ବେଆଇନ ନିର୍ମାଣକୁ ମାଫ୍‌

ଭୁବନେଶ୍ୱର,୬-୯(ବ୍ୟୁରୋ):ବିନା ଅନୁମୋଦନରେ କିମ୍ବା ଅନୁମୋଦନ ସହ ନିୟମ ଉଲ୍ଲଂଘନ କରି ଘର ନିର୍ମାଣ କରିଥିବା ଲୋକମାନଙ୍କ ପାଇଁ ସର୍ବକ୍ଷମା ଯୋଜନା(ଆମେନିଷ୍ଟ ସ୍କିମ୍‌) ଜରିମାନା ରାଶିକୁ ରାଜ୍ୟ ସରକାର ହ୍ରାସ କରିଛନ୍ତି। ଆବାସିକ ଘର ପାଇଁ ଅନୁମୋଦନକୁ ଉଲ୍ଲଂଘନ କରି ଗୃହ ନିର୍ମାଣ କରିଥିଲେ ପ୍ରତିବର୍ଷ ମିଟରକୁ ୨୫୦ ଟଙ୍କା ଏବଂ ଅଣ ଆବାସିକ ଗୃହ ପାଇଁ ୫୦୦ ଟଙ୍କା ଧାର୍ଯ୍ୟ କରାଯାଇଛି। ସେହିପରି ଫ୍ଲୋର ଏରିଆ ରେସିଓ (ଏଫ୍‌ଆରଏ) ଉଲ୍ଲଂଘନ ହୋଇଥିଲେ ଆବାସିକ ଗୃହ ପାଇଁ ୫୦୦ ଏବଂ ଅଣଆବାସିକ ଗୃହ ପାଇଁ ୫୦୦ କିମ୍ବା ଜମିର ବେଞ୍ଚମାର୍କ ମୂଲ୍ୟର ୨୫ ପ୍ରତିଶତ ହିସାବରେ ଜରିମାନା ଦେବାକୁ ପଡିବ। ସେହିପରି ପାର୍କିଂ ପାଇଁ ମହାନଗର ନିଗମ ଅଞ୍ଚଳରେ ପ୍ରତିବର୍ଗ ମିଟରକୁ ୧୦ହଜାର, ମ୍ୟୁନିସିପାଲିଟି ଅଞ୍ଚଳ ପାଇଁ ୮ ହଜାର, ବିଜ୍ଞାପିତ ଅଞ୍ଚଳ ପରିଷଦ (ଏନ୍‌ଏସି) ଅଞ୍ଚଳରେ ୬ ହଜାର ଏବଂ ଗ୍ରାମାଞ୍ଚଳରେ ୫ ହଜାର ଟଙ୍କା ଜରିମାନା ରାଶି ଧାର୍ଯ୍ୟ କରାଯାଇଛି। ତେବେ ବହୁତଳ ଅଟ୍ଟାଳିକା, ନର୍ସିଂହୋମ, ଶିକ୍ଷାନୁଷ୍ଠାନ କୋଠାଗୁଡ଼ିକ ପାଇଁ କେତେକ କଟକଣା ରହିଛି। ବେଆଇନ ନିର୍ମାଣକୁ ଆଇନସିଦ୍ଧ କରିବାକୁ ଅଗ୍ନିଶମ, ବିଦ୍ୟୁତ୍‌ ବିଭାଗ, ଡ୍ରେନେଜ ବିଭାଗରୁ ଆପତ୍ତି ବିହୀନ (ନୋ ଅବ୍‌ଜେକ୍ସନ) ସାର୍ଟିଫିକେଟ ଆଣିବାକୁ ହେବ। ରାଜ୍ୟରେ ଥିବା ୯ଟି ଉନ୍ନୟନ କର୍ତ୍ତୃପକ୍ଷ(ଡେଭେଲପମେଣ୍ଟ ଅଥରିଟି)ରେ ଏହାକୁ ଲାଗୁ କରାଯାଇଛି। ଉନ୍ନୟନ କର୍ତ୍ତୃପକ୍ଷଙ୍କ ଦ୍ୱାରା କାର୍ଯ୍ୟକାରୀ କରାଯାଇଥିବା ପ୍ଲାନିଂ ଆଣ୍ଡ ବିଲ୍ଡିଂ ଷ୍ଟାଣ୍ଡାର୍ଡସ ରେଗୁଲେଶନ୍ସରେ ଥିବା ନିୟମାବଳୀ ଆଧାରରେ ନୂତନ ଭାବେ ପ୍ରଣୟନ କରାଯାଇଥିବା ବେଆଇନ ନିର୍ମାଣ ନିୟମିତ ଯୋଜନା-୨୦୧୮ରେ ନିୟମ ଉଲ୍ଲଂଘନକାରୀ ଏହି ସୁବିଧା ପାଇବେ।
ରାଜ୍ୟର ୯ଟି ଉନ୍ନୟନ କର୍ତ୍ତୃପକ୍ଷ(ଡେଭେଲପମେଣ୍ଟ ଅଥରିଟି) ଅଞ୍ଚଳରେ ଲକ୍ଷାଧିକ ବେଆଇନ ଗୃହ ଗଢି ଉଠୁଥିଲେ ମଧ୍ୟ ଏହାକୁ ନିୟନ୍ତ୍ରଣ କରାଯାଇ ପାରୁନାହିଁ। ସେଗୁଡ଼ିକୁ ଭାଙ୍ଗିବା ମଧ୍ୟ ସହଜସାଧ୍ୟ ବ୍ୟାପାର ନୁହେଁ। ଏହାକୁ ଦୃଷ୍ଟିରେ ରଖି ରାଜ୍ୟ ସରକାର ୨୦୧୮ ଜୁନ ୨୦ ତାରିଖରେ ସର୍ବକ୍ଷମା ଯୋଜନା ଆରମ୍ଭ କରିଥିଲେ। ଇତି ମଧ୍ୟରେ ଏହାର ସମୟ ସୀମା ୩ ଥର ବୃଦ୍ଧି କରାଯାଇ ସାରିଲାଣି। ବେଆଇନ ନିର୍ମାଣ କରିଥିବା ବ୍ୟକ୍ତିଙ୍କ ଠାରୁ ଜରିମାନା ଆଦାୟ କରି ସେଗୁଡ଼ିକ ଆଇନସିଦ୍ଧ କରିବା ଲକ୍ଷ୍ୟରେ ଏହି ଯୋଜନା ଆରମ୍ଭ କରାଯାଇଥିଲା। ମାତ୍ର ଜରିମାନା ରାଶି ଅଧିକ ଥିବାରୁ ଏହି ଯୋଜନା ପ୍ରତି ଲୋକମାନଙ୍କର ଆଗ୍ରହ ପ୍ରକାଶ ପାଇଲା ନାହିଁ। ୨୦୧୮ ଜୁନ ମାସରୁ ୨୦୧୯ ଅଗଷ୍ଟ ମଧ୍ୟରେ ଭୁବନେଶ୍ୱର ଉନ୍ନୟନ କର୍ତ୍ତୃପକ୍ଷ (ବିଡିଏ) ଅଞ୍ଚଳରେ ମାତ୍ର ୨୫୧୨ଟି ଆବେଦନ ଆସିଛି। ପ୍ରାୟ ୩୪ କୋଟି ଟଙ୍କା ଆଦାୟ କରାଯାଇଛି। ଏହି ଯୋଜନାରେ ଆଶାନୁରୂପ ସଫଳତାର ମିଳୁ ନ ଥିବାରୁ ଜରିମାନା ରାଶି ହ୍ରାସ କରାଯାଇ ୨୦୧୯ ଅଗଷ୍ଟରୁ ୨୦୨୦ ଫେବୃୟାରୀ ଯାଏ ସର୍ବକ୍ଷମା ଯୋଜନାର ଅବଧି ବୃଦ୍ଧି କରାଯାଇଛି।
