Advertisement

ବାହାରେ ରୋଜଗାର ଖୋଜୁଛନ୍ତି ଯୁବପିଢ଼ି

କେନ୍ଦ୍ରାପଡ଼ା ଅଫିସ, ୪-୯- କର୍ମ ସଂସ୍ଥା ଓ ଭିତ୍ତିଭୂମିର ଅଭାବ ଯୋଗୁ କେନ୍ଦ୍ରାପଡ଼ାର ଅଧିକାଂଶ ଯୁବପିଢ଼ି ଏବେ ଜିଲା ଛାଡ଼ିବାକୁ ବାଧ୍ୟ ହେଉଛନ୍ତି। ବାହାର ରାଜ୍ୟ ଅବା ଦେଶକୁ ଯାଇ ସେଠାରେ ରୋଜଗାର ପନ୍ଥା ସନ୍ଧାନ କରୁଛନ୍ତି। ସେମାନଙ୍କ ମଧ୍ୟରୁ କିଛି ଜଣ ଯୁବକ ଅପରାଧ ଦୁନିଆକୁ ମଧ୍ୟ ଚାଲିଯାଉଛନ୍ତି । ଏସମ୍ପର୍କରେ କୌଣସି ତର୍ଜମା କରା ନ ଯାଇ କେନ୍ଦ୍ରାପଡା ଜିଲା ପରିଷଦ ବୈଠକରେ ଜିଲାର ବିକାଶ ସମ୍ପର୍କରେ ଆଲୋଚନା କରାଯାଉଛି। ଗତ ଗୁରୁବାର ଆୟୋଜିତ ବୈଠକରେ ସରକାରୀ ଯୋଜନାକୁ ତୃଣମୂଳସ୍ତରରେ ପହଞ୍ଚାଇବା ପାଇଁ ଆଲୋଚନା ହୋଇଥିବାବେଳେ ଜିଲାର ବାସ୍ତବିକ ଆବଶ୍ୟକତାକୁ ଅଣଦେଖା କରାଯାଉଛି ବୋଲି ବୁଦ୍ଧିଜୀବୀମାନେ ମତ ଦେଇଛନ୍ତି ା ଜିଲାରେ କର୍ମ ନିଯୁକ୍ତି ବଢ଼ାଇବା ପାଇଁ ରାଜ୍ୟ ସରକାରଙ୍କ ପକ୍ଷରୁ କୌଣସି ଉଦ୍ୟମ ହେଉ ନ ଥିବାରୁ ସେମାନେ କ୍ଷୋଭ ପ୍ରକାଶ କରିଛନ୍ତି।
ଆଳି ବ୍ଲକ ଅନ୍ତର୍ଗତ ଗୋବିନ୍ଦପୁର ଗ୍ରାମର ଦେବେନ୍ଦ୍ର ଜେନାଙ୍କ ପୁଅ ମହେଶ୍ୱର ଜେନା (୨୬) ଗତ ୫ ବର୍ଷ ହେବ ତାମିଲନାଡ଼ୁ ରାଜ୍ୟରେ ଏକ ପ୍ଲାଇଉଡ଼ ଫ୍ୟାକ୍ଟ୍ରିରେ କାମ କରୁଛନ୍ତି ା ତାଙ୍କ ଶିକ୍ଷାଗତ ଯୋଗ୍ୟତା ମାଷ୍ଟର ଇନ୍‌ କମ୍ପ୍ୟୁଟର ଆପ୍ଲିକେସନ (ଏମ୍‌ସିଏ) ହୋଇଥିବା ବେଳେ ସେ ସେଠାରେ ଡ଼ିଜାଇନିଂ କାମ କରୁଛନ୍ତି। ମହେଶ୍ୱରଙ୍କ କହିବାନୁସାରେ, କେନ୍ଦ୍ରାପଡ଼ାରେ ରହି ନିଜର ବିକାଶ କରିହେବ ନାହିଁ ା ଜିଲାରେ କୃଷିକୁ ଆଧାର କରି ମାତ୍ର ୨୭ ପ୍ରତିଶତ ଲୋକ ଜୀବିକା ନିର୍ବାହ କରୁଛନ୍ତି ା ତେବେ ପ୍ରାକୃତିକ ବିପର୍ଯ୍ୟୟ ପ୍ରତ୍ୟେକ ବର୍ଷ ଜିଲାର ପ୍ରଗତିରେ ବାଧା ସୃଷ୍ଟି କରୁଛି ା ଉପାନ୍ତ ଅଞ୍ଚଳରେ ମାଛ ଧରିବା ଏକ ବେଉସା ହୋଇଥିଲେ ମଧ୍ୟ ସାମୁଦ୍ରିକ ଓ ବନ୍ୟପ୍ରାଣୀ ନିୟମ ଏହାକୁ ପ୍ରତିରୋଧ କରୁଛି ା ସମୁଦ୍ରର ଲୁଣିପାଣି ଖେତକୁ ମାଡ଼ିଆସିବା, ତଟକ୍ଷୟ ଜିଲାବାସୀଙ୍କ ବିକାଶର ଗତିରୋଧ କରୁଛି ା ଏହାବାଦ ବିଭିନ୍ନ ମୌଳିକ ସୁବିଧା ଯଥା, ଶିକ୍ଷା, ପାନୀୟଜଳ, ବିଦ୍ୟୁତ, ରାସ୍ତାଘାଟ, ସ୍ବାସ୍ଥ୍ୟସେବା ଏଠାରେ ମିଳିବା ଦୁରୁହ ବ୍ୟାପାର ା ଏଥିପାଇଁ ଯୁବବର୍ଗ ନିଜର ଓ ପରିବାରର ଆର୍ଥିକ ବିକାଶ ପାଇଁ ଜିଲା ତଥା ଦେଶ ବାହାରକୁ ଯିବା ପାଇଁ ବାଧ୍ୟ ହେଉଛନ୍ତି ା ସାମାଜିକ କର୍ମୀ ଅମରବର ବିଶ୍ୱାଳ କହିଛନ୍ତି, ଜିଲାର ବିକାଶ ପାଇଁ ରାଜନେତା, ପ୍ରଶାସକ ଓ ବୁଦ୍ଧିଜୀବୀଙ୍କ ମଧ୍ୟରେ ସମନ୍ବୟର ଅଭାବ ରହିଛି ା ସୀମିତ ସମୟ ମଧ୍ୟରେ ଉନ୍ନୟନ ଯୋଜନାକୁ କାର୍ଯ୍ୟକାରୀ କରିବା ଭଳି ଭିଜନ ଡକ୍ୟୁମେଣ୍ଟ ନଥିବାରୁ ଏଠାରେ ଦାଦନ ସମସ୍ୟା ଲାଗି ରହିଛି। ୨୦୧୧ ଜନଗଣନା ଅନୁଯାୟୀ ଜିଲାରେ ୧୪ଲକ୍ଷ ୪୦ହଜାରରୁ ଊର୍ଦ୍ଧ୍ୱ ଲୋକ ବସବାସ କରନ୍ତି। ଏଥିରୁ ୪ଲକ୍ଷ ୬୬ ହଜାରରୁ ଊର୍ଦ୍ଧ୍ୱ ଶ୍ରମିକ ଶ୍ରେଣୀର ବୋଲି ଉଲ୍ଲେଖ ରହିଛି ା ତଥ୍ୟ ଅନୁଯାୟୀ, ଶ୍ରମିକଙ୍କ ଆର୍ଥିକ ବିକାଶ ପାଇଁ ମହାତ୍ମାଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ ରୋଜଗାର ଯୋଜନାରେ ଶ୍ରମିକଙ୍କୁ ମାତ୍ର ୫ ପ୍ରତିଶତ କାର୍ଯ୍ୟ ମିଳୁଛି ା ଜିଲାରେ ଅଦ୍ୟାବଧି କୌଣସି ବୃହତ୍ତ ଓ ମଧ୍ୟମ ଶିଳ୍ପ ନ ଥିବା ବେଳେ ଗତ ୨୦୧୧- ୧୨ ଆର୍ଥିକ ବର୍ଷରେ ୧୧୬ଟି ଲଘୁ ଶିଳ୍ପ ଥିଲା। ତେବେ ଚଳିତ ବର୍ଷ ସୁଦ୍ଧା ଏହି ସଂଖ୍ୟା ହ୍ରାସ ପାଇ ୧୦୫ରେ ପହଁଞ୍ଚତ୍ଛି ା
କୃଷି ଜିଲାର ମୁଖ୍ୟଜୀବିକା ହୋଇଥିଲେ ମଧ୍ୟ ଚାଷଭିତ୍ତିକ ଶିଳ୍ପ, ଉତ୍ପାଦିତ ପନିପରିବା ପାଇଁ ଶୀତଳଭଣ୍ଡାର, ବିକ୍ରି ପାଇଁ ମଣ୍ଡି ନାହିଁ ା ଚାଷୀ ଋଣ କରି ଫସଲ ପାଇଁ ଟଙ୍କା ବିନିଯୋଗ କରିବା ପରେ ପ୍ରତ୍ୟେକ ବର୍ଷ ପ୍ରାକୃତିକ ବିପର୍ଯ୍ୟୟର ଶିକାର ହେଉଛନ୍ତି। ଏଥିଯୋଗୁ ବହୁ ସମୟରେ ଚାଷ କାର୍ଯ୍ୟରୁ ମୂଳ ଟଙ୍କା ମଧ୍ୟ ଉଠାଇ ପାରୁନାହାନ୍ତି ା ଫଳରେ ବାହାର ରାଜ୍ୟ ଅବା ଦେଶ ଉପରେ ଯୁବବର୍ଗଙ୍କୁ ଭରସା କରିବାକୁ ପଡ଼ୁଛି ବୋଲି ବିଶ୍ୱାଳ କହିଛନ୍ତି ା କର୍ମ ନିଯୁକ୍ତିର ଅଭାବ ଯୋଗୁ
ଜିଲାରେ ଯୁବ ଅପରାଧୀଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି ବୋଲି ସାମାଜିକ କର୍ମୀ ପ୍ରତାପ କୁମାର ମହାନ୍ତି କହିଛନ୍ତି ା ସେ କହିଛନ୍ତି, ମାନବ ସମ୍ବଳ ଉପଯୋଗ ପାଇଁ ଶିଳ୍ପର ଆବଶ୍ୟକତା ରହିଛିି ା ଏହାଛଡା କୃଷିଭିତ୍ତିକ ଓ ପର୍ଯ୍ୟଟନ ଭିତ୍ତିିକ ଶିଳ୍ପ ପାଇଁ ଭିତ୍ତିଭୂମିକୁ ଉପଯୋଗ କରାଯାଉ ନାହିଁ । ପୂର୍ବରୁ ଜିଲାରେ ରେଳ ପଥ ନ ଥିବା ଦର୍ଶାଇ ଶିଳ୍ପୋଦ୍ୟୋଗୀ ଏଠାରେ ଶିଳ୍ପ ପ୍ରତିଷ୍ଠା ପାଇଁ ମନ ବଳାଉ ନ ଥିଲେ ା ଏବେ ରେଳପଥ ନିର୍ମାଣ ପରେ ଏହାର ସୁଯୋଗ ନେବା ଆବଶ୍ୟକ ା ସେହିପରି ବିଭିନ୍ନ ପର୍ଯ୍ୟଟନ କ୍ଷେତ୍ରକୁ ରାସ୍ତା ନ ଥିବା ବେଳେ ଚାଷ ପାଇଁ ଜଳସେଚନ ସମସ୍ୟା ହୋଇଛି ା ଜିଲାର ଉପାନ୍ତ ଅଞ୍ଚଳରେ ନଦୀବନ୍ଧ ନ ଥିବାରୁ ୫୫ ପଞ୍ଚାୟତରେ ବନ୍ୟା ଜଳ ପଶି ଧନଜୀବନ ନଷ୍ଟ କରୁଛି ା ଏସବୁ ସମସ୍ୟାକୁ ଦୃଷ୍ଟିରେ ରଖି ରାଜନେତା ଓ ପ୍ରଶାସକଙ୍କ ସମନ୍ବୟରେ ଜିଲା ବିକାଶ ପାଇଁ ଭିଜନ ଡକ୍ୟୁମେଣ୍ଟ ପ୍ରସ୍ତୁତ ହେବା ଆବଶ୍ୟକ ବୋଲି ମହାନ୍ତି କହିଛନ୍ତିା


