ଭାଜପାକୁ ଗୋଡ଼ଟଣା ମାରିଲା

ଭୁବନେଶ୍ୱର,୩୦ା୩(ବ୍ୟୁରୋ): ଗଣତାନ୍ତ୍ରିକ ବ୍ୟବସ୍ଥାରେ ସରକାରୀ ଦଳ ସମେତ ଶକ୍ତିଶାଳୀ ବିରୋଧୀ ଦଳର ଉପସ୍ଥିତି ଅତ୍ୟନ୍ତ ଆବଶ୍ୟକ ହୋଇଥାଏ । ସରକାରୀ ଦଳଠାରୁ ଯେତିକି ସ୍ବଚ୍ଛତା ଏବଂ ସଚ୍ଚୋଟତା ଆଶା କରାଯାଏ ତାହାଠାରୁ କିଛି ଅଧିକ ସ୍ପଷ୍ଟବାଦିତା ବିରୋଧୀ ଦଳଠାରୁ ଆଶା କରିଥାଆନ୍ତି ଜନସାଧାରଣ। ତେବେ ଓଡ଼ିଶାରେ ତାହା ଦେଖାଯାଉ ନାହିଁ।
ଗୋଷ୍ଠୀ କନ୍ଦଳ ଯୋଗୁ ରାଜ୍ୟରେ ବିରୋଧୀ ଦଳଗୁଡ଼ିକ ସତ୍ତା ହରାଇବା ସ୍ଥିତିରେ ପହଞ୍ଚିଛନ୍ତି । ଗତ ପଞ୍ଚାୟତ ଓ ପାୈର ନିର୍ବାଚନରେ ମୁଖ୍ୟ ବିରୋଧୀ ଦଳ ଭାଜପା ଶୋଚନୀୟ ପରାଜୟ ବରଣ କରିଛି। କେବଳ ଗାଁ ଭୋଟର ନୁହନ୍ତି, ସହର ଭୋଟର ମଧ୍ୟ ଦଳକୁ ପ୍ରତ୍ୟାଖ୍ୟାନ କରିଛନ୍ତି । ଉଭୟ ନିର୍ବାଚନରୁ ଏହା ଜଳଜଳ ହୋଇ ଦିଶୁଛି। ନିକଟରେ ଶେଷ ହୋଇଥିବା ଜିଲା ପରିଷଦ ନିର୍ବାଚନରେ ମୋଟ ୮୫୨ ଆସନରୁ ଭାଜପାକୁ ମାତ୍ର ୪୨ଟି ସିଟ୍‌ରେ ସନ୍ତୁଷ୍ଟ ହେବାକୁ ପଡ଼ିଛି। ୧୦ଟି ଜିଲାରେ ଦଳ ସମ୍ପୂର୍ଣ୍ଣ ଫେଲ୍‌ ମାରିଥିବା ବେଳେ ୯ଟି ଜିଲାରେ କେବଳ ଗୋଟିଏ ଲେଖାଏ ସିଟ୍‌ ପାଇବାରେ ସକ୍ଷମ ହୋଇଛି। ସେହିପରି ୧୦୫ ପାୈର ପରିଷଦ/ଏନ୍‌ଏସି ଅଧ୍ୟକ୍ଷ ନିର୍ବାଚନରେ ଦଳକୁ ମାତ୍ର ୧୬ଟି ସିଟ୍‌ ମିଳିପାରିଛି।
ଅନ୍ୟପକ୍ଷରେ ଦେଖିବାକୁ ଗଲେ ଭାଜପା କର୍ମୀଙ୍କ ଉତ୍ସାହ ଏବଂ ଲଢ଼ିବାର ଇଚ୍ଛାକୁ ସମାଲୋଚନା କରିହେବ ନାହିଁ। କେତେଜଣ ପ୍ରାର୍ଥୀ ଓ କର୍ମୀଙ୍କୁ ନିକଟରୁ ଦେଖିଲେ ସ୍ପଷ୍ଟ ଜଣାପଡ଼େ ଯେ ସେମାନଙ୍କର ଉତ୍ସାହ ଏବଂ ଜିଦ୍‌ରେ ଅଭାବ ନ ଥିଲା। କିନ୍ତୁ ଦଳୀୟ ନେତୃତ୍ୱ ସେମାନଙ୍କୁ ମଝି ସମୁଦ୍ରରେ ପକାଇ ଦେଲା ଭଳି ସମସ୍ତେ ଅନୁଭବ କରୁଛନ୍ତି। ବିଶେଷ କରି ହାତଗଣତି ଦଳୀୟ ନେତୃତ୍ୱଙ୍କ ଆଭ୍ୟନ୍ତରୀଣ କନ୍ଦଳ ଯୋଗୁ ଦଳର ପରାଜୟ ହୋଇଛି। କ୍ଷମତାଶାଳୀ କେନ୍ଦ୍ରମନ୍ତ୍ରୀ, ଏମ୍‌ପି ଓ ଦଳର ଅନ୍ୟାନ୍ୟ ଟାଣୁଆ ନେତା ଥିବା ସତ୍ତ୍ୱେ ଦଳକୁ ଏଭଳି ଦୁର୍ଦ୍ଦଶା ଭୋଗିବାକୁ ପଡ଼ିଛି । ଏହି ପରାଜୟ ପାଇଁ ଗୋଷ୍ଠୀ କନ୍ଦଳ ଓ ଦଳୀୟ ନେତୃତ୍ୱକୁ ଭାଜପାର କେତେଜଣ ନେତା ଓ କର୍ମୀମାନେ ଦାୟୀ କରିଛନ୍ତି । ପାୈର ନିର୍ବାଚନରେ ଦଳ ନୈରାଶ୍ୟଜନକ ପ୍ରଦର୍ଶନ କରିବା କଥାକୁ ଭୁବନେଶ୍ୱର ଏମ୍‌ପି ଅପରାଜିତା ଷଡ଼ଙ୍ଗୀ ନିଜେ ମଧ୍ୟ ହଜମ କରିପାରି ନାହାନ୍ତି । ଏଥିପାଇଁ ସେ ସିଧାସଳଖ ଭାଜପା ନେତୃତ୍ୱଙ୍କ ଉପରକୁ ଅଙ୍ଗୁଳି ଉଠାଇଛନ୍ତି । ସେ କହିଛନ୍ତି ଯେ ପାୈର ନିର୍ବାଚନରେ ଆମର ଫଳାଫଳ ବହୁତ ଖରାପ ହୋଇଛି। ରାଜ୍ୟ ନେତୃତ୍ୱ ଯଦି ଦୃଢ଼ ହୋଇଥାଆନ୍ତା ତାହାହେଲେ ଏଭଳି ଅବସ୍ଥା ହୋଇ ନ ଥାଆନ୍ତା ବୋଲି ଅପରାଜିତା କହିଛନ୍ତି।
ରାଜନୈତିକ ପର୍ଯ୍ୟବେକ୍ଷକଙ୍କ ମତରେ, ଓଡ଼ିଶାରେ ମୋଦି ହାଓ୍ବାର ପ୍ରଭାବ ଦୁର୍ବଳ ରହିଛି। ଏଥିସହିତ ଜଣେ କେନ୍ଦ୍ରମନ୍ତ୍ରୀଙ୍କ ଆଭିମୁଖ୍ୟ ଯୋଗୁ ଓଡ଼ିଶା ଭାଜପା ଉଧେଇବାରେ ସକ୍ଷମ ହୋଇପାରୁ ନାହିଁ। ଏହାର ଉଦାହରଣ ସ୍ବରୂପ ସେମାନେ ୩ଟି କର୍ପୋରେଶନ ମେୟର ଭୋଟର ସଂଖ୍ୟା ଦର୍ଶାଉଛନ୍ତି। ଏଥିରୁ ଖିଅ ଟାଣି ପର୍ଯ୍ୟବେକ୍ଷକମାନେ କହିଛନ୍ତି ଯେ ସବୁ କଥାକୁ ମାଡ଼ି ବସୁଥିବା କେନ୍ଦ୍ରମନ୍ତ୍ରୀଙ୍କ ପାଇଁ ସାଧାରଣ ଲୋକଙ୍କ ଭିତରେ ଗ୍ରହଣୀୟତାର ଘୋର ଅଭାବ ରହିଛି।
କଟକ ମହାନଗର ନିଗମର ଭାଜପା ମେୟର ପ୍ରାର୍ଥୀ ଶ୍ରୀତମ ଦାସ କହିଛନ୍ତି, କଟକରେ ମୁଁ ମେୟର ପ୍ରାର୍ଥୀ ହେବି ବୋଲି ପୂର୍ବରୁ ଜାଣି ନ ଥିଲି। ନାମାଙ୍କନପତ୍ର ଦାଖଲର ଦିନକ ପୂର୍ବରୁ ଅର୍ଥାତ୍‌ ୬ ତାରିଖ ରାତି ୧୧ଟାରେ ମୋତେ ସୂଚନା ଦିଆଗଲା । ୭ ତାରିଖରେ ନାମାଙ୍କନ ପତ୍ର ଦାଖଲ କଲି। ଆମେ କେହି କାହାକୁ ଜାଣି ନ ଥିଲୁ । ଦଳ ପକ୍ଷରୁ ଯଦି ଆମକୁ ମିଳିତ ସମର୍ଥନ ମିଳିଥାଆନ୍ତା ହୁଏତ ଆମର ଫଳାଫଳ ଆହୁରି ଭଲ ହୋଇଥାଆନ୍ତା ।
ଅନ୍ୟପକ୍ଷରେ ଭୁବନେଶ୍ୱର ମହାନଗର ନିଗମର ଭାଜପା ମେୟର ପ୍ରାର୍ଥୀ ସୁନୀତ ମୁଣ୍ଡ କହିଛନ୍ତି ଯେ ଆମକୁ କାହାକୁ ପଇସା ଦିଆଯାଇନି । ମୋର ଓ ଅପରାଜିତାଙ୍କର କିଛି ଶୁଭାକାଂକ୍ଷୀ ଥିଲେ। ସେମାନଙ୍କ ଆଶୀର୍ବାଦ ଆମକୁ ମିଳିଛି। ଦଳରେ ଏତେ ବଡ଼ ବଡ଼ ଲୋକ ଅଛନ୍ତି ସେମାନଙ୍କ ବିଷୟରେ ମୁଁ କ’ଣ କହିବି।


