ଚମ୍ପୁଆ, ୨।୫(ଡି.ଏନ.ଏ.)-ଚମ୍ପୁଆ ବ୍ଲକ ଫର୍ଶଳା ପଞ୍ଚାୟତ କାର୍ଯ୍ୟାଳୟ ଠାରେ ବିଜେଡି ପକ୍ଷରୁ ଜୀବନ ବିନ୍ଦୁ ମାଧ୍ୟମରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମକୁ ପାଟଣା ବିଧାୟକ ଜଗନ୍ନାଥ ନାଏକ, ଜିଲା ବିଜେଡି ସଭାପତି ମାଧବ ସର୍ଦ୍ଦାର ପ୍ରମୁଖ ଉଦ୍ଘାଟନ କରିଥିବାବେଳେ ସ୍ଥାନୀୟ ସରପଞ୍ଚ ଈଶ୍ୱର ମୁଣ୍ଡା, ସମିତିସଭ୍ୟା ସୁଲୋଚନା ମୁଣ୍ଡା ପ୍ରମୁଖ ସହେଯାଗ କରିଥିଲେ। ଏହି ଶିବିରରେ ୩୧ ୟୁନିଟ ରକ୍ତ ସଂଗ୍ରହ କରାଯାଇଥିଲା। ଶିବିରକୁ ଜିଲାରକ୍ତ ଭଣ୍ଡାର ପକ୍ଷରୁ ପରିଚାଳନା କରାଯାଇଥିବା ବେଳେ ପର୍ଶଳା ବିଜୁ ଜନତା ଦଳର କର୍ମୀମାନେ ଏହାକୁ ଆୟୋଜନ କରିଥିଲେ। ସାମାଜିକ ଦୂରତା ରକ୍ଷା ଓ ହାତଧୂଆ ଉପରେ ବିଧାୟକ ଗୁରୁତ୍ୱ ଦେଇ ସମସ୍ତ ଲୋକଙ୍କୁ ଏହା ପାଳନ ପାଇଁ ପ୍ରବର୍ତ୍ତାଇଥିଲେ।