Enter your email to get our daily news in your inbox.

All Right Reserved By Dharitri.Com

ଦାମୋଦରପାଟଣା-ବିଦ୍ରୁପା ରାସ୍ତା ପାଲଟିଛି ମରଣଯନ୍ତା

ପଟ୍ଟାମୁଣ୍ଡାଇ, ୧୦।୮(ସ୍ବ.ପ୍ର.): କେନ୍ଦ୍ରାପଡ଼ା ଓ ଯାଜପୁର ଜିଲା ମଧ୍ୟ ଦେଇ ଯାଇଥିବା ଦାମୋଦରପାଟଣା-ବିଦ୍ରୁପା ସଂଯୋଗୀକରଣ ରାସ୍ତା ଏକ ଗୁରୁତ୍ୱପୂର୍ଣ୍ଣ ମାନ୍ୟତା ପାଇଛି। ମାତ୍ର ଆବଶ୍ୟକ ମରାମତି ଅଭାବରୁ...

ଧାନ ଉତ୍ପାଦନରେ କେନ୍ଦ୍ରାପଡ଼ା ପଛୁଆ

କେନ୍ଦ୍ରାପଡ଼ା ଅଫିସ, ୩୦ା୭: କେନ୍ଦ୍ରାପଡ଼ା ଜିଲା କୃଷି ଅର୍ଥନୀତିରେ ପରିଚାଳିତ। ଧାନ ହେଉଛି ମୁଖ୍ୟ ଫସଲ। ତେବେ ୨୦୨୧ ଅର୍ଥନୈତିକ ସର୍ଭେ ରିପୋର୍ଟରେ ଜିଲାର ଦୁର୍ବଳ...