ଏହି ସ୍କିମ୍‌ ଆରମ୍ଭ କରାଯିବା ବେଳେ ବେଆଇନ ଘର, ପାର୍କିଂକୁ ନିୟମିତ କରିବାକୁ ହେଲେ ଆବେଦନକାରୀଙ୍କୁ ବିଭିନ୍ନ ଉନ୍ନୟନ କର୍ତ୍ତୃପକ୍ଷଙ୍କ ଅଞ୍ଚଳର ରେଗୁଲେଶନରେ ଥିବା କମ୍ପାଉଣ୍ଡିଂର ୪୦ ପ୍ରତିଶତ ଅଧିକ ଦେବାକୁ ଧାର୍ଯ୍ୟ କରାଯାଇଥିଲା। ମହାନଗର ନିଗମ ଅଞ୍ଚଳ ପାଇଁ ଘରର ଚାରିପାଖ ଅଧିକ ନିର୍ମାଣ କରିଥିଲେ ପ୍ରତିବର୍ଗ ମିଟରକୁ କମ୍ପାଉଣ୍ଡିଂ ମୂଲ୍ୟର ୧.୪ ଗୁଣ, ମ୍ୟୁନିସିପାଲିଟି ପାଇଁ ୧.୩, ବିଜ୍ଞାପିତ ଅଞ୍ଚଳ ପରିଷଦ (ଏନଏସି) ପାଇଁ ୧.୨ ଏବଂ ଗ୍ରାମାଞ୍ଚଳ ପାଇଁ ୧.୧ ଗୁଣ ଜରିମାନା ଦେବାକୁ ନିଷ୍ପତ୍ତି ହୋଇଥିଲା। ଫ୍ଲୋର ଏରିଆ ରେସିଓ(ଏଫଏଆର) ଅଧିକ ନିର୍ମାଣ କରିଥିଲେ ଜମିର ବେଞ୍ଚମାର୍କ ମୂଲ୍ୟ ଆଧାରରେ ଜରିମାନା ଦେବାକୁ କୁହାଯାଉଥିଲା । ଯଦି ପାର୍କିଂ ସ୍ଥଳ ବେଆଇନ ଭାବେ ନିର୍ମାଣ କରିଛନ୍ତି ତେବେ ମହାନଗର ନିଗମ ଅଞ୍ଚଳ ପାଇଁ ପ୍ରତିବର୍ଗ ମିଟରକୁ ଆବାସିକ ଗୃହ ପାଇଁ ୧୦ ହଜାର, ଅଣ ଆବାସିକ ଗୃହ ପାଇଁ ୧୭,୫୦୦ ଟଙ୍କା, ମ୍ୟୁନିସିପାଲିଟି ଅଞ୍ଚଳ ପାଇଁ ଯଥାକ୍ରମେ ୮ ହଜାର ଓ ୧୫ ହଜାର,ଏନଏସି ଅଞ୍ଚଳ ପାଇଁ ୬ ହଜାର ଓ ୧୩ ହଜାର ଏବଂ ଗ୍ରାମାଞ୍ଚଳ ପାଇଁ ଯଥାକ୍ରମେ ୫ ହଜାରରୁ ୧୦ ହଜର ଟଙ୍କା ଜରିମାନା ରାଶି ପଇଠ କରିବାକୁ ବିଜ୍ଞପ୍ତି ପ୍ରକାଶ କରାଯାଇଥିଲା। ଏହି