ଭଙ୍ଗା ମନ୍ଦିରରେ ୭୦ ମାଣ ଜମିର ମାଲିକ

ବାରିପଦା ଅଫିସ/କପ୍ତିପଦା,୩ା୯(ଡି଼.ଏନ୍‌.ଏ)- ସମ୍ପତ୍ତି ଅଛି, ମାତ୍ର ଟ୍ରଷ୍ଟ ବୋର୍ଡ ପାଇଁ କ୍ଷମତା ଲଢେଇ ଓ ପରିଚାଳନାଗତ ତ୍ରୁଟିକୁ ନେଇ ମୟୂରଭଞ୍ଜ ଜିଲା କପ୍ତିପଦା ବ୍ଲକ ଅଧୀନ କୁଳିଅଳମ ଗ୍ରାମରେ ଥିବା ଗୋପୀନାଥ ଜୀଉ ମନ୍ଦିର ଅବହେଳିତ ହୋଇ ପଡିଛି। ଏହି ମନ୍ଦିରରେ ପୂଜା ପାଉଥିବା ଗୋପୀନାଥ ଜୀଉ ୭୦ ମାଣ ଜମିର ମାଲିକ। ଏହି ଜମିରୁ ସଂଗୃହୀତ ହେଉଥିବା ଧାନକୁ ନେଇ ଅଦ୍ୟାବଧି ଏହି ମନ୍ଦିର ପରିଚାଳିତ ହୋଇ ଆସୁଥିବା ବେଳେ ଏଠାରେ ନାନା ଅବ୍ୟବସ୍ଥା ଦେଖାଦେଇଛି। ମନ୍ଦିରର ସମ୍ପୂର୍ଣ୍ଣ ଦାୟିତ୍ୱ କପ୍ତିପଦା ଉପଜିଲାପାଳଙ୍କ ଉପରେ ନ୍ୟସ୍ତ ଥିବାବେଳେ ପୋଡାଡିହା ରାଜସ୍ବ ନିରୀକ୍ଷକ ଏହାର ମ୍ୟାନେଜର ଭାବେ କାର୍ଯ୍ୟ କରୁଛନ୍ତି। ଏହା ସତ୍ତ୍ୱେ ପରିଚାଳନାଗତ ତ୍ରୁଟି ପାଇଁ ମନ୍ଦିରର କାୈଣସି ଉନ୍ନତି ମୂଳକ କାମ ହୋଇପାରୁ ନାହିଁ ା ମନ୍ଦିର ଛାତରୁ ପାଣି ଝରୁଥିବା ବେଳେ ଠାକୁରଙ୍କ ଧାନ ଅମାର ରକ୍ଷଣାବେକ୍ଷଣ ଅଭାବରୁ ପରିତ୍ୟକ୍ତ ଅବସ୍ଥାରେ ପଡିରହିଛି ା ଯାହା ଦ୍ୱାରା ପ୍ରତି ବର୍ଷ ଏଥିପାଇଁ କୁଇଣ୍ଟାଲ କୁଇଣ୍ଟାଲ ଧାନ ନଷ୍ଟ ହେଉ ଥିବାରୁ ଗ୍ରାମବାସୀ ଅସନ୍ତୋଷ ପ୍ରକାଶ କରିଛନ୍ତି ା ଠାକୁରଙ୍କ ଜମିକୁ କେତେକ ଲୋକ ଚଞ୍ଚକତା କରି ନିଜ ନାମରେ ପଟ୍ଟା କରି ନେଇଥିବା ବେଳେ କେତେକ ଲୋକ ଜବରଦଖଲ କରି ରଖିଛନ୍ତି ା ବାରମ୍ବାର ଅଭିଯୋଗ ପରେ ମଧ୍ୟ ପ୍ରଶାସନ ପକ୍ଷରୁ କାୈଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ନାହିଁ। ପ୍ରଶାସନ କେବଳ ପ୍ରତିଶ୍ରୁତି ପରେ ପ୍ରତିଶ୍ରୁତି ଦେଇ ଚାଲିଥିବା ବେଳେ ମନ୍ଦିର ଭୁଶୁଡି ପଡିବାର ସ୍ଥିତି ସୃଷ୍ଟି ହୋଇଛି ା ୨୦୧୫ ଆର୍ଥିକ ବର୍ଷରେ ପୂର୍ବତନ ଉଦଳା ବିଧାୟକ ଗୋଲକ ନାଏକ ତାଙ୍କ ହାତ ପାଣ୍ଠିରୁ ୨ଲକ୍ଷ ଟଙ୍କା ମନ୍ଦିର ଛାତ ଗ୍ରେଡିଂ ଓ ରଙ୍ଗ ପାଇଁ ଦେଇଥିଲେ ମଧ୍ୟ ତାହା ଠିକ୍‌ ଭାବେ କାଯର୍‌ୟକାରୀ ହୋଇନାହିଁ ା ପାନ୍ଥଶାଳା ଛାତ ଭୂଶୁୁଡି ପଡିଲାଣି। ତେଣୁ ଗ୍ରାମବାସୀ ଏହାର ପୁନରୁଦ୍ଧାର ପାଇଁ ଦାବି କରିଛନ୍ତି। ଠାକୁରଙ୍କ ନାମରେ ଥିବା ୭୦ ମାଣ ଜମିକୁ ଅଞ୍ଚଳର କିଛି ଚାଷୀଙ୍କୁ ଚାଷ କରିବା ପାଇଁ ଦିଆଯାଇ ପ୍ରତି ମାଣରେ ୨ କୁଇଣ୍ଟାଲ ଧାନ ଆଦାୟ କରାଯାଇଥାଏ। ପ୍ରତିବର୍ଷ ଆଦାୟ ହେଉଥିବା ଧାନରେ ମନ୍ଦିରର ପରିଚାଳନା, ରକ୍ଷଣାବେକ୍ଷଣ, ପର୍ବପର୍ବାଣୀ ପାଳନ ସହିତ ପୂଜକ, ଟହଲିଆ, ପଲିଆଣୀ ଓ ଜଗୁଆଳିଙ୍କର ଦରମା ଦିଆଯିବାର ନିୟମ ରହିଛି ା ଠାକୁରଙ୍କ ଜମିରୁ ପ୍ରତିବର୍ଷ ଶହେ କୁଇଣ୍ଟାଲରୁ ଊର୍ଦ୍ଧ୍ୱ ଧାନ ଆଦାୟ ହେଉଥିବା ବେଳେ ପୂଜା ନିତିଆନୀ, ଜନ୍ମାଷ୍ଟମୀ, ରାଧାଷ୍ଟମୀ, ଚନ୍ଦନଯାତ୍ରା, ଦେବସ୍ନାନ ପୂର୍ଣ୍ଣମା, ଝୁଲଣଯାତ୍ରା, ନନ୍ଦୋସତ୍ବ, ଗୋବର୍ଦ୍ଧନ, ରାସପୂର୍ଣ୍ଣିମା, ପ୍ରଥମାଷ୍ଟମୀ, ଗୀତା ଜୟନ୍ତୀ, ମକର, ପଣା ସଂକ୍ରାନ୍ତି ଓ ଦୋଳ ପୂର୍ଣ୍ଣିମା ଉସତ୍ବ ପାଳନ ସହିତ ପୂଜକ, ଟହଲିଆ, ପଲିଆଣୀ ଓ ଅମାର ଜଗୁଆଳୀଙ୍କ ଦରମା ବାବଦକୁ ପ୍ରତିବର୍ଷ ୪୦କୁଇଣ୍ଟାଲ ଧାନ ଖର୍ଚ୍ଚ ହେଉଛି ା ୬୦କୁଇଣ୍ଟାଲରୁ ଊର୍ଦ୍ଧ୍ୱ ଧାନ ବଳକା ରହୁଛି ା ତେବେ ସେ ଧାନ ବିକ୍ରୀରୁ ସଂଗୃହୀତ ଟଙ୍କା ଅଦ୍ୟାବଧି ହେଉଛି କ’ଣ, ରହୁଛି କେଉଁଠି ସେ ସମ୍ପର୍କରେ ଗ୍ରାମବାସୀ କିମ୍ବା ମନ୍ଦିର ପରିଚାଳନା କମିଟି ପାଖରେ କୌଣସି ଖବର ନାହଁ ା ଏ ସମ୍ପର୍କରେ ମନ୍ଦିର ପରିଚାଳନା ବୋର୍ଡର ସଭାପତି ଗିରିଶ ଚନ୍ଦ୍ର ବାରିକ୍‌ଙ୍କୁ ପଚାରିବାରୁ ସେ କୁହନ୍ତି, ମୁଁ ନାମକୁ ମାତ୍ର ସମସ୍ତ କଥା ଉପଜିଲାପାଳ ବୁଝନ୍ତି ା ମାତ୍ର ପରିଚାଳନା କମିଟିର ସଭ୍ୟମାନେ ମନ୍ଦିର ଚର୍ତୁଃପାର୍ଶ୍ୱରେ ପାଚେରୀ ନିର୍ମାଣ ସହିତ ବିଭିନ୍ନ ପର୍ବପର୍ବାଣୀ ପାଳନ ନିମନ୍ତେ ପରିସର ମଧ୍ୟରେ ଏକ ଷ୍ଟେଜ୍‌ର ଆବଶ୍ୟକତା ରହିଛି ବୋଲି କହିଛନ୍ତି। ପାଚେରୀ ନ ଥିବାରୁ ଏହା ଗୋରୁଗାଇ, ଛେଳି, କୁକୁରଙ୍କ ଚାରଣ ଭୂଇଁ ପାଲଟିଛି ା କୌଣସି ଗଛ ପରିସର ମଧ୍ୟରେ ରହୁନାହିଁ ା ତେଣୁ ପ୍ରଶାସନ ଏଥିପ୍ରତି ଦୃଷ୍ଟି ଦେବା ସହିତ ମନ୍ଦିର ଜାଗାର ଜବରଦଖଲ ଉଚ୍ଛେଦ କରିବା ପାଇଁ ସେ ଦାବି କରିଛନ୍ତି ା ବର୍ତମାନ ମନ୍ଦିରର ପୂଜକଙ୍କୁ ମାସକୁ ମାତ୍ର ୩ଶହ ଟଙ୍କା ଓ ଦୁଇ କୁଇଣ୍ଟାଲ ଧାନ ଦିଆଯାଉଛି ା ସେହିପରି ଟହଲିଆଙ୍କୁ ୧୫୦, ପଲିଆଣୀଙ୍କୁ ୨୦୦ ଓ ଅମାର ଜଗୁଆଳିଙ୍କୁ ମାସକୁ ୩୦୦ଟଙ୍କା ଦରମା ଦିଆଯାଉଥିବାରୁ ସେମାନଙ୍କ ମଧ୍ୟରେ ଅସନ୍ତୋଷ ଦେଖା ଦେଇଛି ା ପୂଜକ ବନମାଳୀ ପଣ୍ଡା ଓ ଜଗୁଆଳି ଅକ୍ଷୟ ବେହେରାଙ୍କୁ ପଚାରିବାରୁ ସେ କୁହନ୍ତି, ଦରମା ଓ ନୀତି ପୂଜା ଖର୍ଚ୍ଚ ନିହାତି ବଢିବା ଆବଶ୍ୟକ। ମ୍ୟାନେଜର ଦାୟିତ୍ୱରେ ଥିବା ରାଜସ୍ବ ନିରୀକ୍ଷକ ଲକ୍ଷ୍ମୀପ୍ରସାଦ ନାୟକ କୁହନ୍ତି, ମୁଁ କେବଳ ଉପଜିଲାପାଳଙ୍କ ନିର୍ଦ୍ଦେଶରେ କାମ କରେ ା ମନ୍ଦିର ଓ ଅମାରର ମରାମତି, ପୂଜକଙ୍କ ଆଶ୍ରୟସ୍ଥଳୀ ଆଜବେଷ୍ଟସ୍‌ର ମରାମତି, ପାଚେରୀ ନିର୍ମାଣ, ପରିସର ମଧ୍ୟରେ ଷ୍ଟେଜ ନିର୍ମାଣ କାଯର୍‌ୟ ଆବଶ୍ୟକ ରହିଛି। ମୁଁ ଟ୍ରେନିଂ ଦେଢ ମାସ ଯାଇଥିବା ବେଳେ ତାପରେ ଖଜଣା ଆଦାୟ, ଇଲେକ୍ସନ ଡିଉଟି ଦାୟିତ୍ୱରେ ଥିବାରୁ ଚଳିତ ବର୍ଷ କିଛି ଧାନ ଆଦାୟ ହୋଇ ପାରି ନାହିଁ ା ପ୍ରତିବର୍ଷ ବଳକା ଧାନର ଟଙ୍କା ଜମା ରହୁଛି ା ମାତ୍ର ଏ ସମସ୍ତ କାର୍ଯ୍ୟ ଦେବୋତ୍ତର ବିଭାଗର ନିର୍ଦ୍ଦେଶରେ ହେବ ା ଆମେ ପ୍ରସ୍ତାବ ଦେଇଛୁ, ପ୍ରସ୍ତାବ ମଞ୍ଜୁର ହେଲେ କାର୍ଯ୍ୟକାରୀ ହେବ ବୋଲି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

