ଫାଷ୍ଟ କମ୍‌ ଫାଷ୍ଟ ଲୋଡିଂ ବିବାଦ:ପ୍ରଭାବିତ ଟ୍ରକ୍‌ ମାଲିକଙ୍କୁ ସ୍ବତନ୍ତ୍ର କୋଟା ପ୍ରଦାନ ଦାବି

ଯାଜପୁର ଅଫିସ/କାଳିଆପାଣି(ଡି.ଏନ୍‌.ଏ.),୪-୯- ଫାଷ୍ଟ କମ୍‌ ଫାଷ୍ଟ ଲୋଡିଂ ବିବାଦରୁ ଗତ ୨ସପ୍ତାହରୁ ଊର୍ଦ୍ଧ୍ୱ ହେବ ଯାଜପୁର କାଳିଆପାଣି କ୍ରୋମ୍‌ ଖଣିରୁ ପରିବହନ ଠପ୍‌ ହୋଇ ପଡ଼ିଛି। ଏଥିଯୋଗୁ ଟ୍ରକ୍‌ ମାଲିକ, ଶ୍ରମିକ, ବ୍ୟବସାୟୀ ପ୍ରମୁଖଙ୍କ ଦାନାପାଣି ସଙ୍କଟ ମଧ୍ୟକୁ ଠେଲି ହୋଇଯାଇଛି। ଖଣିବିଭାଗ ଓ ଜିଲା ପ୍ରଶାସନ ପକ୍ଷରୁ ଏକାଧିକଥର ଏହି ବିବାଦର ସମଧାନ ପାଇଁ ପଦକ୍ଷେପ ନିଆଯାଇଥିଲେ ହେଁ କିଛି ସୁଫଳ ମିଳି ପାରିନାହିଁ। ତେବେ ହାଇକୋର୍ଟଙ୍କ ନିର୍ଦ୍ଦେଶକୁ ଉଲ୍ଲଂଘନ କରି ଆସୁଥିବା ସୁକିନ୍ଦା ମିନେରାଲ୍ସ ଟ୍ରକ୍‌ ଆସୋସିଏଶନ ମଙ୍ଗଳବାର ସାମାନ୍ୟ ନରମି ଥିବା ଜଣାପଡିଛି। ଏହିକ୍ରମରେ କ୍ରୋମ ଖଣି ଉପତ୍ୟକାରେ ପ୍ରଭାବିତ ୫ଟି ପଞ୍ଚାୟତର ଟ୍ରକ୍‌ ମାଲିକମାନେ କ୍ରୋମ୍‌ ପରିବହନ କ୍ଷେତ୍ରରେ ୩୦ପ୍ରତିଶତ ସ୍ବତନ୍ତ୍ର କୋଟା ପ୍ରଦାନ କରିବାକୁ କାଳିଆପାଣି ଥାନା ଅଧିକାରୀଙ୍କ ଜରିଆରେ ଯାଜପୁର ଜିଲାପାଳଙ୍କ ଉଦ୍ଦେଶ୍ୟରେ ଏକ ସ୍ମାରକପତ୍ର ପ୍ରଦାନ କରିଛନ୍ତି। ଫାଷ୍ଟ କମ୍‌ ଫାଷ୍ଟ ଲୋଡିଂ ଆଇନକୁ ଲାଗୁ କରାଯାଉ, ହେଲେ ଏହି ସ୍ବତନ୍ତ୍ର ସୁବିଧା ଦେବାକୁ ସେମାନେ ଜିଲା ପ୍ରଶାସନ ନିକଟରେ ଦାବି କରିଛନ୍ତି ା ହେଲେ ଏହି ସ୍ବତନ୍ତ୍ର କୋଟା କ’ଣ ତାହା ସ୍ମାରକପତ୍ରରେ ଦର୍ଶାଯାଇ ନାହିଁ।
ସୂଚନାଯୋଗ୍ୟ ଯେ, କ୍ରୋମ୍‌ ଖଣିଜ ପଦାର୍ଥ ପରିବହନରେ ଦୀର୍ଘଦିନ ହେଲା ଅନିୟମିତା ଲାଗି ରହିଛି। ଏନେଇ କୁହିକା ଟ୍ରକ୍‌ ମାଲିକ ସଂଘ ହାଇକୋର୍ଟଙ୍କ ଦ୍ୱାରସ୍ଥ ହୋଇ ଫାଷ୍ଟ କମ୍‌ ଫାଷ୍ଟ ଲୋଡିଂ ଆଇନ ଲାଗୁ କରିବାକୁ ଦାବି କରିଥିଲେ। ହାଇକୋର୍ଟ ଏହାର ସପକ୍ଷରେ ରାୟ ପ୍ରକାଶ କରି ଯାଜପୁର ଜିଲାପାଳଙ୍କୁ ୪ସପ୍ତାହ ମଧ୍ୟରେ ବିବାଦର ସମାଧାନ କରିବାକୁ ନିର୍ଦ୍ଦେଶ ଦେଇଥିଲେ। ଯାଜପୁର ଜିଲାପାଳ ହାଇକୋର୍ଟଙ୍କ ନିର୍ଦ୍ଦେଶକୁ କାର୍ଯ୍ୟକାରୀ କରିବାକୁ ଚେଷ୍ଟା କରୁଥିବାବେଳେ ନିର୍ଦ୍ଧିଷ୍ଟ ଟ୍ରକ୍‌ ମାଲିକ ସଂଘର ବିରୋଧ ଏହି ବିବାଦକୁ ଆହୁରି ଘନୀଭୂତ କରିଛି। ପୂର୍ବରୁ ପରିବହନ କ୍ଷେତ୍ରରେ କେତେକ ପ୍ରଭାବଶାଳୀ ବ୍ୟକ୍ତିଙ୍କ ମାନମାନି ଜାରି ରହିଛି। ସିରିଏଲ ଚାନ୍ଦା ବାବାଦକୁ ୬ଚକିଆ ଟ୍ରକ୍‌ରୁ ୩୦ଟଙ୍କା ଲେଖାଏ ଦୈନିକ ୧୦୦୦ ଗାଡ଼ିରୁ ୩୦ହଜାର ଏବଂ ବର୍ଷକୁ ୮୬ଲକ୍ଷ ୪୦ହଜାର ଟଙ୍କା ଆଦାୟ ହୁଏ। ସେହିପରି ୧୨ ଓ ୧୪ ଚକିଆ ଗାଡିରୁ ୫୦ ଟଙ୍କା ହିସାବରେ ବର୍ଷକୁ ୨୮ ଲକ୍ଷ ୮୦ ହଜାର ଟଙ୍କା ଆଦାୟ କରାଯାଏ ା ଏହାବାଦ ଶ୍ରମିକ ପ୍ରାପ୍ୟ ବାବଦକୁ ବର୍ଷକୁ ପ୍ରାୟ ୨୬ କୋଟି ଟଙ୍କା ଆଦାୟ ହୋଇଥାଏ। ଅନ୍ୟପକ୍ଷେ ମାମୁଲି ନାମରେ ୧୨ ଓ ୧୪ ଚକିଆ ଗାଡ଼ିରୁ ବାର୍ଷିକ ପ୍ରାୟ ୨୩ କୋଟି ଟଙ୍କା ଆଦାୟ ହେଉଥିବା ଚର୍ଚ୍ଚା ହେଉଛି। ତେଣୁ ଶ୍ରମିକଙ୍କୁ ଆୟୁଧ କରି ହାଇକୋର୍ଟଙ୍କ ନିର୍ଦ୍ଦେଶ ଅନୁଯାୟୀ ଜିଲା ପ୍ରଶାସନର ନିଷ୍ପତ୍ତିକୁ ମିନେରାଲ ସଂଘ ବିରୋଧ କରି ଆସୁଛି। ମିନେରାଲସ୍‌ ସଂଘର କର୍ମକର୍ତ୍ତା ଯେଉଁ ଗାଡିକୁ ପରବହନ ପାଇଁ ମେସେଜ କରୁଛନ୍ତି ସେହି ଗାଡ଼ିରେ କ୍ରୋମ୍‌ ଲୋଡିଂ ହୋଇଥାଏ। ମାତ୍ର ରାହାଁସୋଲ, କଅଁସ, ଚିଙ୍ଗୁଡିପାଳ, କାଳିଆପାଣି ଓ କାଙ୍କଡ଼ପାଳ ପଞ୍ଚାୟତର ଶତାଧିକ ଟ୍ରକ ମାଲିକ ଓ ତାଙ୍କ ପରିବାର ଖଣି ଦ୍ୱାରା ପ୍ରଭାବିତ ହେଉଛନ୍ତି। ଏହି ମର୍ମରେ ମିନେରାଲ୍‌ସ ସଂଘ ପକ୍ଷରୁ ଜିଲାପାଳଙ୍କୁ ଦିଆଯାଇଥିବା ସ୍ମାରକପତ୍ରରେ ଦର୍ଶାଯାଇଛି ଯେ, ଖଣିଠାରୁ ମାତ୍ର ୨୦୦ରୁ ୫୦୦ମିଟର ବ୍ୟବଧାନରେ ସେମାନେ ବସବାସ କରୁଛନ୍ତି। ଖଣିରୁ ନିର୍ଗତ ବିଷାକ୍ତ ଧୂଳିଧୂଆଁରେ ସେମାନେ ଜର୍ଜରିତ। ପୁରୁଷପୁରୁଷ ଧରି ବିଭିନ୍ନ ରୋଗରେ ଆକ୍ରାନ୍ତ ହୋଇ ଅନେକ ଅକାଳରେ ମୃତ୍ୟୁବରଣ କରୁଛନ୍ତି ା ବିଭିନ୍ନ ଅର୍ଥ ଲଗାଣକାରୀ ସଂସ୍ଥାରୁ ଋଣ କରି ଖଣ୍ଡେ ଖଣ୍ଡେ ଟ୍ରକ୍‌ କିଣିବା ସହ କ୍ରୋମାଇଟ ପରିବହନ କରି ପରିବାର ପୋଷଣ କରୁଛନ୍ତି । ସେହିପରି ବିଭିନ୍ନ ଖଣି ଖନନ ଓ ସମ୍ପ୍ରସାରଣ ପାଇଁ ହେଉଥିବା ପଲ୍ଲୀସଭା ଓ ଜନଶୁଣାଣିକୁ ସେମାନେ ପୂର୍ଣ୍ଣ ମାତ୍ରାରେ ସମର୍ଥନ ଦେଇ ଆସୁଛନ୍ତି। ଏଣୁ ଖଣି ପ୍ରଭାବିତ ଅଞ୍ଚଳ ଅଧୀନ ସବୁବର୍ଗର ସାଧାରଣ ଟ୍ରକ୍‌ ମାଲିକଙ୍କୁ ପ୍ରତ୍ୟେକ ଖଣିରୁ କ୍ରୋମ୍‌ ପରିବହନ କ୍ଷେତ୍ରରେ ଯଥାର୍ଥ ଭାବେ ସ୍ବତନ୍ତ୍ର କୋଟା ପ୍ରଦାନ କରିବାକୁ ସେମାନେ ଦାବି କରିଛନ୍ତି। ସୋମବାର ଓ ମଙ୍ଗଳବାର ସରକାରୀ ଛୁଟି ରହିଥିବାରୁ କ୍ରୋମ ପରିବହନ ବିବାଦର ସମାଧାନ ହୋଇ ପାରି ନ ଥିବାରୁ ବୁଧବାର ଏନେଇ କୌଣସି ଚୂଡ଼ାନ୍ତ ନିଷ୍ପତ୍ତି ନିଆଯାଇପାରେ ବୋଲି ଆଶା କରାଯାଉଛି।


