ନାରୀ ଜାଣିଛି ସାମର୍ଥ୍ୟ, ସୀମାରେଖା

ବଅଁରପାଳ,୮।୩- ସେ ସୃଷ୍ଟିର ଆଧାର। ପ୍ରକୃତିର ଅନନ୍ୟ ସୌନ୍ଦର୍ଯ୍ୟ। ସେ ମା’ ହୋଇ ଭବିଷ୍ୟତ ଗଢ଼ିପାରେ। ଆଶାର ଆଲୋକ ସାଜିପାରେ। ଭଉଣୀ ହୋଇ ସ୍ନେହ ଅଜାଡ଼ିଦେଇପାରେ। ସ୍ତ୍ରୀ ହୋଇ ସାମର୍ଥ୍ୟ ବଢ଼ାଇପାରେ। ଦିନେ ହାଣ୍ଡିଶାଳରେ ଲୁଚି ବସୁଥିବା ନାରୀ ଆଜି ପାଦ ଥାପି ସାରିଛି ମହାକାଶରେ। ଏମିତି କେଉଁ କ୍ଷେତ୍ର ନାହିଁ ଯେଉଁଠି ସେ ନିଜର ଶକ୍ତି, ସାମର୍ଥ୍ୟ ପ୍ରତିପାଦନ କରିପାରି ନାହିଁ। ଖେଳ ପଡ଼ିଆରୁ ଆରମ୍ଭ କରି ଯୁଦ୍ଧକ୍ଷେତ୍ର ଯାଏ ସବୁଠି ସମ୍ମାନନୀୟା ହୋଇପାରିଛି ନାରୀ। ସେଥିପାଇଁ ତା’ର ଆଦର କାହିଁକେତେ। ଅନ୍ତର୍ଜାତୀୟ ମହିଳା ଦିବସ ଅବସରରେ ଏପରି କେତେଜଣ ସମ୍ମାନସ୍ପଦ ନାରୀଙ୍କୁ ନେଇ ସ୍ବତନ୍ତ୍ର ଉପସ୍ଥାପନା।

ନାରୀ ନାରୀକୁ ସମ୍ମାନ ଦେଉ
ନାରୀ ବିନା ସୃଷ୍ଟି ଅସମ୍ଭବ। ତେଣୁ ନାରୀକୁ ତା କ୍ଷମତା କେତେ ଉପଲବ୍ଧି କରିବାକୁ ପଡିବ। ତା ମଧ୍ୟରେ ଥିବା ସମ୍ଭାବନାକୁ ଆବିଷ୍କାର କରିବାକୁ ପଡିବ। ନାରୀ ଯେତେବେଳେ ନାରୀକୁ ସମ୍ମାନ ଦେବ ସେତେବେଳେ ପୂରା ସମାଜ ତା ଆଗରେ ମଥାନତ କରିବ। କାରଣ ନାରୀ ଜାଣିଛି ତାର ସାମର୍ଥ୍ୟ କେତେ ଓ ସୀମାରେଖା କେଉଁଠି।
-ଏଲିଜା ମିଶ୍ର, ବିଡିଓ, ବଅଁରପାଳ

ହୀନମନ୍ୟତା ଦୂର ହେଉ
ଆମେ ଏକବିଂଶ ଶତାବ୍ଦୀରେ ପହଞ୍ଚିଥିଲେ ମଧ୍ୟ ନାରୀକୁ ନେଇ ଅନେକଙ୍କ ମନଭିତରେ ଥିବା ହୀନମନ୍ୟତା ଦୂର ହୋଇପାରିନାହିଁ। କିନ୍ତୁ ସେମାନେ ଜାଣିରଖିବା ଉଚିତ ନାରୀ ଆଜି ବି ଅପରାଜୟ। ଘୋଡ଼ାଚଢା ଠାରୁ ବିମାନ ଉଡେଇବା ଯାଏ ନାରୀ ସବୁଠି ନିଜ ଦକ୍ଷତା ପ୍ରତିପାଦନ କରିପାରିଛି। ଅନ୍ତର୍ଜାତୀୟ ମହିଳା ଦିବସରେ ଆନ୍ତରିକ ଅଭିନନ୍ଦନ।
-ସରିତା ରାଣୀ ମିଶ୍ର, ଆଡଭୋକେଟ, ଅନୁଗୋଳ