Enter your email to get our daily news in your inbox.

All Right Reserved By Dharitri.Com

ନୂଆ ନିୟମ ମାନିବାକୁ କୁନ୍ଥୁକୁନ୍ଥୁ: ରାଜ୍ୟରେ ବଢ଼ିଚାଲିଛି ସଡ଼କ ଦୁର୍ଘଟଣା

ଭୁବନେଶ୍ୱର,୧୪ା୯(ବ୍ୟୁରୋ): ସେପ୍ଟେମ୍ବର ୧ ତାରିଖରୁ ସମଗ୍ର ଦେଶରେ ମୋଟର ଯାନ(ସଂଶୋଧିତ) ଆଇନ-୨୦୧୯ ଲାଗୁ କରାଯାଇଛି। ବେଆଇନଗାଡ଼ି ଚାଳକଙ୍କ ଉପରେ ଆରମ୍ଭ ହୋଇଛି କାର୍ଯ୍ୟାନୁଷ୍ଠାନ। ଜରିମାନା ରାଶି...

ସିବିକେ ମହାନ୍ତି କିମ୍ସ ଉପକୁଳପତି

ଭୁବନେଶ୍ୱର,୭।୧୧(ବ୍ୟୁରୋ): ବିଶିଷ୍ଟ ଭେଷଜ ବିଶେଷଜ୍ଞ ତଥା ଓଡ଼ିଶା ମେଡିକାଲ୍‌ ଏଜୁକେଶନ ଆଣ୍ଡ୍‌ ଟ୍ରେନିଂର ପୂର୍ବତନ ନିର୍ଦ୍ଦେଶକ ଡା. ସିବିକେ ମହାନ୍ତି କଳିଙ୍ଗ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ମେଡିକାଲ...

ରାଜ୍ୟରେ ବଢ଼ିଚାଲିଛି କରୋନା, ଆଜି ୬୯ ପଜିଟିଭ୍‌ ଚିହ୍ନଟ

ଭୁବନେଶ୍ୱର,୨୭ା୬(ବ୍ୟୁରୋ): ରାଜ୍ୟରୁ ସୋମବାର ୬୯ ପଜିଟିଭ୍‌ ଚିହ୍ନଟ ହୋଇଛନ୍ତି। ଏହାକୁ ମିଶାଇ ବର୍ତ୍ତମାନ ମୋଟ୍‌ କରୋନା ଆକ୍ରାନ୍ତଙ୍କ ସଂଖ୍ୟା ୧୨,୮୯,୩୨୮ରେ ପହଞ୍ଚିଥିବା ରାଜ୍ୟ ସୂଚନା ଓ...

