କିଛି ଲୋକ ମୋଟା ଶରୀରକୁ ନେଇ ଚିନ୍ତିତ ଥିବାବେଳେ ଆଉ କିଛି ପତଳା ଶରୀରକୁ ନେଇ ଚିନ୍ତାରେ ଥା’ନ୍ତି। କିନ୍ତୁ ଏହି ଚିନ୍ତା ଦୂର କରିବା ପାଇଁ ସ୍ବାସ୍ଥ୍ୟ ବିଶେଷଜ୍ଞ ଦେଉଥିବା ପରାମର୍ଶ ମାନିବା ଜରୁରୀ। କିଛି ଖାଦ୍ୟ ଅଛି, ଯାହା ଖାଇଲେ ଓଜନ ବଢ଼ିବ। ଜାଣନ୍ତୁ ଏ ସମ୍ପର୍କରେ…
ପନିର:
ପନିର ସ୍ବାଦିଷ୍ଟ ହେବା ସହ ଭରପୂର ପୋଷଣ ଦେଇଥାଏ। ଏଥିରେ ପର୍ଯ୍ୟାପ୍ତ ପରିମାଣର କ୍ୟାଲୋରୀ ଏବଂ ଫ୍ୟାଟ୍ ରହିଛି। ଏହା ପ୍ରୋଟିନ୍ ବଢ଼ାଇବାରେ ସହାୟକ ହୋଇଥାଏ। ପନିର ଖାଇଲେ ଓଜନ ବଢ଼ିବା ସହ ଚେହେରାରେ ଚମକ ମଧ୍ୟ ଆସିଥାଏ।
କ୍ଷୀର ଏବଂ ଦହି:
ଓଜନ ବଢ଼ାଇବା ପାଇଁ ପ୍ରଚୁର ପରିମାଣର କ୍ଷୀର ଏବଂ ଦହି ଖାଇବା ଉଚିତ୍। ଏହା ଶରୀରରେ କମ୍ ଥିବା କାର୍ବୋହାଇଡ୍ରେଟ୍ ପୂରଣ କରିବାରେ ସାହାଯ୍ୟ କରିବ। ଦିନକୁ ଅତି କମ୍ରେ ୧/୨ ଗ୍ଲାସ କ୍ଷୀର ପିଇଲେ ପତଳାପଣ କମ୍ ହେବ।
କଦଳୀ:
ପାଚିଲା କଦଳୀରେ ଭରପୂର କ୍ୟାଲୋରୀ ରହିଛି। ପ୍ରତିଦିନ ୨/୩ଟି କଦଳୀ ଖାଆନ୍ତୁ। ପ୍ରତିଦିନ ସକାଳେ କ୍ଷୀର ସହିତ କଦଳୀ ଖାଇଲେ ସ୍ବାସ୍ଥ୍ୟ ପକ୍ଷେ ଲାଭଦାୟକ। ଏପରି ନିୟମିତ ଭାବେ କଲେ ଓଜନ ବଢ଼ିବାରେ ସହାୟକ ହେବ। ଏହା ବ୍ୟତୀତ ଭାତ, ବେସନଲଡୁ, ଚକୋଲେଟ୍, ଆଳୁ ଖାଇଲେ ଓଜନ ବଢ଼ିଥାଏ।
