Odisha Elections 2024

ପ୍ରାର୍ଥୀଙ୍କ ଦକ୍ଷତା ମାପୁଛନ୍ତି ଭୋଟର

ଯାଜପୁର ଅଫିସ,୨୧ା୪: ଯାଜପୁର ଜିଲାରେ ୪ ପର୍ଯ୍ୟାୟରେ ନିର୍ବାଚନ ହେବ। ନିର୍ବାଚନ ପ୍ରଚାରକୁ ଆଉ ମାତ୍ର ଏକ ସପ୍ତାହ ରହିଲା। ସେଥିପାଇଁ ନେତାମାନେ ଏବେଠାରୁ ପୂରା ଦମରେ ପ୍ରଚାରରେ ଲାଗି ପଡିଛନ୍ତି। ମର୍ଯ୍ୟାଦାଜନକ ଯାଜପୁର ଲୋକ ସଭା ଆସନରେ ଏବେ ନିର୍ବାଚନୀ ପରିବେଶ ବେଶ୍‌ ସରଗରମ ହୋଇଛି। ପ୍ରତି ମୁହୂର୍ତ୍ତରେ ନିର୍ବାଚନକୁ ନେଇ ଅଙ୍କକଷା ଓ ଗୋଟିଚାଳନା ହେଉଛି। କେମିତି ନିର୍ବାଚନୀ ବୈତରଣୀ ପାର ହେବେ ସେଥିପାଇଁ ପ୍ରାର୍ଥୀଙ୍କ ଆଖିକୁ ନିଦ ନାହିଁ କି ଖରାକୁ ଖାତିର ନାହିଁ। ବିଶେଷକରି ତୃତୀୟ ପର୍ଯ୍ୟାୟ ନିର୍ବାଚନ ପରେ ସବୁ ଦଳର ଷ୍ଟାର କ୍ୟାମ୍ପେନରମାନେ ଯାଜପୁର ମୁହାହେବେ ବୋଲି ସୂଚନା ଆସୁଛି। ଚଳିତ ନିର୍ବାଚନରେ ଜିଲାର ଗୋଟିଏ ଲୋକ ସଭା ଓ ୭ଟି ବିଧାନସଭା ଆସନରେ ରାଜନୈତିକ ପାଣିପାଗ ସମ୍ପୂର୍ଣ୍ଣ ବଦଳି ଯାଇଥିବାରୁ ପ୍ରାର୍ଥୀ ଏବେ ଷ୍ଟାର କ୍ୟାମ୍ପେନରଙ୍କ ଉପରେ ଭରସା ରଖିଛନ୍ତି। ଅପରପକ୍ଷରେ ଭୋଟରମାନେ ଏବେଠାରୁ ସେମାନଙ୍କ ମନପସନ୍ଦ ପ୍ରାର୍ଥୀଙ୍କ ଦକ୍ଷତା ମାପୁଥିବା ଚର୍ଚ୍ଚା ହେଉଛି।
ଚଳିତ ନିର୍ବାଚନରେ ଯାଜପୁର ଲୋକ ସଭା ଆସନରେ ମୋଟ ୮ଜଣ ପ୍ରାର୍ଥୀ ପ୍ରତିଦ୍ୱନ୍ଦ୍ୱିତା କରୁଛନ୍ତି। ତେବେ ଲଢେଇ ମୁଖ୍ୟତଃ ଭାଜପା, କଂଗ୍ରେସ ଓ ବିଜେଡି ମଧ୍ୟରେ ହେଉଥିବା ଚର୍ଚ୍ଚା ହେଉଛି। ଗତ ୪ଟି ସାଧାରଣ ନିର୍ବାଚନରେ ଯାଜପୁର ଲୋକ ସଭା ଆସନ ବିଜେଡି ଅକ୍ତିଆରରେ ରହି ଆସିଛି। ଚଳିତ ଥର ପୂର୍ବତନ ପ୍ରଶାସନିକ ଅଧିକାରିଣୀ ଶର୍ମିଷ୍ଠା ସେଠୀ ବିଜେଡିରୁ, ଅବସରପ୍ରାପ୍ତ ସୈନିକ ଅମିୟକାନ୍ତ ମଲିକ ଭାଜପାରୁ ଓ ସାମାଜିକକର୍ମୀ ମାନସ ଜେନା କଂଗ୍ରେସରୁ ପ୍ରାର୍ଥୀ ହୋଇଛନ୍ତି। ଜିଲାର ୭ରୁ ୪ଟି ବିଧାନସଭା ଆସନର ଫଳାଫଳ ଉପରେ ଲୋକ ସଭା ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ ହେବ ବୋଲି କେତେକ ମତପ୍ରକାଶ କରୁଥିବାବେଳେ ଆଉକେତେକ ଚଳିତ ନିର୍ବାଚନରେ ଫଳାଫଳ ଓଲଟା ହୋଇପାରେ ବୋଲି ଅନୁମାନ କରୁଛନ୍ତି। ସବୁଠି ହାରଜିତ ବ୍ୟବଧାନ କମ୍‌ ହେବାର ସମ୍ଭାବନା ରହିଥିବାରୁ ଲୋକ ସଭା ପ୍ରାର୍ଥୀ ନିଜର ଦକ୍ଷତା, ବୁଦ୍ଧିମତ୍ତା, ଦୂରଦୃଷ୍ଟି ବଳରେ ନିର୍ବାଚନ ଜିତି ପାରିବେ ବୋଲି କୁହାଯାଉଛି। ପ୍ରାର୍ଥୀଙ୍କ ଶିକ୍ଷାଗତ ଯୋଗ୍ୟତାକୁ ଦେଖିଲେ ବିଜେଡି ପ୍ରାର୍ଥୀ ଶର୍ମିଷ୍ଠା ସର୍ବାଗ୍ରେ ରହିଛନ୍ତି। ସେ ରାଜନୈତିକ ବିଜ୍ଞାନରେ ସ୍ନାତକୋତ୍ତର ସହ ଏମ୍‌ଫିଲ୍‌ ଡିଗ୍ରୀଧାରୀ। ରାଜ୍ୟ ସରକାରଙ୍କ ବହୁ ଗୁରୁତ୍ୱପୂର୍ଣ୍ଣ ପଦପଦବୀରେ ସେ ଅଧିଷ୍ଠିତ ହୋଇଛନ୍ତି। ସେହିପରି କଂଗ୍ରେସର ମାନସ ଜେନା ଅର୍ଥଶାସ୍ତ୍ରରେ ସ୍ନାତକୋତ୍ତର ସହିତ ଆଇନ ପାଠ ପଢିଛନ୍ତି। ତାପରକୁ ଭାଜପା ପ୍ରାର୍ଥୀ ଅମିୟ ଉଚ୍ଚଶିକ୍ଷିତ ହୋଇ ନ ଥିଲେ ହେଁ ଜଣେ ଅବସରପ୍ରାପ୍ତ ସୈନିକ ଭାବେ ପରିଚିତ ଲାଭ କରିଛନ୍ତି। ଏଭଳିସ୍ଥିତିରେ ଭୋଟର କାହାକୁ ଭୋଟ ଦେବେ ସେନେଇ ଦକ୍ଷତା ମାପୁଥିବା ମତପ୍ରକାଶ ପାଇଛି। ଅନ୍ୟପକ୍ଷେ ଜିଲାର ଧର୍ମଶାଳା ବିଧାନସଭା ଆସନକୁ ବାଦ ଦେଲେ ଅନ୍ୟସବୁ ଆସନରେ ତିନି ପ୍ରମୁଖ ବିଜେଡି, ଭାଜପା ଓ କଂଗ୍ରେସ ମଧ୍ୟରେ କଡା ଟକ୍କର ହେଉଛି। ଜନମତ ଅନୁସାରେ ଧର୍ମଶାଳାରେ ବିଜେଡି ବହୁ ଆଗରେ ରହିଥିବାବେଳେ ଭାଜପା ଓ କଂଗ୍ରେସ ବ୍ୟାକଲାଇନ ମଧ୍ୟ ଦେଖି ପାରୁନାହାନ୍ତି ବୋଲି ଚର୍ଚ୍ଚା ହେଉଛି। ଯାଜପୁର, ବରୀ ଓ କୋରେଇ ବିଧାନସଭା ଆସନର ଫଳାଫଳ ଉପରେ ବିଧାୟକ ପ୍ରଣବପ୍ରକାଶ ଦାସ(ବବି)ଙ୍କ ସମ୍ମାନର ପ୍ରଶ୍ନ ରହିଛି। ନିଜ ଜିଦ୍‌ଖୋର ମନୋଭାବକୁ କାର୍ଯ୍ୟକାରୀ କରିବାକୁ ବବି କୋରେଇ ଓ ବରୀ ଆସନ ପାଇଁ ବିଜେଡିର ଟିକେଟ ଖେଳ ଖେଳିଛନ୍ତି। ସେପଟେ ବିଧାୟକ ଆକାଶ ଦାସନାୟକଙ୍କୁ ବାଦ ଦେଇ କୋରେଇରେ ଗତ ଥରର ଦାବିଦାର ଅଶୋକ ବଳଙ୍କୁ ବିଜେଡି