ପାଠପଢ଼ା ସାଙ୍ଗକୁ ଖେଳରେ ବି ଧୁରନ୍ଧର

ସିମୁଳିଆ, ୨୨ା୭(ଡି.ଏନ୍‌.ଏ.)- ବାଲେଶ୍ୱର ଜିଲା ସିମୁଳିଆ ମହାବିଦ୍ୟାଳୟର ଯୁକ୍ତ ୨ ଦ୍ୱିତୀୟ ବର୍ଷର ଛାତ୍ରୀ ବବିତା ମହାପାତ୍ର(୧୬)। ବିଭିନ୍ନ କ୍ରୀଡ଼ା ସହିତ ପାଠପଢ଼ାରେ ବେଶ୍‌ ଧୁରନ୍ଧର। ଜଣେ ଅଲ୍‌ରାଉଣ୍ଡର ଭାବେ ସେ କଲେଜରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିଛନ୍ତି। ଗୋଟିଏ ଆନ୍ତର୍ଜାତିକ, ୪ଟି ଜାତୀୟ ଓ ୧୦ଟି ରାଜ୍ୟସ୍ତରୀୟ କ୍ରୀଡ଼ାରେ ଅଂଶଗ୍ରହଣ କରି ୫୦ରୁ ଊର୍ଦ୍ଧ୍ୱ ପ୍ରମାଣପତ୍ର ପାଇଛନ୍ତି। ତାଙ୍କୁ ମଧ୍ୟ ମିଳିଛି ଶ୍ରେଷ୍ଠ କ୍ରୀଡ଼ାବିତ୍‌ ସମ୍ମାନ। ସଫ୍ଟବଲ ଓ ରଗ୍‌ବୀ କ୍ରୀଡ଼ା ତାଙ୍କର ଅତି ପ୍ରିୟ। ଆନ୍ତର୍ଜାତିକ ରଗ୍‌ବୀ କ୍ରୀଡ଼ାରେ ଭାଗନେଇ ସେ ସ୍ବର୍ଣ୍ଣପଦକ ହାସଲ କରିଛନ୍ତି। କ୍ରୀଡ଼ା ପ୍ରତିଭାର ବିକାଶ ଲାଗି ନିୟମିତ ଅଭ୍ୟାସ କରୁଛନ୍ତି। ଆଗକୁ ରାଜ୍ୟ ଓ ଦେଶ ପାଇଁ ଗୌରବ ଆଣିବାକୁ ସେ ଲକ୍ଷ୍ୟ ରଖିଛନ୍ତି। ପାଠ ପଢ଼ି ପୋଲିସ ଚାକିରି କରିବା ତାଙ୍କର ଭିନ୍ନ ଏକ ଅଭିଳାଷ ରହିଛି ବୋଲି ଏକ ସାକ୍ଷାତ୍‌କାରରେ କହିଛନ୍ତି।
ଏକ ଗରିବ ପରିବାରରେ ଜନ୍ମ ନେଇଥିବା ବବିତାଙ୍କ କ୍ରୀଡ଼ା ପ୍ରତିଭା ପିଲାଦିନୁ ବାରିହୋଇପଡିଥିଲା। ତାଙ୍କ ଘର ବାଲେଶ୍ୱର ଜିଲା ସିମୁଳିଆ ବ୍ଲକ ବାଙ୍ଗରଖଡିଗଡିଆ ପଞ୍ଚାୟତର ବଣା ଅଞ୍ଚଳରେ। ସେ ନିଜ ଅଞ୍ଚଳର ସରସ୍ବତୀ ଶିଶୁମନ୍ଦିରରେ ଦ୍ୱିତୀୟ ଶ୍ରେଣୀରେ ପଢୁଥିବା ବେଳେ ଲଙ୍ଗଜମ୍ପ୍‌ କ୍ରୀଡ଼ାରେ ଭାଗ ନେଇଥିଲେ। ପରେ ଲକ୍ଷ୍ମୀନାରାୟଣ ପ୍ରାଥମିକ ବିଦ୍ୟାଳୟରେ ପଞ୍ଚମ ଶ୍ରେଣୀରେ ପଢୁଥିବା ବେଳେ ଦୌଡ଼ ଓ ଲଙ୍ଗଜମ୍ପ୍‌ ପ୍ରତିଯୋଗିତାରେ ପ୍ରଥମ ହୋଇଥିଲେ। ରଘୁନାରାୟଣ ହାଇସ୍କୁଲର ଅଷ୍ଟମ ଶ୍ରେଣୀରେ ପଢୁଥିବା ବେଳେ କ୍ରୀଡ଼ା ଶିକ୍ଷକ ବିଭୁଦତ୍ତ ରଥଙ୍କ ତତ୍ତ୍ୱାବଧାନରେ ବାଲେଶ୍ୱରରେ ଅନୁଷ୍ଠିତ ଜିଲାସ୍ତରୀୟ ଖୋ ଖୋ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ। ନବମ ଶ୍ରେଣୀରେ ଭୁବନେଶ୍ୱରରେ ଅନୁଷ୍ଠିତ ରାଜ୍ୟସ୍ତରୀୟ ରଗ୍‌ବୀ କ୍ରୀଡ଼ାରେ ଭାଗ ନେଇଥିଲେ। ପରେ ଦଶମ ଶ୍ରେଣୀରେ ହାଇଦ୍ରାବାଦରେ ଅନୁଷ୍ଠିତ ଜାତୀୟ ସଫ୍ଟବଲ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ ା ବବିତା କହନ୍ତି, ଦଶମ ଶ୍ରେଣୀରେ ପଢୁଥିବା ବେଳେ ସେ ସର୍ବାଧିକ କ୍ରୀଡ଼ାରେ ଅଂଶଗ୍ରହଣ କରିଛନ୍ତି ା ଭୁବନେଶ୍ୱରରେ ଅନୁଷ୍ଠିତ ଦୁଇଟି ରାଜ୍ୟସ୍ତରୀୟ ରଗ୍‌ବୀ ମ୍ୟାଚ୍‌, ଝାରସୁଗୁଡାରେ ଅନୁଷ୍ଠିତ ରାଜ୍ୟସ୍ତରୀୟ ଟେନିକଏଟ୍‌ ମ୍ୟାଚ୍‌, ପୁରୀରେ ରାଜ୍ୟସ୍ତରୀୟ ଟେନିସ୍‌ ଭଲିବଲ, ବାଲେଶ୍ୱରରେ ରାଜ୍ୟସ୍ତରୀୟ ସଫ୍ଟବଲ, ଭଦ୍ରକରେ ରାଜ୍ୟସ୍ତରୀୟ ରଗ୍‌ବୀ ଓ ମାର୍କୋଣାର ବିଜୁ ପଟ୍ଟନାୟକ ମିନି ଷ୍ଟାଡିୟମରେ ଅନୁଷ୍ଠିତ ରାଜ୍ୟସ୍ତରୀୟ ସଫ୍ଟବଲ ମ୍ୟାଚ୍‌ରେ ଅଂଶଗ୍ରହଣ କରିଥିଲେ ା ପରେ ସିମୁଳିଆ କଲେଜର କ୍ରୀଡ଼ା ଅଧ୍ୟାପକ ବାଇଧର ମହାକୁଡ଼ଙ୍କ ତତ୍ତ୍ୱାବଧାନରେ ସେ ଯୁକ୍ତ ଦୁଇ ଷ୍ଟେଟ୍‌ କାଉନ୍‌ସିଲ ଦ୍ୱାରା ମନୋନୀତ ହୋଇ କିଟ୍‌ ପରିସରରେ ଅନୁଷ୍ଠିତ ଆନ୍ତର୍ଜାତିକ ରଗ୍‌ବୀ କ୍ରୀଡ଼ାରେ ଭାଗନେଇ ଗୋଲ୍ଡମେଡାଲ ହାସଲ କରିଥିଲେ। ତାଙ୍କ କୋଚ୍‌ ଥିଲେ ଶତ୍ରୁଜିତ୍‌ ଦଳାଇ ଓ ଉଷାକାନ୍ତ ମହାଳିକ। ସଫ୍ଟବଲ ତାଙ୍କର ପ୍ରିୟ ଖେଳ ହୋଇଥିଲେ ବି କଲେଜରେ ଏହି ଖେଳ ଅଭ୍ୟାସ ଲାଗି ବ୍ୟବସ୍ଥା ନ ଥିବାରୁ ସେ ରଗ୍‌ବୀ ଖେଳୁଛନ୍ତି ା ପ୍ରୋତ୍ସାହନ ମିଳିଲେ ସେ ଆଗକୁ ଅଧିକ ପଢିପାରିବେ ବୋଲି ବବିତା କହିଛନ୍ତି। ତାଙ୍କ ମା’ ସରିତା ଓ ବାପା କୈବଲ୍ୟ ମହାପାତ୍ର ଝିଅର କ୍ୟାରିୟର ନେଇ ଖୁବ୍‌ ଆଶାବାଦୀ। ସେମାନେ ଏକ ଛୋଟ ଦୋକାନ କରି ପରିବାର ଚଳାଇବା ସହିତ ଝିଅକୁ ସମସ୍ତ ସୁବିଧାସୁଯୋଗ ଯୋଗାଇ ଦେଇଛନ୍ତି ା ପ୍ରତ୍ୟେକ ଦିନ ସକାଳେ ବବିତା କଲେଜ ଯିବା ପରେ ଅପରାହ୍ନରେ ଘରଠାରୁ ୨କି.ମି. ଦୂର ରଘୁନାରାୟଣ ହାଇସ୍କୁଲ ପଡିଆରେ ଖେଳ ପାଇଁ ଅଭ୍ୟାସ କରିଥାନ୍ତି। ତାଙ୍କ ଭାଇ ପଦ୍ମଲୋଚନ ମଧ୍ୟ ତାଙ୍କୁ ଉତ୍ସାହିତ କରି ଆସୁଛନ୍ତି।


