Posted inଫୁରସତ

ପ୍ରଥମ ରୋଜଗାର ଟଙ୍କାରେ ଠାକୁରଙ୍କ ପାଖେ ଭୋଗ ହୋଇଥିଲା: ଦଶପଲ୍ଲା କୃଷି ଜିଲା ଅଧିକାରୀ ଲକ୍ଷ୍ମୀନାରାୟଣ ଦାଶ

ନୟାଗଡ଼ ଜିଲା ଓଡଗାଁ ବ୍ଲକ ଅନ୍ତର୍ଗତ ପନ୍ତିଖାରୀ ଶାସନରେ ମୋ ଜନ୍ମ। ରଘୁନାଥ ଉଚ୍ଚ ବିଦ୍ୟାପୀଠରୁ ୧୯୭୭ରେ ମାଟ୍ରିକ୍‌ ପାସ୍‌ କରି ପୁରୀ ଏସ୍‌.ସି.ଏସ୍‌. କଲେଜରେ ଆଇ.ଏସ୍‌ସି ଆଉ ତା’ପରେ ଓୟୁଏଟି, ଭୁବନେଶ୍ୱରରେ ବି.ଏସ୍‌ସି (ଏଜି) ପଢ଼ିଥିଲି। ଏହାପରେ ମୋର କୃଷି ବିଭାଗରେ ଚାକିରି ହୋଇଗଲା। କୋରାପୁଟ ଜିଲା ଜୟପୁର ସବ୍‌ଡିଭିଜନର ବୈପାରୀଗୁଡ଼ା ବ୍ଲକ୍‌ କୃଷି କାର୍ଯ୍ୟାଳୟରେ କନିଷ୍ଠ କୃଷି ଅଧିକାରୀ ଭାବେ ମୋର ପ୍ରଥମ ପୋଷ୍ଟିଂ ହୋଇଥିଲା। ସେତେବେଳେ ୧୦୭୮ ଟଙ୍କା ଦରମା ମିଳୁଥିଲା। ପ୍ରଥମ ମାସ ଦରମା ପାଇଲା ପରେ ନିଜ ଖର୍ଚ୍ଚ ପାଇଁ କିଛି ରଖି ବାକି ଟଙ୍କା ଘରକୁ ପଠାଇ ଦେଇଥିଲି। ସେହି ଟଙ୍କାରେ ଘରଲୋକେ ଠାକୁରଙ୍କ ପାଖେ ଭୋଗ କରିଥିଲେ। ବୈପାରୀଗୁଡ଼ାରେ କିଛି ବର୍ଷ ଏବଂ ତା’ପରେ ଭଞ୍ଜନଗରର ବେଲଗୁଣ୍ଠା ଏବଂ ବୁଗୁଡ଼ାରେ ବି କିଛି ବର୍ଷ କାମ କରିବା ପରେ ୧୯୯୦ରେ ଚାକିରିରୁ ଷ୍ଟଡି ଲିଭ୍‌ ନେଇ ଓୟୁଏଟିରେ ସୂତ୍ରକୃମିରେ ଏମ୍‌.ଏସ୍‌ସି (ଏଜି) କୋର୍ସ କରିଥିଲି। ଏହି କୋର୍ସରେ ମୁଁ ୟୁନିର୍ଭସିଟି ଟପ୍ପର ହେବାରୁ ମୋତେ ସେତେବେଳେ ୟୁନିର୍ଭସିଟି ତରଫରୁ ଦୁଇଟି ଗୋଲ୍ଡ ମେଡାଲ୍‌ ପ୍ରଦାନ କରାଯାଇଥିଲା। ତେବେ ଏମ୍‌.ଏସ୍‌ସି (ଏଜି) ସାରିବା ପରେ ମୁଁ ପ୍ରାୟ ୪ ବର୍ଷ ପୁଣି ସେହି କନିଷ୍ଠ କୃଷି ଅଧିକାରୀ ଭାବେ ନୟାଗଡ଼ ଜିଲା ନୂଆଗଁା ବ୍ଲକ୍‌ରେ କାମ କରିଥିଲି। ଆଉ ତା’ପରେ ପଦୋନ୍ନତି ପାଇ ରୋଗପୋକ ବିଶେଷଜ୍ଞ ଭାବେ ବରଗଡ଼ ଜିଲାର ଜିଲା କୃଷି କାର୍ଯ୍ୟାଳୟ, ଭଟ୍‌ଲିକୁ ବଦଳି ହୋଇ ଯାଇଥିଲି। ଭଟ୍‌ଲି ପରେ ସୁବର୍ଣ୍ଣପୁରର ଡୁଙ୍ଗୁରିପାଲି, ନୟାଗଡ଼ର ଦଶପଲ୍ଲା, କେନ୍ଦୁଝରର ଆନନ୍ଦପୁର, କଟକର ଉପ କୃଷି ନିର୍ଦ୍ଦେଶକ, ଝାରସୁଗୁଡ଼ା ତଥା ନୟାଗଡ଼ ଜିଲାର ଜିଲା କୃଷି କାର୍ଯ୍ୟାଳୟଗୁଡ଼ିକରେ ବି କିଛି କିଛି ବର୍ଷ ରୋଗପୋକ ବିଶେଷଜ୍ଞ ଭାବେ କାମ କରିବା ପରେ ପୁଣି ଚାକିରି କ୍ଷେତ୍ରରେ ପଦୋନ୍ନତି ପାଇଥିଲି। ରୋଗପୋକ ବିଶେଷଜ୍ଞରୁ ଜିଲା କୃଷି ଅଧିକାରୀ ଭାବେ ପଦୋନ୍ନତି ପାଇ ନୟାଗଡ଼ର ଦଶପଲ୍ଲା ଜିଲା କୃଷି କାର୍ଯ୍ୟାଳୟରେ ଯୋଗ ଦେଇଥିଲି। ଏଠାରେ ଯୋଗ ଦେବାର କିଛିଦିନ ପରେ ସରକାରଙ୍କ ନିୟମାନୁଯାୟୀ, ଜିଲା କୃଷି ଅଧିକାରୀ ଭାବେ କାର୍ଯ୍ୟରତ ଥିବା ସମସ୍ତ ଅଫିସରଙ୍କୁ ପଦୋନ୍ନତି ଦିଆଯିବା ସହିତ ସେମାନଙ୍କର ପଦବୀକୁ ପରିବର୍ତ୍ତନ କରି କୃଷି ଜିଲା ଅଧିକାରୀ କରିଦିଆଯାଇଥିଲା। ସେଥିପାଇଁ ବର୍ତ୍ତମାନ ମୁଁ ନୟାଗଡ଼ର ଦଶପଲ୍ଲା ଜିଲା କୃଷି କାର୍ଯ୍ୟାଳୟରେ କୃଷି ଜିଲା ଅଧିକାରୀ ଭାବେ କାର୍ଯ୍ୟ କରୁଅଛି। ତେବେ ଏହି ବ୍ୟସ୍ତମୟ ଚାକିରି ଜୀବନରୁ ସମୟ ବାହାର କରି ଅନେକ କୃଷି ଭିତ୍ତିକ ଲେଖା ବି ମୁଁ ଲେଖିଛି। ମୋ ଲେଖାଗୁଡ଼ିକ ମୁଖ୍ୟତଃ ବିଶ୍ୱ ଉତ୍ତପ୍ତୀକରଣ ଓ ଜଳବାୟୁ ପରିବର୍ତ୍ତନ, ଜୈବିକ କୃଷି, ଚିରସ୍ଥାୟୀ କୃଷି, ସମନ୍ବିତ ରୋଗପୋକ ପରିଚାଳନା, ପାରମ୍ପରିକ ପଦ୍ଧତିରେ ରୋଗପୋକ ନିୟନ୍ତ୍ରଣ, ସାମାଜିକ ତଥା ଅର୍ଥନୈତିକ କୃଷି ସଂସ୍କାର ତଥା ରାସାୟନିକ କୀଟନାଶକ ଜନିତ ପରିବେଶ ପ୍ରଦୂଷଣ ଏବଂ ଏହାର ନିରାକରଣ ଉପରେ ପର୍ଯ୍ୟବସିତ ଥାଏ। ଆଉ ଏହି ସବୁ ବିଷୟକୁ ଆଧାର କରି ୟା’ ଭିତରେ ମୋର ପ୍ରାୟ ୩୧୪ଟି ଆର୍ଟିକିଲ୍‌ ରାଜ୍ୟ ତଥା ଜାତୀୟ ସ୍ତରର ବିଭିନ୍ନ ମାଗାଜିନ୍‌ ତଥା ଖବରକାଗଜରେ ପ୍ରକାଶିତ ହୋଇସାରିଲାଣି। ଏହି ଲେଖାଲେଖି ପାଇଁ ମୋତେ ଅନେକ ପୁରସ୍କାର ଓ ସମ୍ମାନ ବି ମିଳିଛି। ତନ୍ମଧ୍ୟରୁ ପ୍ରକୃତି ବନ୍ଧୁ ସମ୍ମାନ ହେଉଛି ଅନ୍ୟତମ। କାରଣ ମୋର ସମସ୍ତ ଲେଖାରେ ପରିବେଶ କିପରି ସୁସ୍ଥ ରହିବ, ଚାଷ କେମିତି ଭଲ ହେବ, କୃଷକ କିଭଳି ଲାଭବାନ ହେବେ ଇତ୍ୟାଦି ଉପାଦେୟ ତଥ୍ୟ ସବୁ ରହିଥାଏ। ସେଥିପାଇଁ ଏହି ସମ୍ମାନ ମିଳିଛି, ଯାହା ମୋତେ ଏକ ନିଆରା ପରିଚିତି ଦେଇଛି।


