ବିଦ୍ୟୁତ୍‌ ଚୋରି ରୋକିବାକୁ ପ୍ରିପେଡ୍‌ ସ୍ମାର୍ଟ ମିଟର ପ୍ରଚଳନ ନିଷ୍ପତ୍ତି: ‘ପ୍ରଥମେ ସରକାରୀ ସ୍ତରରେ ଲାଗୁ ହେଉ’

ଓଡ଼ଗାଁ, ୨୨।୮(ସ୍ବ.ପ୍ର.): ସମ୍ପ୍ରତି ରାଜ୍ୟରେ ବିଦ୍ୟୁତ୍‌ ଚୋରି ରୋକିବାକୁ ରାଜ୍ୟ ଶକ୍ତି ମନ୍ତ୍ରୀ ପ୍ରିପେଡ୍‌ ସ୍ମାର୍ଟ ମିଟର ପ୍ରଚଳନ କରିବାକୁ ନିଷ୍ପତ୍ତି ନେଇଛନ୍ତି । ରାଜ୍ୟରେ ଲକ୍ଷାଧିକ କୋଠଘର, କ୍ଲବ ଘର, ସରକାରୀ ଦପ୍ତର, କ୍ୱାର୍ଟର୍ସ ଓ ଛୋଟବଡ କଳକାରଖାନା ହୁକିଂରେ ଚାଲୁଥିବା ଜଣାଯାଇଛି। ଏସବୁ ସ୍ଥାନରେ ୨୪ ଘଣ୍ଟିଆ ବିଦ୍ୟୁତ୍‌ ବ୍ୟବହାର ହେଉଥିବା ବେଳେ ରାଜନୈତିକ ଚାପ କାରଣରୁ ବିଭାଗୀୟ ଅଧିକାରୀମାନେ ଏସବୁ ବେଆଇନ ଗ୍ରାହକଙ୍କ ଘରୁ ବିଦ୍ୟୁତ୍‌ ବିଚ୍ଛିନ୍ନ କରିବାକୁ ସାହସ ଜୁଟାଇ ପାରୁନାହାନ୍ତି। ଏହା ବ୍ୟତୀତ ବିଭିନ୍ନ କଳକାରଖାନା ଓ ମିଲ୍‌ମାନଙ୍କୁ ସରକାରଙ୍କ ଅଯଥା ଅନୁକମ୍ପା ମଧ୍ୟ ବିଦ୍ୟୁତ୍‌ ଅପବ୍ୟବହାରର ଅନ୍ୟ ଏକ କାରଣ । ପ୍ରିପେଡ୍‌ ସ୍ମାର୍ଟ ମିଟର ପ୍ରଚଳନ ଏକ ସ୍ବାଗତଯୋଗ୍ୟ ପଦକ୍ଷେପ ବୋଲି କେତେକ କହୁଥିବା ବେଳେ ସରକାର ଆଗାମୀ ଦିନମାନଙ୍କରେ ଅନ୍‌ଗ୍ରୀଡ କିମ୍ବା ଅଫ୍‌ ଗ୍ରୀଡ ସୋଲାର ସିଷ୍ଟମକୁ ପ୍ରଚଳନ କରିବାକୁ ଆବଶ୍ୟକ ସଚେତନତା କିମ୍ବା ପ୍ରୋତ୍ସାହନ ଦେବା ଆବଶ୍ୟକତା ରହିଛି । ଏହାଦ୍ୱାରା ରାଜ୍ୟର ବହୁ ଗ୍ରାହକ ବିଦ୍ୟୁତ୍‌ ସଙ୍କଟରୁ ମୁକ୍ତି ପାଇବା ସହିତ ଜିରୋ ବିଦ୍ୟୁତ୍‌ ବିଲ୍‌ ହାସଲ କରିପାରିବେ। ଏ ନେଇ ଧରିତ୍ରୀ ତରଫରୁ ବିଭିନ୍ନ ବର୍ଗର ଲୋକଙ୍କ ମତାମତ ନିଆଯାଇଥିଲା । ଅଧିକାଂଶ ପ୍ରିପେଡ ମିଟର ବ୍ୟବସ୍ଥା ପ୍ରଥମେ ସରକାରୀ ସ୍ତରରେ ଆରମ୍ଭ ହେଉ ମତ ଦେଇଥିଲେ।
କ’ଣ କହନ୍ତି ଏମାନେ…
-ପ୍ରଥମେ ବିଦ୍ୟୁତ୍‌ ଚୋରି ବନ୍ଦ କରିବାକୁ ଉଦ୍ୟମ କରାଯାଉ। କେବଳ ମଳି ମୁଣ୍ଡିଆଙ୍କ ଉପରେ ଏହାକୁ ନ୍ୟସ୍ତ ନ କରି ସରକାରୀ ସ୍ତରରେ ଆରମ୍ଭ ହେଉ । ଅନ୍‌ଗ୍ରୀଡ ହେଉ ବା ଅଫ୍‌ଗ୍ରୀଡ ସୋଲାର ଉପତ୍ାଦନ ନିମନ୍ତେ ପ୍ରୋତ୍ସାହନ ପ୍ରଦାନ ଉପରେ ଗୁରୁତ୍ୱ ଦିଆଯିବା ଆବଶ୍ୟକ।