ଫନୀ ପାଇଁ ମିଳିଛି ଜାତୀୟ ବିପର୍ଯ୍ୟୟ ସହାୟତା ପାଣ୍ଠିରୁ ୩୧୧୪.୪୬ କୋଟି

ଭୁବନେଶ୍ୱର,୧୬।୧୧(ବ୍ୟୁରୋ): ଗତ ମେ ୩ ତାରିଖରେ ଉପକୂଳ ଓଡ଼ିଶାରେ ହୋଇଥିବା ପ୍ରଳୟଙ୍କରୀ ବାତ୍ୟା ଫନୀ ଯୋଗୁ ବହୁ ଧନଜୀବନ କ୍ଷତିଗ୍ରସ୍ତ ହୋଇଛି। ବାତ୍ୟାରେ କ୍ଷତିଗ୍ରସ୍ତ ଲୋକମାନଙ୍କର...

ସାମ୍ବାଦିକ ରାମହରି ମିଶ୍ରଙ୍କ ପରଲୋକ

ଭୁବନେଶ୍ୱର,୨୬।୫(ବ୍ୟୁରୋ)- ବରିଷ୍ଠ ତଥା ଜଣାଶୁଣା ସାମ୍ବାଦିକ ରାମହରି ମିଶ୍ରଙ୍କ ଶନିବାର ପରଲୋକ ଘଟିଛି। ଭୁବନେଶ୍ୱରସ୍ଥିତ ଏକ ଘରୋଇ କ୍ଲିନିକରେ ସେ ଇହଧାମ ତ୍ୟାଗ କରିଛନ୍ତି। ତାଙ୍କୁ...

ନିଜକୁ ଡାକ୍ତର କହି ୫ ରାଜ୍ୟରେ ରଖିଛନ୍ତି ୧୩ ସ୍ତ୍ରୀ, ଠକିଛନ୍ତି ବହୁ କୋଟି ଟଙ୍କା

ଭୁବନେଶ୍ୱର,୧୪ା୨(ବ୍ୟୁରୋ): ନିଜକୁ ଡାକ୍ତର କହି ଲୋକଙ୍କୁ କୋଟି କୋଟି ଟଙ୍କା ଠକିଥିବା ଜଣେ କୁଖ୍ୟାତ ଠକକୁ ଗିରଫ କରିଛି କମିଶନରେଟ ପୋଲିସ। ଗିରଫ ଅଭିଯୁକ୍ତ ଜଣଙ୍କ...

ମା’ଙ୍କ ଶବଦାହ ପାଇଁ ମନା କରିଦେଲା ପୁଅ

ବରଗଡ଼ ଅଫିସ୍‌,୧୧।୯: ନୂଆଁଖାଇରେ ପଶ୍ଚିମ ଓଡ଼ିଶା ଉତ୍ସବ ମୁଖର ହୋଇପଡ଼ି ଥିବାବେଳେ ବରଗଡ଼ ସହର ପୁରୁଣା ବସ୍‌ଷ୍ଟାଣ୍ଡ ପଛପଟେ ଥିବା ଝୁମ୍ପୁଡ଼ିପଡ଼ାରେ ଏକ ଅଭାବନୀୟ ଘଟଣା...

ଖୁବ୍‌ଶୀଘ୍ର କାର୍ଯ୍ୟକ୍ଷମ ହେବ ତାଳଚେର ଫର୍ଟିଲାଇଜର ପ୍ଲାଣ୍ଟ: ଧର୍ମେନ୍ଦ୍ର

ଭୁବନେଶ୍ୱର,୨୮ା୮(ବ୍ୟୁରୋ):ତାଳଚେର ଫର୍ଟିଲାଇଜର ପ୍ଲାଣ୍ଟକୁ ଖୁବ୍‌ଶୀଘ୍ର କାର୍ଯ୍ୟକ୍ଷମ କରାଯିବ ବୋଲି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି। ମଙ୍ଗଳବାର କେନ୍ଦ୍ରମନ୍ତ୍ରୀ ପ୍ରଧାନ ପେଟ୍ରୋଲିୟମ ମନ୍ତ୍ରଣାଳୟ ତଥା ଫର୍ଟିଲାଇଜର୍ସ ବିଭାଗ...

Advertisement
Archives

Model This Week