ସ୍କିମ୍‌ ପ୍ରତି ଲୋକମାନଙ୍କର ଆଗ୍ରହ ବୃଦ୍ଧି ହେଉ ନ ଥିବାରୁ ଜରିମାନା ରାଶିକୁ ରାଜ୍ୟ ସରକାର ହ୍ରାସ କରିଛନ୍ତି। ତେବେ ରାସ୍ତା, ସରକାରୀ ଜମି, ଡ୍ରେନ, ଐତିହ୍ୟ ଓ ନିଷିଦ୍ଧାଞ୍ଚଳରେ ଗୃହ ନିର୍ମାଣ କରିଥିଲେ ଏହି ଯୋଜନାରେ ସେଗୁଡିକୁ ନିୟମିତ କରାଯାଇ ପାରିବ ନାହିଁ।
ଏହା ଉନ୍ନୟନ କର୍ତ୍ତୃପକ୍ଷଙ୍କ ଅଞ୍ଚଳରେ ଆସୁଥିବା ସମସ୍ତ ମହାନଗର ନିଗମ, ମ୍ୟୁନିିସିପାଲିଟି,ଏନଏସି ଓ ଗ୍ରାମାଞ୍ଚଳ ପାଇଁ ଲାଗୁ କରାଯାଇଛି। ୩୦୦ ବର୍ଗ ମିଟର ପର୍ଯ୍ୟନ୍ତ ଥିବା ପ୍ଲଟ ପାଇଁ କୌଣସି ପାର୍କିଂ ସ୍ଥାନ, ସେଟ୍‌ବ୍ୟାକର ଆବଶ୍ୟକ ନାହିଁ। ସମ୍ପୂର୍ଣ୍ଣ ପ୍ଲଟ ଉପରେ ଘର ନିର୍ମାଣ ହୋଇଥିଲେ ମଧ୍ୟ ଏହି ଯୋଜନାରେ ତାହାକୁ ନିୟମିତ କରାଯାଇ ପାରିବ। ଏଥିପାଇଁ ପଡୋଶୀଙ୍କ ଠାରୁ କୌଣସି ନୋ ଅବ୍‌ଜେକ୍ସନ ସାର୍ଟିଫିକେଟ(ଏନଓସି) ଆଣିବା ଦରକାର ନାହିଁ। ମାତ୍ର ଅଟ୍ଟାଳିକା କିମ୍ବା ବୃହତର ନିର୍ମାଣ କ୍ଷେତ୍ରରେ ଯଦି ଘର ମାଲିକ ବେଆଇନ ନିର୍ମାଣକୁ ଆଇନସିଦ୍ଧ କରିବାକୁ ଚାହୁଁଛନ୍ତି ତେବେ ପଡୋଶୀଙ୍କ ଠାରୁ ଏନଓସି ଆଣିବା ବାଧ୍ୟତାମୂଳକ କରାଯାଇଛି। ଯଦି ୩୦୦ ବର୍ଗ ମିଟର ଜମି ଉପରେ ବହୁତଳ ଅଟ୍ଟାଳିକା ନିର୍ମାଣ କରାଯାଇଥିବ ସେଠାରେ ସେଟବ୍ୟାକ କିମ୍ବା ପାର୍କିଂ କମ୍‌ ଥିଲେ ମଧ୍ୟ ଜରିମାନା ପଇଠ କରି ଅନୁମୋଦନ ପାଇ ପାରିବେ। ବହୁତଳ ଅଟ୍ଟାଳିକା ସେଟବ୍ୟାକ ଓ ପାର୍କିଂ ଆଦିକୁ ୨୫ ପ୍ରତିଶତ କୋହଳ କରାଯାଇଛି।