Enter your email to get our daily news in your inbox.

All Right Reserved By Dharitri.Com

ମାର୍ଚ୍ଚ ସୁଦ୍ଧା ପ୍ରକଳ୍ପ ସାରିବାକୁ ନିର୍ଦ୍ଦେଶ

ଯାଜପୁର ଟାଉନ,୨୭ା୨(ଡିଏନଏ): ଯାଜପୁରର ଭାରପ୍ରାପ୍ତ ଜିଲାପାଳ ତଥା ପ୍ରକଳ୍ପ ନିର୍ଦ୍ଦେଶକ ଇନ୍ଦ୍ରମଣି ନାୟକ ବୁଧବାର ଦଶରଥପୁର ବ୍ଲକର ଅକରପଡା ଓ ବିରଜାପୁର ପଞ୍ଚାୟତ ଗସ୍ତ କରି...

ଆୟୁର୍ବେଦ ଚିକିତ୍ସକଙ୍କ ଦ୍ୱାରା ଅସ୍ତ୍ରୋପଚାରକୁ ବିରୋଧ

ଯାଜପୁର ଅଫିସ,୭ା୧୨: ଆୟୁର୍ବେଦ ଚିକିତ୍ସକମାନେ ରୋଗୀଙ୍କ କେତେକ ନିର୍ଦ୍ଦିଷ୍ଟ ଅସ୍ତ୍ରୋପଚାର କରିପାରିବେ। ଏନେଇ ଗତ ନଭେମ୍ବର ୧୯ରେ ଆୟୁଷ ମନ୍ତ୍ରଣାଳୟ ଅଧୀନ ଭାରତୀୟ ଚିିକିତ୍ସା କେନ୍ଦ୍ରୀୟ...