କୃଷ୍ଣମୂର୍ତ୍ତି ଦୋରା, ସାମାଜିକ କର୍ମୀ, କୁରାଳ
– ପ୍ରିପେଡ ମିଟରକୁ ସ୍ବାଗତ । କିନ୍ତୁ ଏହିଭଳି ମିଟର ପ୍ରଥମେ ସରକାରୀ ଦପ୍ତର, କ୍ୱାର୍ଟର୍ସ, ବିଭାଗୀୟ ଅଧିକାରୀ ଓ କର୍ମଚାରୀ, ବିଭିନ୍ନ ରାଜନୈତିକ ସଭାସମିତିରେ ଲାଗୁ କରାଯାଉ ।
ରବୀନ୍ଦ୍ର କୁମାର ପଟ୍ଟନାୟକ, ଗ୍ରାହକ ସେବାକେନ୍ଦ୍ର ପରିଚାଳକ, ଓଡ଼ଗାଁ
-ସରକାରଙ୍କ ପ୍ରିପେଡ୍‌ ମିଟର ଭଳି ଅଭିନବ ପ୍ରକଳ୍ପ ସ୍ବାଗତଯୋଗ୍ୟ । ବିଦ୍ୟୁତ୍‌ ଚୋରି ରୋକିବାରେ ଏହା ଏକ ଭଲ ପଦକ୍ଷେପ। ହେଲେ ପ୍ରଥମେ ସରକାର ସମସ୍ତ ବିଦ୍ୟୁତ୍‌ ବ୍ୟବହାରକାରୀଙ୍କୁ ଚିହ୍ନଟ କରିବାରେ ସଫଳ ହୁଅନ୍ତୁ । କାରଣ ବିଦ୍ୟୁତ୍‌ ଗ୍ରାହକଙ୍କଠାରୁ ହୁକିଂରେ ବିଦ୍ୟୁତ୍‌ ବ୍ୟବହାରକାରୀଙ୍କ ସଂଖ୍ୟା କିଛି କମ୍‌ ନୁହେଁ। ପ୍ରଥମେ ସରକାରୀ ସ୍ତରରେ ପ୍ରିପେଡ୍‌ ମିଟରକୁ ଲାଗୁ କରି ଉଦାହରଣ ସୃଷ୍ଟି କରାଯାଉ ।
ସ୍ବରୂପ ମିଶ୍ର, ସାମାଜିକ କର୍ମୀ, ଓଡ଼ଗାଁ
-ଅଦ୍ୟାବଧି ଲାଗିଥିବା ମିଟର ଓ ବ୍ୟବହାର ସମ୍ପର୍କରେ ଲୋକେ ଅଜଣା ରହିଥିବା ବେଳେ ସ୍ମାର୍ଟ ମିଟର ଗାଁ ଗହଳିର ଲୋକମାନଙ୍କ ନିମନ୍ତେ ସମ୍ପୂର୍ଣ୍ଣ ନିଆରା ହେବ । ରାତି ଅଧରେ ବିଦ୍ୟୁତ୍‌ କଟିଲେ ଆଦୌ ରିଚାର୍ଜ ସମ୍ପର୍କରେ ଜାଣି ନ ଥିବା ଲୋକଟିଏ ରାତିରେ ରିଚାର୍ଜ କରି ନ ପାରି ଅସୁବିଧାର ସମ୍ମୁଖୀନ ହେବା ସମ୍ଭାବନା ରହିଛି। ପ୍ରିପେଡ ମିଟର ଲାଗୁ ହେବା ପରେ ବହୁ କର୍ମଚାରୀ ଛଟେଇ ହେବାର ସମ୍ଭାବନା ରହିଥିବା ବେଳେ ଦେଶର ଅର୍ଥନୀତି ଉପରେ ପ୍ରଭାବ ପକାଇବ।
ସର୍ବେଶ୍ୱର ସ୍ବାଇଁ, ପରିଚାଳକ, ଇଲର୍ନିଂ କମ୍ପ୍ୟୁଟର, ଓଡ଼ଗାଁ।
-ଘରୋଇ ଉପଭୋକ୍ତାଙ୍କୁ ଏହାର ସୁବିଧା ମିଳିପାରେ, ହେଲେ ବ୍ୟବସାୟୀଙ୍କୁ ଏହାର ସୁଫଳ ମିଳି ନ ପାରେ । ମୋବାଇଲ ରିଚାର୍ଜ ଭଳି ବିଭିନ୍ନ ପ୍ଲାନ୍‌ କରାଗଲେ ହୁଏତ ଲୋକେ ଏହାର ସୁଫଳ ପାଇପାରିବେ । ତଥାପି ପ୍ରଥମେ ବିଦ୍ୟୁତ୍‌ ଚୋରି ରୋକିବାକୁ ବିଭାଗୀୟ ପଦକ୍ଷେପ ନିଆଯାଉ।
ନରେନ୍ଦ୍ର କୁମାର ତ୍ରିପାଠୀ, କ୍ଷୁଦ୍ର ବ୍ୟବସାୟୀ, ଓଡ଼ଗାଁ।