ସୁଯୋଗ ଦେଇଛି। ଯାହାକି ବିଜେଡି ପାଇଁ କ୍ଷତିକାରକ ହୋଇପାରେ ବୋଲି ସବୁଠି ଚର୍ଚ୍ଚା ହେଉଛି। ଫାଳଫାଳ ହୋଇଥିବା କୋରେଇ ବିଜେଡି କର୍ମୀଙ୍କ ପ୍ରଚାରକୁ ସାଧାରଣ ଲୋକ ସେତେଟା ଗ୍ରହଣ କରୁ ନ ଥିବା ଆଲୋଚନା ହେଉଛି। ସେହିପରି ବରୀରେ ବିଜେଡି ମହିଳା କାର୍ଡ ଖେଳିଛି। ଯାହାକି ବିଜେଡି ପାଇଁ ଲାଭଦାୟକ ହେବାର ସମ୍ଭାବନା ରହିଛି। କିନ୍ତୁ ଗତ ନିର୍ବାଚନରେ ବିଜେଡି ପ୍ରାର୍ଥୀଙ୍କୁ ସ୍ବାଧୀନ ପ୍ରାର୍ଥୀ ଭାବେ କଡା ଟକ୍କର ଦେଇଥିବା ଏବେକାର ଭାଜପା ପ୍ରାର୍ଥୀ ବିଶ୍ୱରଞ୍ଜନ ମଲ୍ଲିକ ମଧ୍ୟ କମ୍‌ ନୁହନ୍ତି। ତେଣୁ ତାଙ୍କୁ ଚେକ୍‌ ଦେବା ପାଇଁ ଧର୍ମଶାଳା ବିଧାୟକ ପ୍ରଣବ ବଳବନ୍ତରାୟ(ଜିତୁ) ଓ ଯାଜପୁର ବିଧାୟକ ବବି ବରୀରେ ସୁନନ୍ଦାଙ୍କୁ ପ୍ରଚାରରେ ସହଯୋଗ କରୁଥିବା ଦେଖିବାକୁ ମିଳିଛି। ସେହିପରି ଯାଜପୁର ଆସନରେ ଭାଜପା ପ୍ରାର୍ଥୀ ଗୌତମ ରାୟଙ୍କୁ ଅକୁଣ୍ଠ ସମର୍ଥନ ମିଳୁଥିବା ଦେଖିବାକୁ ମିଳିଛି। ଯାହାକି ବବିଙ୍କ ପାଇଁ ମୁଣ୍ଡବ୍ୟଥାର କାରଣ ହୋଇଛି। ବିଞ୍ଝାରପୁର, ବଡଚଣା ଓ ସୁକିନ୍ଦାରେ ଦୁଇ ପ୍ରମୁଖ ଭାଜପା ଓ ବିଜେଡି ମଧ୍ୟରେ କଡ଼ା ମୁକାବିଲା ହେଉଛି। ଏହି ଜଟିଳ ପରିସ୍ଥିତିକୁ ସାମ୍ନା କରିବାକୁ ଏବେ ଷ୍ଟାର କ୍ୟାମ୍ପେନରଙ୍କ ଯାଜପୁର ଗସ୍ତ କାର୍ଯ୍ୟକ୍ରମ ସୂଚନା ମିଳିଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆସନ୍ତା ୨୨ତାରିଖରେ ବରୀ ଗସ୍ତ କରୁଥିବାବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପ୍ରମୁଖଙ୍କ କାର୍ଯ୍ୟକ୍ରମ ରହିଥିବା ସୂଚନା ମିଳିଛି। ଏହାସହ କଂଗ୍ରେସରୁ ପ୍ରିୟଙ୍କା ଗାନ୍ଧୀ ମଧ୍ୟ ପ୍ରଚାରରେ ଆସିବେ ବୋଲି କଂଗ୍ରେସ କର୍ମୀ ମହଲରୁ ସୂଚନା ମିଳିଛି। ତେବେ ଷ୍ଟାର କ୍ୟାମ୍ପେନରମାନଙ୍କ ପ୍ରଚାର କେତେଦୂର ଜନମତକୁ ପ୍ରଭାବିତ କରିବ ତାହା ନିର୍ବାଚନ ଫଳାଫଳ ହିଁ କହିବ ବୋଲି ମତପ୍ରକାଶ ପାଉଛି।