ଭୂମିକା ନିଶ୍ଚିତ ପ୍ରଶଂସାଯୋଗ୍ୟ
ମୋଟ୍‌ ଉପରେ ନାରୀ ଆଜି ସ୍ବାବଲମ୍ବୀ ହୋଇପାରିଛି। ପରିବାରର ବୋଝ ଉଠାଇବା ସହ ଦେଶ ବିକାଶରେ ନିଜକୁ ସାମିଲ କରିପାରିଛି। ଗଁ।ର ଆର୍ଥିକ ଉନ୍ନତିରେ ତା’ର ଭୂମିକା ଏବେ ନିଶ୍ଚିତ ପ୍ରଶଂସାଯୋଗ୍ୟ। ଚିକିତ୍ସା ବିଜ୍ଞାନ ସହ ବିଭିନ୍ନ କ୍ଷେତ୍ରରେ ନାରୀ ଅନ୍ୟମାନଙ୍କଠାରୁ ଦୁଇ ପାଦ ଆଗେଇ ଚାଲିଛି।
-ଡା. ସୁଷମା ବେହେରା, ନାଲ୍‌କୋ ହସ୍ପିଟାଲ

କ୍ରୀଡ଼ାରେ ବଢ଼ାଇଛନ୍ତି ସୁନାମ
କ୍ରୀଡ଼ା କ୍ଷେତ୍ରରେ ଦିନକୁ ଦିନ ନାରୀମାନେ ସୁନାମ ବଢ଼ାଇ ଚାଲିଛନ୍ତି। କ୍ରିକେଟ ଠାରୁ ଆରମ୍ଭ କରି ଫୁଟବଲ, କବାଡି, ଖୋଖୋ, ମାର୍ଶଲଆର୍ଟ ଆଦିରେ ନାରୀମାନେ ଏବେ ଜାତୀୟ ଓ ଅନ୍ତର୍ଜାତୀୟସ୍ତରରେ ମାଇଲ ଖୁଣ୍ଟ ପ୍ରତିଷ୍ଠା କଲେଣି। ପ୍ରତିବର୍ଷ ନୂଆ ନୂଆ ପ୍ରତିଭା ସୃଷ୍ଟି ହେଉଥିବା ବେଳେ ରାଜ୍ୟ ସରକାର କ୍ରୀଡ଼ାକୁ ଅଧିକ ଗୁରୁତ୍ୱ ଦେବା ନିଶ୍ଚିତ ଖୁସିର ବିଷୟ।
-ଦେବସ୍ମିତା ଦଳବେହେରା

କ୍ରୀଡ଼ାବିତ୍‌, କୁଲାଡ଼
ଦୁର୍ବଳା, ଅବଳାରେ ପୂର୍ଣ୍ଣଚ୍ଛେଦ
ପୂର୍ବରୁ ନାରୀମାନଙ୍କୁ ଅବଳା ଓ ଦୁର୍ବଳା ବୋଲି କୁହାଯାଉଥିଲା। ମାତ୍ର ଏବେ ସେଥିରେ ପୂର୍ଣ୍ଣଚ୍ଛେଦ ପଡିଛି। ନାରୀମାନେ ବିଭିନ୍ନ କ୍ଷେତ୍ରରେ ଅଗ୍ରଣୀ ହେଲେଣି। ଦେଶର ସୁରକ୍ଷା ପାଇଁ ସେମାନେ ସୀମାରେ ଶତ୍ରୁ ସହ ଲଢ଼ିବାକୁ ସଦା ପ୍ରସ୍ତୁତ ରହିଛନ୍ତି। ବିଭିନ୍ନ ଦୁଃସାହସିକ କାର୍ଯ୍ୟ କରି ନାରୀ ନିଜ ଦକ୍ଷତା ଅନେକଥର ପ୍ରତିପାଦନ କରିସାରିଛି।
-ସରୋଜିନୀ ସାମ୍ବଡ଼ା, ନାଲ୍‌କୋ ଥାନା ଅଧିକାରୀ

