ପାଇଚାଲିଛି। ଏଥିରେ ୨୫% ହାରରେ କମ୍ପାଉଣ୍ଡ ଆନୁଆଲ ଗ୍ରୋଥ ରେଟ୍‌ରେ ୨୦୧୭-୧୮ ସୁଦ୍ଧା ୬.୯୧ ଲକ୍ଷ କୋଟି ଟଙ୍କା ଜମା ହୋଇଛି। ସେହିପରି କଣ୍ଟିଜେନ୍ସି ଫଣ୍ଡରେ ଏହି ଅବଧିରେ ୨.୩୨ ଲକ୍ଷ କୋଟି ଟଙ୍କା ବଳକା ରହିଛି। ସିଜିଆର୍‌ଏ ଏବଂ ସିଏଫ୍‌କୁ ମିଶାଇଦେଲେ ଆର୍‌ବିଆଇର ବାଲାନ୍ସ ସିଟ୍‌ର ଏହା ୨୬% ହେଉଛି। ଆର୍‌ବିଆଇ ସରକାରୀ ସିକ୍ୟୁରିଟି, ବଣ୍ଡରେ ନିବେଶ କରି ସେଥିରୁ ସୁଧ ହାସଲ କରିଥାଏ। ଏହାଛଡ଼ା ବ୍ୟାଙ୍କ ଗୁଡ଼ିକୁ ଋଣ ଦେଇ ସେଥିରୁ ସୁଧ ପାଇଥାଏ। ଏହାଛଡ଼ା ମୁଦ୍ରା ବଜାରରେ ହସ୍ତକ୍ଷେପ କରି ଅନ୍ୟ ଦେଶର ମୁଦ୍ରା ବିକ୍ରି ସେଥିରୁ ଆର୍‌ବିଆଇ ଲାଭ ଉଠାଇଥାଏ। ବିମଳ ଜଲାନ କମିଟି ପକ୍ଷରୁ ଦିଆଯାଇଥିବା ସୁପାରିସ୍‌ ଅନୁଯାୟୀ, କଣ୍ଟିଜେନ୍ସି ଫଣ୍ଡ ଏବେ ଆର୍‌ବିଆଇ ବାଲାନ୍ସ ସିଟ୍‌ର ୬.୮% ରହିଛି। ପୂର୍ବରୁ ଏହା ୫.୫ରୁ ୬.୫% ମଧ୍ୟରେ ରଖାଯିବାକୁ ଧାର୍ଯ୍ୟ ହୋଇଥିଲା। ତେବେ କମିଟି ୫.୫%ର ସର୍ବନିମ୍ନ ସ୍ତରକୁ ଗ୍ରହଣ କରି ବଳକା ବାବଦରେ ୫୨,୬୩୭ କୋଟି ଟଙ୍କା କେନ୍ଦ୍ର ସରକାରଙ୍କୁ ଦେବାକୁ ସୁପାରିସ୍‌ କରିଛନ୍ତି। ସେହିଭଳି ସିଜିଆର୍‌ଏକୁ ବର୍ତ୍ତମାନ ବାଲାନ୍ସ ସିଟ୍‌ର ୨୪.୫%ରୁ ୨୦ ପ୍ରତିଶତକୁ ହ୍ରାସ କରିବା ଲାଗି କମିଟି କହିଛି। ଫଳରେ ଆର୍‌ବିଆଇ କେନ୍ଦ୍ର ସରକାରଙ୍କୁ ବଳକା ବାବଦରେ ୧,୨୩,୪୧୪ କୋଟି ଟଙ୍କା ଦେବାକୁ କୁହାଯାଇଛି। ଏହି ଦୁଇଟି ଆକାଉଣ୍ଟକୁ ମିଶାଇଲେ ଆର୍‌ବିଆଇ ୧,୭୬,୦୫୧ କୋଟି ଟଙ୍କା କେନ୍ଦ୍ର ସରକାରଙ୍କୁ ଦେବାକୁ ଯାଉଛି।


Enter your email to get our daily news in your inbox.

All Right Reserved By Dharitri.Com

ବିକାଶ ବୃଦ୍ଧିରେ ବାଧା ହଟିବ: ଖୁବ୍‌ଶୀଘ୍ର ଘୋଷଣା

ନୂଆଦିଲ୍ଲୀ,୧୨-୮: କେନ୍ଦ୍ର ସରକାର ବିକାଶ ଅଭିବୃଦ୍ଧି ଲାଗି ବିଭିନ୍ନ ଉପାୟ ଚିନ୍ତା କରୁଛନ୍ତି। ଆର୍ଥିକ ବିକାଶ ଆଗେଇବାରେ ଥିବା ସମସ୍ତ ବାଧାକୁ ଚିହ୍ନଟ କରି ଦୂର...

