ବିରୋଧ ପରେ ପିପିଇ ରଖିଲେ

ଭୁବନେଶ୍ୱର,୩ା୬(ବ୍ୟୁରୋ): ରାଜ୍ୟକୁ ପ୍ରଥମେ ମନଇଚ୍ଛା ପର୍ସନାଲ ପ୍ରୋଟେକ୍ଟିଭ୍‌ ଇକ୍ୟୁପ୍‌ମେଣ୍ଟ(ପିପିଇ) କିଟ୍‌ ମଗାଇଦେଲେ। ତାହା ପହଞ୍ଚତ୍ବା ପରେ ରଖିବାକୁ ମନା କରିଦେଇଥିବା ରାଜ୍ୟ ସରକାର ଶେଷରେ ନିଜ ନିଷ୍ପତ୍ତି ବଦଳାଇଛନ୍ତି। ବିଭିନ୍ନ ମହଲରୁ ବିରୋଧ ପରେ ଅନ୍ୟ ରାଜ୍ୟରୁ କିଟ୍‌ ନେଇ ଆସିଥିବା ଟ୍ରକ୍‌ଗୁଡ଼ିକୁ ଅନ୍‌ଲୋଡ୍‌ କରିବାକୁ ସରକାର ନିଷ୍ପତ୍ତି ନେଇଛନ୍ତି। ପିପିଇ ନେଇ ଆସିଥିବା ୨୯ଟି ଟ୍ରକ୍‌କୁ ଅନ୍‌ଲୋଡ୍‌ କରିବାକୁ ନିଷ୍ପତ୍ତି ନିଆଯାଇଥିବା ବେଳେ ମାସ୍କ, ସାନିଟାଇଜର ଓ ଅନ୍ୟାନ୍ୟ ସାମଗ୍ରୀ ନେଇ ଆସିଥିବା ୫ଟି ଟ୍ରକ୍‌କୁ ଫେରାଇ ଦିଆଯିବ ବୋଲି କୁହାଯାଇଛି। ଏଭଳିସ୍ଥଳେ ମଙ୍ଗଳବାର ପୁଣି ଦୁଇଟି ଟ୍ରକ୍‌ ଭେଣ୍ଟିଲେଟର ଏବଂ ଅନ୍ୟାନ୍ୟ ମେଡିକାଲ୍‌ କିଟ୍‌ ନେଇ ପହଞ୍ଚତ୍ଛି। ହେଲେ ଏହାକୁ ଅନ୍‌ଲୋଡ୍‌ କରିବାର ଅନୁମତି ମିଳି ନଥିବା ଜଣାପଡ଼ିଛି।
ରାଜ୍ୟରେ କରୋନା ସଂକ୍ରମଣର ସ୍ଥିତିକୁ ଅନୁଧ୍ୟାନ କରି ଓଡ଼ିଶା ରାଜ୍ୟ ମେଡିକାଲ କର୍ପୋରେଶନ ଲିମିଟେଡ୍‌(ଓଏସ୍‌ଏମ୍‌ସିଏଲ୍‌) ପକ୍ଷରୁ ବିଭିନ୍ନ ରାଜ୍ୟର ଏମ୍‌ଏସ୍‌ଏମ୍‌ଇଠାରୁ ପିପିଇ କିଟ୍‌ ଏବଂ ମେଡିକାଲ ଉପକରଣ ଅର୍ଡର ଦିଆଯାଇଥିଲା। ମେଡିକାଲ କର୍ପୋରେଶନର ତଥ୍ୟ ମୁତାବକ ରାଜ୍ୟକୁ ଇତିମଧ୍ୟରେ ୮ଲକ୍ଷ ୬୩ ହଜାର ପିପିଇ ଅଣାଯାଇଥିବାବେଳେ ସେଥିମଧ୍ୟରୁ ୬,୩୬,୦୦୦ ଏବେ ନିଗମର ସେଣ୍ଟ୍ରାଲ ଷ୍ଟୋର୍‌ରେ ଗଚ୍ଛିତ ଅଛି। ବାକି ୨,୨୭,୦୦୦ ପିପିଇ କିଟ୍‌ ବିଭିନ୍ନ ଜିଲାକୁ ପଠାଯାଇଛି। ତେବେ ଏତେସଂଖ୍ୟକ କିଟ୍‌ ଗଚ୍ଛିତ ଥାଇ ମଧ୍ୟ କର୍ପୋରେଶନ କ’ଣପାଇଁ ଆହୁରି ୧୫ଲକ୍ଷ ୭୦ ହଜାର ପିପିଇ କିଟ୍‌ ପାଇଁ ଅର୍ଡର ଦେଇଥିଲା ତାହାକୁ ନେଇ ଏବେ ପ୍ରଶ୍ନ ଉଠିଛି। କେଉଁ ସଂସ୍ଥାକୁ ଟେଣ୍ଡର ଦିଆଯାଇଥିଲା, କେତେ ଟଙ୍କାରେ ସାମଗ୍ରୀ କିଣାଯାଇଛି ସେନେଇ ତଥ୍ୟ ଦେବାକୁ କର୍ତ୍ତୃପକ୍ଷ ମନାକରିଦେଇଥିବା ବେଳେ କୋଭିଡ୍‌ କିଟ୍‌ କିଣାରେ ଏକ ବଡ଼ ଦୁର୍ନୀତି ହୋଇଥିବା ବିରୋଧୀ ଭାଜପା ଏବଂ କଂଗ୍ରେସ ଅଭିଯୋଗ କରିଛନ୍ତି। ଅନ୍ୟପକ୍ଷରେ ହିସାବରେ ତାଳମେଳ ନ ରହିବାରୁ ଶେଷ ମୁହୂର୍ତ୍ତରେ ତରବରିଆ ଭାବେ ଅର୍ଡର ବାତିଲ କରାଯାଇଥିଲା। ତେବେ ଇତିମଧ୍ୟରେ ବିତରକମାନେ ସାମଗ୍ରୀ ପଠାଇସାରିଥିବାରୁ ବାତିଲ କରିବା ସତ୍ତ୍ୱେ ବି ଏହାକୁ ରଖିବାକୁ ଓଏସ୍‌ଏମ୍‌ସିଏଲ୍‌ ବାଧ୍ୟ ହୋଇଛି । ସପ୍ତାହେ ହେଲା ଓଏସ୍‌ଏମ୍‌ସିଏଲ୍‌ କାର୍ଯ୍ୟାଳୟ ସହ ରସୁଲଗଡ଼ ଶିଳ୍ପାଞ୍ଚଳରେ କୋଭିଡ୍‌ କିଟ୍‌ ନେଇ ଆସିଥିବା ୩୦ରୁ ଊର୍ଦ୍ଧ୍ୱ ଟ୍ରକ୍‌ ଅଟକି ରହିଥିବାବେଳେ କର୍ପୋରେଶନ କାହାକୁ ରଖିବ ଓ କାହାକୁ ଫେରାଇବ ତାକୁ ନେଇ ମଙ୍ଗଳବାର କ୍ରୟ କମିଟି ଏକ ବୈଠକ ବସାଇଥିଲେ। ଏଥିରେ କେବଳ ପିପିଇ କିଟ୍‌ ନେଇ ଆସିଥିବା ଟ୍ରକ୍‌ରୁ ସାମଗ୍ରୀ ଅନ୍‌ଲୋଡ୍‌ କରାଯିବ ବୋଲି ନିଷ୍ପତ୍ତି ହୋଇଥିଲା। ବଳକା ମାସ୍କ, ଭେଣ୍ଟିଲେଟର ଓ ଅନ୍ୟ ସରଞ୍ଜାମ ଫେରାଇ ଦେବାକୁ ସ୍ଥିର ହୋଇଥିବା ଜଣାପଡ଼ିଛି। ମଙ୍ଗଳବାର ଭୋର ୫ଟାରେ ଓଏସ୍‌ଏମ୍‌ସିଏଲ୍‌ ସାମ୍ନାରେ ପୁଣି ଦୁଇଟି ଟ୍ରକ୍‌ ଲାଗିଥିବା ବେଳେ ଏଥିରୁ ଗୋଟିଏ ଟ୍ରକ୍‌ରେ ପଞ୍ଜାବ ମୋହଲିରୁ ୩୧ଟି ଭେଣ୍ଟିଲେଟର ଆସିଛି। ସେହିଭଳି ତାମିଲନାଡ଼ୁରୁ ଆସିଥିବା ଏକ ଟ୍ରକ୍‌ରେ ମାସ୍କ, ଗ୍ଲୋଭସ୍‌ ଏବଂ ଅନ୍ୟ ସରଞ୍ଜାମ ରହିଛି। ତେବେ ଦ୍ୱିପ୍ରହର ସୁଦ୍ଧା ଉଭୟ ଟ୍ରକ୍‌କୁ ଭିତରକୁ ପ୍ରବେଶ ପାଇଁ ଅନୁମତି ଦିଆଯାଇ ନ ଥିଲା। ତେବେ ଏନେଇ ବିଭାଗୀୟ ମନ୍ତ୍ରୀ, ସଚିବ କିମ୍ବା ଓଏସ୍‌ଏମ୍‌ସିଏଲ୍‌ ଏମ୍‌ଡି ସରକାରୀ ଭାବେ କୌଣସି ତଥ୍ୟ ଦେବାକୁ ସିଧା ସିଧା ମନା କରିଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

ଆମେରିକା ଲୋକେ କରୋନା ସହିତ ବଞ୍ଚିବା ନୁହେଁ ମରିବା ଶିକ୍ଷା କରୁଛନ୍ତି: ବାଇଡେନ୍‌

ଓ୍ବାଶିଂଟନ, ୨୪।୧୦: ନଭେମ୍ବର ୩ରେ ଆମେରିକାରେ ରାଷ୍ଟ୍ରପତି ନିର୍ବାଚନ ହେବାକୁ ଯାଉଛି। ଏନେଇ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌ ଏବଂ ଡୋମୋକ୍ରାଟିକ୍‌ ଦଳର ପ୍ରାର୍ଥୀ ଜୋ ବାଇଡେନ୍‌ଙ୍କ...

ବଢ଼ିଲା ରାସନକାର୍ଡ- ଆଧାର ଲିଙ୍କ୍‌ ଅବଧି

ଭୁବନେଶ୍ୱର,୩୧।୮(ବ୍ୟୁରୋ): ଅଗଷ୍ଟ ୩୧କୁ ରାସନକାର୍ଡ- ଆଧାର ଲିଙ୍କ୍‌ ପାଇଁ ଶେଷ ତାରିଖ ଧାର୍ଯ୍ୟ କରାଯାଇଥିଲା। ତେବେ ଶନିବାର ଏହାର ସଂଯୋଗ ଅବଧିକୁ ସରକାର ବଢ଼ାଇ ଦେଇଛନ୍ତି।...

ଦେବୀ ନଦୀ ଶଯ୍ୟା ଖନନ: ସ୍ଥିତି ଅନୁଧ୍ୟାନ କଲେ ବୁର୍ଲା ଜଳସମ୍ପଦ ବିଭାଗ ବିଶେଷଜ୍ଞ

କାକଟପୁର, ୨୦।୮(ଡି.ଏନ୍‌.ଏ.)-ପୋତି ହୋଇପଡ଼ିଥିବା ଦେବୀ ନଦୀ ଶଯ୍ୟା ଖନନ ହେବ। ଏଥିପାଇଁ ଜଳସମ୍ପଦ ବିଭାଗ ପକ୍ଷରୁ ନିଷ୍ପତ୍ତି ନିଆଯାଇଛି। ଏହି କ୍ରମରେ ସମ୍ବଲପୁରର ବୁର୍ଲାସ୍ଥିତ ଜଳସମ୍ପଦ...