Enter your email to get our daily news in your inbox.

All Right Reserved By Dharitri.Com

ମୁଖ୍ୟମନ୍ତ୍ରୀଙ୍କ ବ୍ଲାଙ୍କ୍‌ ଚେକ୍‌ କଟକର ବିକାଶ ପାଇଁ ବିନିଯୋଗ କରିବି

୨୦ ବର୍ଷରୁ ଅଧିକ ହେବ ରାଜନୀତି, କଟକର ବିଭିନ୍ନ ସାମାଜିକ ଓ ସାଂସ୍କୃତିକ ସଙ୍ଗଠନ ସହ ଜଡିତ ରହିଛନ୍ତି ପ୍ରକାଶ ବେହେରା। ପୂର୍ବରୁ ସେ ସାଲେପୁରର...

ଅଞ୍ଚଳବାସୀଙ୍କ ବିକାଶ ମୋର ପ୍ରାଥମିକ ଦାୟିତ୍ୱ

ଭୁବନେଶ୍ୱର ଉତ୍ତର ବିଧାନସଭା ନିର୍ବାଚନମଣ୍ଡଳୀରୁ ଭାଜପାର ବିଧାୟକ ପ୍ରାର୍ଥୀ ଭାବେ ନିର୍ବାଚନ ରଣାଙ୍ଗନକୁ ଓହ୍ଲାଇଛନ୍ତି ପ୍ରିୟଦର୍ଶୀ ମିଶ୍ର। ୨୦୧୪-୧୯ ପର୍ଯ୍ୟନ୍ତ ସେ ବିଜେଡିରୁ ଉତ୍ତର ଭୁବନେଶ୍ୱରର...

ଆଜି ପ୍ରଦର୍ଶନ ହେବ ‘ନନ୍ଦ ମାଷ୍ଟରଙ୍କ ଚାଟଶାଳୀ’ର ଟ୍ରେଲର

ଭୁବନେଶ୍ୱର,୨୨।୫(ଶର୍ମିଷ୍ଠା ପାଣିଗ୍ରାହୀ):କାନ୍ସ ଫିଲ୍ମ ଫେଷ୍ଟିଭାଲରେ ବୁଧବାର ଓଡ଼ିଆ ଚଳଚ୍ଚିତ୍ର ‘ନନ୍ଦ ମାଷ୍ଟରଙ୍କ ଚାଟଶାଳୀ’ର ଟ୍ରେଲର ପ୍ରଦର୍ଶନ ହେବାକୁ ଯାଉଛି। ଅପରାହ୍ନ ୪ଟା ୧୫ରେ ଏହା ପ୍ରଦର୍ଶିତ...