Enter your email to get our daily news in your inbox.

All Right Reserved By Dharitri.Com

‘ଗଛ ମୋ ଜୀବନ, ସ୍ବପ୍ନ, ସାହାରା’

ସିମୁଳିଆ, (ସନ୍ତୋଷ କୁମାର ନାୟକ)- ପରିବେଶର ସୁରକ୍ଷା ବିନା ଜୀବଜଗତ ତିଷ୍ଠିବା ସମ୍ଭବ ନୁହେଁ। ଗଛ ଲଗାଇ ପରିବେଶକୁ ସୁରକ୍ଷା ଦେବା ବାର୍ତ୍ତା ପ୍ରଚାର ଲାଗି...

ମୌଳିକ ସମସ୍ୟାରେ ଘାଣ୍ଟି ହେଉଛନ୍ତି ୱାର୍ଡବାସୀ

ବାଲେଶ୍ୱର ଅଫିସ,୨୧।୩: ବାଲେଶ୍ୱର ପୌରାଞ୍ଚଳ ଅଫିସ୍‌ରୁ ମାତ୍ର ୨ଶହ ମିଟର ଦୂରରେ ଅବସ୍ଥିତ ୧୨ନଂ.ୱାଡର୍ର୍। ଏଠାରେ ମୁଖ୍ୟ ସମସ୍ୟା ପାଲଟିଛି ପାନୀୟ ଜଳ। ୧୯୫୬ରୁ ସ୍ଥାପିତ ବୈଦ୍ୟନାଥ...

ହାତୀକୁ ସୁରକ୍ଷା ଦେବା ଲାଗି ଖଣିକମ୍ପାନୀକୁ ତାଗିଦ: ଜୁରୁଡ଼ି ଅଞ୍ଚଳରେ ବୁଲୁଛନ୍ତି ୧୭ ହାତୀ

ଯୋଡ଼ା, ୩୦।୫ (ଡି.ଏନ.ଏ.)-କେନ୍ଦୁଝର ଜିଲା ଯୋଡ଼ା ବନପାଳଙ୍କ ଅଞ୍ଚଳରେ ୧୭ଟି ହାତୀ ଘୁରିବୁଲୁଥିବା ଖବର ହସ୍ତଗତ ହୋଇଛି। ଯୋଡ଼ା ବନପାଳ ପିଅନ ନାଏକଙ୍କ ସୂଚନା ମୁତାବିକ...

