କପ୍ତିପଦା,୪ା୧(ଡି.ଏନ.ଏ)- କୁକୁଡ଼ା ଲଢେଇ ଆଦିବାସୀ ଅଧ୍ୟୁଷିତ ମୟୂରଭଞ୍ଜ ଜିଲାର ଏକ ପରମ୍ପରା । ମାତ୍ର ରାଜ୍ୟ ସରକାର ଏହାକୁ ବେଆଇନ ଦର୍ଶାଇ ବନ୍ଦ କରିଥିବା ବେଳେ ଜିଲାର ବିଭିନ୍ନ ଅଞ୍ଚଳରେ ଏହା ଖୁଲମଖୁଲା ଚାଲିଛି। ଜିଲା ପ୍ରଶାସନ ଏହି ଲଢେଇ ବନ୍ଦ କରିବା ପାଇଁ ଅସହାୟ ହୋଇ ପଡ଼ିଛି । ଜିଲା ତମାମ ବେଆଇନ କୁକୁଡ଼ା ଲଢେଇ ବର୍ଷସାରା ଚାଲୁଛି। କପ୍ତିପଦା ବ୍ଲକ ଅଞ୍ଚଳରେ ଡିସେମ୍ବର ୨୫ ବଡଦିନଠାରୁ ଗଣପର୍ବ ମକର ପର୍ଯ୍ୟନ୍ତ କୁକୁଡ଼ା ଲଢେଇ ବହୁ ମାତ୍ରାରେ ଦେଖିବାକୁ ମିଳେ । ବିଭିନ୍ନ ଅଞ୍ଚଳର ହାଟ, ମେଳା, ଫୁଟବଲ ଖେଳ ସହିତ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମରେ ସ୍ବତନ୍ତ୍ର ଭାବେ କୁକୁଡ଼ା ଲଢେଇ ପାଇଁ ସ୍ଥାନ ନିରୂପଣ କରାଯାଇଥାଏ । ବିଭିନ୍ନ ଅନୁଷ୍ଠାନ, ସଂଗଠନ ଓ ବ୍ୟକ୍ତି ବିଶେଷ ଏହାକୁ ମଧ୍ୟ ପ୍ରୋସତ୍ାହନ ଦେଉଥିବା ଦେଖିବାକୁ ମିଳିଛି ା ବହୁ କାତିକାର ପରିବାର ଏହି ବେଉସାକୁ ନେଇ ପରିବାର ପ୍ରତିପୋଷଣ କରୁଥିବା ବେଳେ ବହୁ ଲୋକ ଏହି ଲଢେଇରେ ନିଶା ପାଣି ଖାଇ ଜୁଆ ଖେଳି ସର୍ବଶ୍ୱାନ୍ତ ହେବାର ନଜିର ରହିଛି ା ଫଳରେ ଏହି ଲଢେଇକୁ ନେଇ ବିଭିନ୍ନ ସ୍ଥାନ ଯଥା ଶରତ, ଚକ୍ରଧରପୁର, ନାବରା ଓ ରୁଗୁଡି ହାଟରେ ପୂର୍ବରୁ ଆଇନ ଶୃଙ୍ଖଳା ପରିସ୍ଥିତି ସୃଷ୍ଟି ହୋଇଥିଲା। ଦୁଇଟି ଗଞ୍ଜା ଲଢେଇ ସମୟରେ କିଏ ଜିତିବ ବୋଲି ଦେଖଣାହାରୀମାନଙ୍କ ମଧ୍ୟରେ ଜୁଆ ଖେଳ ଏବେ ପ୍ରବଳ ମାତ୍ରାରେ ଦେଖିବାକୁ ମିଳିଛି ା ଏପରିକି ପୋଲିସ ଉପସ୍ଥିତିରେ ଏସବୁ ଚାଲୁଥିଲେ ମଧ୍ୟ ଏଥିପ୍ରତି କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ନାହିଁ ା ଫଳରେ ୧୦ ଟଙ୍କାରୁ ଆରମ୍ଭ ହୋଇ ୧୦ ଓ ୨୦ ହଜାର ଟଙ୍କା ପର୍ଯ୍ୟନ୍ତ ଜୁଆ ଖେଳ ହେଉଥିବା ଜଣାଯାଇଛି ା ଗାଁ ଗହଳିର କେତେକ ପରିବାର ଗଞ୍ଜା ବିକି ବହୁ ଟଙ୍କା ରୋଜଗାର କରୁଥିବା ଚକ୍ରଧରପୁର ପଞ୍ଚାୟତର ସୁକୁଲ ହେମ୍ରମ୍ବ ପ୍ରକାଶ କରିଛନ୍ତି ା ଗଞ୍ଜାର ରଙ୍ଗ, ଉଚ୍ଚତା ଓ ଉଡିବା ଉପରେ ଦରଦାମ୍ କମ୍ ବେଶୀ ହୋଇଥାଏ ବୋଲି ଜଣେ ଗଞ୍ଜା ବ୍ୟବସାୟୀ ପ୍ରକାଶ କରିଛନ୍ତି ା ଏପରିକି ଭଲ ଉଡି ବିପକ୍ଷ ଗଞ୍ଜାକୁ ଅଧିକ ମାଡ଼ ଦେଇ ପାରୁଥିଲେ ସେହି ଗଞ୍ଜା ମାଲିକଙ୍କ ଘର ଆଗରେ ଲଢେଇ କରୁଥିବା ବ୍ୟକ୍ତିମାନଙ୍କର ଭିଡ଼ ଜମେ। ଫଳରେ ଉଚ୍ଚା ଦାମ୍ରେ ମଧ୍ୟ ଗଞ୍ଜା ବିକ୍ରି ହୋଇଥାଏ। ଏପରିକି ଗୋଟିଏ ଗୋଟିଏ ଗଞ୍ଜା ୩୦ରୁ ୪୦ ହଜାର ଟଙ୍କାରେ ବିକ୍ରି ହେବାର ମଧ୍ୟ ନଜିର ରହିଛି ା ନୂଆବର୍ଷ ଅବସରରେ କପ୍ତିପଦା ଓ ଶରତ ଥାନା ଅଞ୍ଚଳରେ ଏହି କୁକୁଡା ଲଢେଇ ବ୍ୟାପକ ଭାବେ ଚାଲିଥିବା ଦେଖିବାକୁ ମିଳିଛି ା ବିଶେଷକରି ଶରତ ଥାନା ଇଲାକାରେ ଖୁଳମଖୁଲା ଭାବେ ଶହଶହ କୁକୁଡା ଲଢେଇ ହେବା ପୋଲିସର ପାରିବା ପଣିଆ ଉପରେ ପ୍ରଶ୍ନବାଚୀ ସୃଷ୍ଟି କରିଛି ା ଏ ସମ୍ପର୍କରେ ଶରତ ଥାନାଧିକାରୀ ରୀନା ବକ୍ସଲଙ୍କୁ ପଚାରିବାରୁ ଏହି କୁକୁଡା ଲଢେଇ ଚାଲିଛି, ମୁଁ ବାରମ୍ବାର ତାଗିଦ କରୁଛି, ତଥାପି ଲୁଚାଚୋରା ଏହା ଚାଲୁଥିବାରୁ ଏଥିପ୍ରତି ଦୃଷ୍ଟି ଦେବି ବୋଲି କହିଛନ୍ତି।
