ଛୋଟ ପିଲା ଝାଡା, ପରିଶ୍ରା କରି ବାରମ୍ବାର ଓଦା ନ ହେବା ଲାଗି ବର୍ତ୍ତମାନ ଡାଇପର ଖୁବ୍ କାମରେ ଆସୁଛି। ହେଲେ ପିଲାକୁ ଡାଇପର ପିନ୍ଧାଉଥିଲେ ସୁରକ୍ଷା ଦୃଷ୍ଟିରୁ କେତେକ କଥା ପ୍ରତି ଧ୍ୟାନ ଦେବା ଆବଶ୍ୟକ…
ପିଲାକୁ ଡାଇପର ପିନ୍ଧାଉଥିଲେ ସବୁଠୁ ଗୁରୁତ୍ୱପୂର୍ଣ୍ଣ କଥା ହେଉଛି କମ୍ଫର୍ଟ। ଅର୍ଥାତ୍ ଡାଇପର ଯେପରି କେବେବି ପିଲାକୁ ଟାଇଟ୍ କିମ୍ବା ଛୋଟ ନ ହୁଏ ସେଥିଲାଗି ପିଲାର ଓଜନ ଅନୁସାରେ ଡାଇପର କିଣନ୍ତୁ।
ଡାଇପରକୁ ନିୟମିତ ସମୟ ଅନ୍ତରାଳରେ ବଦଳାନ୍ତୁ। ତଥାପି ମଝିରେ ମଝିରେ ଚେକ୍ କରିନିଅନ୍ତୁ। ଯଦି ପିଲା ଅଧିକ ପରିଶ୍ରା କରିଛି କିମ୍ବା ଝାଡା କରିଛି ତେବେ ତୁରନ୍ତ ବଦଳାଇ ଦିଅନ୍ତୁ।
ଡାଇପର ବଦଳାଇବା ପରେ ପିଲାର ଉକ୍ତ ସ୍ଥାନକୁ ଭଲ ଭାବେ ଓ୍ବାଇପ୍ରେ ପୋଛି ଦିଅନ୍ତୁ ଏବଂ କିଛି ସମୟ ଖୋଲା ଛାଡିଦିଅନ୍ତୁ। ଗୁରୁତ୍ୱପୂର୍ଣ୍ଣ କଥା ହେଉଛି ଡାଇପର ଖୋଳିବା ପରେ ପିଲାର ସ୍କିନ୍କୁ ଦେଖିବାକୁ ଆଦୌ ଭୁଲନ୍ତୁ ନାହିଁ। କାରଣ ପିଲାଙ୍କ ସମ୍ବେଦନଶୀଳ ତ୍ୱଚାରେ ଅଧିକ ସମୟ ଡାଇପର ରହିବା ଦ୍ୱାରା ଲାଲ୍ ପଡିବା, ଫଳିବା (ର଼୍ୟାସେସ୍)ଭଳି ସମସ୍ୟାର ଆଶଙ୍କା ଅଧିକ।
ଯଦି ପିଲାର ର଼୍ୟାସେସ୍ ହୁଏ ତେବେ ଡାଇପର ର଼୍ୟାସ୍ କ୍ରିମ୍ ଲଗାନ୍ତୁ। ଅଧିକ ହେଲେ ଡାକ୍ତରଙ୍କ ପରାମର୍ଶ ନିଅନ୍ତୁ।
ରାତିରେ ଡିସ୍ପୋଜେବଲ ଡାଇପର ବ୍ୟବହାର କରନ୍ତୁ। ଏହା ଅଧିକ ମୁତ୍ର ରଖିପାରିବା ସହ ଖୋଲିଯିବା କିମ୍ବା ଲିକ୍ ହେବାର ଟେନ୍ଶନ୍ ବି ନ ଥାଏ।
