ପୁରୁଷୋତ୍ତମପୁରରେ ଜାତୀୟ ଲୋକ ଅଦାଲତ: ୨ ଲକ୍ଷ ୭୧ ହଜାର ଟଙ୍କା ଆଦାୟ
4:23 pmSeptember 14, 2019

ପୁରୁଷୋତ୍ତମପୁର, ୧୪।୯(ଡି.ଏନ୍‌.ଏ.): ଗଞ୍ଜାମ ଜିଲା ପୁରୁଷୋତ୍ତମପୁରରେ ଜାତୀୟ ଲୋକଅଦାଲତ ଶନିବାର ଅନୁଷ୍ଠିତ ହୋଇଯାଇଛି। ପ୍ରଥମ ଶ୍ରେଣୀ ବିଚାର ବିଭାଗୀୟ ଅଦାଲତରେ ବିଚାରପତି ଅନ୍ନପୂର୍ଣ୍ଣା ଷଡ଼ଙ୍ଗୀ ବିଭିନ୍ନ ପ୍ରକାର ଫୌଜଦାରୀ, ପାରିବାରିକ, ଦେୱାନୀ, ଚେକ୍‌ ବାଉନ୍ସ ଓ ବ୍ୟାଙ୍କ ସମ୍ବନ୍ଧୀୟ ମାମଲାର ବିଚାର କରି ଫଇସଲା କରିଛନ୍ତି। ଏ ବାବଦରେ ୨ ଲକ୍ଷ ୭୧ ହଜାର ୭୮୪ ଟଙ୍କା ଜରିମାନା ଆଦାୟ ହୋଇଛି। ତହସିଲ କାର୍ଯାଳୟଠାରେ ତହସିଲଦାର ଅରୁଣ କୁମାର ନାୟକ ଓ ଅତିରିକ୍ତ ତହସିଲଦାର ଶୋଭନ କୁମାର ବେହେରା ଉକ୍ତ ମାମଲାର ବିଚାର କରି ଫଇସଲା କରିଛନ୍ତି। ଏ ବାବଦରେ ୫ହଜାରରୁ ଊର୍ଦ୍ଧ୍ୱ ଟଙ୍କା ରାଜସ୍ବ ଆଦାୟ ହୋଇଥିବା ତହସିଲଦାର ନାୟକ କହିଛନ୍ତି। ଲୋକ ଅଦାଲତକୁ କୋର୍ଟ କର୍ମଚାରୀ ପ୍ରଶାନ୍ତ କୁମାର ପାଢ଼ୀ, ଗଗନ ପାଣିଗ୍ରାହୀ, ମମତା ମଞ୍ଜରୀ ମହାପାତ୍ର, ମାମୁନି ବେହେରା, ରଶ୍ମୀରଞ୍ଜନ ମହାପାତ୍ର, ପ୍ରସନ୍ନ ବେହେରା ପ୍ରମୁଖ ପରିଚାଳନା କରିଥିଲେ ।