Enter your email to get our daily news in your inbox.

All Right Reserved By Dharitri.Com

ହିଙ୍ଗୁଳାଙ୍କ ହୁଣ୍ଡିରୁ ମିଳିଲା ୩.୬୨ ଲକ୍ଷ

ତାଳଚେର, ୩ା୨(ନି.ପ୍ର.) ତାଳଚେରର ଅଧିଷ୍ଠାତ୍ରୀ ଦେବୀ ମା’ ହିଙ୍ଗୁଳାଙ୍କ ଗୋପାଳପ୍ରସାଦସ୍ଥିତ ପୀଠରେ ଥିବା ହୁଣ୍ଡିଗୁଡିକୁ ଶନିବାର ଖୋଲା ଯାଇଥିଲା। ଟ୍ରଷ୍ଟବୋର୍ଡ ସଦସ୍ୟ ମୁରଲୀଧର ସାହୁ, ସନ୍ତୋଷ କୁମାର...

କ୍ୟାବିନେଟ୍‌ ନିଷ୍ପତ୍ତି: ୨୪ରୁ ୪୮ ଘଣ୍ଟା ମଧ୍ୟରେ ଚାଷୀଙ୍କୁ ମିଳିବ ଟଙ୍କା, ଧାନ କିଣା ଟାର୍ଗେଟ କମିଲା

ଭୁବନେଶ୍ୱର,୨୬।୯(ବ୍ୟୁରୋ): ଧାନ ବିକୁଥିବା ଚାଷୀଙ୍କୁ ଏଣିକି ୨୪ରୁ ୪୮ ଘଣ୍ଟା ମଧ୍ୟରେ ସେମାନଙ୍କର ପ୍ରାପ୍ୟ ମିଳିବ। ପୂର୍ବରୁ ସେମାନଙ୍କୁ ୨୪ରୁ ୭୨ ଘଣ୍ଟା ମଧ୍ୟରେ ଧାନ...

ପୁଣି ଥରିଲା ଦାରିଙ୍ଗବାଡ଼ି

ଦାରିଙ୍ଗବାଡ଼ି,୧୩।୨(ଡି.ଏନ୍‌.ଏ): କନ୍ଧମାଳ ଜିଲା ଦାରିଙ୍ଗବାଡି ଅଞ୍ଚଳରେ ପୁଣି ଶୀତ ଥରାଉଛି । ଗତ କିଛି ଦିନ ହେଲା ତାପମାତ୍ରା ୯ଡିଗ୍ରୀରୁ ୧୨ଡିଗ୍ରୀ ମଧ୍ୟରେ ରହୁଥିବା ବେଳେ...

