ପୂରଣ ହେଲାନି ସହରବାସୀଙ୍କ ସ୍ବପ୍ନ

ବାଲେଶ୍ୱର ଅଫିସ, ୧୬।୩(ମାନସ ବିଶ୍ୱାଳ)-ସଂସ୍କୃତିସମ୍ପନ୍ନ ବାଲେଶ୍ୱର ସହରରେ ଜନସଂଖ୍ୟା ଓ ପରିସୀମା ବୃଦ୍ଧି ପାଉଥିବାବେଳେ ଆଧୁନିକ ଜୀବନଧାରା ସହ ତାଳ ଦେଇ ଚାଲିବା ପାଇଁ ଭିତ୍ତିଭୂମି ବିକଶିତ ହୋଇପାରୁନାହିଁ। ସହରବାସୀଙ୍କ ଚିତ୍ତବିନୋଦନ ପାଇଁ ନା ଅଛି ଅତ୍ୟାଧୁନିକ ପାର୍କ, ନା ଅନ୍ୟ କିଛି ସୁବିଧା। ଏପରିସ୍ଥଳେ ବଡ଼ଖୁଆସ୍ଥିତ ବଳାଙ୍ଗୀ କଲେଜ ସମ୍ମୁଖ ପଡ଼ିଆରେ ପ୍ରସ୍ତାବିତ ଅତ୍ୟାଧୁନିକ ପାର୍କ ଆରମ୍ଭରୁ ବିବାଦରେ ଛନ୍ଦି ହୋଇପଡିଛି। ଉକ୍ତ ପାର୍କରେ ଓପନ୍‌ ଜିମ୍‌ ଓ ବୋଟିଂ ଆଦି ସୁବିଧା କରାଯିବା ଲାଗି ଅମୃତ ଯୋଜନାରେ ୧.୧୮ କୋଟି ଟଙ୍କା ବ୍ୟୟବରାଦ ହୋଇଥିଲା। ପାର୍କ ପାଇଁ ୬.୧୪ ଏକର ଜମି ଚିହ୍ନଟ ହେବା ପରେ ପ୍ରାୟ ୨୫ ପ୍ରତିଶତ କାମ ହୋଇଥିଲା। ଏହି ପରିପ୍ରେକ୍ଷୀରେ କେତେକ ଆଞ୍ଚଳିକ ସମସ୍ୟା ନେଇ ପାର୍କ ନିର୍ମାଣକୁ ବିରୋଧ କରାଯାଇ ହାଇକୋର୍ଟ ଯାଏ କଥା ଯାଇଥିଲା। ଫଳରେ ଅତ୍ୟାଧୁନିକ ପାର୍କର ନିର୍ମାଣ କାର୍ଯ୍ୟ ସ୍ଥଗିତ ରହିଛି। ଏହାମଧ୍ୟରେ ପାର୍କ ଅନ୍ୟତ୍ର କରାଯିବା ପାଇଁ କୋର୍ଟ ନିର୍ଦ୍ଦେଶ ଦେଇଥିବା ବେଳେ ଅନ୍ୟତ୍ର ଏଥିପାଇଁ ସ୍ଥାନ ମିଳୁ ନ ଥିବାରୁ ପ୍ରଶାସନ ପାଇଁ ଅଡୁଆ ସ୍ଥିତି ସୃଷ୍ଟି ହୋଇଛି। ପାର୍କ ନିର୍ମାଣ ଅବଧି ଶେଷ ହେବାକୁ ବସିଥିବାରୁ ମଞ୍ଜୁର ଟଙ୍କା ଫେରିଯିବା ଆଶଙ୍କା ପ୍ରକାଶ ପାଉଛି। ଏଣୁ ଅତ୍ୟାଧୁନିକ ପାର୍କ ନିର୍ମାଣ ସହରବାସୀଙ୍କ ପାଇଁ ସ୍ବପ୍ନ ପାଲଟିବାକୁ ଯାଉଛି।
ଉଲ୍ଲେଖନୀୟ ଯେ, ସହରକୁ ନବୀକରଣ କରିବା ସକାଶେ ଅମୃତ ଯୋଜନାରେ ଏହାକୁ ସାମିଲ କରାଯାଇ ବଳାଙ୍ଗୀରେ ଅତ୍ୟାଧୁନିକ ପାର୍କ ନିର୍ମାଣ ସମେତ କଲ୍ୟାଣନଗର, ଶାନ୍ତିକାନନ, ସହଦେବଖୁଣ୍ଟାର ଚାନ୍ଦମାରି ପଡ଼ିଆ, ଗୁଡ଼ିପଦାରେ ପାର୍କ ନିର୍ମାଣ ଲାଗି ପୌର ସଂସ୍ଥା ପକ୍ଷରୁ ନିଷ୍ପତ୍ତି ନିଆଯାଇଥିଲା। ମୋଟ ୨କୋଟି ୬୫ଲକ୍ଷ ଟଙ୍କା ଅମୃତ ଯୋଜନାରେ ବ୍ୟୟବରାଦ ହୋଇଥିଲା। ବଳାଙ୍ଗୀ ପାର୍କ ପାଇଁ ୧କୋଟି ୧୮ଲକ୍ଷ ଟଙ୍କା ଧାର୍ଯ୍ୟ ହେବା ପରେ ମ୍ୟୁନିସିପାଲିଟି ପକ୍ଷରୁ ଚିହ୍ନଟ ସ୍ଥାନରେ ଭିତ୍ତିପ୍ରସ୍ତର ସ୍ଥାପନ ହୋଇଥିଲା। ୨୦୧୬ ଜୁଲାଇ ୩୦ ତାରିଖରେ ତତ୍କାଳୀନ ଏମ୍‌ପି ଇଂ. ରବୀନ୍ଦ୍ର କୁମାର ଜେନା, ସଦର ବିଧାୟକ ଜୀବନ ପ୍ରଦୀପ ଦାସ, ପୌରାଧ୍ୟକ୍ଷ ଆଲୋକ କୁମାର ସାହ, ନିର୍ବାହୀ ଯନ୍ତ୍ରୀ ଇଂ. ସୁବାସ ଚନ୍ଦ୍ର ଜେନା ଏବଂ ୩୧ଜଣ କାଉନ୍‌ସିଲରଙ୍କ ଭିତ୍ତିପ୍ରସ୍ତର ସ୍ଥାପନ ଉତ୍ସବରେ ଉପସ୍ଥିତ ଥିଲେ। ନିର୍ମାଣ କାର୍ଯ୍ୟ ୨୦୧୬-୧୭ ଆର୍ଥିକ ବର୍ଷ ସୁଦ୍ଧା ଶେଷ କରିବା ଲାଗି ଲକ୍ଷ୍ୟ ରଖାଯାଇଥିଲା। ପରେ ବିବାଦୀୟ ସ୍ଥିତିକୁ ନେଇ ଉଚ୍ଚ ନ୍ୟାୟାଳୟରେ ମାମଲା ରୁଜୁ ହେବାରୁ ମ୍ୟୁନିସିପାଲିଟି ପକ୍ଷରୁ ଏହାକୁ ଚ୍ୟାଲେଞ୍ଜ କରାଯାଇଥିଲା। ଶେଷରେ ଉଚ୍ଚ ନ୍ୟାୟାଳୟ ଅଭିଯୋଗକାରୀଙ୍କ ସପକ୍ଷରେ ରାୟ ଦେଇ ପାର୍କ ଅନ୍ୟତ୍ର ସ୍ଥାନାନ୍ତର କରିବାକୁ ନିର୍ଦ୍ଦେଶ ଦେଇଥିଲେ। ଏଭଳି ଏକ ଅତ୍ୟାଧୁନିକ ପାର୍କ ପାଇଁ ସହର ଭିତରେ ଅନ୍ୟତ୍ର ସ୍ଥାନ ନ ମିଳିବାରୁ ମଞ୍ଜୁର ଟଙ୍କା ଖର୍ଚ୍ଚ ନ ହୋଇ ପଡ଼ିରହିଛି। ଏହାମଧ୍ୟରେ ଏହି ଅର୍ଥ ଫେରାଇ ଦେବା ସକାଶେ ରାଜ୍ୟ ସରକାର ନିର୍ଦ୍ଦେଶ ଦେଇଥିବାରୁ ଜିଲାପାଳଙ୍କ ଅନୁମୋଦନ ପାଇଁ ପଠାଯାଇଛି ବୋଲି ମ୍ୟୁନିସିପାଲିଟି କର୍ତ୍ତୃପକ୍ଷ ସୂଚନା ଦେଇଛନ୍ତି। ଏ ସମ୍ପର୍କରେ ପୂର୍ବତନ ପୌରାଧ୍ୟକ୍ଷ ଆଲୋକ କୁମାର ସାହୁ ତାଙ୍କ ପ୍ରତିକ୍ରିୟାରେ କହିଛନ୍ତି, ଉଚ୍ଚ ନ୍ୟାୟାଳୟରେ ମାମଲାକୁ ଠିକ୍‌ ଭାବେ ପରିଚାଳନା କରାଯାଇ ନ ଥିବାରୁ ବିରୋଧକାରୀଙ୍କ ସପକ୍ଷରେ ରାୟ ଯାଇଛି। ହାଇକୋର୍ଟରେ ପୁନଃ ସମୀକ୍ଷା ପାଇଁ ଆବେଦନ କରି କାର୍ଯ୍ୟ ସମ୍ପାଦନ କରାଯାଇପାରିବ। ପୌରପାଳିକା ନିର୍ବାହୀ ଅଧିକାରୀ ପ୍ରଣୟ କୁମାର ଜେନା କହିଛନ୍ତି, ପାର୍କ ନିର୍ମାଣ କାର୍ଯ୍ୟ ସ୍ଥଗିତ ରଖିବା ସକାଶେ ଉଚ୍ଚ ନ୍ୟାୟାଳୟର ନିର୍ଦ୍ଦେଶ ରହିଛି। ଖର୍ଚ୍ଚ ନ ହୋଇ ପଡିରହିଥିବା ଟଙ୍କା ଚଳିତମାସ ୩୧ ତାରିଖ ସୁଦ୍ଧା ଫେରିଯିବା ଏକପ୍ରକାର ନିଶ୍ଚିତ।


Enter your email to get our daily news in your inbox.

All Right Reserved By Dharitri.Com

କରୋନା ମୁକାବିଲା: ସହଯୋଗ ପାଇଁ ହାତ ଯୋଡ଼ିଲା ଝାରସୁଗୁଡ଼ା ପୋଲିସ

ଝାରସୁଗୁଡ଼ା ଅଫିସ,୩।୪: କରୋନା ଭୂତାଣୁ ସଂକ୍ରମଣକୁ ରୋକିବା ପାଇଁ ସାରା ରାଜ୍ୟକୁ ଲାକ୍‌ଡାଉନ କରାଯାଇଥିଲେ ମଧ୍ୟ କିଛି ଲୋକ ଏହାକୁ ଉଲ୍ଲଂଘନ କରୁଛନ୍ତି। କାର୍ଯ୍ୟାନୁଷ୍ଠାନ ନେଲେ...

ଗଞ୍ଜେଇ ଗଛ ନଷ୍ଟବେଳେ ଉତ୍ତେଜନା

ଧରାକୋଟ,୨୩ା୧୧(ଡି.ଏନ୍‌.ଏ.)-ଧରାକୋଟ ବ୍ଲକ ବଡ଼ଗଡ଼ ଥାନା ଅଧିନସ୍ଥ ବାହାରପୁର ପଞ୍ଚାୟତର ଖଜୁରିପଦା ଗ୍ରାମ ନିକଟସ୍ଥ ପାହାଡ଼ ପାଦଦେଶରେ ବ୍ୟାପକ ଗଞ୍ଜେଇ ଚାଷ କରାଯାଇଛି। ଶୁକ୍ରବାର ସକାଳୁ ଆସିକା...

୨୫ ଲକ୍ଷ ଟଙ୍କାର ଗଞ୍ଜେଇ ଜବତ, ୨ ଗିରଫ

ଚିତ୍ରକୋଣ୍ଡା, ୨୪।୧୨(ଡି.ଏନ୍‌.ଏ.): ମାଲକାନଗିରି ଜିଲା ଚିତ୍ରକୋଣ୍ଡା ପୋଲିସ ବୁଧବାର ବିଳମ୍ବିତ ରାତିରେ ପାଟ୍ରୋଲିଂ ସମୟରେ ଗୁଣ୍ଠାୱାଡାରୁ ସିଲେରୁ ରୋଡ଼ ହଂଶାଗୁଡ଼ା ବ୍ରିଜ ନିକଟରୁ ୨୫ ଲକ୍ଷ...

