ଦିଗପହଣ୍ଡି,୧୫।୯(ଡି.ଏନ.ଏ.)-ଦିଗପହଣ୍ଡି ପଦ୍ମନାଭପୁର ସ୍ଥିତ ସରସ୍ବତୀ ଶିଶୁ ମନ୍ଦିର ଶ୍ରୀଧାମ ପରିସରରେ ଚାଲିଥିବା ଭାରତ ସ୍କାଉଟସ୍ ଏଣ୍ଡ ଗାଇଡସର ପ୍ରାକ ରାଜ୍ୟ ପୁରସ୍କାର ପରୀକ୍ଷା ଶିବିର ରବିବାର ଉଦ୍ଯାପିତ ହୋଇଯାଇଛି। ଏହି ଶିବିର ଶନିବାର ବିଦ୍ୟାଳୟ ପ୍ରଧାନ ଆଚାର୍ଯ୍ୟ ଭବାନୀ ଶଙ୍କର ଡାକୁଆଙ୍କ ଦ୍ୱାରା ଉଦଘାଟିତ ହୋଇଥିଲା। ଗଞ୍ଜାମ ଜିଲା ଶିକ୍ଷାଧିକାରୀ ଡ.ସନାତନ ପଣ୍ଡାଙ୍କ ନିର୍ଦ୍ଦେଶରେ ଏବଂ ଜିଲା ସମ୍ପାଦକ ଭାଗିରଥୀ ସ୍ବାଇଁଙ୍କ ତତ୍ତ୍ବାବଧାନରେ ଶିବିରରେ ଅନୁଷ୍ଠିତ ହୋଇଥିଲା। ଜିଲାର ପଦ୍ମନାଭପୁର ସରସ୍ବତୀ ଶିଶୁ ମନ୍ଦିର, ଚିକିଟି ଓ ଦିଗପହଣ୍ଡି ଶିଶୁ ମନ୍ଦିର, ବମକୋଇ ଶିବାନନ୍ଦ ହାଇସ୍କୁଲ, ଗୋକର୍ଣ୍ଣପୁର ହାଇସ୍କୁଲ ଏବଂ ମଣିପଡିଆ ହାଇସ୍କୁଲ ପ୍ରମୁଖ ୬ ବିଦ୍ୟାଳୟର ୬୮ ଜଣ ସ୍କାଉଟ ଓ ୩୦ ଜଣ ଗାଇଡ ମୋଟ ୯୮ ଜଣ ଛାତ୍ରୀଛାତ୍ର ଏହି ଶିବିରରେ ଯୋଗ ଦେଇଥିଲେ। ଏଥିରେ ଭାରତ ସ୍କାଉଟ ଓ ଗାଇଡର ଜିଲା କମିଶନର ରାମଚନ୍ଦ୍ର ବିଷୋୟୀ, ଜିଲା ପରିଚାଳନା ସମ୍ପାଦିକା ସଶ୍ମିତା ପ୍ରଧାନ, ଜିଲା ସ୍କାଉଟ ପ୍ରଶିକ୍ଷକ ଲକ୍ଷ୍ମୀ ନାରାୟଣ ପଣ୍ଡା ଓ ଲବ ପାଣିଗ୍ରାହୀ ପ୍ରମୁଖ ଯୋଗଦେଇ ସ୍କାଉଟ ଏଣ୍ଡ ଗାଇଡର ତାତ୍ପର୍ଯ୍ୟ ଓ ଆଭିମୁଖ୍ୟ ସମ୍ପର୍କରେ ବୁଝାଇବା ସହ ଏହା ଦେଶ ଗଠନରେ ସହାୟକ ହେବ ବୋଲି କହିଥିଲେ। ଶିବିରରେ ରାଜ୍ୟ ପୁରସ୍କାର ପରୀକ୍ଷା ପ୍ରସ୍ତୁତି ପାଇଁ କ୍ୟାମ୍ପସ ପରିଚାଳନା, ପ୍ରାଥମିକ ଚିକିତ୍ସା, ସିଗନାଲ, ଏଷ୍ଟିମେସିନ, ପତାକା ଉତ୍ତୋଳନ ସମ୍ବନ୍ଧୀୟ ଜ୍ଞାନ ଶିକ୍ଷା ଦିଆଯାଇଥିଲା। ଶିକ୍ଷୟିତ୍ରୀ ପୂର୍ଣ୍ଣିମା ଆଚାରୀ, ସୁନୀତା ପଣ୍ଡା, ଲିପ୍ସା ଚୌଧୁରୀ, ଶିକ୍ଷକ ରବୀନ୍ଦ୍ର ସାହୁ, ହରିବନ୍ଧୁ ଦୋରା ପ୍ରମୁଖ ପରିଚାଳନା କରିବାରେ ସହଯୋଗ କରିଥିଲେ। ଉଦଯାପନୀ ଅବସରରେ ବିଦ୍ୟାଳୟ ପରିସରରେ ଚାରାରୋପଣ ମଧ୍ୟ କରାଯାଇଛି।