କୋଭିଡ୍‌ ହସ୍ପିଟାଲରେ ଚିକିତ୍ସାରେ ଅବହେଳା: ଯୁବ ବ୍ୟବସାୟୀଙ୍କ ମୃତ୍ୟୁ

ଗଞ୍ଜାମ,୧।୮(ଡି.ଏନ୍‌.ଏ.): ଗଞ୍ଜାମ ସହରର ଯୁବ ବ୍ୟବସାୟୀ ତଥା ସମାଜସେବୀ ଲକ୍ଷ୍ମୀନାରାୟଣ ପାତ୍ର (ନାହାଣ)ଙ୍କ କରୋନାରେ ମୃତ୍ୟୁ ଘଟିଛି। କୋଭିଡ୍‌ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ...

ଶ୍ରୀଜଗନ୍ନାଥ ମେଡିକାଲ କଲେଜ ଆଜି ଉଦ୍‌ଘାଟନ କରିବେ ମୁଖ୍ୟମନ୍ତ୍ରୀ

ପୁରୀ ଅଫିସ,୧୧ା୪: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୋମବାର ପୁରୀ ଗସ୍ତରେ ଆସି ଶ୍ରୀଜଗନ୍ନାଥ ମେଡିକାଲ କଲେଜର ଉଦ୍‌ଘାଟନ କରିବେ। ମୁଖ୍ୟମନ୍ତ୍ରୀ ଅପରାହ୍ନ ୫ଟାରେ ମେଡିକାଲ କଲେଜ...

ରାଜ୍ୟରେ କରୋନାରେ ଆଖି ବୁଜିଲେ ଆଉ ୫: ମୃତ୍ୟୁ ସଂଖ୍ୟା ୬୧କୁ ବୃଦ୍ଧି

ଭୁବନେଶ୍ୱର, ୧୧।୭(ବ୍ୟୁରୋ): ରାଜ୍ୟରେ ଶନିବାର ୫୭୦ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଏଥିରେ ୫ ଜଣଙ୍କ ମୃତ୍ୟୁ ଘଟିଛି। ମୃତକଙ୍କ ମଧ୍ୟରୁ ଗଞ୍ଜାମ ଜିଲାରୁ...

ଏନ୍‌କାଉଣ୍ଟରରେ ଆହତ ଅଷ୍ଟମଙ୍କୁ ୭ ବର୍ଷ ଜେଲ

ବ୍ରହ୍ମପୁର ଅଫିସ,୨୫ା୫- ପୋଲିସ ଏନ୍‌କାଉଣ୍ଟର ବେଳେ ଅପରାଧୀଙ୍କ ଗୁଳିରେ ପୋଲିସ ଆହତ ହୋଇଥିବା ମାମଲାର ଶୁଣାଣି କରି ଅତିରିକ୍ତ ବିଚାର ବିଭାଗ ମାଜିଷ୍ଟ୍ରେଟ (ଏସିଜେଏମ) ସରୋଜ...

ଇଣ୍ଡିପେଣ୍ଡେଣ୍ଟ କପ୍‌ ଫୁଟବଲ ଟୁର୍ନାମେଣ୍ଟ: ନୂଆପଡାକୁ ହରାଇ କୋମନା ଚାମ୍ପିୟନ

କୋମନା,୨୬।୮(ଡି.ଏନ.ଏ.) ନୂଆପଡା ଜିଲା କୋମନା ବ୍ଲକ ତରବୋଡସ୍ଥିତ ରାଜିବ ଗାନ୍ଧୀ ମିନି ଷ୍ଟାଡିୟମରେ ଚାଲିଥିବା ଦ୍ୱାଦଶ ଇଣ୍ଡିପେଣ୍ଡେଣ୍ଟ କପ୍‌ ଫୁଟବଲ ଟୁର୍ନାମେଣ୍ଟ ରବିବାର ଉଦ୍‌ଯାପିତ ହୋଇଯାଇଛି।...

Advertisement
Archives

Model This Week