ଶ୍ରୀନଗର,୧୧।୧: ଜମ୍ମୁ-କଶ୍ମୀର ଭାରତ-ପାକିସ୍ତାନ ନିୟନ୍ତ୍ରଣ ରେଖାଠାରେ ଉତ୍ତେଜନା କମିବାର ନା ଧରୁନି। ଲଗାତାର ପାକିସ୍ତାନ ଅସ୍ତ୍ରବିରତି ଉଲ୍ଲଂଘନ ଜାରି ରଖିଛି। ଏବେ ପାକିସ୍ତାନର ବର୍ଡର ଆକ୍ସନ ଟିମ୍(ବ୍ୟାଟ୍) ପକ୍ଷରୁ ଆକ୍ରମଣ କରାଯାଇଛି। ପାକିସ୍ତାନ ଆଇଇଡି ବିସ୍ଫୋରଣରେ ୨ ଜଣ ପୋର୍ଟରଙ୍କ ମୃତ୍ୟୁ ଘଟିଛି। ସେମାନଙ୍କୁ ମହମ୍ମଦ୍ ଅସଲମ୍ ଏବଂ ମହମ୍ମଦ୍ ଅଲତାଫ୍ ଭାବେ କରାଯାଇଛି। ସେମାନଙ୍କ ମଧ୍ୟରୁ ଜଣଙ୍କର ମୁଣ୍ଡ ପାକିସ୍ତାନୀ ବ୍ୟାଟ୍ ନେଇଯାଇଥିବା ଭାରତୀୟ ସେନା ପ୍ରବକ୍ତା ସୂଚନା ଦେଇଛନ୍ତି। ଏହି ଘଟଣାରେ ପୋର୍ଟର ମହମ୍ମଦ୍ ଶୌକତ,ମହମ୍ମଦ୍ ସଲିମ୍ ଏବଂ ନଓ୍ବାଜ ଅହମ୍ମଦ୍ ଆହତ ହୋଇଛନ୍ତି। ପୋର୍ଟରମାନେ କୋସଲିୟାଁ ସ୍ଥିତି ଫରଓ୍ବାର୍ଡ ପୋଷ୍ଟ ସୈଦ୍ ମାମା ନିକଟରେ ପହଞ୍ଚିଥିବା ସମୟରେ ଏହି ବିସ୍ଫୋରଣ ହୋଇଥିଲା।