ମାସ୍କ ଅଭାବ ଦୂରେଇବେ ମହିଳା ଉତ୍ପାଦକ ଗୋଷ୍ଠୀ

ବାଲେଶ୍ୱର ଅଫିସ,୧୯।୩- ସାରା ବିଶ୍ୱରେ କରୋନା ଭୂତାଣୁ ସଂକ୍ରମଣ ଭୟକୁ ଦୃଷ୍ଟିରେ ରଖି ବାପକ ସତର୍କତା ଅବଲମ୍ବନ କରାଯାଉଛି। କେନ୍ଦ୍ର ଓ ରାଜ୍ୟସରକାର ଏ ଦିଗରେ...

ଏସ୍‌ଏଫ୍‌ଡିଆର୍‌ର ସଫଳ ପରୀକ୍ଷଣ

ବାଲେଶ୍ୱର ଅଫିସ,୬।୩: ବାଲେଶ୍ୱର ଚାନ୍ଦିପୁର ସ୍ଥିତ ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଙ୍ଗଠନ (ଡିଆର୍‌ଡିଓ) ପକ୍ଷରୁ ସଲିଡ୍‌ ଫୁଏଲ୍‌ ଡକ୍ଟେଡ୍‌ ରାମଜେଟ୍‌ (ଏସ୍‌ଏଫ୍‌ଡିଆର୍‌)ର ଶୁକ୍ରବାର ସଫଳ...

୨ଲକ୍ଷର ଶାଗୁଆନ ଜବତ

ରୂପସା, ୩୦ା୫(ଡି.ଏନ.ଏ.): ବାଲେଶ୍ୱର ୬୦ ନଂ. ଜାତୀୟ ରାଜପଥର ବସ୍ତା ଥାନା ଅଧୀନ ମଥାନୀ ବାଇପାସ୍‌ ନିକଟ କଟିପୋଲଠାରେ ଶନିବାର ରାତିରେ ବନବିଭାଗ ପକ୍ଷରୁ ଅତର୍କିତ ଚଢ଼ାଉ...

ଚିକିତ୍ସା ପାଇଁ ଅର୍ଥ ନାହିଁ, ଚିନ୍ତାରେ ବାପା

ବାଲେଶ୍ୱର ଅଫିସ, ୭ା୫ ବାଲେଶ୍ୱର ସହର ଅଙ୍ଗାରଗଡ଼ିଆଠାରେ ରହୁଥିବା ଦିନମଜୁରିଆ ସପନ ବିନ୍ଧାଣିଙ୍କ ୫ବର୍ଷର ଝିଅ ଶୁଭଲକ୍ଷ୍ମୀ। ହସିଖେଳି ସାଙ୍ଗମାନଙ୍କ ସହ ଦିନ କଟାଇବା ସମୟରେ...

ସଙ୍ଗରୋଧ କେନ୍ଦ୍ରରେ ଯୋଗଶିକ୍ଷା

ଖଇରା, ୨୪ା୫ (ଡି.ଏନ.ଏ.)-ବାଲେଶ୍ୱର ଜିଲା ଖଇରା ବ୍ଲକ ଅଧୀନ କୁରୁଣ୍ଟା, ମାଟିଆଳପଦା ଓ ଗଣ୍ଡିବେଡଠାରେ ବିଭିନ୍ନ ସ୍କୁଲରେ ଚାଲିଥିବା ସଙ୍ଗରୋଧ କେନ୍ଦ୍ରରେ ୩ଦିନ ଯୋଗଶିକ୍ଷା ଦିଆଯାଉଛି।...

Advertisement
Archives

Model This Week