ବିଭିନ୍ନ ପଞ୍ଚାୟତରେ କଲ୍ୟାଣମଣ୍ଡପ ନିର୍ମାଣ ବ୍ୟବସ୍ଥା ୧୯୪ରୁ ୧୦୬ଟି ପାଇଁ ଅର୍ଥ ମଞ୍ଜୁର ସମ୍ପୂର୍ଣ୍ଣ ହୋଇଛି ୪୦

ନୟାଗଡ଼ ଅଫିସ,୩୧ା୮: ପ୍ରତି ପଞ୍ଚାୟତରେ କଲ୍ୟାଣମଣ୍ଡପ ନିର୍ମାଣ ଲାଗି ସରକାରୀ ବ୍ୟବସ୍ଥା ରହିଛି। କିନ୍ତୁ ନୟାଗଡ଼ ଜିଲାର ସମସ୍ତ ପଞ୍ଚାୟତରେ ଏହା ନିର୍ମାଣ ହୋଇପାରି ନାହିଁ। ଜିଲା ପଞ୍ଚାୟତ କାର୍ଯ୍ୟାଳୟରୁ ମିଳିଥିବା ସୂଚନା ଅନୁସାରେ ଜିଲାର ମୋଟ ୧୯୪ ପଞ୍ଚାୟତରୁ ମାତ୍ର ୧୦୬ଟି ପଞ୍ଚାୟତକୁ କଲ୍ୟାଣମଣ୍ଡପ ପାଇଁ ଅର୍ଥ ମଞ୍ଜୁର ହୋଇଛି। ଏଥିମଧ୍ୟରୁ ପାଖାପାଖି ୪୦ କଲ୍ୟାଣମଣ୍ଡପ ସମ୍ପୂର୍ଣ୍ଣ ହୋଇଛି। କେତେକ ପଞ୍ଚାୟତରେ କଲ୍ୟାଣମଣ୍ଡପ ଗୃହ ଅଧାପନ୍ତରିଆ ରହିଥିବାବେଳେ କେତେକ ସ୍ଥାନରେ ଜମିବାଡ଼ି ବିବାଦରୁ ଶିଳାନ୍ୟାସ ବି ହୋଇପାରିନାହିଁ। ନୟାଗଡ଼ ବ୍ଲକ ମାଛିପଡ଼ା ପଞ୍ଚାୟତରେ ଶିଳାନ୍ୟାସ ହେବାର ୩ବର୍ଷ ବିତିଯାଇଥିଲେ ମଧ୍ୟ କଲ୍ୟାଣମଣ୍ଡପ ନିର୍ମାଣ ହୋଇପାରିନାହିଁ। ନୟାଗଡ଼ ବ୍ଲକରେ ଏହିଭଳି ୭ ପଞ୍ଚାୟତରେ କଲ୍ୟାଣମଣ୍ଡପ ଗୃହ ନିର୍ମାଣାଧୀନ ରହିଛି। ୨୯ ପଞ୍ଚାୟତରୁ ୧୬ଟିରେ କାର୍ଯ୍ୟ ସମ୍ପୂର୍ଣ୍ଣ ହୋଇସାରିଥିବା ବେଳେ ଜାଗା ବିବାଦ ଯୋଗୁ ୬ଟିର କାର୍ଯ୍ୟ ଆରମ୍ଭ ହୋଇପାରୁନାହିଁ। ସେହିପରି ଦଶପଲ୍ଲା ବ୍ଲକରେ ୨୦ ପଞ୍ଚାୟତରୁ ୭, ଗଣିଆରେ ୮ରୁ ୫, ଖଣ୍ଡପଡ଼ାରେ ୨୨ରୁ ୧୪, ଭାପୁରରେ ୨୦ଟିରୁ ୧୭, ନୟାଗଡ଼ରେ ୨୯ରୁ ୨୮, ନୂଆଗାଁରେ ୨୨ରୁ ୫, ଓଡ଼ଗାଁରେ ୩୬ରୁ ୨୧ ଓ ରଣପୁରରେ ୩୭ରୁ ମାତ୍ର ୯ଟି ପଞ୍ଚାୟତରେ କଲ୍ୟାଣମଣ୍ଡପ ନିର୍ମାଣ ପାଇଁ ୨୦ ଲକ୍ଷ ଟଙ୍କା ପ୍ରଦାନ କରାଯାଇଛି। ଜିଲାରେ ୧୦୬ଟି କଲ୍ୟାଣମଣ୍ଡପ ପାଇଁ ଟଙ୍କା ମଞ୍ଜୁର ହୋଇଥିବା ବେଳେ ୪୦ଟି ସମ୍ପୂର୍ଣ୍ଣ ହୋଇଛି। ସମ୍ପୂର୍ଣ୍ଣ ହୋଇଥିବା କଲ୍ୟାଣମଣ୍ଡପଗୁଡ଼ିକ ମଧ୍ୟରୁ ଅଧିକାଂଶ ଠିକ୍‌ ଭାବେ କାର୍ଯ୍ୟକ୍ଷମ ହୋଇ ପାରୁନାହିଁ। ନୟାଗଡ଼ ବ୍ଲକ ଜେମାଦେଈପୁରପାଟଣା ପଞ୍ଚାୟତରେ ଥିବା କଳ୍ୟାଣମଣ୍ଡପକୁ ସରପଞ୍ଚଙ୍କ ସ୍ବାମୀ ଭଡ଼ା ଘର କରିଥିଲେ। ଏ ନେଇ ଗଣମାଧ୍ୟମରେ ଖବର ପ୍ରକାଶ ପାଇବା ପରେ ବିଡ଼ିଓ ଏହାର ତଦନ୍ତ କରିଥିଲେ। ସୂଚନାଯୋଗ୍ୟ ଯେ, ଗ୍ରାମରେ ବିବାହ, ବ୍ରତ ଆଦି ଉତ୍ସବ କରାଯିବା ପାଇଁ ସରକାରଙ୍କ ପକ୍ଷରୁ କଲ୍ୟାଣମଣ୍ଡପ ନିର୍ମାଣ ବ୍ୟବସ୍ଥା କରାଯାଇଛି। ଏସବୁ ଉତ୍ସବ କରିବା ଲାଗି କଲ୍ୟାଣମଣ୍ଡପ ଭଡ଼ା ଲଗାଯିବ ଓ ଏଥିରୁ ଆଦାୟ ଅର୍ଥରେ ପଞ୍ଚାୟତର ଉନ୍ନତି କରାଯିବ ବୋଲି ଯୋଜନା ରହିଛି। ପ୍ରତି କଲ୍ୟାଣମଣ୍ଡପ ପାଇଁ ୩୫ ଲକ୍ଷ ଟଙ୍କା ଖର୍ଚ୍ଚ ହେଉଛି। ପଞ୍ଚାୟତିରାଜ ଓ ପାନୀୟ ଜଳ ବିଭାଗ ୨୦ ଲକ୍ଷ ଟଙ୍କା ପ୍ରଦାନ କରୁଥିବା ବେଳେ ପଞ୍ଚାୟତକୁ ମିଳୁଥିବା ଅନ୍ୟାନ୍ୟ ପାଣ୍ଠିରୁ ୧୫ ଲକ୍ଷ ଟଙ୍କା ବିନିଯୋଗ କରାଯାଇ କଲ୍ୟାଣମଣ୍ଡପ ନିର୍ମାଣ ବ୍ୟବସ୍ଥା କରାଯାଇଛି। ଏ ନେଇ ଜିଲା ପଞ୍ଚାୟତ ଅଧିକାରୀ ରତିକାନ୍ତ ଆଚାର୍ଯ୍ୟଙ୍କୁ ପଚାରିବାରୁ ସେ କହିଥିଲେ, ପଞ୍ଚାୟତରେ କଲ୍ୟାଣମଣ୍ଡପ ନିର୍ମାଣ ଲାଗି ସରପଞ୍ଚମାନଙ୍କୁ କୁହାଯାଉଛି। ଅଧିକାଂଶ ସ୍ଥାନରେ ଟଙ୍କା ବିନିଯୋଗ କରି କଲ୍ୟାଣମଣ୍ଡପ କରୁଥିବା ବେଳେ କେତେକ ସ୍ଥାନରେ ଠିକ୍‌ ଭାବରେ ଟଙ୍କା ବିନିଯୋଗ କରିପାରୁନାହାନ୍ତି। ଆଗାମୀ ଦିନରେ ଏହା କିପରି ଭାବେ ସମ୍ପୂର୍ଣ୍ଣ ହେବ ସେ ଦିଗ ପ୍ରତି ଧ୍ୟାନ ଦିଆଯିବ ବୋଲି ସେ ପ୍ରକାଶ କରିଥିଲେ।


Enter your email to get our daily news in your inbox.

All Right Reserved By Dharitri.Com

ହସନ୍‌ପୁର ଆଶ୍ରମ ବିଦ୍ୟାଳୟରେ ତୁମୁଳକାଣ୍ଡ: ଶିକ୍ଷୟିତ୍ରୀ, ଶିକ୍ଷକଙ୍କୁ ଅଟକ ରଖିଲେ ଗ୍ରାମବାସୀ

ବାଲେଶ୍ୱର ଅଫିସ, ୩।୧୧-ଅନୁସୂଚିତ ଜାତି ଓ ଜନଜାତି ଉନ୍ନୟନ ବିଭାଗ ଦ୍ୱାରା ପରିଚାଳିତ ବାଲେଶ୍ୱର ସଦର ବ୍ଲକ ଗୋପୀନାଥପୁର ପଞ୍ଚାୟତ ଅଧୀନ ହସନ୍‌ପୁର ଆଶ୍ରମ ବିଦ୍ୟାଳୟରେ...

ଆକ୍ରାନ୍ତଙ୍କ ସଂସ୍ପର୍ଶରେ ଆସିଛନ୍ତି ୭୧ ପ୍ରତିଶତ: ସିଏମ୍‌ସି କମିଶନର

କଟକ ଅଫିସ,୨୬ା୭-କଟକ ସହରରେ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗିଛି। ଗତ ଏକ ସପ୍ତାହରେ ମୋଟ୍‌ ଚିହ୍ନଟଙ୍କ ମଧ୍ୟରୁ ପୂର୍ବଆକ୍ରାନ୍ତଙ୍କ ସଂସ୍ପର୍ଶରେ ଆସି ୭୧ ପ୍ରତିଶତ...

ଗଛ ପକାଇ ଲକ ଡାଉନ କଲେ ଗ୍ରାମବାସୀ

କୋକସରା, ୫।୪, (ଡି.ଏନ.ଏ.) ଉପକୂଳ ଓଡିଶା ପରେ ପଶ୍ଚିମ ଓଡିଶାର କଳାହାଣ୍ଡି ଜିଲାରେ କରୋନା ଭୂତାଣୁ ସଂକ୍ରମଣ ହୋଇଛି । ଜିଲାରେ କରୋନା ସଂକ୍ରମିତ ବାହାରିବା...

୨୭୯ ବୁଥ୍‌ରେ ମତଦାନ

ଭୁବନେଶ୍ୱର,୨୦।୫(ବ୍ୟୁରୋ): ବ୍ରଜରାଜନଗର ଉପ ନିର୍ବାଚନ ଲାଗି ପ୍ରସ୍ତୁତି ଶେଷ ପର୍ଯ୍ୟାୟରେ। ଖାଲି ପଡ଼ିଥିବା ଏହି ଆସନ ଲାଗି ମଇଦାନରେ ୧୧ ଜଣ ପ୍ରାର୍ଥୀ। ୨ ଲକ୍ଷ...

ଭିଜିଲାନ୍ସ ଜାଲରେ ସିଆର୍‌ସିସିି

ବାରିପଦା ଅଫିସ/ ଠାକୁରମୁଣ୍ଡା(ଡି.ଏନ୍‌.ଏ.),୨।୨: ଦରମା ବିଲ୍‌ କରାଇ ଦେବାକୁ ଜଣେ ଶିକ୍ଷକଙ୍କଠାରୁ ୩ ହଜାର ଟଙ୍କା ଲାଞ୍ଚ ନେଉଥିବା ବେଳେ ମୟୂରଭଞ୍ଜ ଜିଲା ରରୁଆଁ ବ୍ଲକ...

ଅଜଣା ରୋଗରେ ଚାଲିଗଲା ଦୃଷ୍ଟି, ଶ୍ରବଣଶକ୍ତି: ପ୍ରିୟବ୍ରତଙ୍କୁ ମିଳିଲା ସହାୟତା

ଢେଙ୍କାନାଳ ଅଫିସ, ୨୯।୮: ଦୁଃଖ ଆସେ ସାଙ୍ଗସାଥୀକୁ ନେଇ। ଏହାକୁ ମର୍ମେ ମର୍ମେ ଅନୁଭବ କରିଛନ୍ତି ଢେଙ୍କାନାଳର ପ୍ରିୟବ୍ରତ ସାମଲ (୨୪)। ସହରର ଏକ ଆପାର୍ଟମେଣ୍ଟରେ...

ଖରିଫ ଧାନ ସଂଗ୍ରହ ପାଇଁ ପ୍ରଚାର ରଥ

ଚମ୍ପୁଆ, ୨୯ା୧୧(ଡି.ଏନ.ଏ)- କେନ୍ଦୁଝର ଜିଲା ଚମ୍ପୁଆ ନିୟନ୍ତ୍ରିତ ବଜାର କମିଟି ପକ୍ଷରୁ ଖରିଫ ଧାନ ସଂଗ୍ରହ ପାଇଁ ଏକ ସଚେତନତା ରଥ ବୁଲିବା ଆରମ୍ଭ କରିଛି।...

ରଥକାଠ କଟା ସରିଲା, ପଠାଯିବ ପୁରୀ

ଭଞ୍ଜନଗର,୨।୪(ଡି.ଏନ.ଏ.)-ମହାମାରୀ କରୋନା ଯୋଗୁ ଚଳିତବର୍ଷ ମହାପ୍ରଭୁ ଶ୍ରୀଜଗନ୍ନାଥଙ୍କ ବିଶ୍ୱପ୍ରସିଦ୍ଧ ରଥଯାତ୍ରା ହେବ କି ନାହିଁ ଅନିଶ୍ଚିତତା ମଧ୍ୟରେ ରହିଥିବା ବେଳେ ରଥ ନିର୍ମାଣ ପାଇଁ କାଠ...

Advertisement
Archives

Model This Week