ସଚେତନତା ପାଇଁ ଗାଁ ମୁଣ୍ଡରେ ଫାଟକ

କେନ୍ଦୁଝର, ୩୦ା୩(ସ୍ବ.ପ୍ର.)-ଆମେ ବାହାରକୁ ଯିବୁନି କି ବାହାର ଲୋକଙ୍କୁ ଆମ ଗାଁରେ ପଶିବାକୁ ଦେବୁନାହିଁ ା ଏଭଳି ନିଷ୍ପତ୍ତି ନେଇଛନ୍ତି ସଦର ବ୍ଲକ ପଳାଶପଙ୍ଗା ପଞ୍ଚାୟତ...

ଲକ୍‌ଡାଉନ୍‌କୁ ନେଇ କଳାବଜାରି ସକ୍ରିୟ: ଭଦ୍ରକ ସହର ବନ୍ଦ ଘରୁ ଦୁଇ ଲକ୍ଷରୁ ଊର୍ଦ୍ଧ୍ୱ ଟଙ୍କା ମୂଲ୍ୟର ମଦ ଜବତ

ଭଦ୍ରକ ଅଫିସ,୨୫।୩: ଭଦ୍ରକ ସହରର ଏକ ବନ୍ଦ ଘର ଭିତରୁ ବୁଧବାର ଦୁଇ ଲକ୍ଷରୁ ଊର୍ଦ୍ଧ୍ୱ ଟଙ୍କା ମୂଲ୍ୟର ମଦ ଜବତ କରାଯାଇଛି। ଖବର ପାଇ...

ଟ୍ରକ୍‌ -୧୦୮ ଆମ୍ବୁଲାନ୍‌ସ ମୁହାଁମୁହିଁ ଧକ୍କା: ଜଣେ ମୃତ, ୩ଗୁରୁତର

ଦେବଗଡ଼,୧୭।୪(ସ୍ବ.ପ୍ର.)-ଦେବଗଡ ଜିଲା ତିଲେଇବଣି ବ୍ଲକ ପ୍ରଭାଶୁଣି ଗ୍ରାମ ନିକଟରେ ବୁଧବାର ଭୋର ଏକ ଦୁର୍ଘଟଣା ଘଟିଛି। ଟ୍ରକ୍‌ ଓ ଆମ୍ବୁଲାନ୍‌ସ ମଧ୍ୟରେ ମୁହାଁମୁହିଁ ଧକ୍କା ହୋଇଛି।...

ଠିକ। ଶ୍ରମିକଙ୍କୁ ସିଆଇଏସ୍‌ଏଫ୍‌ର ଦୁର୍ବ୍ୟବହାର: ନ।ଲକୋ ସ୍ମେଲଟରରେ ଉତ୍ତେଜନା

ବଅଁରପାଳ,୨୩।୪(ଡି.ଏନ୍‌.ଏ): ନାଲକୋ ସ୍ମେଲଟର ପ୍ଲାଣ୍ଟରେ ଠିକା ଶ୍ରମିକଙ୍କୁ ସିଆଇଏସ୍‌ଏଫ୍‌ କର୍ମଚାରୀ ଦୁର୍ବ୍ୟବହାର କରିଥିବା ଅଭିଯୋଗ ହୋଉଛି। ଗୁରୁବାର ସକାଳେ ବିନୟ ପରିଡ଼ା ନାମକ ଜଣେ ଠିକା...

ବାଲିଶୁୁଆଙ୍କ ସଂଖ୍ୟା କମୁଛି

ନୟାଗଡ ଅଫିସ,୫।୨: ବିଭିନ୍ନ ପ୍ରଜାତିର ଶୁଆଙ୍କ ମଧ୍ୟରେ ବାଲି ଶୁଆ ଭିନ୍ନ । ସାଧାରଣତଃ ଶୁଆମାନେ ଡାଳକୁ ଡାଳ ଉଡି ବୁଲନ୍ତି । ଗଛରେ ବସା...

Advertisement

BGU

Archives

Model This Week

Why Dharitri