୨୦ ଦିନ ମଧ୍ୟରେ ରାଜଧାନୀରେ କମିଛି ସଂକ୍ରମଣ, ବଢିଛି ସୁସ୍ଥତା ହାର

ନୂଆଦିଲ୍ଲୀ,୭।୭: ରାଜଧାନୀ ଦିଲ୍ଲୀରେ କରୋନା ସଂକ୍ରମଣ ସଂଖ୍ୟା ୧ ଲକ୍ଷ ପାର କରିଯିବା ପରେ ଏବେ ଏହା ସରକାରଙ୍କ ପାଇଁ ଏକ ଚ୍ୟାଲେଞ୍ଜ ପାଲଟି ଯାଇଛି।...

୫ ବିଦେଶ ଫେରନ୍ତାଙ୍କ ସ୍ବାବ୍‌ ପରୀକ୍ଷା ପାଇଁ ପଠାଗଲା

ଖୋର୍ଦ୍ଧା ଅଫିସ,୨୮ା୩: କରୋନା ଭୂତାଣୁ ସଂକ୍ରମଣ ରୋକିବା ପାଇଁ ଜିଲା ପ୍ରଶାସନ ପକ୍ଷରୁ ବିଭିନ୍ନ ପଦକ୍ଷେପ ଗ୍ରହଣ କରାଯାଉଛି। ଶୁକ୍ରବାର ଜିଲାର ୫ଜଣ ବିଦେଶ ଫେରନ୍ତା...

ଜାନୁଆରୀ ୧୫ରେ ପ୍ରକାଶ ପାଇବ ନୂଆ ଭୋଟର ତାଲିକା: ନାମ ଯୋଡ଼ିବା, କାଟିବା, ସଂଶୋଧନ ପାଇଁ କରନ୍ତୁ ଏଭଳି

ଭୁବନେଶ୍ୱର,୪।୧୨(ବ୍ୟୁରୋ): ୨୦୨୧ ପାଇଁ ନୂଆ ଭୋଟର ତାଲିକା ଜାନୁଆରୀ ୧୫ରେ ପ୍ରକାଶ ପାଇବ। ଏନେଇ ଶୁକ୍ରବାର ଖବରଦାତା ସମ୍ମିଳନୀରେ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୁଶିଲ...

ନୀରବ ବିଦ୍ରୋହ ଭାରି ପଡ଼ିବ

ତିର୍ତ୍ତୋଲ, ୩୧ା୧୦ (ସ୍ବ.ପ୍ର.): ୨୦୧୯ ନିର୍ବାଚନରେ ତିର୍ତ୍ତୋଲ ବିଧାନସଭା ଆସନରୁ ବିଜୟୀ ହୋଇଥିବା ବିଜେଡି ନେତା ବିଷ୍ଣୁଚରଣ ଦାସଙ୍କ ପରଲୋକ ପରେ ଏବେ ଚାଲିଛି ସେଠାରେ...

ଏଥର ଗ୍ରୀନ୍‌ ରାଖୀପୂର୍ଣ୍ଣିମା

ଭୁବନେଶ୍ୱର,୧୪ା୮(ବ୍ୟୁରୋ): ପ୍ରଦୂଷଣମୁକ୍ତ ଗ୍ରୀନ୍‌ ଦୀପାବଳି ଓ ଗ୍ରୀନ୍‌ ହୋଲି ପରେ ଏଥର ଗ୍ରୀନ୍‌ ରକ୍ଷାବନ୍ଧନ। ପରିବେଶ ସୁରକ୍ଷା ପ୍ରତି ଧୀରେ ଧୀରେ ସଚେତନ ହେଉଥିବା ଲୋକେ...


Coronavirus Update

Archives

Model This Week

Why Dharitri