ଜଗତ୍ସିଂହପୁର ଅଫିସ,୧୪ା୧୧: ଜଗତ୍ସିଂହପୁର ଥାନା ଅନ୍ତର୍ଗତ ମଣ୍ଡାସାହି-ଉତ୍ତରାଖଣ୍ଡ ରାସ୍ତା ମଧ୍ୟରେ ବୁଧବାର ଅପରାହ୍ନରେ ଜଣେ ମହିଳାଙ୍କଠାରୁ ୫୦ ହଜାର ଟଙ୍କା ଲୁଟ୍ ହୋଇଛି। ଏହି ମହିଳା ହେଲେ ମଣ୍ଡାସାହି ଉତ୍ତରାଣ୍ଡର ଅନ୍ନପୂର୍ଣ୍ଣା ଦାସ। ଅନ୍ନପୂର୍ଣ୍ଣାଙ୍ଗ ଅଭିଯୋଗକ୍ରମେ ପୋଲିସ ମାମଲା ସଂଖ୍ୟା ୩୯୯/୧୯ ରୁଜୁ କରି ତଦନ୍ତ ଜାରି ରଖିଛି। ସୂଚନା ଅନୁଯାୟୀ, ଅନ୍ନପୂର୍ଣ୍ଣା ତାଙ୍କ ଗାଁ ସ୍ବୟଂ ସହାୟକ ଗୋଷ୍ଠୀ(ଏସ୍ଏଚ୍ଜି)ର ସମ୍ପାଦକ ଅଛନ୍ତି। ଗୋଷ୍ଠୀ ବ୍ୟାଙ୍କ ଆକାଉଣ୍ଟରୁ ଟଙ୍କା ଉଠାଇବା ପାଇଁ ସେ ତାଙ୍କ ସ୍ବାମୀ ରଜନୀକାନ୍ତ ଦାସଙ୍କ ସହ ସାଇକେଲ ଯୋଗେ ମଣ୍ଡାସାହିସ୍ଥିତ ଷ୍ଟେଟବ୍ୟାଙ୍କ ଶାଖାକୁ ଯାଇଥିଲେ। ୫୦ ହଜାର ଟଙ୍କା ଉଠାଇ ଏକ ପଲିଥିନ ବ୍ୟାଗରେ ଭରି ଦମ୍ପତି ଗାଁକୁ ଫେରୁଥିଲେ। ୨ଜଣ ଦୁର୍ବୃତ୍ତ ଏକ କଳା ରଙ୍ଗର ବାଇକ୍ ଯୋଗେ ପିଛା କରି ବାଟରେ ଅନ୍ନପୂର୍ଣ୍ଣାଙ୍କଠାରୁ ଏହି ଟଙ୍କା ବ୍ୟାଗ୍ ଝାମ୍ପି ନେଇ ଖସି ଯାଇଥିଲେ।
