ସରଣ୍ଡା,୩୦।୩(ଡି.ଏନ୍.ଏ.): କରୋନା(କୋଭିଡ-୧୯) ସଂକ୍ରମଣକୁ ରୋକିବା ପାଇଁ ବରଗଡ଼ ଜିଲା ଅତାବିରା ବ୍ଲକ ଅନ୍ତର୍ଗତ ଚକୁଳି ପଞ୍ଚାୟତ ବରଗଡ଼ ଜିଲା ସରଣ୍ଡା ଗ୍ରାମବାସୀ ସୋମବାରଠାରୁ ଗ୍ରାମକୁ ସଂଯୋଗ କରୁଥିବା ୩ଟି ପ୍ରବେଶପଥକୁ ବନ୍ଦ କରିଛନ୍ତି। ସରଣ୍ଡା ସମେତ କଟାପାଲି, ଚକୁଳି ଗ୍ରାମବାସୀ ମଧ୍ୟ ଏହି ରାସ୍ତା ଅବରୋଧକୁ ସମ୍ପୂର୍ଣ୍ଣ ସହଯୋଗ କରିଛନ୍ତି । କେବଳ ସେତିକି ନୁହେଁ, ଗତ କିଛିଦିନ ତଳେ ରାଜ୍ୟ ବାହାରୁ ଆସିଥିବା ଜଣେ ବ୍ୟକ୍ତିକୁ ଗ୍ରାମରେ ପୁରାଇ ଦେଇ ନାହାନ୍ତି। ତାଙ୍କ ସମ୍ପର୍କୀୟ ଅନ୍ୟ ସ୍ଥାନକୁ ତାଙ୍କୁ ପଠାଇଦେଇଥିବା ଜଣାପଡ଼ିଛି। ସେହିପରି ଗ୍ରାମରେ ମଦ, କୁସୁନା ଭଳି ନିଶା କାରବାରକୁ ସମ୍ପୂର୍ଣ୍ଣ ବନ୍ଦ କରାଯାଇଛି । ଅତି ଜରୁରୀ କାମ ଥିଲେ ଗ୍ରାମବାସୀ ବାହାରକୁ ବାହାରୁଛନ୍ତି। ଚଚେତ୍ ସାମାଜିକ ଦୂରତ୍ୱ ରକ୍ଷାକରି ନିଜ ଗ୍ରାମ ଓ ଘର ମଧ୍ୟରେ ରହୁଛନ୍ତି। ୫୩ ନଂ. ଜାତୀୟ ରାଜପଥରୁ ବିଶ୍ୱେଶ୍ୱର ବାବା ଶିବ ମନ୍ଦିର ଓ ହାଇସ୍କୁଲ ପଟ ରାସ୍ତାକୁ ବାଉଁଶ ବାଡ଼ ଦେଇ ନିୟମିତ ଯୁବକମାନେ ପ୍ରହରା ଦେଇ ଲକ୍ଡାଉନ କରିଥିବା ବେଳେ ତାଳପତ୍ରଟିକ୍ରା ଦେଇ ସଂଯୋଗ କରୁଥିବା ରାସ୍ତାକୁ ସମ୍ପୂର୍ଣ୍ଣ ବନ୍ଦ କରାଯାଇଛି।