ଶେଷ ହୋଇଛି ସଂଘର୍ଷ
ପରିଚୟ ପାଇଁ ନାରୀକୁ ଆଉ ସମାଜରେ ସଂଘର୍ଷ କରିବାକୁ ପଡ଼ୁନାହିଁ। ପ୍ରତିଟି କ୍ଷେତ୍ରରେ ସେ ନିଜ ପାରଦର୍ଶିତାର ପ୍ରମାଣ ଦେଇ ପୁରୁଷ ସହ କାନ୍ଧକୁ କାନ୍ଧ ମିଳାଇ ଆଗେଇ ଚାଲିଛି। କାର୍ଯ୍ୟ ଯେତେ ବିପଜ୍ଜନକ ହେଲେ ବି ସେ ପଛଘୁଞ୍ଚା ଦେଉନାହିଁ। ଅଧିକରୁ ଅଧିକ ସଂଖ୍ୟକ ନାରୀ କର୍ମକ୍ଷେତ୍ରକୁ ଓହ୍ଲାଇ ନିଜେ ସ୍ବାବଲମ୍ବୀ ହେବା ଦରକାର।
-ସରସ୍ବତୀ ଦେଇ
ମହିଳା ଶ୍ରମିକ ନେତ୍ରୀ, ନାଲ୍‌କୋ

ପ୍ରଗତିରେ ଅଗ୍ରଣୀ ଭୂମିକା
ସମାଜର ପ୍ରତ୍ୟେକ କ୍ଷେତ୍ରରେ ନାରୀମାନଙ୍କ ସହଭାଗିତା ରହୁଛି। ଏକ ସୁସ୍ଥ ସମାଜ ଗଠନ ପାଇଁ ସାମାଜିକ, ଅର୍ଥନୈତିକ ଓ ରାଜନୈତିକ ଭିତ୍ତିଭୂମି ସମ୍ପର୍କରେ ସେ ନିଷ୍ପତ୍ତି ନେଇପାରୁଛି। ନିଜେ ସ୍ବାବଲମ୍ବୀ ହୋଇ ପରିବାରର ଉନ୍ନତିରେ ସହାୟକ ହୋଇପାରୁଛି। ଦେଶ ତଥା ଜାତିର ପ୍ରଗତିରେ ନାରୀମାନଙ୍କ ଭୂମିକା ନିଶ୍ଚିତ ଆଗରେ।

-ମନସ୍ମିତା ଜେନା, ଗୃହିଣୀ, ନାଲ୍‌କୋ


Enter your email to get our daily news in your inbox.

All Right Reserved By Dharitri.Com

‘ଜାତୀୟସ୍ତରୀୟ ପାଇଁ ଶ୍ରେଷ୍ଠ ପ୍ରଦର୍ଶନ କର’

ଅନୁଗୋଳ ଅଫିସ୍‌, ୨୪ା୧ ଅନୁଗୋଳ ଫରେଷ୍ଟ ରେଞ୍ଜର କଲେଜରେ ରାଜ୍ୟସ୍ତରୀୟ ବନ ବିଭାଗ ସ୍ପୋଟର୍‌ସ ମିଟ୍‌ ଗୁରୁବାର ଉଦ୍‌ଘାଟିତ ହୋଇଯାଇଛି। ଏଥିରେ ରାଜ୍ୟର ୮ଟି ସର୍କଲର...

ଆନ୍ଧ୍ର ଫେରନ୍ତା ପରିବାରକୁ କ୍ୱାରାଣ୍ଟାଇନରେ ରଖାଗଲା

ବଇଣ୍ଡା,୯।୫(ଡି.ଏନ.ଏ.)-ଅନୁଗୋଳ ଜିଲା କିଶୋରନଗର ବ୍ଲକ ବଇଣ୍ଡା ଅଞ୍ଚଳକୁ ଆନ୍ଧ୍ରରୁ ଆସିଥିବା ଗୋଟିଏ ପରିବାରର ୩ ସଦସ୍ୟଙ୍କୁ ନୁନୁକାପଶି ପଞ୍ଚାୟତ ଓ ହଣ୍ଡପା ପୋଲିସ ପକ୍ଷରୁ ଶନିବାର...

୨ କୋଟିରୁ ଊର୍ଦ୍ଧ୍ୱ ଭତ୍ତା ଟଙ୍କାର ହିସାବ ମିଳିନି

ଆଠମଲ୍ଲିକ, ୧୬ା୭(ଡି.ଏନ.ଏ.) ବୃଦ୍ଧା, ବୃଦ୍ଧ, ବିଧବା ଓ ଦିବ୍ୟାଙ୍ଗଙ୍କ ପାଇଁ ସରକାର ଯୋଗାଇ ଦେଉଥିବା ୨କୋଟିରୁ ଊର୍ଦ୍ଧ୍ୱ ଭତ୍ତା ଟଙ୍କାର ହିସାବ ମିଳୁନି। ୨୦୧୧ରୁ ୨୦୧୯...

ଦର୍ଶକ ଦେଖିବେ ମଥୁରାର ମୟୂରୀ ନୃତ୍ୟ

ଅନୁଗୋଳ ଅଫିସ୍‌, ୬।୨ – ଆସନ୍ତା ୭ ତାରିଖରେ ଅନୁଗୋଳ ଷ୍ଟାଡିୟମରେ ଆରମ୍ଭ ହେବ ଅଷ୍ଟମ ଅନୁଗୋଳ ଜିଲା ମହୋତ୍ସବ। ତିନି ଦିନ ଧରି ହେବାକୁ...

ମାନସିକ ବିକାରଗ୍ରସ୍ତ ଭଉଣୀଭାଇଙ୍କୁ ସହାୟତା

ଅନୁଗୋଳ ଅଫିସ, ୧୫।୫- ଅନୁଗୋଳ ପୌରପାଳିକା ୧୬ ନମ୍ବର ଓ୍ବାର୍ଡ  ସୌଭାଗ୍ୟନଗରର ମାନସିକ ବିକାରଗସ୍ତ ସରୋଜିନୀ ଓ ଭାଇ ପ୍ରଫୁଲ୍ଲ ବେହେରାଙ୍କୁ ଥଇଥାନ କରିବାକୁ ପ୍ରଶାସନ...

ସାତକୋଶିଆକୁ ଆସିଲା ୨ ବୋଟ୍‌, ଜେଟି

ବନ୍ତଳା, ୪ା୮(ଡି.ଏନ.ଏ.) ଅନୁଗୋଳ ଜିଲା ସାତକୋଶିଆ ଅଭୟାରଣ୍ୟରେ ପହଞ୍ଚିଛି ୧୦ ସିଟ୍‌ ବିଶିଷ୍ଟ ୨ଟି ନୂଆ ବୋଟ୍‌ ଓ ଜେଟି। ଏହାର ମୂଲ୍ୟ ୨୦ ଲକ୍ଷରୁ...

କାର୍‌-ଟ୍ରକ୍‌ ମୁହାଁମୁହିଁ ଧକ୍କା: ଜଣେ ମୃତ, ଜଣେ ଗୁରୁତର

ବଇଣ୍ଡା, ୨୦ା୯(ଡି.ଏନ.ଏ.)- କଟକ-ସମ୍ବଲପୁର ୫୫ ନମ୍ବର ଜାତୀୟ ରାଜପଥର ହଣ୍ଡପା ଥାନା ପାଗବନ୍ଧା ନିକଟରେ ଶୁକ୍ରବାର ସକାଳେ ଏକ କାର୍‌ ଓ ଟ୍ରକ୍‌ ମଧ୍ୟରେ ମୁହାଁମୁହିଁ...

ତୂଳୀରେ ଜୀବନ୍ତ ହେଉ ଅନୁଗୋଳର ଐତିହ୍ୟ

ଅନୁଗୋଳ ଅଫିସ୍‌, ୪।୮ ସରକାରୀ ଅର୍ଥରେ ଅନୁଗୋଳର ବିଭିନ୍ନ ପ୍ରାଚୀରରେ ସାଜସଜ୍ଜା କରାଯାଉଛି। ରଙ୍ଗବେରଙ୍ଗର ଚିତ୍ରକଳାରେ ସହରର ସୌନ୍ଦର୍ଯ୍ୟ ବଢ଼ାଯାଉଛି। ସରକାରୀ ଯୋଜନାର ପ୍ରଚାର ସହ...

Coronavirus Update

UTI
Archives

Model This Week

Why Dharitri

Leave a comment

Your email address will not be published. Required fields are marked *