ଭକ୍ତି ଆଣିଛି ସଂହତି

ଓଡାପଡା,୨୯ା୧୦
(ଦିନେଶ ଦାସ)

ସମଗ୍ର ଗାଁ ଏବେ ପାଲଟିଛି ଗୋଟିଏ ଗୋଷ୍ଠୀ। ସାହି ସାହି ଭିତରେ ଏବେ ନା ଅଛି ମତାନ୍ତର ନା ମନାନ୍ତର। ପୁରୁଣା ମାନ ଅଭିମାନକୁ ସତେ ଯେମିତି କେବେଠୁ ଭୁଲି ସାରିଲେଣି ଗ୍ରାମବାସୀ। ସମସ୍ତେ ଗୋଟିଏ ସୂତାରେ ଗୁନ୍ଥା। ରୀତି ଯୁଗୀୟ ସାହିତ୍ୟର ଅନନ୍ୟ ସ୍ରଷ୍ଟା ଭକ୍ତକବି ଦୀନକୃଷ୍ଣ ଦାସଙ୍କ କର୍ମଭୂମୀ ତଥା ଢେଙ୍କାନାଳ ଜିଲା ଓଡାପଡା ବ୍ଲକ ଏକଘରିଆ ଗ୍ରାମର ଆବାଳ ବୃଦ୍ଧବନିତା ଏବେ ପ୍ରଭୁ ଜଗନ୍ନାଥଙ୍କ ପ୍ରେମ ଓ ଭକ୍ତିରେ ବନ୍ଧା। ସେହି ଭକ୍ତି ହିଁ ଗ୍ରାମବାସୀଙ୍କ ମଧ୍ୟରେ ସୃଷ୍ଟି କରିଛି ଅପୂର୍ବ ସଂହତି। ଭକ୍ତି ଭାବ ମାଧ୍ୟମରେ କିପରି ସଂହତି ସୃଷ୍ଟି ହୋଇପାରେ, ତାହାର ଅନନ୍ୟ ନିଦର୍ଶନ ହେଉଛି ଏକଘରିଆ ଗାଁ।
କୁଷ୍ଠ ବ୍ୟାଧିଗ୍ରସ୍ତ ହେବା ପରେ ସାମାଜିକ ବିଦ୍ୱେଷର ଶିକାର ସହିତ ରାଜାଙ୍କ ଆକ୍ରୋଶ ଯୋଗୁ ଏକଦା ଶ୍ରୀକ୍ଷେତ୍ର ଧାମ ଛାଡି ବ୍ରାହ୍ମଣୀ ନଦୀ କୂଳ ତେନ୍ତୁଳିଡିହାରେ ଏକଘରିଆ ହୋଇ ଆଶ୍ରୟ ନେଇଥିଲେ ଦୀନକୃଷ୍ଣ ଦାସ। ସେଠାରେ ସେ ତାଙ୍କର ସାହିତ୍ୟ ସାଧନା ଜାରି ରଖିବା ସହିତ ଶେଷ ନିଃଶ୍ୱାସ ମଧ୍ୟ ତ୍ୟାଗ କରିଥିଲେ। ସେହିଦିନ ଠାରୁ ଉକ୍ତ ଅଞ୍ଚଳର ନାମ ଏକଘରିଆ ନାମରେ ପରିଚିତ। କ୍ରମେ ଏହା ରାଜସ୍ବ ଗ୍ରାମର ମାନ୍ୟତା ଲାଭ କରି ବାଙ୍ଗୁରସିଙ୍ଗ ପଞ୍ଚାୟତ ଅଧୀନରେ ରହିଛି। ମୋଟ୍‌ ୫ଟି ସାହିରେ ପ୍ରାୟ ୨୫୦ ପରିବାର ବାସ କରୁଥିବା ଏହି ଛୋଟିଆ ଗାଁରେ କିଛି ବର୍ଷ ହେବ ନିର୍ମାଣ ଚାଲିଛି ପ୍ରଭୁ ଶ୍ରୀ ଜଗନ୍ନାଥଙ୍କ ଭବ୍ୟ ମନ୍ଦିର। ଭକ୍ତକବିଙ୍କ ସାଧନାକ୍ଷେତ୍ରକୁ ଏକ ପର୍ଯ୍ୟଟନ କ୍ଷେତ୍ରରେ ପରିଣତ କରିବା ପାଇଁ ଅଣ୍ଟା ଭିଡିଛନ୍ତି ଏହି ଛୋଟିଆ ଗାଁର ଉଚ୍ଚାଭିଳାସୀ ମଣିଷମାନେ। ଭକ୍ତକବିଙ୍କୁ ଶରଣ ଦେଇଥିବାରୁ ଉକ୍ତ ପୀଠର ନାମ ଶରଣ ଶ୍ରୀକ୍ଷେତ୍ର ରଖାଯାଇଛି। ପ୍ରାୟ ୭କୋଟି ଟଙ୍କାର ବ୍ୟୟ ଅଟକଳରେ ନିର୍ମାଣ ଚାଲିଛି ଏହି କ୍ଷେତ୍ରର। କୌଣସି ସରକାରୀ ସାହାଯ୍ୟ ବିନା ଭକ୍ତ ଶ୍ରଦ୍ଧାଳୁଙ୍କ ସହଯୋଗରେ ଜାରି ରହିଛି ଏହି ବିଶାଳ କ୍ଷେତ୍ରର ନିର୍ମାଣ କାର୍ଯ୍ୟ। ଏଠାରେ ସୃଷ୍ଟି କରାଯାଇଥିବା ତୁଳସୀ ବନରୁ ପ୍ରତି ସପ୍ତାହରେ ଶ୍ରୀକ୍ଷେତ୍ରକୁ ପଠାଯାଉଛି ତୁଳସୀ। ଓଡ଼ିଶାର ବିଭିନ୍ନ ପ୍ରାନ୍ତରୁ ମଧ୍ୟ ତୁଳସୀ ସଂଗ୍ରହ କରାଯାଇ ପଠାଯାଉଛି। ଏଥିପାଇଁ ଶରଣ ଶ୍ରୀକ୍ଷେତ୍ରର ପୂଜକ ଚିଣ୍ଟଲ ବାବାଙ୍କ ଦ୍ୱାରା ଏକ ସ୍ବତନ୍ତ୍ର ମୋଟର ସାଇକେଲର ବ୍ୟବସ୍ଥା କରାଯାଇ ତୁଳସୀ ସଂଗ୍ରହ କାର୍ଯ୍ୟରେ ଲଗାଯାଇଛି। ଏହି ଶରଣ କ୍ଷେତ୍ରର ନିର୍ମାଣ କାର୍ଯ୍ୟ ଏକଘରିଆ ଗ୍ରାମବାସୀଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଚାଲିଥିବା ବେଳେ ଶ୍ରୀ ଜଗନ୍ନାଥ ଆଶ୍ରିତ ମଣ୍ଡଳୀ ଏଥିରେ ସହଯୋଗ ଜାରି ରଖିଛନ୍ତି। କେବଳ ଆର୍ଥିକ ସହଯୋଗ ନୁହେଁ, ଛୁଆ ଠାରୁ ବୁଢା ପର୍ଯ୍ୟନ୍ତ ସମସ୍ତେ ଏହି ନିର୍ମାଣ କାର୍ଯ୍ୟରେ ନିୟମିତ ଶ୍ରମ ଦାନ କରୁଛନ୍ତି। ଏବେ ଓଡ଼ିଶାର କୋଣ ଅନୁକୋଣରୁ ଶ୍ରଦ୍ଧାଳୁଙ୍କ ସୁଅ ଛୁଟିଛି ଏହି କ୍ଷେତ୍ରକୁ। ସେହି ଶ୍ରଦ୍ଧାଳୁମାନଙ୍କ ସହଯୋଗରେ ଏବେ ନିର୍ମାଣ କାର୍ଯ୍ୟ ଆଗକୁ ବଢି ଚାଲିଛି। ଖୁବ୍‌ଶୀଘ୍ର ଏହା ଏକ ଅନନ୍ୟ ପର୍ଯ୍ୟଟନ ସ୍ଥଳୀରେ ପରିଣତ ହେବା ସହିତ ଦେଶ ବିଦେଶର ପର୍ଯ୍ୟଟକଙ୍କ ଦୃଷ୍ଟି ଆକର୍ଷଣ କରିବ।


