କେନ୍ଦୁଝର, ୨ା୫ (ସ୍ବ.ପ୍ର.) କେନ୍ଦୁଝର ଜିଲା ଭାଜପା ପକ୍ଷରୁ କରୋନା ଉପଲକ୍ଷେ ବିଭିନ୍ନ ବର୍ଗର ପରିବାରଙ୍କୁ ସମୁଦାୟ ୩୬ ହଜାର ୫୮୫ ରନ୍ଧା ଖାଦ୍ୟ ପୁଡିଆ ଓ ୩୬ ହଜାର ୬୫୦ ଶୁଖିଲା ଖାଦ୍ୟ ପୁଡିଆ ବଣ୍ଟନ କରାଯାଇଥିବା ଦଳ ପକ୍ଷରୁ କୁହାଯାଇଛି। ସେହିପରି ଜିଲାର ସମୁଦାୟ ୬,୧୧୦ ଜଣ କାର୍ଯ୍ୟକର୍ତ୍ତା ୪୦,୩୫୨ଟି ମାସ୍କ ଜିଲାରେ ବଣ୍ଟନ କରାଯାଇଛି। ଆର୍ଥିକ ଓ ଶାରିରୀକ ଭାବେ ଅକ୍ଷମ, ଅସହାୟ ଓ ଗରିବ ଲୋକଙ୍କୁ ବଣ୍ଟନ କରାଯାଇଥିବା ଜିଲା ସମ୍ପାଦକ ସଞ୍ଜୀବ ନାୟକ ସୂଚନା ଦେଇଛନ୍ତି। ପୂର୍ବତନ ଏମ୍ପି ଅନନ୍ତ ନାୟକ, ସଦର ବିଧାୟକ ମୋହନ ମାଝୀ ଓ ଜିଲା ସଭାପତି ଅଂଶୁମାନ ସବୁଜ ମହାନ୍ତ ବର୍ମାଙ୍କ ନେତୃତ୍ୱରେ ଏହି କାର୍ଯ୍ୟସମ୍ପନ୍ନ ହୋଇଥିବା ବେଳେ ଜିଲାର ଦଳର ସମସ୍ତ କାର୍ଯ୍ୟକର୍ତ୍ତା, କର୍ମୀମାନେ ସହାୟତା କରିଥିବା ଜଣାପଡିଛି। ସେହିପରି କରୋନା ଯୋଦ୍ଧା କୁହାଯାଉଥିବା ଆଗାଧାଡିରେ ରହି ସେବା କରୁଥିବା ସ୍ବାସ୍ଥ୍ୟ ବିଭାଗ ଓ ପୋଲିସ ବିଭାଗ କର୍ମଚାରୀଙ୍କୁ ସମ୍ବର୍ଦ୍ଧନା ଦିଆଯାଇଛି।