ଗ୍ରେଟ ଇଷ୍ଟର୍ନ ପକ୍ଷରୁ ପାର୍ବଣ ଅଫର

ଭୁବନେଶ୍ୱର,୪-୧୦: ଇଲେକଟ୍ରୋନିକ୍ସ ରିଟେଲ ଚେନ୍‌ ଗ୍ରେଟ୍‌ ଇଷ୍ଟର୍ନ ପକ୍ଷରୁ ପାର୍ବଣ ଅଫର ଘୋଷଣା କରାଯାଇଛି। ଏହି ସମୟରେ ଗ୍ରାହକ ଷ୍ଟୋରରୁ ପ୍ରତି କ୍ରୟ ଉପରେ ୨୦%...

ଇଏମ୍‌ଆଇରେ ୩ ମାସର ଆଶ୍ୱସ୍ତି; ରେପୋ କମାଇଲା ଆର୍‌ବିଆଇ

ମୁମ୍ବାଇ,୨୮। ୩: କରୋନା ଭୂତାଣୁ ସଂକ୍ରମଣ ରୋକିବା ଲାଗି ସରକାର ୨୧ଦିନିଆ ଲକ୍‌ଡାଉନ ଘୋଷଣା କରିଥିବାରୁ ଏହାଦ୍ୱାରା ଦେଶର ଅର୍ଥ ବ୍ୟବସ୍ଥା ଗଭୀର ଭାବେ ପ୍ରଭାବିତ...

କୋଭିଡ-୧୯ ଲାଗି ସହାୟତା

ନୂଆଦିଲ୍ଲୀ, ୬।୪: କୋଭିଡ୍‌-୧୯ ବିରୋଧି ଲଢେଇରେ ଦେଶର ବିଭିନ୍ନ କର୍ପୋରେଟ ଯୋଗଦାନ ସ୍ବରୂପ ଆର୍ଥତ୍କ ସହାୟତା ଯୋଗାଣ ଧାରା ଜାରି ରଖିଛନ୍ତି। ଦେଶର ପ୍ରମୁଖ କର୍ପୋରେଟ...

ପାନ୍‌-ଆଧାର ଲିଙ୍କ୍‌ ଅବଧି ୩୧ ଡିସେମ୍ବର ଯାଏ ବୃଦ୍ଧି

ନୂଆଦିଲ୍ଲୀ,୨୯ା୯: ପର୍ମାନେଣ୍ଟ ଆକାଉଣ୍ଟ ନମ୍ବର (ପାନ୍‌) ସହ ଆଧାର ସଂଯୋଗ କରାଇବା ଅବଧିକୁ ଚଳିତ ବର୍ଷ ୩୧ ଡିସେମ୍ବର ଯାଏ ବଢାଯାଇଛି। ଏହାର ଲିଙ୍କ୍‌ କରାଇବା...

ଦକ୍ଷତା ବିକାଶ ମନ୍ତ୍ରଣାଳୟର କୌଶଳ ପକ୍ଷ ଅଭିଯାନ

ନୂଆଦିଲ୍ଲୀ,୨୪।୭: ଦକ୍ଷତା ବିକାଶ ଏବଂ ଔଦ୍ୟୋଗିକତା ମନ୍ତ୍ରଣାଳୟ ପକ୍ଷରୁ କୌଶଳ ପକ୍ଷ ପାଳନ କରାଯାଉଛି। ଏହା ଚଳିତ ମାସ ୧୬ରୁ ୩୧ ଯାଏ ଅନୁଷ୍ଠିତ ହେବ।...

୫ ଲକ୍ଷ କୋଟି ଡଲାର ଅର୍ଥନୀତି ଲକ୍ଷ୍ୟ ହାସଲ ସମ୍ଭବ:ନୀତି ଆୟୋଗ ଉପାଧ୍ୟକ୍ଷ

ନୂଆଦିଲ୍ଲୀ,୧୦-୭: ଦେଶର ଅର୍ଥନୀତି ୨୦୨୪-୨୫ ସୁଦ୍ଧା ୫ ଲକ୍ଷ କୋଟି ଡଲାରରେ ପହଞ୍ଚତ୍ପାରିବ ବୋଲି ନୀତି ଆୟୋଗ ଉପାଧ୍ୟକ୍ଷ ରାଜୀବ କୁମାର ଆଶାବ୍ୟକ୍ତ କରିଛନ୍ତି। ତାଙ୍କ...

ରାଣା କପୁରଙ୍କ ୨୨୦୩ କୋଟିର ସମ୍ପତ୍ତି ଜବତ

ନୂଆଦିଲ୍ଲୀ,୯।୭ : ବେଆଇନ ଋଣ କାରବାର ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ୟେସ୍‌ ବ୍ୟାଙ୍କ ପ୍ରତିଷ୍ଠାତା ରାଣା କପୁରଙ୍କ ବିରୋଧରେ କାର୍ଯ୍ୟାନୁଷ୍ଠାନକୁ ଜୋର୍‌ଦାର କରିଛି। ତାଙ୍କ...

Coronavirus Update

UTI
Archives

Model This Week

Why Dharitri

Leave a comment

Your email address will not be published. Required fields are marked *