Enter your email to get our daily news in your inbox.

All Right Reserved By Dharitri.Com

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ

ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…

ସଂସଦ ଭବନରେ ଗୁଞ୍ଜିଲା କଳାହାଣ୍ଡିର ଢାପ ନୃତ୍ୟ: କଳାକାରଙ୍କଠୁ ରାମକାଠି ନେଇ ବଜାଇଲେ ମୋଦି

ଭବାନୀପାଟଣା,୧୬।୧୧(ଉତ୍ତମ କୁମାର ଦାଶ): ଦିଲ୍ଲୀ ସଂସଦ ଭବନରେ ଜାତୀୟ ମଞ୍ଚରେ ଝଲସିଲା କଳାହାଣ୍ଡିର ପାରମ୍ପରିକ ଢାପ ନୃତ୍ୟ। ଜନଜାତୀୟ ଗୌରବ ଦିବସ ଅବସରରେ ଭବାନୀପାଟଣାର ପ୍ରତିଭା ଅନୁଷ୍ଠାନର…

ଆସନ୍ତାକାଲି ଭୀଷଣ ବାତ୍ୟାର ରୂପ ନେବ ଅକ୍ବାନ: ଓଡ଼ିଶାରେ ପ୍ରବଳ ବର୍ଷା! ୧୯ ତାରିଖରେ…

ଭୁବନେଶ୍ୱର,୧୬।୧୧: ବାତ୍ୟାରେ ପରିଣତ ହେଲା ଗଭୀର ଅବପାତ। ଘଣ୍ଟା ପ୍ରତି ୧୦କିମି ବେଗରେ ଆଗକୁ ବଢୁଛି। ବିଶାଖାପାଟଣା ଠାରୁ ୬୭୦ କିମି ଏବଂ ଗୋପାଳପୁରଠାରୁ ଦକ୍ଷିଣରେ ୭୯୦…

ଯେଉଁଠି ପ୍ରଥମେ ଭେଟିଥିଲେ ସୋନିଆ-ରାଜୀବ, ସେହି ରେଷ୍ଟୁରାଣ୍ଟକୁ ଗର୍ଲଫ୍ରେଣ୍ଡଙ୍କ ସହ ଯାଇଥିଲେ ରାହୁଲ! ନିଜେ କଲେ ଖୁଲାସା

ନୂଆଦିଲ୍ଲୀ,୧୬।୧୧: କଂଗ୍ରେସ ସାଂସଦ ରାହୁଲ ଗାନ୍ଧୀ ତାଙ୍କ ମାଆ ସୋନିଆ ଗାନ୍ଧୀଙ୍କ ପୁସ୍ତକ ‘ବିଲଙ୍ଗିଂ: ଏ ଜର୍ଣ୍ଣି ଅଫ ଲଭ’ର ଉନ୍ମୋଚନ ଅବସରରେ ପରିବାର ସହ ଜଡ଼ିତ…

IPL ନିଲାମୀ ପୂର୍ବରୁ ବଡ଼ ଟ୍ରେଡ୍‌: ବଦଳିବ ଶାମିଙ୍କ ଠିକଣା, ଲକ୍ଷ୍ନୌ ଛାଡ଼ି ଏହି ଦଳକୁ ଯିବେ!

ନୂଆଦିଲ୍ଲୀ,୧୬।୧୧: IPL ନିଲାମୀ ପୂର୍ବରୁ ଖେଳାଳିଙ୍କ ଅଦଳବଦଳ ପ୍ରକ୍ରିୟା ଜୋର୍‌ ଧରିବାରେ ଲାଗିଛି। ଏହି କ୍ରମରେ ଭାରତୀୟ ଦ୍ରୁତ ବୋଲର ମହମ୍ମଦ ଶାମିଙ୍କୁ ନେଇ ଏକ ବଡ଼…

ଥାନାରେ ପଶି ପୋଲିସ ଅଧିକାରୀଙ୍କୁ ହତ୍ୟା ଉଦ୍ୟମ: ଗିରଫ ହୋଇ ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୬।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ଥାନାରେ ପଶି ଏସ୍‌ଆଇ ରାଜ କିଶୋର ପାତ୍ର ଏବଂ ହୋମଗାର୍ଡ ଲକ୍ଷ୍ମୀକାନ୍ତ ମହାପାତ୍ରଙ୍କୁ ହତ୍ୟା ଉଦ୍ୟମ ଘଟଣାରେ ସମ୍ପୃକ୍ତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?