Enter your email to get our daily news in your inbox.

All Right Reserved By Dharitri.Com

୧୩ ବର୍ଷର ଏହି ପିଲାକୁ ଦେଖିଲେ କାହିଁକି ମାରିବାକୁ ଗୋଡ଼ାଉଛନ୍ତି ଲୋକେ, ଜାଣନ୍ତୁ…

ଅନେକ ପ୍ରକାରର ରୋଗ ବିଷୟରେ ଆମେ ଶୁଣିଛୁ। ମାତ୍ର ମଧ୍ୟପ୍ରଦେଶରେ ରହୁଥିବା ୧୩ ବର୍ଷର ବାଳକ ଲଳିତ ପାଟିଦାରଙ୍କୁ ଏକ ଅଜବ ପ୍ରକାର ରୋଗ ହୋଇଛି।...

ଅଲଟ୍ରାଭାୟୋଲେଟ୍‌ ଲାଇଟ୍‌ରେ ନଷ୍ଟ ହେବ କରୋନା ଭୂତାଣୁ

ନ୍ୟୁୟର୍କ,୩୦।୪: ସାରା ପୃଥିବୀରେ କରୋନା ସଂକ୍ରମଣ ନେଇ ଅଚଳାବସ୍ଥା ଦେଖାଦେଇଛି। କରୋନା ଭୂତାଣୁକୁ ରୋକିବା ପାଇଁ ବହୁ ଗବେଷଣା ମଧ୍ୟ ଜାରି ରହିଛି। ବାୟୁ ମଣ୍ଡଳରେ...

ବିବାହ କରିବେ ବିଲ୍‌ ଗେଟସ୍‌ଙ୍କ ଝିଅ!