 ଓଡ଼ିଶାରେ ତାମିଲ ଲୋକ ଶାସନ କରିପାରିବେ ନାହିଁ: ଧର୍ମେନ୍ଦ୍ର

ଭୁବନେଶ୍ୱର, ୨୧।୫(ସୁନିତ୍‌ ମିଶ୍ର): ନବୀନବାବୁ ଓଡ଼ିଆ ଅସ୍ମିତାର କଣ୍ଠରୋଧ କରିବାକୁ ପ୍ରୟାସ କରୁଛନ୍ତି। ଓଡ଼ିଶାରେ ତାମିଲ ଲୋକ ଶାସନ କରିପାରିବେ ନାହିଁ। ଓଡ଼ିଶାର ଶାସନ ଭାର...

୪୦୦ ଆସନ କେବଳ ଏକ ସ୍ଲୋଗାନ, ଏତିକି ଆସନ ଜିତିବା ଭାଜପା ପାଇଁ ଅସମ୍ଭବ; ପ୍ରଶାନ୍ତ କିଶୋରଙ୍କ ବଡ଼ ଆକଳନ…

ନୂଆଦିଲ୍ଲୀ,୨୧।୫: ଚଳିତ ନିର୍ବାଚନରେ ଭାଜପା ‘ଅବ୍‌କି ବାର୍‌ ୪୦୦ ପାର୍‌’ର ନାରା ଦେଉଛି। ଅର୍ଥାତ କହିବାକୁ ଗଲେ ଦଳ ୪୦୦ରୁ ଅଧିକ ଆସନରେ ବିଜେତା ହେବା...

୨୩ରେ ଧାମନଗର ଆସିବେ ଜେପି ନଡ୍ଡା

ଧାମନଗର,୨୧।୫ (ସନ୍ତୋଷ କୁମାର ମହାପାତ୍ର): ଭାଜପା ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ଆସନ୍ତା ୨୩ ତାରିଖରେ ଭଦ୍ରକ ଜିଲା ଧାମନଗର ଆସିବେ। ଏହି ବିଧାନସଭା ଆସନ...

କେନ୍ଦୁଝରରେ ଅମିତ ଶାହା ଦେଲେ ବଡ଼ ବୟାନ 

କେନ୍ଦୁଝର,୨୧।୫(ନରେଶ ଚନ୍ଦ୍ର ପଟ୍ଟନାୟକ): କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା ମଙ୍ଗଳବାର କେନ୍ଦୁଝର ଜିଲା ଗସ୍ତରେ ଆସି ଭାଜପା ଲୋକ ସଭା ପ୍ରାର୍ଥୀ ଅନନ୍ତ ନାୟକ...

ପାଣ୍ଡିଆନ କହିଲେ ଭିତିରି କଥା! ମେଣ୍ଟ ପାଇଁ ଭାଜପା-ବିଜେଡି ମଧ୍ୟରେ କୌଣସି ବୈଠକ ହୋଇ ନ ଥିଲା, କେବଳ ଦୁଇ ଜଣ ନେତା…

ଭୁବନେଶ୍ୱର,୨୧।୫: ଓଡ଼ିଶାରେ ନିର୍ବାଚନକୁ ନେଇ ରାଜନୀତି ସରଗରମ ରହିଛି। ରାଜ୍ୟର ଦୁଇ ପ୍ରମୁଖ ଦଳ ବିଜେଡି ଏବଂ ଭାଜପା ପରସ୍ପରକୁ କଟାକ୍ଷ କରୁଥିବା ଦେଖିବାକୁ ମିଳୁଛି।...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri