ପାରାଦୀପ ପୌରାଞ୍ଚଳ: ସ୍ଥଗିତ ରହିଲା ପକ୍କା ଘର ଯୋଗ୍ୟତା କାର୍ଡ ବଣ୍ଟନ

ପାରାଦୀପ, ୯।୩ (ସ୍ବ.ପ୍ର.): ରାଜ୍ୟ ସରକାର ସହରାଞ୍ଚଳରେ ଥିବା କଚ୍ଚା ଘର ବାସିନ୍ଦାଙ୍କୁ ପକ୍କା ଘର ଯୋଗାଇ ଦେବା ପାଇଁ ୨୦୧୭ରୁ ଭୂମିହୀନଙ୍କୁ ଯୋଗ୍ୟତା ପ୍ରମାଣପତ୍ର ପ୍ରଦାନ କରୁଛନ୍ତି। ଏଥିରେ ଦ୍ୱୈତ ଶାସନରେ ପରିଚାଳିତ ପାରାଦୀପ ପୌରାଞ୍ଚଳକୁ ସାମିଲ କରାଯାଇଛି। ୨୦୧୭ ଉସା (ଅର୍ବାନ ସ୍ଲମ ହାଉସ୍‌ ହୋଲ୍ଡ ଏରିଆ) ସର୍ଭେରେ ପୌରାଞ୍ଚଳରେ କଚ୍ଚା ଘର ସଂଖ୍ୟା ୧୪,୬୧୫ ଥିଲା। ସେଥିରୁ ୧୨,୧୦୩ ଘରକୁ ଯୋଗ୍ୟତା କାର୍ଡରେ ସାମିଲ କରାଯାଇଥିବା ପଞ୍ଚାୟତିରାଜ ଦିବସରେ ଘୋଷଣା ହୋଇଛି। କିନ୍ତୁ ସେମାନଙ୍କୁ ପକ୍କା ଘର ଯୋଗ୍ୟତା କାର୍ଡ ବଣ୍ଟା ନ ଯାଇ ସ୍ଥଗିତ ରଖାଯାଇଛି। ଏ ନେଇ ଗତ ଗୁରୁବାର ସଭା ମଞ୍ଚରେ କୁହାଯାଇଥିଲା ଯେ, କେତେକ କାରଣବଶତଃ କାର୍ଡ ବଣ୍ଟନରେ ବିଳମ୍ବ ହେଉଛି। ମାତ୍ର ଏହା ପଛରେ ପାରାଦୀପ ବନ୍ଦର ଓ ରାଜ୍ୟ ସରକାରଙ୍କ ଜମି ବିବାଦ ରହିଥିବା ଆଲୋଚନା ହେଉଛି। କାରଣ କାର୍ଡ ବଣ୍ଟନର ପୂର୍ବଦିନ ଜିଲା ଓ ବନ୍ଦର ପ୍ରଶାସନର କେତେକ ଶୀର୍ଷସ୍ତରୀୟ ଅଧିକାରୀଙ୍କ ମଧ୍ୟରେ ଏକ ବୈଠକ ହୋଇଥିଲା। ଏଥିରେ ଯୋଗ୍ୟତା କାର୍ଡ ସର୍ଭେକୁ ନେଇ ପ୍ରଶ୍ନ ଉଠିଥିଲା। ଶେଷରେ ଜିଲାପାଳ ସଂଗ୍ରାମ କେଶରୀ ମହାପାତ୍ର କାର୍ଡ ବଣ୍ଟନକୁ ସ୍ଥଗିତ ରଖିବା ସହ ପୁନଃ ଯାଞ୍ଚ ପାଇଁ ନିର୍ଦ୍ଦେଶ ଦେଇଥିବା ନିର୍ଭରଯୋଗ୍ୟ ସୂତ୍ରରୁ ଜଣାଯାଇଛି।
ଗୁରୁତ୍ୱପୂର୍ଣ୍ଣ କଥା ହେଲା, ଯେଉଁ ସ୍ଥାନ ବନ୍ଦରାଞ୍ଚଳ ବୋଲି ଦର୍ଶାଯାଉଛି, ସେହି ସ୍ଥାନ ପୌରାଞ୍ଚଳ ମାନ୍ୟତା ପାଇଛି। ସମାନ ଜାଗାରେ ବୃହତ୍‌ ବନ୍ଦର ଆଇନ ୧୯୬୩ ଓ ରାଜ୍ୟ ସରକାରଙ୍କ ଗୃହ ଓ ନଗର ଉନ୍ନୟନ ଆଇନ ଲାଗୁ ହୋଇଛି। ଏହି ବିବାଦ ଯୋଗୁ ଉକ୍ତ ସ୍ଥାନରେ ଅନେକ ଜନ କଲ୍ୟାଣକାରୀ ଯୋଜନା କାର୍ଯ୍ୟକାରୀ ହୋଇପାରୁନାହିଁ। ଏବର ଉସା ସର୍ଭେରେ ସମସ୍ତ ବସ୍ତିକୁ ଡ୍ରୋନ କ୍ୟାମେରା ଦ୍ୱାରା ଫଟୋ ଉଠାଯାଇ ଗଣନା କରାଯାଇଛି। ସେଗୁଡ଼ିକ ମଧ୍ୟରେ ବୃନ୍ଦାବନ କଲୋନୀ, ସିଏଲ୍‌ଆର ପ୍ଲଟ୍‌, କବରଖାନା, ବାଲିଝରା, ଭିତରଗଡ଼ ବସ୍ତି ରହିଛି। ଉକ୍ତ ବସ୍ତିରେ କେତେକ ବନ୍ଦର ସିଏଫ୍‌ଏଚ୍‌ (କ୍ଲିୟରିଂ ଫରଓ୍ବାର୍ଡ ହ୍ୟାଣ୍ଡଲିଂ) ଶ୍ରମିକ, ଡକ୍‌ ଶ୍ରମିକଙ୍କୁ ବନ୍ଦର ପକ୍ଷରୁ ପ୍ଲଟ୍‌ ଯୋଗାଇ ଦିଆଯାଇଛି। ଚାକିରି ସମୟ ଶେଷ ହେବା ପରେ ସେମାନେ ସେହି ଜାଗାରେ କରିଥିବା ଘର ଭାଙ୍ଗିବାର ନିୟମ ରହିଛି। ଘର କ୍ଲିୟରାନ୍ସ ମିଳିବା ପରେ ତାଙ୍କୁ ଫୁଲ୍‌ ଆଣ୍ଡ ଫାଇନାଲ ଅର୍ଥ (ପ୍ରାୟ ୬ ଲକ୍ଷ ଟଙ୍କାରୁ ଊର୍ଦ୍ଧ୍ୱ) ବନ୍ଦର କର୍ତ୍ତୃପକ୍ଷ ପ୍ରଦାନ କରିବେ। ହେଲେ ସେହି ସବୁ ଘରକୁ ଉସା ସର୍ଭେରେ ସାମିଲ କରାଯାଇ ପକ୍କା ଘର ଯୋଗାଇ ଦେବା ସକାଶେ ଗଣନା କରାଯାଉଛି। ସେହିପରି ୧୯୯୦ ଦଶକରେ ବନ୍ଦର ପ୍ରଶାସନ ଇନ୍ଦିରା ପାର୍କ ଓ ଘନଗଳିଆ ବସ୍ତି ଉଚ୍ଛେଦ କରି ଭିତରଗଡ ଓ ବାଲିଝରା ବସ୍ତିକୁ ଥଇଥାନ କରିଛନ୍ତି। ସେହି ବସ୍ତିର ମାଲିକାନା ବନ୍ଦର ପ୍ରଶାସନର ହୋଇଥିଲାବେଳେ ସେଠାରେ ମଧ୍ୟ ଉସା ସର୍ଭେ କରାଯାଇଛି। ଏହି ନ୍ୟାୟରେ ଗୋଟିଏ ଘର ଲୋକଙ୍କୁ ଦୁଇଟି ଯୋଜନାରେ ସାମିଲ କରାଯାଇଛି। ବନ୍ଦର ଘର ନ ଭାଙ୍ଗିଲେ ଶ୍ରମିକଙ୍କୁ ଅର୍ଥ ମିଳିବ ନାହିଁ। ଅପରପକ୍ଷେ ରାଜ୍ୟ ସରକାରଙ୍କ ଯୋଗ୍ୟତା କାର୍ଡ ହରାଇଲେ ଶ୍ରମିକମାନେ ବିଜୁ ପକ୍କାଘର କରିପାରିବେନାହିଁ। ଏମିତି ଗୋଲକ ଧନ୍ଦା ମଧ୍ୟରେ କେତେକ ଲୋକ ଉଭୟ ସୁବିଧା ହାତେଇବା ଆଶାରେ ପତ୍ନୀ-ପତି ଉଭୟଙ୍କ ନାମ ସର୍ଭେରେ ସାମିଲ କରିଥିବାବେଳେ କେତେଜଣ ନାବାଳିକା, ନାବାଳକଙ୍କ ନାମ ମଧ୍ୟ ସର୍ଭେ ତାଲିକାରେ ଯୋଡ଼ିବାରେ ସଫଳ ହୋଇଛନ୍ତି ବୋଲି ଚର୍ଚ୍ଚା ହେଉଛି। ବନ୍ଦର କର୍ତ୍ତୃପକ୍ଷଙ୍କ ସୂତ୍ରରୁ ମିଳିଥିବା ସୂଚନା ଅନୁସାରେ, ଜମି ବିବାଦ ସମାଧାନ ପାଇଁ ବନ୍ଦର କର୍ତ୍ତୃପକ୍ଷ ରାଜ୍ୟ ମୁଖ୍ୟ ଶାସନ ସଚିବଙ୍କୁ ପୁନଃ ଆବେଦନ କରିଛନ୍ତି। ସମ୍ଭବତଃ ଚଳିତ ମାସ ୧୨ କିମ୍ବା ୧୩ରେ ବୈଠକ ବସିବ। ଏଥିରେ ଯଦି ଜମି ବିବାଦ ସମାଧାନ ହୋଇଯାଏ ଉଭୟ ପ୍ରଶାସନ ପାଇଁ କାମ କରିବା ସହଜ ହେବ ବୋଲି ସମ୍ପୃକ୍ତ ଅଧିକାରୀ ସୂଚନା ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

ଜଷ୍ଟିସ ଅରିଜିତ ପଶାୟତ ପାଇବେ ଭୂମି ଗୌରବ ସମ୍ମାନ

କଟକ ଅଫିସ, ୧୧।୮: ଆସନ୍ତା ୧୭ରେ କଟକ ସାରଳା ଭବନଠାରେ ବିଶିଷ୍ଟ ଆଇନଜ୍ଞ ତଥା ସୁପ୍ରିମକୋର୍ଟର ପୂର୍ବତନ ବିଚାରପତି ଅରିଜିତ ପଶାୟତଙ୍କୁ ଭୂମି ଗୌରବ ସମ୍ମାନରେ...

ରାସ୍ତା କଡ଼ରୁ ନବଜାତ ଶିଶୁପୁତ୍ର ଉଦ୍ଧାର

ଝାରସୁଗୁଡା ଅଫିସ୍‌/ଲଖନପୁର,୧୩ା୯(ଡି.ଏନ୍‌.ଏ.):ଝାରସୁଗୁଡା ଜିଲା ଚନ୍ଦନୀମାଲ ଗ୍ରାମର ଜନୈକ ମହିଳା ଗୁରୁବାର କାମରେ ଯାଉଥିବାବେଳେ ଚିଚିନ୍ଦା ଗ୍ରାମ ବ୍ରିଜ୍‌ ନିକଟରେ ଏକ ନବଜାତ ଶିଶୁ କାନ୍ଦୁଥିବା ଶୁଣି...

ମୃତ ଶିଶୁପୁତ୍ରକୁ ଜୀବିତ ପାଇଁ ଉଦ୍ୟମ : ମଙ୍ଗଳା ମନ୍ଦିରରେ ଅଧିଆ ପଡ଼ିଲେ ମା’

ଡୁବୁରୀ,୯ା୯(ଡି.ଏନ୍‌.ଏ.) ଅସୁସ୍ଥତା କାରଣରୁ ମେଡିକାଲରେ ମୃତ୍ୟୁବରଣ କରିଥିବା ଏକ ଶିଶୁପୁତ୍ରକୁ ବଞ୍ଚାଇବାକୁ ପରିବାର ଲୋକେ ଉଦ୍ୟମ କରିଛନ୍ତି। ପ୍ରଥମେ ଗୁଣିଆ ଦ୍ୱାରା ଝଡ଼ାଫୁଙ୍କା କରିଥିଲେ। ଏଥିରେ...