ଓ୍ବାଶିଂଟନ: ମାଇକ୍ରୋସଫ୍ଟର ପ୍ରତିଷ୍ଠାତା ବିଲ୍‌ ଗେଟସ୍‌ଙ୍କ ଝିଅ ଜେନିଫର ଏବେ ବିବାହ କରିବାକୁ ଯାଉଛନ୍ତି। ଏକଥା ନିଜେ ଜେନିଫର ସୋସିଆଲ ମିଡିଆ ମାଧ୍ୟମରେ ଜଣାଇଛନ୍ତି। ସେ...

ଏହି ମନ୍ଦିରକୁ ଥରେ ଦର୍ଶନ ପାଇଁ ଗଲେ ଭକ୍ତ ହୁଅନ୍ତି ଧନୀ

ଭାରତର ପ୍ରତ୍ୟେକ ଗାଁ ଗଣ୍ଡାରେ ମନ୍ଦିର ଅଛି। ଏହି ମନ୍ଦିରଗୁଡ଼ିକ ମଧ୍ୟରୁ ଅନେକ ମନ୍ଦିର ରହସ୍ୟରେ ପରିପୂର୍ଣ୍ଣ। କିଛି ମନ୍ଦିରର ନିଜର ସ୍ବତନ୍ତ୍ର ପରିଚୟ ରହିଛି।...

କାର୍ଟୁନ୍‌ ବହି ଛୋଟ ପିଲାଙ୍କ ସ୍ମୃତିଶକ୍ତିକୁ କରେ ପ୍ରଖର…

ଛୋଟପିଲାଙ୍କ ମନ ସବୁବେଳେ ଚଳଚଞ୍ଚଳ। ତେବେ ସେମାନଙ୍କ ସ୍ମୃତି ଶକ୍ତିକୁ ପ୍ରଖର କରିବା ପାଇଁ କାର୍ଟୁନ୍‌ ବହିର ଗପ ଅବା ଗୀତ ବେଶ୍‌ ଉପଯୋଗୀ ହୋଇଥାଏ।...

ଗୋଟିଏ ଗୋଡ ନ ଥାଇ ଏହି ଯୁବକ ଖେଳୁଛନ୍ତି ବାସ୍କେଟ ବଲ: ଦେଖନ୍ତୁ ଭିଡିଓ

ପ୍ରତିଦିନ ସୋସିଆଲ ମିଡିଆରେ ଅନେକ ଭିଡିଓ ଭାଇରାଲ ହେଉଛି। ଏଥିରୁ କେତେକ ଭିଡିଓ ହସର ଖୋରାକ ଯୋଗାଉଥିବାବେଳେ କେତେକ ଭାବପ୍ରବଣ କରିଦିଏ। ଜଣେ ଯୁବକଙ୍କ ଗୋଟିଏ...

କାରରେ ୧୭ଟି ଦେଶ ପାରି ହୋଇ ବିଶ୍ୱକପ୍‌ ଦେଖିବାକୁ ପହଞ୍ଚିଲେ ମାଥୁର ପରିବାର

ଲଣ୍ଡନ, ୧୦।୭: ବିଶ୍ୱର ଯେକୌଣସି ସ୍ଥାନରେ ମ୍ୟାଚ୍‌ ହେଉନା କାହିଁକି, ଭାରତୀୟ ଦଳକୁ ଚିୟର୍‌ କରିବା ପାଇଁ ଦର୍ଶକ ସେଠାରେ ପହଞ୍ଚିଯିବା କୌଣସି ଆଶ୍ଚର୍ଯ୍ୟର କଥା...

କରୋନା ପାଇଁ କୁନି ଝିଅର ପ୍ରସ୍ତୁତି

ନଏଡ଼ା : କରୋନା ଭାଇରସ ସଂକ୍ରମଣକୁ ରୋକିବାକୁ ଏବେ ସରକାରୀ ଓ ବେସରକାରୀ ସ୍ତରରେ ବିଭିନ୍ନ ପ୍ରକାର ପଦକ୍ଷେପ ନିଆଯାଉଛି। ଏମିତିକି କିଛି ରାଜ୍ୟରେ କେତେକ...

Advertisement


Archives

Model This Week