ବନ୍ଧୁତ୍ୱ ପାଖରେ ହାର ମାନିଛି ଜାତିବାଦ

ଜୟପୁର,୮ା୬(ନି.ପ୍ର.)-ବନ୍ଧୁତା ପାଖରେ ସବୁ କିଛି ହୋଇପଡିଛି ତୁଚ୍ଛ। ଗ୍ରାମର ଜାତିବାଦର ପାଚେରି ସେମାନଙ୍କୁ ଅଟକାଇପାରିନି। ଜଣକ ପରିବାର ଭାଙ୍ଗିଯାଇଥିଲେ ଅନ୍ୟ ଜଣେ ସାହାରା ହୋଇଛି। ଜଣେ ନିରାଶ୍ରୟ ହୋଇପଡିଥିବା ବେଳେ ଅନ୍ୟ ଜଣେ ତାକୁ ଦେଇଛି ଆଶ୍ରୟ। ସମାଜର ଟାହିଟାପରା ଉଭୟଙ୍କୁ ବଦଳାଇପାରିନି। ଏହି ଦୁଇ ବନ୍ଧୁ ହେଉଛନ୍ତି କମଳ ଓ କିଶୋର। କୋରାପୁଟ ଜିଲା ଜୟପୁର ନିକଟସ୍ଥ ବାର୍ଲାହାଣ୍ଡି ଗ୍ରାମରେ ଏହି ଦୁଇ ବନ୍ଧୁଙ୍କ ଘର। ନିଆରା ବନ୍ଧୁତାର ନିଦର୍ଶନ ସେମାନଙ୍କ ସମ୍ପର୍କକୁ କରିଛି ଆହୁରି ଜାଜ୍ୱଲ୍ୟମାନ, ଆହୁରି ଶକ୍ତ।
ବାର୍ଲାହାଣ୍ଡି ଗ୍ରାମରେ କମଳ ଖାତି ଓ କିଶୋର ହରିଜନଙ୍କ ବନ୍ଧୁତା ଆଜିର ନୁହେଁ, ପିଲାଦିନୁ ଉଭୟେ ସାଙ୍ଗ ହୋଇ ଗୋଟିଏ ସ୍କୁଲରେ ପାଠ ପଢିଛନ୍ତି। ସାଙ୍ଗ ହୋଇ ଖାଇବାଠାରୁ ଖେଳକୁଦ ଯାଏ ସବୁଠି ଏହି ଦୁଇବନ୍ଧୁଙ୍କ ଉପସ୍ଥିତି। ନିବିଡ଼ ବନ୍ଧୁତ୍ୱ ଯୋଗୁ କମଳ ବନ୍ଧୁ କିଶୋରଙ୍କ ଘରେ ଅନେକ ଥର ଖାଇଛନ୍ତି। ଉଭୟଙ୍କ ଜାତି ଅଲଗା ହୋଇଥିଲେ ମଧ୍ୟ ଜାତିଭେଦ ସେମାନଙ୍କ ମନକୁ ଛୁଇଁନି। ପରିବାରର ତାଗିଦ ସତ୍ତ୍ୱେ କମଳ କିଶୋରଙ୍କୁ ଛାଡିପାରିନାହାନ୍ତି। ଏବେ କମଳ ନିଜ ପରିବାର ଓ ସମାଜରୁ ବାସନ୍ଦ ହୋଇଛନ୍ତି। ଏଥିପାଇଁ ତାଙ୍କ ସ୍ତ୍ରୀ ମଧ୍ୟ ଛୁଆଙ୍କୁ ନେଇ ବାପଘରକୁ ଚାଲଯାଇଛନ୍ତି। ପରିବାର ଲୋକେ କେବଳ କମଳଙ୍କୁ ଘରୁ ବାଛନ୍ଦ କରିଛନ୍ତି ତା’ ନୁହେଁ, ତାଙ୍କୁ ସମ୍ପତ୍ତିରୁ ମଧ୍ୟ କୌଣସି ଭାଗ ଦେଇନାହାନ୍ତି। ଫଳରେ ଅସହାୟତାରେ ଭାଙ୍ଗିପଡୁଥିବା ବେଳେ କମଳଙ୍କୁ ବନ୍ଧୁ କିଶୋର ହୋଇଛନ୍ତି ସାହାରା। ବନ୍ଧୁଙ୍କ ସମସ୍ତ ଦେଖାଶୁଣା ସେ କରୁଥିଲେ। ତେବେ ବେଶିଦିନ କିଶୋରଙ୍କ ପାଖରେ ରହିବା ଲାଗି ସେ ନିଜକୁ ସଙ୍କୋଚ ମନେକଲେ। ମାତ୍ର ତାଙ୍କ ପାଖରୁ ସେ ଯାଇପାରୁ ନ ଥିଲେ କି କିଶୋର ମଧ୍ୟ ତାଙ୍କୁ ଛାଡୁ ନ ଥିଲେ। ଏପରି ସ୍ଥିତିରେ କମଳ କିଛି କାମ କରିବା ବାହାନାରେ କିଶୋରଙ୍କୁ ବୁଝାଇ ଗ୍ରାମ ଛାଡ଼ି ହାଇଦ୍ରାବାଦ ଚାଲିଯାଇଥିଲେ। ଲକ୍‌ଡାଉନ ଯୋଗୁ ଗ୍ରାମକୁ ଫେରି ସଙ୍ଗରୋଧ କେନ୍ଦ୍ରରେ ୧୪ ଦିନ ରହିଥିଲେ। ଏହା ପରେ ମଧ୍ୟ ପରିବାର ଲୋକେ କମଳଙ୍କୁ ଗ୍ରହଣ କରୁନାହାନ୍ତି। ସୋମବାର ଫାମ୍ପୁଣୀ ସରପଞ୍ଚ ପରିବାର ଲୋକଙ୍କ ସହ ତାଙ୍କୁ ମିଶାଇବା ପାଇଁ ଉଦ୍ୟମ କରିଥିଲେ ମଧ୍ୟ କମଳଙ୍କ ବଡ଼ଭାଇ ମୋହନ ତାଙ୍କୁ ଗ୍ରହଣ କରିବାକୁ ରୋକ୍‌ଠୋକ୍‌ ମନା କରି ଦେଇଛନ୍ତି। ଫଳରେ ଏବେ କ’ଣ କରିବେ ଚିନ୍ତାରେ ଅଛନ୍ତି କମଳ।


Enter your email to get our daily news in your inbox.

All Right Reserved By Dharitri.Com

ବ୍ଲକ ପରିସରରେ ସିଆଡି ଚାରା ନଷ୍ଟ

ନନ୍ଦପୁର,୧୬ା୧୧(ତୁଷାର କାନ୍ତ ମହାନ୍ତି): ସରକାର ବନୀକରଣକୁ ପ୍ରାଧାନ୍ୟ ଦେଇ ବିଭିନ୍ନ ସରକାରୀ କାର୍ଯ୍ୟକ୍ରମରେ ଚାରାରୋପଣ କରିବାକୁ ଗୁରୁତ୍ୱ ଦେଉଛନ୍ତି। କୋରାପୁଟ ଜିଲା ନନ୍ଦପୁର ବ୍ଲକ ପ୍ରଶାସନ ଚାରାରୋପଣ…

ସୀମାନ୍ତରେ ବିବାଦ ବଢ଼ାଉଛି ଦ୍ୱୈତ ଭୋଟର କାର୍ଡ

ନନ୍ଦପୁର,୧୬ା୧୧(ତୁଷାର କାନ୍ତ ମହାନ୍ତି): ଭୋଟର ପରିଚୟ ପତ୍ର ପ୍ରସ୍ତୁତି ଓ ଯାଞ୍ଚ ପ୍ରକ୍ରିୟାରେ ଥିବା ତ୍ରୁଟିପୂର୍ଣ୍ଣ ବ୍ୟବସ୍ଥା ଯୋଗୁ ଜଣେ ବ୍ୟକ୍ତି ୨ ରାଜ୍ୟର କାର୍ଡ ତିଆରି…

ଜୟପୁରରେ ବଡ଼ ଧରଣର ଲୁଟ୍‌

ଜୟପୁର,୧୪ା୧୧(ପବନ ପାଣିଗ୍ରାହୀ)- କୋରାପୁଟ ଜିଲା ଜୟପୁର ସହରରେ ଜଣକ ଘର ଭିତରେ ପଶି ମାରଣାସ୍ତ୍ର ଦେଖାଇ ଦୁର୍ବୃତ୍ତମାନେ କୋଟିଏରୁ ଊର୍ଦ୍ଧ୍ୱ ଟଙ୍କାର ସୁନାଗହଣା ସହ ୧୮ ଲକ୍ଷ…

ଦେଶ ବଞ୍ଚାଅ, ଅରାଜକତା ହଟାଅ ନାରାରେ ଭାଜପାର ବିଶାଳ ଶୋଭାଯାତ୍ରା

କୋରାପୁଟ,୧୪ା୧୧(ଅମିତାଭ ବେହେରା): ‘ଦେଶ ବଞ୍ଚାଅ, ଅରାଜକତା ହଟାଅ’ ନାରା ଦେଇ କୋରାପୁଟ ଜିଲା ଭାଜପା ପକ୍ଷରୁ ଏକ ବିଶାଳ ଶୋଭାଯାତ୍ରା ଆୟୋଜିତ ହୋଇଛି। ଜିଲାର ସମସ୍ତ ବ୍ଲକ୍‌ରୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?