ସିନ୍ଧ୍, ୧୮ା୯: ପାକିସ୍ତାନର ସିନ୍ଧ୍ରେ ଜଣେ ହିନ୍ଦୁ ଛାତ୍ରୀଙ୍କୁ ହତ୍ୟା କରାଯାଇଛି। ଘୋଟ୍କି ନିବାସୀ ନମ୍ରିତା ଚନ୍ଦାନୀ ହଷ୍ଟେଲ୍ରେ ରହି ମେଡିକାଲ ପଢୁଥିଲେ। ମଙ୍ଗଳବାର ହଷ୍ଟେଲ୍ ରୁମ୍ରୁ ତାଙ୍କ ମୃତଦେହ ଉଦ୍ଧାର କରାଯାଇଛି। ରୁମ୍ ଭିତରେ ତାଙ୍କ ବେକରେ ଲୁଗା ଲାଗିଥିବାରୁ ଏହା ଏକ ଆତ୍ମହତ୍ୟା ବୋଲି କୁହାଯାଇଛି। ହେଲେ ରୁମ୍ ବାହାରୁ ତାଲା ପଡ଼ିବା ଘଟଣା ସନ୍ଦେହକୁ ଦୃଢୀଭୂତ କରିଛି। ନମ୍ରିତାଙ୍କୁ ଯୋଜନାବଦ୍ଧ ଭାବେ ହତ୍ୟା କରାଯାଇଥିବା ପରିବାର ପକ୍ଷରୁ ଅଭିଯୋଗ ହୋଇଛି। ନମ୍ରିତାଙ୍କ ଭାଇ ବିଶାଲ ଜଣେ ମେଡିକାଲ କନ୍ସଲ୍ଟାଣ୍ଟ ହୋଇଥିବାବେଳେ ସେ ମଧ୍ୟ ପ୍ରାଥମିକ ତଦନ୍ତ ପରେ ଏହାକୁ ହତ୍ୟାକାଣ୍ଡ ବୋଲି କହିିଛନ୍ତି। ବେକରେ ତାର ଚିହ୍ନ ରହିବା, ହାତରେ ଦାଗ ରହିବା, ହଷ୍ଟେଲ୍ ବାହାରୁ ତାଲାପଡ଼ିବା ହତ୍ୟାକାଣ୍ଡକୁ ସୂଚାଉଛି କହି ଏହାର ବିଧିବଦ୍ଧ ତଦନ୍ତ କରାଯିବା ଲାଗି ବିଶାଲ ଦାବି କରିଛନ୍ତି। ଦୁଇଦିନ ତଳେ ଘୋଟ୍କିରେ ସେଠାକାର ଲୋକେ ଏକ ମନ୍ଦିରରେ ଭଙ୍ଗାରୁଜା କରିବା, ଈଶ୍ୱରଙ୍କୁ ନିନ୍ଦାକରିବା ଅଭିଯୋଗରେ ଜଣେ ହିନ୍ଦୁ ପ୍ରିନ୍ସିପାଲଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ପରେ ଏଭଳି ଘଟଣା ଘଟିଛି।
