ତାଳଚେର,୧୩।୧୧(ନି.ପ୍ର): ଅନୁଗୋଳ ଜିଲା ତାଳଚେର ବ୍ଲକ ଡେରା ପେଟ୍ରୋଲ ପମ୍ପ ନିକଟରେ ଏକ ଯାତ୍ରୀବାହୀ ବସ ଧକ୍କାରେ ଜଣେ ମହିଳାଙ୍କ ମୃତ୍ୟୁ ଘଟିଛି। ମୃତକ ଜଣଙ୍କ ହେଲେ ସୁଭାସିନୀ ନାଥ(୪୫ବର୍ଷ)। ତାଙ୍କ ଘର ତାଳଚେର ବ୍ଲକ ଗୁରୁଜାଙ୍ଗ ଗ୍ରାମରେ। ସେ ଡେରା ପେଟ୍ରୋଲ ପମ୍ପ ପଛ ପାଖରେ ଭଡାରେ ରହୁଥିଲେ। ସକାଳେ ସକାଳେ ସୁଭାସିନୀ ପ୍ରାତଃଭ୍ରମଣରେ ଯାଉଥିବାବେଳେ ଏଭଳି ଅଘଟଣ ଘଟିଛି। ଡେରାରୁ ଭୁବନେଶ୍ୱର ଯାଉଥିବା ଏକ ବସ୍(ନମ୍ବର ଓଡି୩୫-୨୧୫୯) ତାଙ୍କୁ ଧକ୍କା ଦେଇଥିଲା। ଗୁରତର ଅବସ୍ଥାରେ ତାଙ୍କୁ ଉଦ୍ଧାର କରାଯାଇ ଉପଖଣ୍ଡ ଡାକ୍ତରଖାନାକୁ ନେବାବେଳେ ବାଟରେ ତାଙ୍କର ମୃତ୍ୟୁ ହୋଇଥିଲା। କଲିଆରି ପୋଲିସ ଘଟଣାର ତଦନ୍ତ କରିବା ସହ ବସ୍କୁ ଜବତ କରିଛି।