କୋଟିଏ ଟଙ୍କାର ଡ୍ରଗ୍ସ ଜବତ

ଭୁବନେଶ୍ୱର, ୪।୧୦ (ବ୍ୟୁରୋ)/ ବାଲିଅନ୍ତା (ଡି.ଏନ୍‌.ଏ.): ଓଡ଼ିଶା ଏବେ ଡ୍ରଗ୍ସ କାରବାରର ହବ୍‌ ପାଲଟିଛି। କେତେବେଳେ ରାଜ୍ୟରୁ ବାହାରକୁ ଗଞ୍ଜେଇ ଚୋରା ଚାଲାଣ ହେଉଛି ତ...

କରୋନା ମୁକାବିଲା ଚିନ୍ତା: ଏମ୍‌କେସିଜିରେ ଖୋଲାଯାଇଛି ସ୍ବତନ୍ତ୍ର ଓ୍ବାର୍ଡ, ହୋଲି ନ ଖେଳିବାକୁ ଜିଲାପାଳଙ୍କ ପରାମର୍ଶ

ଛତ୍ରପୁର,୮ା୩(ଡି.ଏନ୍‌.ଏ.)- କରୋନା ଭାଇରସ୍‌ ନେଇ ସତର୍କତା ଅବଲମ୍ବନ ପରିପ୍ରେକ୍ଷୀରେ ବାହାରେ ହୋଲି ନ ଖେଳିବାକୁ ଗଞ୍ଜାମ ଜିଲାପାଳ ବିଜୟ ଅମୃତା କୁଲାଙ୍ଗେ ଜନସାଧାରଣଙ୍କୁ ରବିବାର ପରାମର୍ଶ...

ଏକକ ଷାଣ୍ମାସିକ ପରୀକ୍ଷାରେ ବିଭ୍ରାଟ: ବ୍ଲାକବୋର୍ଡରେ ଲେଖାଗଲା ପ୍ରଶ୍ନ

ଭୁବନେଶ୍ୱର (ବ୍ୟୁରୋ)/ ପୁରୀ ଅଫିସ/ ଗୋପ, (ଡି.ଏନ.ଏ)୨ା୧୧: ରାଜ୍ୟରେ ପ୍ରଥମରୁ ଅଷ୍ଟମ ପର୍ଯ୍ୟନ୍ତ ଏକକ ଷାଣ୍ମାସିକ ପରୀକ୍ଷା ଶୁକ୍ରବାରଠାରୁ ଆରମ୍ଭ ହୋଇଛି। କିନ୍ତୁ ପ୍ରଥମ ଦିନରେ...

CORONAVIRUS UPDATE: ଆଜି ରେକର୍ଡ ସଂଖ୍ୟକ ୭୫୫ କରୋନା ପଜିଟିଭ୍‌ ଚିହ୍ନଟ: ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୧୧,୯୫୬ରେ ପହଞ୍ଚିଲା

ଭୁବନେଶ୍ୱର,୧୦ା୭(ବ୍ୟୁରୋ): ରାଜ୍ୟରେ ଦିନକୁ ଦିନ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିଚାଲିଛି। ଶୁକ୍ରବାର ରେକର୍ଡ ସଂଖ୍ୟକ ୭୫୫ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ...

ସମୁଦ୍ର ଭିତରେ ମହାବାତ୍ୟାର ରୂପ ନେଲା ଅମ୍ଫନ: କଟକ, ପୁରୀ, ଖୋର୍ଦ୍ଧା ଜିଲାରେ ପ୍ରବଳ ବର୍ଷା

ଭୁବନେଶ୍ୱର,୧୮।୫(ବ୍ୟୁରୋ): ବଙ୍ଗୋପସାଗର ମଧ୍ୟରେ ସୋମବାର ବାତ୍ୟା ‘ଅମ୍ଫନ’ ମହାବାତ୍ୟାର ରୂପ ନେଇଛି। ପାରାଦୀପଠାର ବର୍ତ୍ତମାନ ୭୮୦ କିମି ଦୂରରେ ବାତ୍ୟା ଅମ୍ଫନ ରହିଥିବା ବେଳେ ଘଣ୍ଟାକୁ...

ସ୍ବର୍ଗଦ୍ୱାରରେ ଶୋଷଣ ଅଭିଯୋଗ: ଥାନାରେ ଏତଲା, କାର୍ଯ୍ୟାନୁଷ୍ଠାନ ଦାବି

ପୁରୀ ଅଫିସ, ୩୦ା୧:  ସ୍ବର୍ଗଦ୍ୱାର ହେଉଛି ପ୍ରତ୍ୟେକ ହିନ୍ଦୁଙ୍କ ଶ୍ରଦ୍ଧା ଓ ଆସ୍ଥାର କେନ୍ଦ୍ର। ମୃତ୍ୟୁ ପରେ ଏଠାରେ ମୃତଦେହ ଦାହ କଲେ ସ୍ବର୍ଗପ୍ରାପ୍ତି ହୋଇଥାଏ...

ମହାନଦୀ ବସ୍‌ ଦୁର୍ଘଟଣାକୁ ବର୍ଷେ ପୂରିଲା: ସାର୍ବଜନୀନ ହୋଇନି ତଦନ୍ତ ରିପୋର୍ଟ

କଟକ ଅଫିସ, ୨୦-୧୧:୨୦୧୮ ନଭେମ୍ବର ୨୦। ସେଦିନ ଥାଏ ମଙ୍ଗଳବାର। ସନ୍ଧ୍ୟା ପାଖାପାଖି ସାଢେ ୬ଟା। ବଡ଼ଓଷା ପାଇଁ ଲୋକେ ପ୍ରସ୍ତୁତ ହେଉଥିବାବେଳେ ଆସିଲା ଅତ୍ୟନ୍ତ...

ରାଜ୍ୟରେ ସୁସ୍ଥ ହେଲେ ଆଉ ୨୫୧୯ କରୋନା ଆକ୍ରାନ୍ତ: ଆପଣଙ୍କ ଜିଲାରୁ କେତେ ଜାଣନ୍ତୁ…

ଭୁବନେଶ୍ୱର,୨୪।୮(ବ୍ୟୁରୋ)-ରାଜ୍ୟରେ ସୋମବାର ଆଉ ୨୫୧୯ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଖୋର୍ଦ୍ଧା ଜିଲାରୁ ସର୍ବାଧିକ ୪୨୮ ଆକ୍ରାନ୍ତ ସୁସ୍ଥ ହୋଇଥିବାବେଳେ ବାଲେଶ୍ୱରରୁ ୨୭୬, ଗଞ୍ଜାମରୁ ୨୩୭,...


Coronavirus Update

Archives

Model This Week

Why Dharitri