ଧାନବାଦ,୨୭।୮: ଝାଡ଼ଖଣ୍ଡ ସରକାରଙ୍କ ସ୍ବାସ୍ଥ୍ୟ ସେବା ନେଇ ଏବେ ଏକ ଭିଡ଼ିଓ ସୋସିଆଲ୍ ମିଡ଼ିଆରେ ଭାଇରାଲ ହେବାରେ ଲାଗିିଛି। ଭିଡ଼ିଓରେ ଦେଖାଯାଉଛି ଏକ ବିଲ୍ଡିଂର ଉପର ମହଲାରେ ହସ୍ପିଟାଲ ଥିବାବେଳେ ତଳ ମହଲାରେ ମଦ ଦୋକାନ ରହିଛି। ଭିଡ଼ିଓଟି ଧାନବାଦର ଗୋବିନ୍ଦପୁର ଥାନା ଅନ୍ତର୍ଗତ ଲାଲ୍ ବଜାର ଅଞ୍ଚଳର। ଏହି ବିଲ୍ଡିଂ ଉପର ମହଲାରେ ଲାଇଫ୍ ଲାଇନ୍ ହସ୍ପିଟାଲ ଥିବାବେଳେ ତଳ ମହଲାରେ ମଦ ଦୋକାନ ଅଛି। ଦିନସାରା ମଦ ଦୋକାନ ସମ୍ମୁଖରେ ଭିଡ଼ ରହୁଥିବା ଏହି ଭିଡ଼ିଓରେ କୁହାଯାଉଛି। ଏଥିରେ ଥିବା ବୋର୍ଡରେ ସରକାରୀ ବିଦେଶୀ ମଦ ଦୋକାନ ବୋଲି ଲେଖା ଯାଇଛି। ଏହି ଭିଡ଼ିଓକୁ ନେଇ ବିଭିନ୍ନ ଲୋକ ଭିନ୍ନ ଭିନ୍ନ କମେଣ୍ଟ ଦେବାରେ ଲାଗିଛନ୍ତି।