ଲୋକଙ୍କୁ ବେଖାତିର କରୁଛି ସାଗର ସିମେଣ୍ଟ

ଯାଜପୁର ଅଫିସ/ କଳିଙ୍ଗନଗର(ଡି.ଏନ.ଏ.),୯।୧୧: ରାଜ୍ୟ ସରକାରଙ୍କ ଦ୍ରୁତ ଶିଳ୍ପାୟନ ପ୍ରକ୍ରିୟାରେ ଯାଜପୁର ଜିଲା କଳିଙ୍ଗନଗରରେ ନବେ ଦଶକରୁ ବିପୁଳ ପରିମାଣର ସରକାରୀ ଓ ସାଧାରଣ ପ୍ରଜାଙ୍କ...

ହକ୍‌ ପାଇବାରୁ ନିର୍ମାଣ ଶ୍ରମିକ ବଞ୍ଚିତ

ଯାଜପୁର ଅଫିସ,୭।୧୧: କୋଠାବାଡି ଓ ଅନ୍ୟାନ୍ୟ ନିର୍ମାଣ କାର୍ଯ୍ୟରେ ଲିପ୍ତ ପଞ୍ଜୀକୃତ ଶ୍ରମିକମାନଙ୍କ ବିଭିନ୍ନ କଲ୍ୟାଣମୂଳକ କାମ ପାଇଁ ଓଡ଼ିଶାରେ ବିପୁଳ ପରିମାଣର ପାଣ୍ଠି ବିନିଯୋଗ...

ପ୍ରକଳ୍ପ ଅସମ୍ପୂର୍ଣ୍ଣ: ରେଳ ଚଳାଚଳ ନେଇ ଅନିଶ୍ଚିତତା

ଯାଜପୁର ଅଫିସ,୧୦।୭ – ଉପକୂଳ ଓଡ଼ିଶାର ଯାଜପୁର, କେନ୍ଦ୍ରାପଡ଼ା ଏବଂ ଜଗତସିଂହପୁର ଜିଲାକୁ ରେଳରାସ୍ତା ମାଧ୍ୟମରେ ଯୋଡୁଥିବା ୮୨ କିଲୋମିଟର ଲମ୍ବ ହରିଦାସପୁର-ପାରାଦୀପ ରେଳପଥରେ ଖୁବ୍‌ଶୀଘ୍ର...

ଗ୍ୟାସ ଲିକ୍‌ରୁ ୪ବଖରା ଜଳିଗଲା

ବିଞ୍ଝାରପୁର,୧୧।୧୦(ଡି.ଏନ.ଏ): ବିଞ୍ଝାରପୁର ଥାନା ଅନ୍ତର୍ଗତ କପିଳା ପଞ୍ଚାୟତ ଗୁହାଳି ଗ୍ରାମରେ ଗୁରୁବାର ମଧ୍ୟାହ୍ନ ସମୟରେ ଗ୍ୟାସ ଟାଙ୍କି ଲିକ୍‌ କରି ୪ବଖରା ଘର ଜଳି ପୋଡ଼ି...

ବ୍ୟାସନଗର ସ୍ବୟଂଶାସିତ ମହାବିଦ୍ୟାଳୟ : ୬ମାସ ପରେ ଗଠନ ହେଲା ନାକ୍‌ କମିଟି

ଯାଜପୁରରୋଡ,୭ା୬(ନି.ପ୍ର)- ଯାଜପୁର ରୋଡସ୍ଥିତ ବ୍ୟାସନଗର ସ୍ବୟଂଶାସିତ ମହାବିଦ୍ୟାଳୟ ରାଜ୍ୟର ଏକ ପ୍ରମୁଖ ମହାବିଦ୍ୟାଳୟ ଭାବେ ନିଜର ସ୍ବତନ୍ତ୍ର ପରିଚୟ ହାସଲ କରିଛି। ମାତ୍ର ଏବେ ମହାବିଦ୍ୟାଳୟର...

ବ୍ରାହ୍ମଣୀ, ବୈତରଣୀ ନଦୀରେ ବନ୍ୟା: ପଲିଥିନକୁ ଚାହିଁ ବସିଛନ୍ତି ବନ୍ୟାଦୁର୍ଗତ

ଯାଜପୁର ଅଫିସ୍‌/ବରୀ,୪।୯ (ଡି.ଏନ.ଏ.): ବୈତରଣୀ ଓ ବ୍ରାହ୍ମଣୀ ନଦୀର ବନ୍ୟା ଏବେ ଯାଜପୁର ଜିଲାର ୧୨୩୫ ଗ୍ରାମର ପେଟପାଟଣା ଉଜାଡି ଦେଇଛି। ୮ ଦିନ ଧରି...

Play 250+ Trending Games
Archives

Model This Week

Why Dharitri