ବାଇକ୍‌କୁ ପଛରୁ ପିଟିଲା କାର୍‌

ସିମୁଳିଆ,୧୪।୧(ଡି.ଏନ୍‌.ଏ.)- ବାଲେଶ୍ୱର ଜିଲା ସିମୁଳିଆ ଥାନାଠାରୁ ୫କି.ମି. ଦୂର ଜାତୀୟ ରାଜପଥର ଜାମୁଝାଡି ଡାଇଭର୍ସନ ନିକଟରେ ମଙ୍ଗଳବାର ମଧ୍ୟାହ୍ନରେ ଏକ ଦୁର୍ଘଟଣା ଘଟିଛି। ବାଲେଶ୍ବର ଅଭିମୁଖେ...

ତେଜରାତି ଦୋକାନରେ ଚଢ଼ାଉ

ବଇଣ୍ଡା, ୨୭ା୩(ଡି.ଏନ.ଏ.)- କରୋନା ଯୋଗୁ ନିତ୍ୟ ବ୍ୟବହାର୍ଯ୍ୟ ତଥା ଅତ୍ୟାବଶ୍ୟକ ସାମଗ୍ରୀକୁ ଦୋକାନୀ ଚଢ଼ା ଦରରେ ବିକୁଥିବା  ଅଭିଯୋଗ ପାଇ ଅନୁଗୋଳ ଜିଲା କିଶୋରନଗର ବ୍ଲକର...

ହସ୍ପିଟାଲରେ ଲାଞ୍ଚ ମାଗିବା ଘଟଣା: ଏସ୍‌ଡିଏମ୍‌ଓଙ୍କ ବଦଳି, ଆଟେଣ୍ଡାଣ୍ଟ ନିଲମ୍ବିତ

ବଲାଙ୍ଗୀର ଅଫିସ,୧୦।୫: ହସ୍ପିଟାଲ ଭିତରେ ଲାଞ୍ଚ ମାଗିବା ଘଟଣାର ଭିଡିଓ ଭାଇରାଲ ପରେ ବଲାଙ୍ଗୀର ସିଡିଏମ୍‌ଓ ପାଟଣାଗଡ଼ ଉପଖଣ୍ଡ ହସ୍ପିଟାଲର ଏସ୍‌ଡିଏମ୍‌ଓ ଡା. ବାଚସ୍ପତି ଦାଶ...

ସାପ କାମୁଡାରେ ୩ ମୃତ

ଔପଦା/ଖଇରା/କୁଳିଅଣା, ୨୫ା୯(ଡି.ଏନ.ଏ./ସ୍ବ.ପ୍ର.)-ବାଲେଶ୍ୱର ଓ ମୟୂରଭଞ୍ଜ ଜିଲାର ପୃଥକ ସ୍ଥାନରେ ସାପ କାମୁଡାରେ ୩ ଜଣଙ୍କ ମୃତ୍ୟୁ ଘଟିଛି। ସେମାନେ ହେଲେ ବାଲେଶ୍ୱର ଜିଲା ଔପଦା ଥାନା...

ଲୁଟିଥିବା ମୂର୍ତ୍ତି ରଖିପାରିଲେନି : ମନ୍ଦିରରେ ରଖି ଲୁଟେରା ଫେରାର

ଢେଙ୍କାନାଳ ଅଫିସ, ୨୫।୫- ଢେଙ୍କାନାଳ ସଦର ଥାନା ଅଧୀନ ହରିପୁର-ବେଶାଳିଆ ଗ୍ରାମ ନିକଟ ସବୁଜିମାଭରା ପାହାଡ଼ ଖୋଲ ମଧ୍ୟରେ ପୂଜା ପାଉଥିବା ଶ୍ରୀମହାକାଳେଶ୍ୱର ଶୈବପୀଠରୁ ଲୁଟ୍‌...

Advertisement
Archives

Model This Week