Enter your email to get our daily news in your inbox.

All Right Reserved By Dharitri.Com

ସାକାର ହେଉନି ସେତୁ ସ୍ବପ୍ନ

(ସଚ୍ଚିଦାନନ୍ଦ ପ୍ରଧାନ) କଣିହାଁ ,୨୩।୧୨ – ଟିକିରା ନଦୀରେ ସେତୁଟିଏ ପାଇଁ ବର୍ଷ ବର୍ଷ ଧରି ଲୋକେ ଦାବି କରିଆସୁଥିଲେ। ଜିଲା ଖଣିଜ ପାଣ୍ଠିରୁ ୧୪...

ନବଜାତ ଶିଶୁ ସହ ୪ ଦିନ ହାଟ ପିଣ୍ଡିରେ ଦମ୍ପତି

ଅନୁଗୋଳ ଅଫିସ, ୨୨ା୭ ମେଡିକାଲରୁ ନବଜାତ ଶିଶୁକୁ ଧରି ଭଡ଼ା ଘରକୁ ଫେରିଥିବା ଏକ ଦମ୍ପତିଙ୍କୁ ଘର ମାଲିକ ଘରେ ପୂରାଇ ନ ଦେବା ଓ...

ଭୁଜାଲି ଦେଖାଇ ଏସ୍‌ବିଆଇ ଗ୍ରାହକ ସେବା ମାଲିକଙ୍କଠାରୁ ୩ ଲକ୍ଷ ଲୁଟ୍‌

କାମାକ୍ଷାନଗର,୨୫।୫(ଡି.ଏନ.ଏ.)-ଢେଙ୍କାନାଳ ଜିଲା କାମାକ୍ଷାନଗର ଥାନା ଟାଙ୍ଗରପଡା ନିକଟରୁ ସୋମବାର ବାଲିଗୋରଡ ଗ୍ରାମର ଏସ୍‌ବିଆଇ ଗ୍ରାହକ ସେବା ମାଲିକ ମନୋଜ କୁମାର ମହାନ୍ତିଙ୍କୁ ମାରଣାସ୍ତ୍ର ଦେଖାଇ ୨...

ଦୃଷ୍ଟି ଆଢୁଆଳରେ ମା’ ଝାରୀ କୁଆଁଦେଈ ପୀଠ: ଉନ୍ନତୀକରଣ, ପର୍ଯ୍ୟଟନସ୍ଥଳୀ ମାନ୍ୟତା ଦାବି

ଛେଣ୍ଡିପଦା, ୩୦।୧୧(ସ୍ବ.ପ୍ର.) ମନୋରମ ପରିବେଶ, ଉଷ୍ମ ପ୍ରସ୍ରବଣ, ଜନ ସାଧାରଣଙ୍କ ସମାଗମ ଲାଗି ରହିବା ସତ୍ତ୍ୱେ ପର୍ଯ୍ୟଟନ ବିଭାଗ ତଥା ପ୍ରଶାସନର ଦୃଷ୍ଟି ଆଢୁଆଳରେ ଅନୁଗୋଳ...

ରୋଜଗାର ଦେଇପାରୁନି କୌଳିକ ବୃତ୍ତି: ବେଉସାରେ ବାଧକ କରୋନା

ଛେଣ୍ଡିପଦା, ୨୪।୫(ସ୍ବ.ପ୍ର.)- କୌଳିକ ବୃତ୍ତି ଉପରେ ନିର୍ଭର କରି ଆଉ ଚଳିହେଉନି। ଅନ୍ୟ ସମୟ କଥା ଥିଲା ଅଲଗା। ହେଲେ ବର୍ତ୍ତମାନର କରୋନା କଟକଣା କମାର,...

ମେଢ଼ ଖୋଜୁଛି ମଣ୍ଡପ

ବଅଁରପାଳ,୧୮ା୯(ଡି.ଏନ.ଏ.) ପୂଜା ପାଇଲେ ଦେବଶିଳ୍ପୀ। ରୀନିନୀତି ଅନୁଯାୟୀ କରାଗଲା ଆବାହନ। ହେଲେ ନା’ ଦୂରକୁ ଶୁଭିଲା ପଣ୍ଡିତଙ୍କ ମନ୍ତ୍ରପାଠ ନା’ ଉତ୍ସବମୁଖର ହେଲା ନାଲ୍‌କୋନଗର। ପୂଜା...

ଘୋଷଣାରେ ସୀମିତ ପ୍ରକଳ୍ପ

ଢେଙ୍କାନାଳ ଅଫିସ, ୧୪।୫ ଢେଙ୍କାନାଳ ଜିଲାବାସୀଙ୍କ ପାଇଁ ପ୍ରସ୍ତାବିତ ଜନହିତକର ପ୍ରକଳ୍ପ କେବଳ ଘୋଷଣାରେ ସୀମିତ ରହିଯାଉଛି। ଏହାକୁ ନେଇ ଉଦ୍‌ବେଗ ବ୍ୟକ୍ତ କରିଛି ସଚେତନ...

ଗୁଳିମାଡ଼ରେ ସମିତିସଭ୍ୟଙ୍କ ଜୀବନ ଗଲା: ୬ ଅଟକ

କାମାକ୍ଷାନଗର,୨୫ା୯(ଡି.ଏନ୍‌.ଏ.): ଢେଙ୍କାନାଳ ଜିଲା କାମାକ୍ଷାନଗର ବ୍ଲକ ତୁମୁସିଙ୍ଗା ଥାନା ବାରୁଆଁ ପଞ୍ଚାୟତର ସମିତିସଭ୍ୟ ଦୀପକ ମାହୁନ୍ତ ଦୁର୍ବୃତ୍ତଙ୍କ ଗୁଳିମାଡ଼ରେ ମୃତ୍ୟୁ ଘଟିଛି। ମୃତ୍ୟୁର କାରଣ ଅସ୍ପଷ୍ଟ...

Advertisement
Archives

Model This Week