ଭିତରକନିକାରେ ଦେଶୀୟ ପକ୍ଷୀଙ୍କ ଗଣନା ଆରମ୍ଭ

ରାଜନଗର,୯ା୯(ଡି.ଏନ.ଏ.): ବିଶ୍ୱପ୍ରସିଦ୍ଧ ଭିତରକନିକା ଏବେ ଦେଶୀୟ ପକ୍ଷୀଙ୍କ କାକଳିରେ ଫାଟି ପଡୁଛି। ଦେଶରେ ମୌସୁମୀ ବାୟୁ ସକ୍ରିୟ ହେବା ପରଠାରୁ ଭିତରକନିକାରେ ଦେଶୀୟ ପକ୍ଷୀଙ୍କ ଭିଡ...

ମମିତା ହତ୍ୟା ମାମଲା: ଆଜି କେନ୍ଦ୍ରାପଡ଼ା ବନ୍ଦ

କେନ୍ଦ୍ରାପଡ଼ା ଅଫିସ,୩୦ା୧୦: ବଲାଙ୍ଗୀର ଜିଲ୍ଲାର ଶିକ୍ଷୟିତ୍ରୀ ମମିତା ମେହେର ହତ୍ୟା ମାମଲାରେ ଜିଲା ଭାଜପା ଯୁବମୋର୍ଚ୍ଚା ପକ୍ଷରୁ କେନ୍ଦ୍ରାପଡ଼ା ଜିଲା ବନ୍ଦ ହୋଇଛି। ସହରର ତିନିମୁହାଣୀ...

ରାଷ୍ଟ୍ରପତି ପୁରସ୍କାରପ୍ରାପ୍ତ ପାରା ଆଥଲେଟ୍‌ଙ୍କ ପରଲୋକ

କେନ୍ଦ୍ରାପଡ଼ା ଅଫିସ, ୩୧।୮: କେନ୍ଦ୍ରାପଡା ସହରର ମାଧପୁରସ୍ଥିତ ରାଷ୍ଟ୍ରପତି ପୁରସ୍କାରପ୍ରାପ୍ତ ପାରା ଆଥଲେଟ୍‌ ସୁକାନ୍ତ ଚୌଧୁରୀଙ୍କ ଶନିବାର ସନ୍ଧ୍ୟାରେ ହୃଦଘାତ୍‌ରେ ପରଲୋକ ଘଟିଛି। ତାଙ୍କୁ ୬୬...

ରାଶନ ପାଇଁ ବିଡିଓଙ୍କ ଗୋଡ଼ ଧରିଲେ ବୃଦ୍ଧ

ରାଜକନିକା, ୨୫।୯(ଡି.ଏନ୍‌.ଏ.): ରାଜକନିକା ବ୍ଲକ ଅଫିସ୍‌ରେ ଶନିବାର ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି। ରାଶନ କାର୍ଡରୁ ନାମ କଟିଯାଇଥିବାରୁ ଜଣେ ୭୦ ବର୍ଷୀୟ ବୃଦ୍ଧ...

କେନ୍ଦ୍ରାପଡ଼ାରେ ବିପଜ୍ଜନକ ନୌପରିବହନ

କେନ୍ଦ୍ରାପଡା ଅଫିସ, ୧୦।୧୨: କେନ୍ଦ୍ରାପଡ଼ା ଜିଲା ରାଜନଗର ବ୍ଲକ ଜାତୀୟଉଦ୍ୟାନ ଭିତରକନିକା ନଳିତାପାଟିଆଠାରେ ରାଜ୍ୟ ପର୍ଯ୍ୟଟନ ବିଭାଗ ପକ୍ଷରୁ ବୁଧବାର ପ୍ରଥମଥର ପାଇଁ ଇକୋ ରିଟ୍ରିଟ୍‌ ଆରମ୍ଭ...

ଲକ୍‌ଡାଉନ୍‌ ବେଳେ ୮୦ ଛାତ୍ରୀଛାତ୍ରଙ୍କୁ ଏକତ୍ରିତ କରି ଟ୍ୟୁଶନ କରୁଥିଲେ ଶିକ୍ଷକ: ବାନ୍ଧିନେଲା ପୋଲିସ

ରାଜନଗର,୨୬।୩: କରୋନା ମୁକାବିଲା ଲାଗି ରାଜ୍ୟ ଓ କେନ୍ଦ୍ର ସରକାର ଲକ୍‌ଡାଉନ୍‌ ଘୋଷଣା କରିଥିଲେ। ଏହା ସହ ସ୍କୁଲ କଲେଜ ବିଭିନ୍ନ ଶିକ୍ଷାନୁଷ୍ଠାନକୁ ବନ୍ଦ କରାଯାଇଥିଲା।...

Advertisement
Archives

Model This Week